20/05/2008, 02:14 PM
|
 | زعيــم نشيــط | | تاريخ التسجيل: 29/12/2006 المكان: في الآولد ترآفورد
مشاركات: 816
| |
|
حقيقه ماجد عبدالله : التي اغفل عنها الجمهور الهلالي . . واالتعصب اللي اعمى بصيرتنا
رفع ضغطي امس
بعض المواضيع الساذجه من بعض الاعضاء الساذجين من جمهورنا
اللي مادري وش يبغون من ورى مواضيعهم هذي الا الغيبه والنميمهـ واشاعه الفاحشه
يعني نجم من نجوم الكره السعوديه ولا يختلف اثنين على هالكلام . .
وثانيا بعيد عن شخص ماجد وانه لاعب نصراوي
هو انسان مسلم ما يجوز غيبته والحش فيه
ليه كل هالتحقير والتجريح في حق هاللاعب
ليه هو بالذات
لاعب اخلاق قبل كل شي اخلاااااااق...
ما شفنا منه الا كل خير وابتسامته داخل الملعب دايم ما نشوفها
مهوب راعي كروت ولا هوب لاعب استفزازي ولا عمرنا شفناه ياخذ كروت حمراء
حتى اذكر ما عمره تعدى على احد داخل الملعب بقول او فعل
ودايم ما كان تحت انظار المدافعين ويتحيلون الفرصه لعرقلته ودايم ما كانوا يكسرونه
ولا شفناه ينفعل او يقول شي
لاعب قدم مستويات مميزه جدا مع الاخضر السعودي حقق كأس اسيا مرتين مع المنتخب وحصد مع فريقه النصر 11 لقب
ما ينبغي يا اخوان هالكلام
محد يقبل ان فئه من جمهورنا يخرجون عن الاخلاق والأدب ويقعدون ينزلون مواضيع حش وتجريج وتحقير لمشوار هذا اللاعب
اليوم حفل اعتزال الاسطوره ماجد
ليه نخرب عليه فرحتهـ
ليه نحش فيه ونكتب فيه كلام اقل ما يقال عنه انه فاارغ
نبي نرتقي برياضتنا
ونرتقي بأخلاقنا
بعيد عن التعصب الرياضي اللي ما جلب لنا سوى الحقد والكراهيه
يعني يوم اعتزال الاسطوره سامي ما رضينا بالكلام اللي صار من منتدى النصر
من تجريح لسامي الجابر نجم الكره السعوديه الاول
ليه ما نرضااها على نفسنا ونرضاها لغيرنا
وبعدين اللي كتبوا هالمواضيع هذي
ابصم بالعشره ما بعد طلعوا عالدنيا
ولا لحقوا على ماجد الا عقب ما اعتزل وقضى
اخيرا نبارك لماجد هذا المشوار الحافل بالانجازات
وهذا منتدى الرياضه السعوديه احد اقسام منتديات شبكه الزعيم
اللي تفتخر بأعضائها وجمهورها
فمثل هذه الاشياء تشوه صوره الزعماء
وتشوه صور الجماهير السعوديه بشكل عام |
الوضع الشجري
