ماعرفت قيمه جماهير الهلال إلا بعد ماقعدت مع جماهير النصر أمس السلام عليكم للأسف حضرت اعتزال ماجد وياليتني ماحضرته والمشكله أنه من الأساس ماكنت ناوي اروح للحفل لكن واحد من الأصدقاء أصّر اصرار شديد اني اروح معاه فذهبت للملعب وتواجدت فيه من الساعه 5 تقريباّ وشفت أشكال وأنواع من جماهير النصر وألخصها في النقاط التاليه: 1-اعوذ بالله 80% من الجمهور النصراوي مدخنين والي ضحكني أكثر بزارين أعمارهم ماتعدت 15 يولعون سيجارة ورى أخرى في الجهه الأخرى جماهير الهلال على كثر ماأحضر مباريات للهلال أجد مدخنين لكنهم ولله الحمد قله وهذه لاحظته بشكل كبير في ال3 سنين الأخيره أما جمهور النصر اعوذ بالله شغالين طول المباراه تدخين وغير مستغرب من هذه الجماهير طالما أنهم احضروا شيشه داخل الملعب في احدى المباريات. 2-اخلاق جماهير النصر سيئة لأبعد الحدوود ما أن يشاهدوا مشجع هلالي يضع شال على كتفه إلا وينهالوا عليه بالشتائم والألفاظ النابيه وليس واحد ولا ثنين بل تجد المدرج كله يشتم في هذه الهلالي على الرغم من أن الهلالي جالس في حاله وأتى على حد قوله انه عنده روح رياضيه وأتى ليشجع ماجد كبادره جميله منه لكن النصراوين ماعندهم أخلاق وفي المقابل في حفل اعتزال سامي جماهير الهلال كالعاده في تحضرها ورقييها ما أن تشاهد مشجع نصراوي إلا وتبادر بالتصفيق له والتحيه وأكبر دليل حينما رفع مشجعون النصر لافته في حفل سامي قوبلت بتصفيق حار من الحضور الهلالي. 3-سامي لما سوى حفل اعتزال لم يقلل من نجوم آخرين عكس ماجد الي جايب المعتوه الفريان وهو يقلل من سامي بطريقه مستفزة ولايهون فهد الهريفي الي على حسب ماسمعت من بعض الأصدقاء أنه يستخف دمه في الArt ويلمح على سامي بالكلام 4-في مشهد يوضح قله الأدب من الجماهير النصروايه حينما ذكروا اسم الأمير سلطان بن فهد قوبل بصيحات استهجان في منظر يدل على عدم احترامهم للقيادات الرياضية عكس الهلالين الي يحترمون جميع من في القيادة الرياضية في جميع المحافل. 5-كذلك سلمان النمشان قوبل بصيحات استهجان مع أنه هذه الحفل تكريمي ويجب أن يكون الكل فرحان لكنهم أبوا إلا أن يوضحوا سوء أخلاقهم في الحفل. 7-ابراهيم حقوي يستجدي الجماهير بأن يقوموا بحركة الأمواج بطريقه مضحكه ومع ذلك ماضبطوها مثل الهلال الهلالين كانوا يأدونها متواصله لأكثر من 10 دقائق صديقي النصراوي يقول وشف فيه ينافخ قلت له انتظر عليه كم مباراة لين مايمون عليكم ويقولكم شجعوا يابهايم ماتعرفون اخلاقه بس بيني وبينكم حقوي في النصر الرجل المناسب في المكان المناسب لأنهم كلهم يتمتعون بقلة الأدب. 8-بصراحه تساهل كبير جداّ من العساكر الي عند البوابات مع جماهير النصر يدخلون أكياس مليئة بالأكل والمشروبات للمدرج ولا أحد يقولهم شيء عكس مباريات الهلال الي ماتقدر تدخل حتى مويه بصراحه حسيت بالقهر يوم شفت الفرق باالمعامله حتى انا من أكثر ماأكلت امس بالمدرج جتلي تخمه ماني مصدق انه مسموح تدخل اكل في مباريات النصر أما غير مباريات لاتحلم حتى تدخل بمويه. 9-حضور كبير جداّ كان أمس من جانب الجماهير الهلالية في منظر يدل على الروح الرياضية الي يتمتع بها الهلاليون . 10- الليزر كان متواجد وبكثره في مدرجات النصر كيف لا وهم أصلاّ جمهور الليزر. في الأخير آسف على الأطاله وأكرر يازين جمهور الهلال زيناه بعد ماشفت أخلاق جماهير النصر والحمدلله أني هلالي. |
هذا ليس مستغرب على جمهور النصر و آآآآآه أقسم بالله لو أشوف الهرفي و ربي لا أمصخر فيه يا عالم وش يبي هذا من الحياة تكفون علموننا من وين داخل و ربي جزمة سامي الله يكرمكم تسوى الهريفي كلهم و اللي جابهم ... |
اي والله انك صادق سبق لي وارتكبت خطأ وحضرت مباراة لهم قبل سنتين وحسيت بعدها بنعمة هلاليتي اللي ربي انعم علي فيها ياخي فاهمين الكورة غلط لا ذوق ولا اخلاق الله يديمها علينا نعمة يارب |
مشكوووور اخوي ووالله انك صادق وكل شي واضح وطالع بالتلفزيون يا لبا الزعيم الف شكر لكـ _______________________________ |
ليس مستغرب على جماهير النصـر .. جماهير فوضويـة .. وغير محترمـة الا القليل منها |
نسيت الليزر وحتى في التكريم ليزر فعلا جمهور مسيار |
ما أقول الا الله يشفيهم من جمهور جمهور الليزررررررررررررررر |
إقتباس:
عآده اللهـ يستر بـسـ الورع تلقاه بيده سيجارة اطول منهـ ! اللهـ يستر بس |
جمهور الليزر ... ما يستحون على دمهم ... حتى مع ريال مدريد جابو الليزر ... !! لا تنسون أنه أول جمهور إستخدمه ... |
تشره على مجنن وانا اخوك هذولا همج مو مشجعين بارك الله فيك اخوي |
حتــى انــا واللــه شــفت اللـــي شــفتــه وهــذا وهــو كــوفي أجــل وش عــاد بمـــلعب ولــكن تـرا النــاس مو واحــد وأنــا اخووكـ التعصــب فـي كل جــمهــوربس مثل مــاقلـــت الحمــدللــه إننــــا مو مــثل بعــض الجــماهيــــر ولا ودنــا نــخص وأدخــل المنتــديــات وشــوف بعـينكـ واللــه شي مـخزي واللي يـقهـركـ انه الكــلام يــبدر من أخـــوكـ المســلم الى درجــة انــه فـــيه منتــدى أنــه يقـــذف بأنـــواع الســموم علــى نــادي الهــلال وعلـى جمــهورهـ حتى أصبـحنا طائــفه وشبــهونــا ببنــي إســرائيــل ووللــلأســـف غــاب الــوعي والتنـــــافــس الريــاضي والزعــيم زعــيم بكــل شـي وليــس محصــور عــلى حــصد البــــطولات......تقبــل مرووري |
كل اناء بما فيه ينضح والمواقف هي اللي تبين معادن الناس |
للاسف هذا ناتج من ادارة النصر التي تحارب وتتطاول على الهلال وعلى جماهير الهلال .... لاكن الزعيم يظل زعيم الاندية الاسيوية بلا منازع .... وبعدين لاتلومونهم ماهم مصدقين ان فيه حفل اعتزال لماجد ... الله يخلي لهم صاحب السمو الملكي الامير فيصل بن تركي بن ناصر الذي للاسف متعصب ضد نادي الهلال تحياتي .. ملاااااحظة هامة : صدقوني لو ان الهلاليين ماسووا حفل لسامي الجابر الى الان كان مالظن انهم يفكرون باعتزال لاعبهم الاوحد ماجد ... تحياتي للجميع |
نسيت الليزر وحتى في التكريم ليزر فعلا جمهورالليزر !!!!!!!!!!!!!!!!!!!!! |
ياخوي الي جايب شال الهلال وش وداه يمهم يازينهم وهم مقدمين له قهوة يبون يسبون وهذي اخلاقهم .. |
الوقت المعتمد في المنتدى بتوقيت جرينتش +3.
الوقت الان » 09:41 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd