|
كواليس المباراه من الساعه الخامسه الى نهاية المباراه السلام عليكم ورحمة الله وبركاته هارد لكم الخساره انت تريد وانا اريد والله يفعل ما يريد عند الساعه الخامسه مساء اتجهة الى المقصوره الرئسيه وثناء دخول مع بوابة الملعب اذا بأحد السكرتيه يسئلني معك شعار قلت وش تشوف قال ممنوع قلت ليه قال ادارة الملعب مانعه دخولها قلتله ليه عشان التقسيم 70% للهلال ويبون الاتحاد يجلسون في مدرجات الهلال بدون اعلام لان ال 30% ما تكفيهم قال حط العلم ولا تكثر المهم رفضت ذلك وجلست عن البوابه الين انشغل واحط رجلي للمنصه فجلست في مقعدي وحينما ناظرة الدرجه الثانيه تفاجئت بأنه لا يوجد فاصل بل رجال الامن مشعترين في مدرج الهلال وليس هناك فاصل ابدً وبحثت عن احد مسئولي موبايلي وسئلته وين التقسيم قال ادارة الملعب والامن العام رفضو اوامرنا رجعت لمكاني ودخلو رابطة الهلال وكانت اصوات حماهير الهلال تغطي على جمهور الاتحاد بدرجه كبيره جاء ماجد التوجري لم جمهور الهلال واعاهم المايك وابدعو بصراحه في التشجيع وبعد دقايق نسمع صوت نشاز يقول يا جماهير النمور حافضو على امن البلد وكررها مره ثانيه وثالثه والرابعه عدلها قال امن الملعب <<<< ليه قالولك ارهابيين جماهيرنا المهم شالت رابط الزعيم اهزوجة ياهلال عزك عزنا يا هلااااال وأتفاجا بأن جمهور الاتحاد يردد معنا ويقول ياهلاااال ويم دققت فيها اثرهم يقولون وانتم بالكرامه يا كلاب وكان جمبي صحفي من جريدة الرياضيه الظاهر اسمه عبدالله القرني وهو هلالي قلتله سامع قال ايه قلت تكفى اكتبها بكره قال انت تنفخ في قربه مفقوعه اذن المغرب وصلينا ومزالت رابط الزعيم متسيده الموقف دخلو لاعبي الهلال قبيل اذان العشاء وقابلهم جمهورهم الشهم بتصفيق حار وبالمقابل جمهور الاتحاد يردد يا كلاب ياكلاب <<<<< من القهر الي قدامي اتحادي خلية راسه طفايه مغير ارمد عليه اذن العشاء وصلينا ودعينا الله بالانتصار وبداءت المباراه وكلكم شفتوها المهم في اخر ربع ساعه قام رئيس رابطة الهلال الله ينصره دنيا واخره بالتشجيع يابطل الدوري والكاس ياهلال ورددها جمهورنا حتى بعد صافرة النهايه ومزالة رابطة الزعيم تتغنى بنجومها وبالبطولتين التي حققوها <<<< هذا هو الجمهور مو اذا صفر الحكم ما بقى احد منهم وجا تفاريس لمنا وهتت له الجماهير كثيراً واستمر الفرح الهلالي حتى خرج اخر هلالي من ارض الملعب الي اهو ابو سلطان فتغنة بأسمه وعاد الى نصف السافه بينه وبين الجمهور ورد التحيه وبعدها خرجنا مع رئيس الرابط الى اسوار الملعب ومزلنا نغني يا بطل الدوري والكاس يا هلال وتهجم الشرطه علينا تقول في حرب وتمسك برئيس الرابطه وخرجنا خارج اسوار الملعب ومزال الغناء مستمر وتقابل جمهورنا مع جمهور الاتحاد خارج الملعب وكلً يغني لحاله بطوله يا بطوله والازرق من يطوله هلالي يبكي من ضرب الاتي واستمرة قرابه النصف ساعه في مواقف السيارات حتى اتى باص مكافحة الشغب وطرد جمهورنا وترك جمهورهم بغيت انسى بين الشوطين لقيت الدكتور حق النفسيه الي مع لاعبي الهلال سئلة بالله كيف نفسيات الاعبين هل ممصممين على الفوز ولا متحطمين قال ناوي يقلبونها عليهم بأذن الله بس الهدف المبكر لخبطهم شوي قلتله ابي اسئلك عن الشلهوب والعنقري كيف نفسياتهم قبل المباراه قال تمام قلت بس الشوط الاول مره مفهين ولا هم يم الكوره قال تصدق عاد اكثر اثنين جلسنا معهم الشلهوب والعنقري وقلتله والتمياط قال التمياط قبل اتكلم معه سحبني وقالي انا حاس في جمهورنا وهم متفائلين كثير لانهم يعرفون اننا قد المسئوليه وراح ابيض وجيهم بأذن الله وعلى العموم يا جمهور الرياض نبي حضور يوم التتويج بالدرع ما نخليه لجمهور الاصفرين اي مقعد من حقنا نحضر نتوج فريقنا نبي نخليها نار على الاتحاد في الرياض ونهديها للشباب |
انا حضرت المباره في الملعب وكنت داخل ومعي شال الهلال وحاول السكيرتي الي المسؤال عن التذاكر منعي من الدخول بشعار الهلال بحجة انه يحمل عبارة القناص وبعد محاولات مني لفهم السبب لمجرد الاقتناع بوجهة نظره وما هوا الخطاء في حمل شعار الهلال وفيه اسم للاعب من لاعيبته قال لي ( خلاص ادخل الملعب ) فيا للعجب من هذا التنضيم العشوائي وعند دخولي المنصه وكانت قيمة التذكره 300 ريال تفاجئة بوجود اشخاص يجلسون بجانبي هم من كانو يغسلون السيارات في الخارج فيا للعجب من هذا التنضيم الفاشل في استاد الامير عبدالله الفيصل |
الوعد الدره باذن الله...................................... |
الله يعطيك ربي االف الف الف عافيه والله يبيض وجهك واللهاني كل يوم احبك زووووووود ياهلال |
إقتباس:
كفووو والله حيلك فيه اجل رأسه طفايه ههههههههههههههههههههههههههههههههههههههههههههههههههههههههههههههههههههههههههههههههه |
الوعد الاستااااااااااااذ باذن الي ماتنام عينه ............. |
هههههههههههههههههههههههههههههه هذا الي يقدرون عليه نادي الاتهاد وما يقدرون يسون اكثر من كذا وشكرا على الموضوع والله يعطيك العافيه |
متروك 99 الله لايعطيك العافية ومشكور على نقل الخبر من ارض الملعب وتقبل تحياتي@ |
أقسم بالله كل اللى قلته صح وياليت ماتعديه على خير قلنا نيجيريا نقلو مباراتنا وهم يقولو كلاب ومحد يكلمهم |
إقتباس:
اخوي سلامات ليه تدعي علي اذا مو عاجبك الموضوع كان ما رديت بس اتمنى انها تكون تكليجه منك |
كلاب مرة واحدة ما عاد تكفيهم نيفيا ما يكفيهم الطق اللي صار لنا في نهائي الدوري حسبنا الله ونعم الوكيل !! |
مشكووور على التغطيه ......................................... |
تصدق عاد اني مادريت وش قاعدين يرددون معنا الا منك :upset: باالنسبة للشال كان قدامي واحد اتحادي واخذوا منه الشال ورفض قال للعسكري خلاص مابي ادخل , ويوم شفت الموضوع جد نزلت الشال و جيت طالع المدرج واشوف المشجع الهلالي اللي يقولوله بن عدوان جالس يتهاوش مع العسكر علشان الشال . اما احلى مافي المباراه تشجيع الجماهير للاعبين حتى وقت هدف الفيس كأن الهدف لنا ماهو علينا . يسالني اخوي يقول عسى ماصارت مشاكل ؟ قلت له اذا فاز الاتحاد مايصير مشاكل |
يالربع نبي نرد عليهم بدرة الملاعب تكفون احضروا بكثافه نبي نقلبها عليهم هالجحلط :) |
| الوقت المعتمد في المنتدى بتوقيت جرينتش +3.
الوقت الان » 01:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd