●•●الهلال يصعد على جميع منصات تتويج بطولات هذا الموسم + نقاااط متفرقه + تصمييم لتفاريس .. ●•● - نادي الهلال السعودي - شبكة الزعيم

عاشق الزعيـــم · #1 16/05/2008, 03:58 AM

بسم الله الرحمن الرحيم
السلام عليكم ورحمة الله وبركاته .. كيف حالكم ؟؟ ان شاء الله بخير
بصراااحه لي وقت وانا ابي اكتب هالموضوع لكن أأجله عشاان الفريق كان يمر بأوقات ليست وقت
مناسب لمثل هالمواضيع وكان المطلوب التركيز على الاستحقاقاات اللي تواجهه ..
الموضوع فيه نقااط كثيره ابي اتكلم عنها ..

اولا : الهلال يصعد على جميع منصاات تتويج بطولات هالموسم ..
الحمد لله الهلال عمل شغل كبير اخذ كاسين ووصيف وله مايقارب 52% من بطولات هالموسم وهذي نسبة
اتوقع ممتازه وممتازه جدا وكأس الملك الفريق سوا اللي عليه لكن اذا كان شئ غصب عليك ؟؟

.. لاتعليق ..

ثانيا: المدرب كوزمين ..

استغربت من بعض الناس يطالبون بأقاله كوزمين

صحيح انه قام ببعض الاخطااء اخرجتنا من كأس الملك لكنه لم يكن السبب الرئيسي للخساارة .. كانت الظروف
(القاهرة) التي تلعب ضد الزعيم واشارو اليها اللاعبين وايضا هذه الاخطاء يقع فيها اكثر من مدرب ..
ولكن بالنظر للايجابيات .. المدرب كوزمين حقق اهم بطولتين في الدوري ووصيف لكأس فيصل بن فهد (لاقل من 23 سنه ) عندما لعب بالفريق الاولمبي ضد فريق يلعب بالفريق الاول تقريبا ..
وانا اشوفه انجاز لمدرب حظر ودرب الفريق لنصف موسم فقط .. وخصوصا انه يعتبر من افضل المدربين في أوروبا ..

( ولاتستبعدون الموسم القادم نرى : المدرب كوزمين مدربا للمنتخب السعودي الاول .. كالعاااده

)

ثالثا : لاعبين الهلال
بصرااحه الموسم هذا اكبر مكسب كانو اللاعبين الصاعدين ( الفريدي - الدوسري - مؤشر - الزوري - الكلثم - .... )
لاعبين حظروا في مباريات للفريق الاول وانهوا المباراة لصالح الفريق ماشاء الله وراح يخدمون الفريق لسنوات قادمة
وهذا مكسب ماتحصله في اي فريق اخر هالموسم .. ولله الحمد ..

وفي الجانب الاخر فيه لاعبين قدمو مالديهم ونحترمهم كأشخااص لكنهم لايستحقون اللعب في الفريق وممكن
يكون اعارتهم او انتقالهم يكون فاده لهم و للفريق .. ممكن يبرزون في فريق اخر و يفيدون الفريق ماديا ..
( العنبر - الخراشي - السعود - العنقري - الذيااب - الموري - المبارك ) .. وممكن نسيت بعضهم لكنهم واضحين

رابعا : اجانب الفريق ..
من موسمين او اكثر الادارة عجزت عن احضار اللاعب الكفؤ بأن يقف بجانب الكابتن ياسر او يعوض نقص الهجووم
عند تغيبه ابتداءا من جيوفاني - روديقاو - ليلو .. وماادري وش السبب هل هو السعر او سوء اختيار او ماذا ؟؟
فياليت الموسم القادم يشهد احد المهاجمين المميزين اللي يقدر ان يمثل الفريق في مشاركاته الخارجيه والمحليه
لانه من اهم النقاط اللي لابد ان تلتفت لها الادراة ..
وايضا لاننسى خانة الظهير الايمن .. التي لايزال الفريق يعااني منها ..
وطاارق التايب .. ( كلمة شكر من القلب

) بصرااحة لاعب يلعب من حب للهلال والدليل رفضة للعروض الاخرى من اجل الزعيم وليس غير الزعيم .. الله يوفقة مع الهلال الموسم القاادم ..

خامسا : تفاريس - هوساوي ..

تفاريس بصراحة يصنف من افضل اجانب الفريق ومغادرته شي يضيق الصدر لكن ( Thank You Tavares ) ماقدمته شئ كبير بصراحة ومهما كان تفاريس لاعب محترف يدور على مصلحته ولكن المكشلة كانت في التعاقد المبكر مع اسامه هوساوي اللي اتوقع انه اجبر الادارة بعدم دفع مبلغ يقارب 20 مليون على لاعبين اثنين في خانة الدفااع .. ومن اهم النقااط انهم يلعبون قلب دفاع يمين يعني لازم واحد منهم احتيااط ..
ومن ناحية المستوى : لننظر لتفاريس اول مااجاء للهلال كيف كان وكيف اصبح الان وننظر لفرق المستوى فان شاء الله
هوساوي راح يتطور مستواه مع الهلال اكثر كما مع اغلب اللاعبين اللي لعبو للهلال
والمرشدي (بما انه بدأ مشوار المنتخب اللي راح يعطيه ثقه بنفسه ) وخيرات ( اللي بأذن الله راح يكون نجم الدفاع القادم .. بشهادة تفاريس

) فيهم الخير والبركه ..

سادسا : رئيس الهلال القاادم ..

( بندر بن محمد ) & ( عبدالرحمن بس مساعد ) كلهم فيهم الخير والبركة مع اني شخصيا افضل بندر بن محمد
ليس لشئ لكن لاعادة ذكريات البطولات الاسيوية اللي حققها مع الفريق في فترة رئاسه السابقه ..
شكرا جزيلا ابو سلطاان بصراحة عمل ومجهوود تشكر عليه من القلب ..

وختااما .. هنيئا لكم بفريقكم .. الزعيييم

قدم نتائج ومستوياات عجزت عنها فرق عالمية والف الف الف مبروك نصف بطولات الموسم وعقبال بطولات الموسم الجاي كلها مع الاسيوويه

ولاانسى ان ابارك لفريق الشبااب بطولة كاس الملك ويستحقوونها ..

اااسف جدا عالاطاله .. و هذا الموضوع مجرد وجهه نظر شخصية .. وارحب بوجهاات النظر المختلفة .. لإفاادة الفرييق
اخوكم / عاشق الزعيم