شطحاتي الجزء الاول. - نادي الهلال السعودي - شبكة الزعيم

واين روني · #1 22/05/2008, 03:26 AM

بسم الله الرحمن الرحيم

سلام من الله عليكم ورحمة منه وبركاته

تسيف الحال ان شاءالله تكونو بصحه وعااافيه

في البدايه هذا الموضوع باين من عنوانه يعني نكون بسالفه ونشطح بسالفه ثانيه

سوالف اليوم عن تقلبات الجو سبحان الله المدينة حر والرياض حر والباحه مطر وثلج << شفتها بالجريده

وعسير امطار غزيره يعني الصيفيه بالجنوب

بس صراحه اللي صاير في لبنان تقال حرب عصابات وهذا واقع خطير يأثر على اليسا وهيفا وعلى

جمال لبنان السياحي << قل قسم >> قسم

يعني انتو شايفين ارتفاع الاسعار كيف رز الشعلان 48 ريال

يعني كبسه مافيه .

سؤال هل تؤيد ارتفاع الاسعار ...؟

انا اتوقع الحكم استعجل في طرد اللعب لان هذا مزح من النوع القوي

والمفروض بطاقه صفراء او انذار شفوي << محمد فوده

أهم شي الاخلاق وحب والوطن

بصراحه برنامج شاعر المليون مدري وش يحس فيه كيف الفراعنه يخسر ويفوز الشبرمي

شفتو اداراه نادي النصر يقولون الهلال وسامي مو احسن منا اجل ماجد عبدالله يسوى له اعتزال

بعد ماشاب وقامت تتطقطق عظامة المفروض اعتزاله مسوى من زمان .

على ايام سيدنا القدر طعج الله راسه << كلمه واحد من شلتي الموقرة

وامس اشاهد قناه العربيه ويجيبون هيلاري كلنتون ووقعت في غرامها

احبها بس هي

ماتحبني

جعلها ماتفوز هي وراسها اللي كنه كنافه بالقشطه

بالله تذكرون التلفزون السعودي قدييييييم يوم يطفي طوووووووووووووووووووووووووووووووووووووووووووووط

وتطلع الوان قوس قزح

ايام قديمه كنا الصباح نقوم ننتظر افلام الكرتون

وكان فيه برنامج يقهر اعتقد مايتفرج عليه احد

اللي هو وجه لوجه

وربي برنامج طفشان الساعه 12 باليل يوم الجمعة << ماشاءالله ذاكره بعير

والله العطاله حلوه صراحه لكن تحس ناقصك شي تحس انك تبي تعيش زي الناس وتبي تدور على

تعيسه الحظ

<< يقصد سعيده >> وتبي تجيب ورعاااان وتفرح يوم ورعك يقول بابا

تحسه وقتها كانك مدير مدرسه بالديره ماعنده الامدرسين و13 طالب وفصل و 16 حمام وانتو بكرامه

معادله صعبه مدير + مدرسين +13 ورع + فصل + 16 حمام = افلقني اذا حليتها

^^^^^^
لحسه مخ

وش رايكم بسروال طيحني بصراحه جابو موضه جديده وهي ارفعني

ينفع لحقين الموضات .

سروال يبطح نفسه <<يقصد سؤال : اذا ريت صديقك لابس طيحني جعله يطيح بحفره وش تسوي.؟

وش رايكم بواحد اشتر شاني وهو صغير ويوم شرب نص العلبه كب الباقي على راس جده

مع الشرفه << يعني بلكونه >> ماتحسون انه قوي << مو انا

ابشركم كتبت ببيت هز اركان المدن الساحليه :

البيت اقول فيه : كنت اتأمل البحر & فجأه سقط سروالي

<< سبب سقوط السروال غير معروف.

وفي روايه عن مدير شرطه الموياء << يقصد الدفاع المدني >> ان السبب هو شده التأمل عند الشاطى.

سؤال يبي اجابه :- انا رحت للصرافه وحطيت بطاقه الاحوال قالت لي الصرافه انت دلخ وطشتها

بوجهي وقالت طس قمت جبت الرخصه حقت القياده قالت تستهبل اخر شي اخذت بطاقه شحن

ولانفع تكفون قولولي وش الحل ....؟

احس ان اختبار القدرات يضحكون على خلق الله والله ياهم يطلعون فلوس

ودي اني اختبار قياس

كان مايحتاج اتوظف

.

تحدوني مااخلي سعبيلكم تقوطر

دققو في الصوره ^_____^

علك ايام زمااااان

انا بعتذر

إلى كل من أخطأت أو قصرت بحقه أو آذيته بقصد أو دون قصد في عام 1428هـ 2007 م أقول له
(ما شفت شي والقادم ألعن)

اتمنى ترشحوني اكون رئيس لاامريكا

وش ينقصني كشخه ورزه وطويل وقوي ومؤدب واتكلم

عنجليزي واحس اني بتزوج كوندليزا رايس مدري احس انا واقع في غرامها

وهي كذالك

بس الزمن ابعدنا عن بعض .

<< يعطي نفسه امل في الحياه

نسيت لااقولكم انا الحين جالس اخطط لااحتلال العالم

انا وشلتي الموقرة

انا احب وطني ووطني يحبني << كثر منها >> وفي بلادي كل شي جميل جداً فيه اماكن جميله

وكلنا نحبه واحب بابا عبدالله عسى الله يحفظه ويخليه لنا .

وش رايكم بسفن اب دايت بالله مو حلو طعمه

انا احبه واحب اللي يشربه ^___^.

وه فديته ياناس

.

انا فكرت اشتغل مضيف بالطايره عشان ابوي يقول لجماعتنا ولدي رحال مثل ابن بطوطه .

عاد جماعتنا ماعندك احد لو يسمعون جرس البيت يدق يقولون احلى جتهم رساله

حنا واحد من جماعتنا اشتغل في استعلامات المستشفى صارو ينادونه دكتور

وواحد في الاسعاف ابوه قام ينصب يقول ولدي ظابط في الاسعاف

واصلاً ولده دلخ يحسبها

سياره اسكريم

^^^^^^^
اعتقد ان هالطيب سبب انتشار مرض انفلونزا الطيور والا ليش يجمع ريش الدجاج

ويادار مادخلك شر

اذا كان للشطح عنوان فعنوانه مستر عاطل (( واين روني ))

اتمنى تكون عجبتكم الشطحات والقادم افضل

والحين خلاص انتهيت من الجزء الاول من شطحاتي .

ماابي مشكور ولا يسلمو رد على الاسئله اقتبس وش اللي اعجبك من شطحه وشكر.

مــــافــــيــــه

وظــــايــــــــف <<العطاله طولت

ومضه :- على كف القدر نمشى ولاندري عن المكتوب .

وفي الختام التحيه والسلام .. ^_____^ ..

بريداوي اصيل · #2 22/05/2008, 05:09 AM

وعليكم السلام ورحمة الله وبركاته
هلا مستر عاطل
صراحه نفس المضمون رووعه
بس طريقك خربتها
لاتزعل£

بريداوي اصيل · #3 22/05/2008, 05:11 AM

وعليكم السلام ورحمة الله وبركاته
هلا مستر عاطل
صراحه نفس المضمون رووعه
بس طريقك خربتها
لاتزعل£من الحقيقه
يعني لو أنت كاتبها بشكل ثاني
رووووووعتين

واين روني · #4 22/05/2008, 07:45 PM

^^^^^^^^^^^^^^^^^^^^^^^

ياخوي انت وش تحس فيه مضمون ايش وبعدين مافيه زعل وانا اخوك كل واحد يقول وجهه نظره

طيب رد على الاسئله ^_____^ على العموم مشكور على مرورك وردك .

57 مشاهده رد 1 ومكرر تحطيم

بو فهد عم جواهر · #5 22/05/2008, 08:02 PM

واين روني

شوووهدت الشطحات

الله يعطيك العافية

شطحات رائعه وجميله

ننتظر منك المزيد

وتقبل تحياتي@

مدمي الشباكـ · #6 22/05/2008, 08:23 PM

سؤال هل تؤيد ارتفاع الاسعار ...؟

لا وألف لا

بالله تذكرون التلفزون السعودي قدييييييم يوم يطفي طوووووووووووووووووووووووووووووووووووووووووووووط

وتطلع الوان قوس قزح

ايه أذكر
ايام قديمه كنا الصباح نقوم ننتظر افلام الكرتون

وش رايكم بسروال طيحني بصراحه جابو موضه جديده وهي ارفعني

ماادانيه ولا الي يلبسه

ينفع لحقين الموضات .
يازين هالسروال على سروال طيحني

سروال يبطح نفسه <<يقصد سؤال : اذا ريت صديقك لابس طيحني جعله يطيح بحفره وش تسوي.؟

انصحه بلبس سروال رفعني

وش رايكم بواحد اشتر شاني وهو صغير ويوم شرب نص العلبه كب الباقي على راس جده

مع الشرفه << يعني بلكونه >> ماتحسون انه قوي << مو انا

احس به حاله نفسيه <<<<بس مو هو

سؤال يبي اجابه :- انا رحت للصرافه وحطيت بطاقه الاحوال قالت لي الصرافه انت دلخ وطشتها

بوجهي وقالت طس قمت جبت الرخصه حقت القياده قالت تستهبل اخر شي اخذت بطاقه شحن

ولانفع تكفون قولولي وش الحل ....؟

سؤال صعب ماله إجابه ههههههههه
احس ان اختبار القدرات يضحكون على خلق الله والله ياهم يطلعون فلوس

ودي اني اختبار قياس

كان مايحتاج اتوظف

.

والله كان مايحتاج وظايف

تحدوني مااخلي سعبيلكم تقوطر

دققو في الصوره ^_____^

يازين علوكـ ايام زمان

انا بعتذر

إلى كل من أخطأت أو قصرت بحقه أو آذيته بقصد أو دون قصد في عام 1428هـ 2007 م أقول له
(ما شفت شي والقادم ألعن)

اتمنى ترشحوني اكون رئيس لاامريكا

وش ينقصني كشخه ورزه وطويل وقوي ومؤدب واتكلم

انا من أشد المرشحين لرئاسة امريكا

وفي الختام اشكركـ شكر على الشطحات البايخه لالالا أقصد الرائعه هههههههههههههههه

دمت بود مدمي الشباكـ الدوسري

واين روني · #7 22/05/2008, 09:09 PM

بوفهد عم جواهر لبى قلبك يكفي مرورك بالموضوع وودي انك تجاوب على الاسئله ^______^.

مدمي الشباكــ يالبى خشتك كذا الردود والا بلاش يسلم لي مرورك وردك بعدين وش تبي برئاسه امريكا تراها عوار راس << يصرفك ^_________^

بعدين اللي يكب الشاني مافيه حاله نفسيه ^____________^

ومشكور مره اخرى على حسن تعاملك مع موضوعي .

ابو طـــــلال · #8 22/05/2008, 11:45 PM

كله كووووم وهالصورة كووووم .. هذي شطحات بشطحة .. خصوصا اسم الموضة ( إرفعني )

حلوه شطحاتك .. بس لو وراك مستعجل وانت تكتب .. تقول تكتب ومعك بياله شاهي خايف تبرد .؟!!

تقبل مروري ياكابتن

واين روني · #9 23/05/2008, 02:21 PM

ابو طـــلال يسلم لي مرورك وردك

وبعدين انا مو مستعجل بس كذا الشطحات نكون بسالفه ونشطح بسالفه 180 درجه .

&& هلااااااليه && · #10 23/05/2008, 05:25 PM

شكل الموضوع زريف وحلوووو

حجــــــــــــــــــــــــــــــــــــــز لي عودة

بعد مااسكب واشرب قدح من الشااااااااي

بااااااااااااااااااااااااااااااااااااااااااتس

إقتباس

الرسالة الأصلية كتبت بواسطة واين روني


	سلام من الله عليكم ورحمة منه وبركاته

ذكرتني بعبدالله الحربي

إقتباس

الرسالة الأصلية كتبت بواسطة واين روني


	تسيف الحال ان شاءالله تكونو بصحه وعااافيه

إقتباس

الرسالة الأصلية كتبت بواسطة واين روني

منيحين بنشكر الله

إقتباس

الرسالة الأصلية كتبت بواسطة واين روني


	سوالف اليوم عن تقلبات الجو سبحان الله المدينة حر والرياض حر والباحه مطر وثلج << شفتها بالجريده

تهي تهي لاتقلب الموااجع ليتهم يبدلون جوهم سنه وحده بس

إقتباس

الرسالة الأصلية كتبت بواسطة واين روني


	يعني انتو شايفين ارتفاع الاسعار كيف رز الشعلان 48 ريال يعني كبسه مافيه .

إقتباس

الرسالة الأصلية كتبت بواسطة واين روني


	سؤال هل تؤيد ارتفاع الاسعار ...؟

من جد شطحااات انا اؤؤيد ارتفااع الاسعاار <<بكيفي نذله

إقتباس

الرسالة الأصلية كتبت بواسطة واين روني

ذكرياااااااات نقوم بدري الساعة 7 ونستنى افلام كرتون ويجيبون قران ونقعد نقرا معه ونعد الالوان ونقول طن ططنطن طن طنن وبعدين نقول سارعي

الين تجي افلام كرتون

إقتباس

الرسالة الأصلية كتبت بواسطة واين روني


	وش رايكم بسروال طيحني بصراحه جابو موضه جديده وهي ارفعني

ههههههههههههههههههههههههههههههههههههههههههههههههههههههه
والله ان ذا استر وازين

إقتباس

الرسالة الأصلية كتبت بواسطة واين روني


	علك ايام زمااااان

لو تشوفه جدتي ياويلك ماتحب هالعلك

ولاتحب اسمه

يماااااااال العافيه ع الموضوع
سلااااااااااااام

بني حارث · #11 23/05/2008, 08:30 PM

الللللللله
ذكرتني بالتلفزيون السعودي ^^تكفين يا العجيز خخخخ
امممممممم الموضوع حلو بس
جاي على بعضه يعني
ما يمديني أدخل جو بالسالفة إلا
حضرتك ناط لي على اللي بعدها
عموما مشكوووووووور ما تقصر
تقبل مروري أختك:
بني حارث

htlr 20 · #12 23/05/2008, 11:00 PM

هلا والله مستر بو شطحه ....

ما تحس انك كثرت من شطحاتك .....

بالبدايه اهنيك على حبك لكوندليزا رايس التي طالما سهت وهي تفكر فيك ....

وبعدين موضه ارفعني احس انها حقت مطاوعه بلا طيحني بلا هم ....

وبعدين وش ها المدرسه الي مدرسين و 13 طالب .... احس اني في قريه مهجوره

وهذا ما استطعنا ان نكتبه لسعادتكم الموقره >> اخذتها منك

وتقبل مروري ...

واين روني · #13 24/05/2008, 04:34 AM

&& هلااااااليه &&

يما للعوافي على مرورك وردك

مشكوره خيتو

واين روني · #14 24/05/2008, 04:56 AM

بني حارث

اول شي مشكوره على مرورك

ثاني شي كذا الشطحات يعني مافيه يمديك مايمديك ^___________^

على العموم مشكوره خيتو والله يعطيك العافيه

الـمـشـاغـب · #15 24/05/2008, 05:33 AM

إقتباس

الرسالة الأصلية كتبت بواسطة واين روني


	^^^^^^^^^^^^^^^^^^^^^^^ 57 مشاهده رد 1 ومكرر تحطيم

اللي يبي ردود على مواضيعه .. عليه أن يهتم بالردود ويعطيها حقها بالرد ..

يعني مو يكتفي بالرد على رد طويل بكلمة : مشكووور على الردود

الكلام مو موجه لك أخوي مستر عاطل

وإنما هي فرصة وجات وقلت اللي نفسي فيه ..!!

أما بالنسبة للشطحات فأعجبتني وأعجبني الموضوع كله .. وأعتذر عن الاقتباسات والتعليق بسبب النفسية اللي مش ولا بد ..!

تقبل مرورك بكل احترام أزين لك