][ الحوار المفتوح ][ مابعد مباراة [الـهلال Vs الأتـحاد] (تحليلكم و أرائكم) - نادي الهلال السعودي - شبكة الزعيم

قلبي مملكـة والهـلال يملكـة · #1 12/05/2008, 01:03 AM

المحور الأول :
هل وفق المدرب بأختيار التشيكلة المناسبة للمباراه؟وهل تم توظيف
اللاعبين بالشكل المناسب؟ وما رأيك في تغييرات المدرب كوزمين؟
البدايـه التشكيله مافيها أي كلام هذولا هم لاعبيـن الفريق الأساسيين من بدايـه الدوري بإستثناء المفرج ماشارك المباريـات الأخيره ..
والخثران إحتياط والباقي ماتغير .. بالنسبه لتغييراته ماكان موفق أبد أبد ..
الفريدي مقدم مستوى اليوم رهيـب ماشاءالله تبدله بليلو ليش ؟؟ والشلهوب اللي مع إحترامي له ماقدم أي شي الموسم هذا يلعب المباراة كامله !!!!
ويكمل الأخطاء بتبديل التمياط !!!!!!!!
ماوفق بتبديلاته لا مباراة الذهـاب ولا الإيــاب ...

.....

المحور الثاني :
هل كان ضعف في خط الهجوم رغم مشاركة (ياسر و ليلو) أو ان الوسط لم يكن بالصوره المطلوبه مما سبب
تأثير كبير على خط الهجوم؟
ماهو رأيك في التنظيم الدفاعي للفريق,وهل كان الهدف الاتحادي مبكر سبب تأثير على اداء الفريق في بقية المباراة
أم ان هناك عدم ترابط وانسجام في بقية المراكز الاخرى ؟
الهجوم ماقدم شي يذكر اليوم .. مع إن الوسط كان يتحرك اليوم كثير خصوصـا الشوط الأول بس ماشفنا من الهجوم مستوى !!!!!!
الدفـاع ماكانت أخطاءه كثيره مثل مباراة الذهاب بالعكس اليوم حلو مستواهم ..
الهدف الأول شي طبيعي أثر على أداء اللاعبيـن وقلل من الأمل اللي كان موجود عندنـا ...

المحور الثالث :
هل اجانب فريق الاتحاد احدثوا الفارق الكبير في النتيجة والأداء مقارنه بأجانب الهلال ؟
وماهو تقييمك لأداء لاعبين الهلال ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول؟
كيتـا هو الوحيد اللي أحدث فرق كبير وقدم مستوى كبير خصوصا مباراة الذهاب .. البقيه مستواهم عادي .. ألفيس مالعب الا نهاية الشوط الثاني
وتشيكو مستواه مثل أي لاعب سعودي ..وماأقدر أسوي مقارنه بين أجانبهم وأجانب الهلال .. الهلال مالعب إلا تفاريس بس .. التايب موقف
وليلو ماشارك الا الشوط الثاني !!! كيف أقارن بينهم ؟؟؟؟
نجوم المباراة فيه : الفريدي اليوم قدم مستوى .. تفاريس .. عزيز مع إن الهدف الأول ماانتبـه لنور أو مادري وش سالفته .. الزوري ..

اللي ماقدم مستوى اليوم : الشلهوب من بدايه الموسم مو بس المباراة هذي .. ياسر القحطاني .. عمر الغامدي ..

المحور الرابع :
ماهي رؤيتك الخاصه عن ماحدث بالمباراه (( مساحه حره للعضو ))
المباراة أساسا كانت محسومـهـ من الذهاب .. يعني 95 % كانت إتحاديه و 5 % هلاليه ..

الهدف الأول أثر على اللاعبين يعني اللاعبين من الأساس من قبل بدايه المباراة والأمل عندهم ( قليل ) حتى عند الجماهير صعبه تجيب
4 / 0 على الإتحاد علشان تأهل ويجي عليك هدف بالثواني الأولى << تحطيــــم صراحــه ..

الفريق الموسم هذا ماقصروا للأمانه حققوا بطولتيـن مهمات ( الدوري و كأس ولي العهد ) رغم الظروف اللي مرت
بالفريق من ( ضغط مباريات .. إصابات ..توقيف لاعبين .. المنتخب .... إلخـ )
يعطيهمـ العافيــــــه

بالنهـايه : مبـروكـ للشبـاب والإتحاد الوصول للنهائيـ .. وياليتـ نشووف مباراة نهائيه تليق بمستوى وسمعـة النادييـنـ