|
معــانــاة الجـــــار المحتـــار ....... السلام عليكم ...ومراحب لكل الحبايب... ابشكي لكم الحال ولا تتوقعون اني استهبل ...انا ابتلشت بواحد مجرد معرفه بسيطه جدا لاتصل إلا حد المعرفه يعني مجرد السلام ...والله ياناس ابتلشت فيه سبحان الله جرت الصدفه وسكنا بجانب بيتهم المهم انه نشب في حلقي ويقول لكل من شافه انه صديقي ويعرفني من زمااان .... صرت اقفل جوالي طبعا مافي فكه يتصل بالثابت ماارد على رقمه كمان مافيه فكه يتصل على جوال احد من اهلي ويقول خله يتصل علي .... اهلي من كثر اتصالاته يقولون يمكن محتاج حااااجه بس مايدرون انها بثاره منه :upset: بعد الزحمه الي سواها يسأل سوال يحرق دمي ((( ((وينك ماتنشاف تجينا ولا اجيك :bigeek: )))بس هذا السوال عند كل مااشوفه او يتصل حتى لو مانقعد الا يوم ....... تصورو هذا الوضع وبيتك معه الجدار بالجدار !!!!!!!!! لالا تقولون عطه على قد عقله لأني تعبت وانا اجاريه واجامله الى متى ؟؟؟؟؟ على فكره هو شخص غثيث ممل يمزح معك بثقالة دم واذا مزحت معه زعل واعتبر السالفه جد واذا زعل يراضي نفسه ويرجع ......طبعا مصرعلى ذلك..... عطوني حل والله اني اعاني منه يوميا ....هذا نقطه في بحر من الي اشوفه منه ... وان شاء الله بقولكم الايام الجايه عن بعض قصصه علشان تساعدوني ....... |
حاول تكون صريح معه ازبد له او حاول تستغله لصالحك بحيث انه اذا كان مبدع في مجال معين وانت داج في هالمجال تقول له ابيك تعلمني مثلا او تدور نقطة سلبية فيه مثلا اذا كان يدخن تقول له انا ما اماشي مدخنين اتمنى اكون افدتك |
إقتباس:
والله مافيه شي يستفاد منه ... تقول ازبدله ياما وياما زبدتلة بس وايش اقولك بثر... والله اني ودي اقتله حسبي الله عليه |
:Dـههههههههههههههههههـ:D الحمد لله اللي لقيت واحد مثلي :D اسمع يا خوي .. والله ما أكذب عليك أن هالحالة مرت علي كثير لحد أني صرت أكره عيشتي إي والله :D بس أنا ما كنت أقوى أقولها لهم في وجيههم او حتى بالجوال .. لكن أجرب التطنيش لعل وعسى يفهمها البثر وما يفهمها للأسف :D لكن ربك يفكني منهم بعد طلعة الروح قسم بالله .. بتقول كيف بأقول والله ما أدري .. كذا فجأة وبدون مقدمات يطلعون من حياتي ولا عاد يدقون .. يمكن ملوا من كثر التطنيش أو أنهم لقوا لهم واحد ثاني يلزقون فيه :D والحمد لله معاد بقى معي إلا واحد بس لقيته مع ولد عمي في إيكيا .. ومن بعدها صار صديقي وأنا مدري خخخخخخخـ :D بس هذا طيب وصار يفهمها بسرعة s45s عاد بأوضح نقطة مهمة .. أني منب زين والله .. بالعكس مثلي مثل غيري ويمكن شين بعد ..! طبعاً قلت هالنقطة عشان ما أحد يفكر أني أتميلح :D ولأن معروف أن النشبات ما ينشبون إلا في الزيون :) أما السبب في نشبتهم فيني فهي لأخلاقي :D:D:D المهم ياخوي .. الله يعينك على ما ابتلاك به .. ما فيه حل أبداً إلا إنك تفكر بينك وبين نفسك وتعتبر الأمر عادي وما تحاول تكبر الموضوع .. استمر في تطنيشه ورد عليه مرة ثم طنشه وهكذا .. بشرط أنك ما تقهر نفسك أو تتشكى منه عند الرايح والجاي .. بكذا صدقني هو من نفسه بيتغير وما راح يزعجك إن شاء الله .. بس انت خلك ريلاكس أهم شي عشان ما تنقهر أكثر وأكثر :) وربي رحمتك لأني أعرف وشلون هالشعور خخخخخخخـ :D:D |
^ ^ رد وافي وكافي ع الصباح ,, مثل ما قال اخوي سلطان ما ينشبون إلا في الزيون ,, الله يعينك اخوي والحل انك تبعد عنه وكأنك زعلان منه وإن شاء الله يبعد عنك .. تحياتي |
إقتباس:
الحمد لله اني لاقي احد حاس بالمعانات الي امر فيها ...ماشاء الله عليك التطنيش نفع معك بس والله مانفع معه :upset:... تقول ان النشبات ماينشبون إلا في الزيون ... صحيح.. لاكن محاكيك مابه زين ولا حتى ملح انا وخشتي :d بس اللهم لاعتراض على خلقتك الحمد لله ... مشكوووراخوي المشاغب.... |
أعرف وآحد بس منزمان عنه يعني تقد تقول كان دايم يتصل ومقولة (( أجي وإلا تجي )) لكن على خفو دم وسنع صرآحة إنظر للجانب الصح تبي تلقى إنه يسأل عنك بشكل مو طبيعي والله ما يحط المحبة إلا لمن يحب لكن إنت تقول ثقيل دم نرجع لنقطة الصفر إنت تبيه إرجع له ما تبيه لا ترجع لكن إذكره بالطيب كآفي سؤاله ونشبته لك :d المهم إنت وعقلك تميز |
اللي اقدرر اقولــه .. الله يعينك .. مشكله صرآآحه .. اذا تكلمت جررحته واذا سكت تورطت ..!!! الله يعينك قد طحت فيها بس الحمدالله طلعت بسررعــه :) دخولي موب ع سنع بس لزووم المواساة <<< :) هلاليه |
مافيه حل الا تبيع بيتــك وتنــقـل منــه :d :d ........................................................................ |
والله ياعندي واحد غثيث وبثر بالماسنجر بس اخاف اصكه بلوك ويدري :d بس قمت اطنشه يجي يكلمني ماارد عليه يعني مالك الا انك تطقها بوجهه وتقول انت غثيث او تطنشه يعني يسلم عليك رد السلام وامش . إقتباس:
سلطان ماكأنك غثيتنا بإيكيا ؟ :d أشك انك تو تعرفه :razz: |
إقتباس:
والله إني حاس بمعاناتك :d مثل ما قال المشاغب مالك إلا تطنشه ترا بعض الناس ما يحس إنه بثر إلا إذا طنشته وما عطيته وجه مثلاً إذا قالك تجيني ولا أجيك قوله لاتجيني ولا أجيك أنا مشغول وكلمه وأنت معصب وإذا قال نكته لا تضحك :d وإذا قابلته لا تتكلم معه واجد بس اسمعه وهو يتكلم لين يتعب :d وإذا شفته زعل عليك زود زعله يعني قوله كلام يزعل ترا كل كلامي إللي فوق مجرب وموثوق ونتاج خبرة سنوات مع الغثاث :d والله يفكك منه |
انا الحمد لله ماجوني غثيثين واجد يمكن 2 او ثلالثه وكلها ابو اسبوعين بالكثير شهر وازبدلهم وخلاص |
قسماً بالله رحمتك وبنفس الوقت أقرأ موضوعك وأنا ميت من الضحك :d واللي يقول من الإخوان طنشه أو زبد له ( فترى النوعيه اللي يتكلم عنها اللغز المحير ) ما ينفع معها شئ إلا الإستسلام :d أو إنك تبيع بيتكم وتنقل :d ______________________ طبعا أنا رحمتك لأني عانيت مثلك وأكثر بعد :d :d <-- إستمع لقصه هذا المواطن فربما تخفف عنك وتقول بنفسك ( إثر خويي حبيب ويعتبر ولا شئ عند خويه ) :d ( القصه هذي طبعا قبل ما تكون الجوالات بيدين العالم ) :d بالبدايه كنت أمر عيال خالتي وأجلس معهم بالبيت وكان لهم جار يعرفونه من زمان يجلس معنا يلعب بلوت تعرفت عليه وضحك ووناسه والوضع تمام لاحظت على الأخ ( الغثيث ) إنه مسنتر ببيت خالتي 24 ساعه وينام عندهم ويفطر ويتغدى ويتعشى عندهم :surprised: صاروا عيال خالتي يجوني و( الأخ ) يجي معهم ( إلى الآن الوضع مطمئن وما فيه مشكله ) :d الأخ ( الغثيث ) فل أمها وصار يجيني دايركت على البيت إذا ما لقى عيال خالتي :surprised: يوم يومين - أسبوع أسبوعين - شهر شهرين ( أنا تضايقت من جد ) !!! يجيني من العصر وما يطلع إلا إذا قفل مزاجي منه ونمت من القهر :d والمشكله كان عندنا دراسه !! أخونا ( الغثيث ) يسوي حركه وصخه :d يجي دايركت بدون ما يتصل :surprised: أنا قلت له ( يرحم إمك إذا بغيت تجي إتصل علي يمكن أكون مشغول مع أهلي ) !! صار يتصل علي العصر وأنا أقول لأهلي قولوا له مشغول :d ( الغثيث ) بعد صلاه العشاء وهو محضر عند باب بيتنا !!!!!!!!!!!!!!!! :bigeek: من كثر ما عانيت منه أخوي زبدها بوجهه - والنتيجه ( ما كأنه صار شئ ) :d _______________________________ منعطف بحياتي غريب وهنا بتحس إن خويك ولا شئ عند خويي :d بعدها تطورت المسأله : بيوم من الأيام وأنا مودي أهلي عند خوالي إلا وأشوف خوينا ( الغثيث ) محضر ببيت خوالي :bigeek: ( هيييييييييييييه يرحم أمك وش تبي إنت بالبيت ما سلمت منك جاي ببيت خوالي ) :bigeek: الحبيب فل أمها ببيت خوالي :d وكان بالبدايه يجي مع عيال خالتي ، وزودها بعدين وصار يجي إذا طلعنا مع خوالي لإستراحه مستأجرينها :d الحبيب صار يجيي بسيارته من نفسه :d أمي من كثر ما تكرهه قالت لي ( شكلنا بنضيفه لبطاقه العائله ) :d من كثر ما جاء وتعرف على خوالي صار الأخ ( الغثيث ) ضمن العائله الكريمه خلاص إستسلمنا - وكل هذا برعايه عيال خالتي السبايك :d. ________________________ منعطف آخر بحياتي ويمكن يكون أحلى منعطف :d مره كان راكب معي وقلت بروح لشقه أخوياي بسير عليهم - دخلنا وسلمنا وطبعا هو نظامه ( يفل السبحه ) من أولها مع أيه شخص ما يعرفه :d ضحكوا معه أخوياي بعدها صار إذا ما لقاني بالبيت راح بدون سابق إنذار لشقه أخوياي :d تضايقت بالبدايه بس بالنهايه إرتحت ولقيت له حل :d ________________________________ وبعد القصه الحلوه هذي مو خويك ولا شئ عند خوينا :d على فكره ترا اللي قلته نقطه ببحر من اللي كان يسويه من غير بثارته والقلق اللي يسويه والمشاكل اللي يسويها بإختصار - يوجد بالقصه الحل لمشكلتك الحل الوحيد طال عمرك ( إنك تعرفه على مجموعه ) وخلهم يبلشون فيه وإنت أطلع منها :d |
وعليكم السلام ورحمه الله وبركاته والله مشكلتك مشكله وكثير يعانون مثلك مشكله المجامله على حساب النفس مو زينه يعني الواحد يتازم بسبب واحد غثيث:upset::d ذكرتني بـ صديقه اختي اختي مو راعيه مكالمات لصديقتها كثير بس ربي بلاها مره من السنين بصديقه تحب التلفون يوميا تتصل نهار وليل لدرجه صرنا نتضايق منهاا بالنهايه الظاهرر البنت كانت صداقتها مصلحه لان امي كانت مع اختي بالمدرسه:d وكانت هالبنت تحب مدرسه عندهم الظاهر كرهتها وسحبت على اختي:razz: ايضا وحده عندي بالمسنجر تجي تكلمني تقول ليه داخله وماسلمتي :surprised: باسلوب زعل وتشرهه:surprised: قلت مشوار اسلم على كل الي عندي :d فهي تقول سلمي علي انا وبنفسي اقول وش زودك والله:razz: مشكله الي حاط بباله انها مهم :d هالنوعيات بصراحه مايفيد معاها المجامله وايضا مانستخدم اسلوب الوقاحه على قولهم يعني صراحه بس بادب مع اني مافضلها:yes: لان مهمها كان بتجي بنفس الشخص تلميح خفيف بحيث مانجرح مشاعره وحط ببالك ان هالشخص ماتقرب لي الا لانه يغليني ومرتاح لي صحيح انه نشبه وغثيث بس نتحمل شوي ومانجرح مشاعرهs60s ياليت بالحياه العامه شي اسمه بلوووك :smilie47: والله مريح مرررررررررررررررره :d والله يكون بعونكـ s13s إقتباس:
إقتباس:
هههههههههههههههههههههههههههههههههههه :d الله يكون بعونكم رهيب هالولد ترى الي ينقطع عن المنتدى نروح له واحد نشبه :naughty: بس مسكين يمكن ماعنده صداقاااااات وارتاح لعايلتكم يعني لاتحرجوونه s60s واحتسبوا الاجرر :d الهنوووف كانت هنا ورحلت |
ههههههههههههههه من جد رحمتك :d كل واحد منا لازم ينشب له واحد مثل خويك :d تصدق عاد فيه واحد من هالاشكال هذي كان لازق فيني :upset: وربي شوي واصيح منه لدرجة اننا نصلي المغرب وينشب بحلقي الى ان نصلي العشاء :upset: اذا جيت اقول له يلا عن اذنك يقول لاتكفى اجلس شوي :upset: عاد انا من تالي قمت اسحب عليه الى ان نقلنا الحمدلله :clap: واشوا الحين اعيال حارتنا ما احد ينشب لي :clap: ---------------------------------------------------------------------------------------- تبي الحل وانا اخوك . . . اسحب عليه مو سيفون ولاسيفونين اسحب عليه ثلاث سيفونين :d |
| الوقت المعتمد في المنتدى بتوقيت جرينتش +3.
الوقت الان » 11:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd