يا هلا بكل الهلاليين
يا هلا بكل الزعماء
يا هلا بالأبطال
ما ودي أطول عليكم
وحطو في بالكم إني بتكلم بعفوية
يعني ما راح أكون مرتب كثير لكن تمنى اني أكتب شي حلو
محد ينكر ان الهزيمة مهما كان هزيمة ولحد يفرح انه ينهزم حتى لو انهزم الاتحاد 2-1 او 3-1 ما أتوقع انه بيفرح مره راح تظل هزيمة
ماراح أتكلم عن أاسباب الهزيمة
وفي النهاية هارد لك لكل بطل وزعيم وهلالي
يا شباب ترا حنا اخذنا بطولتين قويتين وحده من قدام الاتحاد عندهم وهم كاملين
ووحده عدينا النصر وبعده عدينا الحزم وبعده عدينا الشباب وبعده عدينا الاتفاق
لاحظوا كلهم قويين وكانت مبارياتنا حلوه
في الأخير محد عنده هالموسم بطولتين إلا الهلال الزعيم البطل
فوش رايكم هل اللاعبين والادارة والمدرب والجهاز الطبي ومدري اللياقة ومدرب الحراس
ما يستاهلون إننا نعبر لهم عن فرحتنا بهم ورضانا عن اللي سووه
أنا اتكلم عن بطولة الدوري سووا شي راااااائع
------------
نقطتي اللي ودا أقولها ونطبقها واللي على أساسها كتبت موضوعي
اقتراح بسيط من عضو قارئ لجميع المواضيع بس بدون لا يكتب رد لا تعصبون علي أدري غلطان بس اقروا كلامي لآخره
اقتراحي ليش ما نملا استاد الملك فهد
ونخليه يطلع في ذيك الليلة أزرق على أزرق
خصوصا ان جماهير الاتحاد عشرين واحد وجماهير الشباب 5 واحد مات والثاني صار يشجع الهلال صاروا 3 شفتوا ليش ما يكون فرحنا يوم الاربعاء بفريقنا وزعيمنا وهلالنا
بكذا راح نرد على كل من وقف قدام الهلال :
-- راح نرد على لجنة الانظباط
ما نخليهم يتهنون باللي سووه علينا وما نخرب جو المباراة بس نحضر ونفرح مع فريقنا ونقهرهم
-- نرد على الاتحاد ونرد على كل من فرح بخسارة الهلال المسكين اللي ما اخذ الا بطولتين بس هالسنة تخيلوا معي أن الملعب مليان مثل مباراة الهلال والاتحاد السنة الماضية الله لا يعيد الشر
وتخيلوا إننا نحضر وإنا فرحانين من قبل المباراة وش راح تكون نفسية الجماهير أنواااااااع الفله
تخيلوا إن الجمهور كله يقول
هلاااااااال هلااااااااال اوه اوه
يا هلال عزك عزنا يا هلاااااال
وش بيكون موقف لاعبين الاتحاد والشباب خخخخخخخخخخخ
تخيلوا وش موقف اللي يناظر 8 قنوات تنقل المباراة
وش راح يقول راح يقول الاتحاد والشباب يلعبون
ولا راح يقول الهلال أخذ الدوري ويستاهل
صدقوني يقلب تحليل المباراة إلى مباراة الهلال والاتحاد حقت الدوري خخخخخخخخ من جد وش راح يكون موقف
خادم الحرمين الشريفين
وش راح يقولون في الجرايد من بكره
وش موقف محمد بن فيصل
وش موقف تفاريس الله يهديه إلى الاسلام
وش موقف ياسرنا
وش موقف كل اللاعبين اللي ما قصروا
صدقوووووووني راح تكووووووووووون فله لو ملينا الاستاد
شي غيييييير طبيعي
يله جهز ربعك واخوياك ورح الله يستر عليك ولا تسرع
تراك بتلقا مكان ولا راح يفوتك هدف ياسر في الاتفاق بحكم انه جا بدري خخخخخخ
روق ولا تروح الملعب الا وانت دابغ في الاكل لأنك بتحضر تقشم حب وتفرح
ومروق
-------
انتهى
-------
وعلى دروب البطولات نلتقي