الموضوع هذا مالة دخل في الرياضة بس حبيت الاخوان يقرون القصة
لم يتزوجا في الزمن الصعب
شقيقان يعيشان حياة بدائية جنوب الرياض
عبدالعزيز وعبدالله يقضيان يومهما في مزرعة بعيداً عن متغيرات الحياة

تحقيق مناحي الشيباني: تصوير سليمان العنزي



في الوقت الذي ضعفت فيه العلاقات الاجتماعية وتباعد الأقارب!! يعيش (عبدالعزيز واخوه عبدالله) وقد بلغا ستين عاماً ونيفا في مزرعة جنوب الرياض. وحولهما الاوراق الخضراء في المزرعة يسكنها الفرح بوجودهما. كنت معهم في تلك المزرعة وكان لكلماتهما ولحركاتهما ونشاطهما وكفاحهما طعم آخر.كانا يعملان بشكل جدي.. ومرتب لكني قطعت عليهما هذا النشاط واخذتهما معي في حوار لا يخلو من الغرابة والطرافة والجدية في الوقت نفسه كشفنا من خلال حوارنا معهما نظرتهما للحياة!! من خلال طريقة حياتهما.. وسألناهما عن الاحداث الجارية في العالم من حروب ومتغيرات ثقافية وتعجبا من طريقة اسئلتنا ومن الحياة التي يعيشها الناس اليوم.في البداية تحدث لي أحدهما وهو يبدو الأكبر فيهما وقال لي انا عبدالعزيز محمد الزبيري وهذا اخوي (عبدالله) واحنا بخير (ابشرك) والله (يعز) حكومتنا وينصرها على (عداها) وأنت (تشوف) بعينك أمنا وأمانا ونعمة اللهم لك الحمد.(بس) أنا اقول لك (هالحين) مالنا أحد أقاربنا تباعدوا وما فيه ألا أنا (ووخييي) (أخوي) وباقي اقاربنا اللي توفي والعيال جيل اليوم كل منشغل في حاله لكن اللهم لك الحمد بخير وعافية. 7وهل يوجد احد غيرك أنت وأخوك (عبدالله) في المزرعة؟ ابتسم وقال. لا يوجد معنا سوى الدجاج والديك و(الغنم) وهذه السيارات الخربانة. أنا و(أخوي) عبدالله لم نتزوج من طفولتنا والحمد لله على كل حال بخير وصحة وفي ظل حكومتنا اللي ما قصرت على كل المسلمين في كل مكان. 7ولماذا لم تتزوجا؟ والله قسمة ونصيب والحمد لله على كل حال. 7وهل تفكران في الزواج الآن؟ اذا حصل شيء ما أحد منا (كارهه) واقول اهلاً وسهلاً اذا كانت بنت رجال ونبي نسكنها في المسكن اللي يرضيها على ان هي ام الدنيا أبي اعلمك الصراحة اذا كانت بنت رجال أبشر ان عيالك وذريتك (بيطلعون) (رجاجيل) لأنها متربية في بيت كله كرم وشجاعة أما ان كانت متربية في بيت ما فيه اهتمام ولا اخلاق ولا كرم (فعيالك) لا تسأل عنهم. 7هل تراجع المستشفيات أنت وعبدالله اخوك؟ والله اذا جاني (قلة صح) لكن الحمد لله تمر سنين ما نروح للمستشفى لكن (اخبر) مرة من المرات كنت (رايح) للسوق على سيارتي (وجاني) وأحد (وشالني) صدمني ولا (ردني) ألا قزازته وانحاش ويجيب الله الدوريات جعل الله (يعطيهم) العافية (ودوني) (صحية) الأمير سلمان طول الله في عمره (مستشفى الامير سلمان بالرياض). (وضروسي) كلها راحت والحمد لله طلعت بالسلامة. وبعدها اشتريت السيارة هذه وموديلها (76) اشتريتها بألف ريال. وفحصتها.. ومجدد استمارتها ونتنقل فيها انا واخوي عبدالله ونجيب فيها أغراضنا.. 7وهل تمتلكان هذه المزرعة؟ لا، هذه المزرعة نحييها وناكل من ثمرها وهي لشخص سامح لنا من فترة طويلة (نقعد) فيها بدون اجار بس شرطه ان نحييها. 7وهل لديكما مصدر رزق آخر؟ الحمد لله لنا عمارة وفيها (مستأجرون) ومن قيمة الايجار نعيش مثل غيرنا من الناس. 7ومن يطبخ لكم؟ يبتسم (عبدالعزيز) ويقول ابشرك انا وأخوي (عبدالله) ما عمرنا اختلفنا في الرأي ولا في الشغل عبدالله ما له إلا الله ثم أنا وأنا مالي إلا الله ثم هو.. عشنا على الحلوة والمرة وما عمرنا اختلفنا في شيء أهو يطبخ أو أنا ما فيه مشكلة اللي يلقا نفسه فاضي يبدأ بتجهيز الأكل.. واذا ما حصل ما كثر الله ألا هالمطاعم و(الدكاكين). 7وهل تتابعان الاخبار وأحداث العالم؟ أبشرك عندنا تلفزيون وراديو لكنا ما درسنا فيه شي نعرفه وشي ما نعرفه نسمعهم يقولون ارهاب واحنا ما نعرف وش الارهاب.. انا اتعجب منه يمكن تعلمني به!! (الاوادم) والله نشوفهم في ذي التلفزيون الى في فلسطين و(الاسرائيليين) الله لا يوفقهم ولا يرحمهم. أحنا ما نقرأ ولا نكتب لكن نشوف (البلاوي) والغثاء. 7وما اسباب هذه الحروب في العالم؟ أنا قلت لك احنا ما نقرأ ولا نكتب لكن الدين والصلاة هي المنجاة من هذه (البلاوي) واللي يبتعد عن الصلاة والصيام واركان الاسلام هو الخسران. والله غني (عنا) وحوادث الدنيا ما تقدر أنت يا الانسان تحدد سببها. 7التفت الى شقيقه (عبدالله) وسألته هل تعرف تسوق؟ ابتسم وقال.. (اللي ما يسوق ما هو رجال).واذا تعطلت السيارة هل تستطيع اصلاحها؟ اذا (خربت) المهندس يصلحها لكن البنشر نعرف نسويه انا وأخوي (عبدالعزيز) والبليتين والبواجي. 7(عبدالله) هل تحفظ الشعر..؟ والله لو أني شاعر كان هالحين في (لندن)!! هالحين احنا فلاحين الشاعر يقول الشعر ويأخذ (الفلوس) ويكون له معجبون لكن انا وأخوي (عبدالعزيز) الله يرحمنا برحمته. 7الدشوش) منتشرة في المزارع المجاورة لكم هل طلبت من اخيك (عبدالعزيز) تركيب دش في المزرعة. لا والله أنا أكرهه اللي يحطه يقولون فيه مناظر شينه.. وتلفزيونا ابشرك يكفي عن الدش وابشرك بعد حكومتنا ما حطت ألا كل شي زين. 7(عبدالله) أخوك (عبدالعزيز) قام بتجديد الاستمارة ولديه رخصة قيادة ولا يوجد لديه أي مخالفات هل أنت ايضاً نظامي.. ابشرك الحمد لله ما عمري دخلت المرور الا مرة واحدة ما اكذب عليك ودوني لقسم الشرطة واتهموني بقتل (الملكة). 7وما قصة (الملكة) وهل قتلتها صحيح؟ يبتسم (عبدالله وأخوه عبدالعزيز) ويقول ايه قتلتها وضحيت لها بعد!! 7كيف؟ يا رجال هاذي قصة حصلت لنا مع جارنا في المزرعة.. ما درنا يوم ألا والشرطة تجي للمزرعة وتأخذني وبعد ما رحنا للقسم قال لي الضابط جارك متهمك يا عبدالله انت واخاك عبدالعزيز بقتل الملكة بصراحة خفت أنا واخوي عبدالعزيز لكن تفاجأنا بأن المقصود بالملكة (ملكة النحل).. جارنا كان عنده نحل (ومؤذينا) في المزرعة ومرة قرصتني نحلة في رجلي و(الظاهر) أني (ضربتها) بيدي وماتت وعندنا سم في المزرعة ويمكن انها جت (الملكة) وماتت عندنا ما درينا.. المهم ان أهل الخير تدخلوا واصلحوا بيننا وكان جارنا يطالبنا بدفع (5000) ريال قيمة ملكة النحل التي ماتت

حكايت الملكه

سبحان اللللللللللله