#1  
قديم 17/05/2008, 05:30 PM
زعيــم فعــال
تاريخ التسجيل: 25/05/2006
مشاركات: 303
Smile رضيتم ام ابيتم ( الدوووخي لاعباً هلاليا ً ) ..

السلام عليكم ورحمة الله ..

حي الله كل هلالي بأسمه ..


كثرت هذا اليوم المواضيع عن اللاعب احمد الدوخي
وانه على قائمة الانتقال من نادي الاتحاد ..

فالبعض أيـــد عودته للهلال
والكثير مانع وقال ( من طلع من داره قل مقداره ) ..


والشي الي يخفى الكثير من الهلالين
هو ان اللاعب احمد الدوخي
قبل مايروح للاتحاد طلب 5 ملاين ريال من ادارة الهلال
وماكان من ادارة النادي الا الرفض والقبول بـ 3 ملاين فقط ..!

يا أخوان بالله عليكم لاعب مثل الدوخي من ابناء النادي
تبخل عليه بخمسه مليون

بعيداً عن التعصب
انا احب الهلال وطلبو مني اوقع بثلاثة ملاين وجاني عرض
بخمسة ملاين بكل تاكيد ببحث عن مصلحتي الخاصه
لان حبي للنادي مو كافيه
لاكن لاجتمع الحب والمال فهو المطلوب

يا اخوان يوم راح الدوخي وش سوت ادارتنا الكريمه
وكان الدعوى عناد راحت تجيب العنقري
الي مانفقه بتاريخه شي وبكم بـ 6 ملاين اذا ماني غلطان
وكان النادي اصبح لعب نجيب هاللاعب عشان نقهر الدوخي وبالسته مليون ..!

هذا اذا ماكنت غلطان بالمبلغ المذكور
ولنفرض انها مو 6 مليون خلونا اكثر واقعيه
من يوم راح الدوخي وحنا ندورلنا لاعب يسد الخانه
ولحد الان وللاسف ماقدرنا نجيب ربع الدوخي

جبنا العنقري ومسفر ولو حسبنا تكاليفهم بتغطي جيبت الدوخي مرتين ..!
بالعربي ماعندك احد ..!

وانا احط اللوم على محمد بن فيصل بكل صراحه
ولتأكيد ان الدعوى معاند تذكرون اعتزال سامي
سامي دعا الدوخي يجيك ابو سلطان الله يهديه ويرفض انه يجي ..!

وشفتو كيف بدع في مباراة الاعتزال وقدم مستوى خووورافي
والله ماشفته يقدم ربع هالمستوى مع الاتحاد من يوم جاء

فاتمنى تطالبون معي العودهـ للنجم احمد الدوخي
لو عندك ادارة تقدر من يخدمون النادي سنوات طويله كان ماوصلة هالمواصيل

وعذراً على الاطالهـ ..
اضافة رد مع اقتباس
  #2  
قديم 17/05/2008, 05:37 PM
زعيــم مميــز
تاريخ التسجيل: 20/04/2007
المكان: ₪ █AL-Z3EEM█ ₪
مشاركات: 1,852
شف صراحة مافيه ظهير ايمن فالهلال ولنا ثلاث سنين نجرب ولا مرة طلع لنا واحد بنص مستوى أحمد


وهي غلطة الادارة في عدم أعطاءة الخمسة ملاين

اما التعصب اترك المجال لغيري للتعليق عليه

وانا اطالب بعودة الدوخي على الاقل يلعب معنا موسمين
اضافة رد مع اقتباس
  #3  
قديم 17/05/2008, 05:39 PM
زعيــم فعــال
تاريخ التسجيل: 12/12/2007
مشاركات: 488
والله أنك صادق وأن دموعي تنزل من عيني وأنا أقرا موضوعك كيف فرطنا بالدوخي قسم يالله قهر أنا مع عوده لهلال.
اضافة رد مع اقتباس
  #4  
قديم 17/05/2008, 05:39 PM
زعيــم متواصــل
تاريخ التسجيل: 04/04/2007
مشاركات: 153
والله بصراحه ..


ذهاب الدوخي للإتحاد كان مفاجئة ومحد كان متوقعها بكل صراحه ..

لكن الدوخي الحين كبر في السن .. وإللي قدمه في إعتزال سامي .. مباراة واحده .. يعني بيحط ما وراء ودونه في ذيك المباراة
والحين فيه نجووم صغار مثل .. حسن معاذ .. نتمنى أنا نشاهده في الهلال
وإلا راشد الرهيب ..


والله يوفق الجميع
اضافة رد مع اقتباس
  #5  
قديم 17/05/2008, 05:40 PM
زعيــم فعــال
تاريخ التسجيل: 25/05/2006
مشاركات: 303
إقتباس
الرسالة الأصلية كتبت بواسطة عاشق البرنس الليبي
شف صراحة مافيه ظهير ايمن فالهلال ولنا ثلاث سنين نجرب ولا مرة طلع لنا واحد بنص مستوى أحمد


وهي غلطة الادارة في عدم أعطاءة الخمسة ملاين

اما التعصب اترك المجال لغيري للتعليق عليه

وانا اطالب بعودة الدوخي على الاقل يلعب معنا موسمين


ياعيني على العقليات الي زي كذا
والله اني انبسط لشفت ردود عقلانيه اكثر منها تعصب ..
ولاتنسى اننا مقبلين على بطولة اسيا ولابد من لاعب مثل الدوخي
شاكر مرورك
اضافة رد مع اقتباس
  #6  
قديم 17/05/2008, 05:40 PM
زعيــم فعــال
تاريخ التسجيل: 11/11/2004
مشاركات: 349
من طلع من داره قل مقداره

وين عزة النفس راحت مانبيه مانبيه
اضافة رد مع اقتباس
  #7  
قديم 17/05/2008, 05:42 PM
زعيــم فعــال
تاريخ التسجيل: 25/05/2006
مشاركات: 303
إقتباس
الرسالة الأصلية كتبت بواسطة مقراط
من طلع من داره قل مقداره

وين عزة النفس راحت مانبيه مانبيه


شكلك يالغالي ماقريت الموضوع
وانا وش قاعد اقول بالموضوع
محمد بن فيصل السبب ولا هو دمه الهلال
اضافة رد مع اقتباس
  #8  
قديم 17/05/2008, 05:48 PM
زعيــم مميــز
تاريخ التسجيل: 29/04/2002
المكان: العاصمة الحبيبة
مشاركات: 4,646
لا بالله انا لست معك ابدا لا يجي وخله مع الاتهاد احلى على الاقل عرفهم زين ...................
اضافة رد مع اقتباس
  #9  
قديم 17/05/2008, 05:50 PM
زعيــم مميــز
تاريخ التسجيل: 20/04/2007
المكان: ₪ █AL-Z3EEM█ ₪
مشاركات: 1,852
[quote]من طلع من داره قل مقداره

وين عزة النفس راحت مانبيه مانبيه quote]

وكأنك جاي مسرع ورديت بدون قرأة الموضوع

...



............
اضافة رد مع اقتباس
  #10  
قديم 17/05/2008, 05:57 PM
زعيــم متواصــل
تاريخ التسجيل: 23/02/2007
مشاركات: 98
والله أنا معك بأن الدوخي يرجع لاكن في ناس يقولون خله ما نبيه
ترا حنا ماعندنا ظهير صح مثل الدوخي خاصة في الجهة اليمنى
اضافة رد مع اقتباس
  #11  
قديم 17/05/2008, 06:03 PM
زعيــم متواصــل
تاريخ التسجيل: 01/07/2007
مشاركات: 107
انا اتوقع ان عودة الدوخي للهلال بيكون لها تاثيرها خصوصا في الجهه اليمنى
وبعدين تقدر الادارة تفاوضه بمبلغ معقول
وثانيا بكرا لو يرجع تفاريس للهلال كلنا بنرحب فيه مع انه نفس وضع الدوخي بحث عن مصلحته
لانو هذا مصدر رزق اللاعب الوحيد
وعلى سبيل المثال لو واحد موظف في بنك اوشركه وجاه عرض اقوى من الشركه اللي هو فيها هل تتوقعون انه بيرفض ؟؟؟؟
اضافة رد مع اقتباس
  #12  
قديم 17/05/2008, 06:04 PM
زعيــم متألــق
تاريخ التسجيل: 15/12/2006
المكان: KSA
مشاركات: 1,211
حسب ما قرأت في الصحف أن الإدارة الهلالية لديها توجه في مفاوضة راشد الرهيب .. أما مايتعلق بموضوع أحمد الدوخي أعتقد الجميع يعلم أن ذهابه للاتحاد كان بسبب مكابرة الإدارة الهلالية والتي استكثرت مليوني ريال في أحمد الدوخي رغم أنها صرفت أكثر من ستة ملايين لسد الخانة ولكن لم ينجح أحد..
وأحمد الدوخي وقع بين نارين وهو يريد تأمين مستقبله وهذا حق مشروع لأي لاعب يبحث عن مصلحته، وكل اللذين وصفوا الدوخي بالناكر للجميل اقول لو كنتم في مكانه لفعلتم ما فعل .. يبقى أحمد الدوخي الظهير الأيمن الوحيد في الملاعب السعودية ومسألة عودته للهلال لا تحكمها أهوائنا ولا عواطفنا يبقى أمر يخص الإدارة الهلالية .. وأنا شخصياً أتمنى عودته إذا كان فيه مصلحة للزعيم ....
اضافة رد مع اقتباس
  #13  
قديم 17/05/2008, 06:09 PM
زعيــم مميــز
تاريخ التسجيل: 30/10/2006
المكان: alhilal.com
مشاركات: 2,264
والله كلامك ذهب وعين العقل ... ياجماهير الهلال اتركوا التعصب بالله عليكم تخيلوا لو يرجع الدوخي ياسلاااااااااااااااااام
على الاقل نغطي الخانه المررريضه

ومن حق اللاعب انه يروح يدور على العرض الاكبر والمفيد له ولمستقبله .. يعني تخيل انك موظف في شركه تآخذ راتب اقل وجاك عرض

من شركه ثانيه تآخذ راتب اعلى ومع حوافز وتأمينات ولك بيت وسياره وحتى الخدمات الطبيه اكيد انك بتشوف العرض الافضل .. <<< من كثر ماادرس الموارد البشريه

فكروا زين يانااس .. انتو شفتو الدوخي لما لعب في اعتزال سامي كيف كان وربي رجع لي ذكريات مرره حلوه لما كان مع الزعيم ..


واتمنى رجعته للزعيم ... ونرتاح من المشكله اللي ماخلصنا منهاااا


وسبب ترك تيفا للزعيم كله من اعضاء الشرف يعني غلطه تتكرر مره ثانيه
اضافة رد مع اقتباس
  #14  
قديم 17/05/2008, 06:15 PM
موقوف
تاريخ التسجيل: 23/03/2008
المكان: الرياض
مشاركات: 4,903
والله اني احترت ..
مادري ؟؟
اللي فيه خيره يكتبه الله ؟؟
^^
اضافة رد مع اقتباس
  #15  
قديم 17/05/2008, 06:22 PM
الصورة الرمزية الخاصة بـ الملك راؤول
المستشار الفني
تاريخ التسجيل: 11/04/2007
المكان: A Walk To Remember
مشاركات: 2,055
أنا معك في ان الإدارة مارست الغطرسة و العناد و أبت أن تعطيه 6 مليون

و جابت لنا العنقري و العصفور و العبدالسلام و الياس و نامي و مسفر !!

لكن اللاعب سوا حركة أكثر من قذرة و المطلع على خفايا الأمور يعرفها


لما وقع الدوخي للإتحاد كان المفروض يكون نصيب الهلال من الصفقه 30%

لكن اللاعب وقع بــ 3 رملايين ريال فقط !!

و قال أنني انتقلت للإتحاد ليس للمال بل لأنه النادي الأفضل ( طبعا من خطط البلوي )

و تم تحويل مبلغ 4 مليون ريال أخرى لحساب أخو اللاعب أحمد الدوخي

هالحركه هذي هي اللي ما وفقته ولا وفقت ناديه

و لا أتمنى أشوفه في الفريق لأن الهلال ما يوقف على أحد

الرهيب أحسن و أصغر ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:20 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube