|
احسن الله عزائكم في الخطوط مساء الخير على الجميع اليوم جاني واحد من الشباب يسب ويلعن با لخطوط يقول الرجال ركبنا الطيارة يقول اقلعنا طبعا الرحلة كانت متجهة من دمشق الى الرياض يحلف الرجال ويقول وحنا في الطيارة نحس انها بتطيح وطبعا انتم عارفين طيارت الخطوط الجديدة كلها مهلوكة ومستأجرة يقول اول ما وصلة مطار الرياض تحمدت ربي اني وصلت با لسلامة وبات من الواضح الان تردي خدمة الخطوط السعودية في الرحلات الداخلية والخارجية القريبة وارجو من الجميع ابداء ارائهم حول الخطوط الجوية العربية السعودية وانا برايي الواحد يركب النقل الجماعي افضل من طيارات الخطوط المهلوكة تحياتي للجميع |
الخطوط أجل دول فقيرة لا تجد ما تأكل و لا تجد ما تسكنه و خطوطها من أفضل الخطوط في العالم أما إحنا الله يستر عندي إحساس راح تصير كارثة بالخطوط الفاشلة ... |
بالعكس افضل خطوط بالعالم من ناحية صيانه طياراتها الخطوط السعودية :) |
للعلم فقط الخطوط الجويه العربية السعوديه هي الشركة الوحيده بالعالم التي لا تستخدم قطع غيار مستعمله يعني أي قطعه خربت عندهم ما يلقطونها من التشليح مثل باقي الشركات لا أدافع عن الشركه لكن الحق يقآل طائراتها ممتازهـ اللي يعيب الشركة فقط موظفيها وطريقة التعآمل اللي يتعآملون معك بهآ والواسطات اللي مبهذله العالم |
اللي يعيب الشركة فقط موظفيها وطريقة التعآمل اللي يتعآملون معك بهآ والواسطات اللي مبهذله العالم |
للاسف الخطوط صارت تستاجر طيارات سيئه جدا قبل فترة ركبت طياره من جده للرياض وللاسف اسوء طياره ركبتها في حياتي حسيت ان الطياره بتطيح وحالتها صعبه الله يستر لايصير مصايب من هالطيارات السيئه |
مشكورين اخواني الاعزاء على ارائكم حول الموضوع اخوي القيصر كيف يعني بس الخطوط السعودية هي الي بس تشتري قطع غيار اصلية وباقي الشركات كلها مستعملة ابيك تسوي مقارنة بين الخطوط عندنا وفي قطر وتلاحظ الفشل الي في الخطوط السعودية |
والله الخطوط أحيانا تخربهـا :d قبل العام رجعت من جده ، يوم دخلنا المطار [الخايس] وركبنـا نروح للطيارة لمحت طيارة قديمة (الظاهر تبع أول دفعه :d) قلت للي معـي هالطيارة من اللي بايع عمره بيسافر به >> شوي ولا وقفونا عنده وقالوا هنا رحلتكم !!!! والله العظيم ياجماعه اننـا بالطريق نحس برجه ، والاصوات اللي مدري وش تبي - حدث ولاحرج - :d (( متي تيجنا الايرباصات حقت طيران الامارات > يحلم :d )) |
ما فهمت قصدي يا الشيخ كل قطع الغيار اصليه أنا مثلا خربت في طيارتي قطعه في هالشركه يجيبون هالقطعه جديدهـ محد استخدمها من قبل أما بالشركات الثانيه يجيبونها مثلا من طياره خربانه فيها القطعه ذي سليمه عسا فهمت بس |
يابن الحلال الخطوط من زمااااااااان وهي دمرانه انا بالنسبه لي اذا كانت المسافه موب بعيده مره الله يخلي السياره |
من جد الله يستر هالايام الخطوط صارت عليهم طيارات مدري وش تبي بس المعلومه اللي ابي أضيفها انها كانت مستأجره طيارات من تركيا ورجعتها وهذا سبب نقص في الطائرات والرحلات بنسبة (40% بالميه ) يعني اذا بتسافر حاول انك تحجز قبل رحلتك بمده طويله اسبوعين على الاقل والصيفيه جايه يعني بصير البحث عن وظيفه و البحث عن حجز لرحله واحد وتعليق بسيط لمن كان يقول ان الخطوط السعوديه أفظل خطوط وشغلات زي كذا هذاك اول يعني كانت ماهي شينه اما الحين صار فيها عيوب كثيره |
دعنا من الموضوع ياكتبه المشكله ان كل العالم قاعدين يعيبون فى الخطوط والعيب كل العيب فى كاتب الموضوع لانه ليبرالي المفروض اننا نلتفت الى هذا الليبرالي لعله يعدل عما هو فيه لاحول ولاقوة الا بالله اللهم انصر االاسلام والمسلمين ماتت الهمم |
إقتباس:
صباح الخير أخوي القيصر عمي كان يشتغل في المطار و له 32 سنه و هو يشتغل فيها أي قطعة تخرب تكون مستعمله و نادراً من القطع تكون جديده و بعدين شوف طائرات ناس و سما و تعرف كيف أجل طائرات لها سنين ما تحركت و يروحون يأجرونها عليهم خاف من الكوارث لا قدر الله يا المسئولين.... آسف على المداخله لكن للتوضيح يا الغالي .... |
اللي مايبي يركب الخطوط السعودية يغير خطوط الدول ماليه الدنيا والا يركب سيكل اضمن له الوصول بسلامة بمشيئة الله ورحلة سعيدة اذيتونا بهالسالفة واحد سب اشوف الكل يكتب ويسب |
بالنسبه لخطوطنا فهي مصيبه جرب طيران الخليج ولا الاماراتيه وتعرف الفرق الشاسع سافرت عبر الاماراتيه 16 ساعه ولم اشعر بالملل من الراحه والخدمه المميزه والله يصلحك ياكاتب الموضوع ليبرالي مره وحده تدري وش معنى ليبرالي يعني متحرر ولايلقي بال لاي شي وانت مسلم عليك قيود من الله عزوجل وحدود نتوقف عندها جزاك الله خير وبارك فيك |
| الوقت المعتمد في المنتدى بتوقيت جرينتش +3.
الوقت الان » 07:26 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd