#1  
قديم 12/05/2008, 12:43 AM
الإحترافيه بعين هلاليه
تاريخ التسجيل: 07/07/2006
المكان: الريـاض
مشاركات: 7,248
كسبنا بطولتين وخسرنا بطوله

السلام عليكم ورحمة الله وبركاته

الحمدلله على كل حال خسرنا بطوله وكسبنـا بطولتين +لاعبين رائعين كلنا نتمنا لهم التوفيق في الموسم المقبل

انتهى الموسم بخيره وشره

كسبنا بطولتين رغم انف الحاقدين

وتركنا لهم بطولة كأس خادم الحرمين الشريفين للأبطال < يتهنون فيه حرام نحرمهم ب 3 بطولات عبدالهادي يزعل !!

الشباب نادي كبير بلاعبيه ورئيس النادي خالد البلطان نادي قوي نتمنى له التوفيق في النهائي يستاهلون

والاتحاد نادي كبير بلاعبيه ورئيس النادي نتمنى له التوفيق في النهائي

وان شاءلله يشرفون الكوره السعوديه بالتوفيق لهم .


لننسى المبارة هذي خسرناها من البدايه مثل ماقال الامير محمد بن فيصل غلطة الشاطر ب 10
وغلط المدرب الداهيه ودانا بستين داهيه امام كيتا ونور

مبارة الاياب لم تكون في المستوى المطلوب اداء الاعبين جدا بسيط الا كم واحد يلعب ويحرث الملعب حرث

بداية الشوط الاول عزيز و التمياط والفريدي و الزوري وقلوب الدفاع تفاريس والمفرج والباقي تكملة عدد

استغرب من مستوا عمر الغامدي لاعب كبير وله مميزاته بس كم مره يعطل الكوره ؟ ايش رايكم في مستواه ؟ بدون تجريح

الشوط الثاني استغرب من تبديلات الداهيه كوزمين بخروج الفريدي المتحرك والمزعج لظهير الايمن الصقري

من رأي خروج الشلهوب الي كان بعيد عن جو المبارة وان شاءلله يرجع لنا الموسم الجديد ب شلهوب الموهب الي عودنا على تحركاته وتمريراته

* نقطه من المبارة الاتحاد بأمكانه المحافظه ع الهدف وتكثيف الدفاع ولكن سحب مهاجم خطر مثل كيتا المزعج و دخول الاخطر الفيس ! وسجل هدف.هذا الهجوم مو مثل ليلو وغيرهم من يقال عنهم بمهاجمين

لنفكر في الهلال الموسم القادم ماذا يحتاج الهلال؟
الهلال بنقص هذا غير قادر يكمل في الاسيويه
1- ظهير ايمين متمييز
2- مهاجم ممتميز اجنبي بجانب ياسر او الصويلح في حال غياب احدهم مثل الفيس الاتحاد ومارتينز الشمراني والسلطان الشباب
3- قلب دفاع
4 رئيس رابطة مشجعين يشعلل المدرج ويحرك الجمهور الساكن

قرأت في جريده او في الاخبار من المنتدى ان الاداره الهلاليه بتجلب لاعب محلي من نادي الخليج درجة اولى " الراهب" .

بصراحه انا ماعرفه ولاقد شفت لعبه عشان احكم عليه < ياعيني

بس السؤال الي محيرني
هل الهلال غير قادر على جلب لاعب اجنبي متميز جدا جدا ؟؟ وهل تتوقعن ان الاعب هذا بيكون الوحيد جنب ياسر و الصويلح ؟
او لسى بدري على التعاقدات مع الاعبين . ؟؟

من سيكون الظهير الايمين في الموسم القادم ؟ العنقري الياس النامي العبد السلام ؟
ام الرهيب ؟ ؟
رأيكم في مستويات
العنقري الياس النامي العبد السلام بدون تجريح

تذكرو ياجمهور الهلال ان الهلال بيأخذ درع الدوري البطوله الاقوى يوم الاربعاء ان ماكنت غلطانه
تذكرو الضغط الشديد على لاعبين الهلال من جميع الجهات ورغم هذا اخذنا الدوري والكأس
شكرا لجميع الاعبين على ماقدموه في هذا الموسم
شكرا للمدرب كوزمين على ماحققه من انجاز له ولنا كهلالين بصعود اسماء واعده لمستقبل الهلال
غلطه لاتعني انه مدرب غير جيد وتذكرو كيف جاته الضغوط من جميع الجهااااااااات وانتم عارفين .

اخيراً اقوووووول

(تــفــاريــس كــلــنا نحبـــكـ)

اعذروني اول موضوع لي واتمنى يعجبكم ويكون في نقاش في بعض النقاط الي ذكرتها

واتمنى من بعض الاعضاء عدم التجريح في الرد لي او للاعبين

انقد بس لاتجرح
اضافة رد مع اقتباس
  #2  
قديم 12/05/2008, 01:12 AM
زعيــم فعــال
تاريخ التسجيل: 30/09/2001
المكان: السعودية
مشاركات: 229
الحمد لله على البطولتين واللاعبين الشباب ... أتمنى إن الهلال يركز الموسم القادم على الآسيويه والدوري بشكل كبير , وبطولة ولي العهد وكاس الأمير فيصل بن فهد تكون للأولمبي لإن لو بغيناها كلها ماراح نحصل على شي ونرهق الفريق . ولو لاحظتوا مانشيستر يونايتد وريال مدريد وو .. الخ من الفرق العريقه في العالم تركز على بطولتين من أصل 5 أو 4 بطولات .. عكس اللي يصير عندنا الفرق تركز على البطولات كلها وفي الأخير إرهاق في نصف الموسم وإصابات اللاعبين وغيابهم عن فرقهم .
اضافة رد مع اقتباس
  #3  
قديم 12/05/2008, 01:20 AM
الإحترافيه بعين هلاليه
تاريخ التسجيل: 07/07/2006
المكان: الريـاض
مشاركات: 7,248
شكرا لك ع الرد

يناس فكونا من الخمسين حرف ماله داعي
اضافة رد مع اقتباس
  #4  
قديم 12/05/2008, 01:23 AM
زعيــم مميــز
تاريخ التسجيل: 29/10/2007
المكان: الريـآض
مشاركات: 12,465
اشكرك ع الموضوع الرائع .!!

بالتوفيق للهلال في المباره الجايه .!!

بالنسبــة "نريد ظهير ايمن سعودي متميز " .!!

دفاع قوي متميز سعودي ،!

صانع لعب + هداف .. يجيد الكرات الثابتــه .!!

هجوم هداف .. مراوغ .. لان اعتقد المهاجم الي ماعنده مهارات لاينفع .!!
اضافة رد مع اقتباس
  #5  
قديم 12/05/2008, 01:24 AM
زعيــم جديــد
تاريخ التسجيل: 05/04/2008
مشاركات: 9
اعجبني مخك الكروي تقريباً انتي تسئلين وتجيبين بكذا سؤال ريحتيني من بعض الاجابات

والعمر له سلبياته وايجبياته بالنسبه لعمر الغامدي والشلهوب >رغم مستواه الهابط جداً لاكن نتمنا ان نراه في

مستوى عالي وكما عودنا في ظهوره

طبعاً الكل يعرف ان الاخطاء من المدرب حينما اجراء تبديل الفريدي

والخطاء الفادح والذي للحين ماني داري وليه مااتتغير طريقة الهلال بالهجوم هذي

وهي لماذا الاعتماد على ياسر فقط في الهجوم حتى اصبحت خطة الهلال واضحه

اذا تم مراقبة ياسر خلاص طفى الهجوم ولا يوجد من يشاغب المدافعين غير ياسر

ولاكن اتمنى ان ياخذ هذه العبره هذا المدرب

والحمد الله وضعنا بصمتنا في هذا الموسم
اضافة رد مع اقتباس
  #6  
قديم 12/05/2008, 01:45 AM
الصورة الرمزية الخاصة بـ txtعزوز القصيم
زعيــم فعــال
تاريخ التسجيل: 20/01/2008
المكان: القصيم = بريدة
مشاركات: 285
مشكورة كلام عين العقل وطرحن جميل واتفق كثير من نقاطك
اضافة رد مع اقتباس
  #7  
قديم 12/05/2008, 03:21 AM
الصورة الرمزية الخاصة بـ كريزي
زعيــم مميــز
تاريخ التسجيل: 10/02/2004
المكان: حايل : صلآح الدين آلشرٍدزي
مشاركات: 3,904
مشكوره ع المووضع الاكثر من رائع

أما عن عمر الغامدي فانا بصراحه والله ماني مقنع فيه ابداااااااااااااااااا
بس الي اسمعه من ء المدربين أنه لاعب تكتيكي 000 والي اشوفه انا ماحولك احد بس يلعب على الحضضض
والله اتمنا جلب لاعب الشباب أحمد عطيف والي استغرب عدم انضمامه للمنتخب

أما عن العنقري = فاليوم قدم مستوا لاباس به بس عاد مهو بطموح الهلال في الاسيويه
النامي = فهو يلعب وسط واتمنا من كوزمين اعادته لمكانه الرئيسي وسسسط
اما عن العبد السلام=فاعتقد انه لاباس به بس توه صغيرررر والمستقبل قدامه
أما عن الياس = فاقدم مستويات طيبه مع باكيتا بس بعد مايرتقي بمستوا الزعيم

أما الررررررررهيب = يآعين لاتبكين شيبتي الراسسسسسسسسسسسس عجزنا وحنا نطالبه بس انشالله انه هلالي باذن الله ++ وهو راح يكون ضالت الضهير الايمن

كـرٍِيــزٍِيٌُ
اضافة رد مع اقتباس
  #8  
قديم 12/05/2008, 11:50 PM
الإحترافيه بعين هلاليه
تاريخ التسجيل: 07/07/2006
المكان: الريـاض
مشاركات: 7,248
شكرا لكم على تفاعلكم بالموضوع
اضافة رد مع اقتباس
  #9  
قديم 13/05/2008, 12:04 AM
زعيــم نشيــط
تاريخ التسجيل: 28/09/2007
مشاركات: 686
الف شكر على الموضوع الرائع
والحمد الله خرجنا بالاهم هذا الموسم
وانشالله توفق الاداره باحضار لاعبين اجانب مميزين
اما بخصوص الاضهره الي موجدين الان
كلهم اجتهدوا واعطوا الي عندهم وكثر الله خيرهم
الا محمد نامي ما اخذ الفرصه كامله وعلى فكره مكانه مو ظهير
بالتوفيق للزعيم الموسم القادم وخاصة الاسيويه
تقبلي مروري
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:39 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube