زماااااااااااااااااااااااان ياشعر؟؟؟
 

مرحبا أخواني ومن كل قلبي أهدي لكم رائعة من روائع أمير الشعر الغزلي الشاعرالكبير محسن الهزاني وأتمنى ان تنال اعجابكم:
طيف بعيني طاف والناس غرقا
بالنوم وأحرمني بلذات الأحباب
لج الهوى بي من جنوب وشرقا
ونشقت عرف طاف من فوق الأطياب
حبه رقا في ضامري كل مرقا
له في سعود القلب قصر ومرقاب
له لسعة في لاجي الروح زرقا
وسم المحبة ينقضي كل ماطاب
كل جروحه تنتداوا وترقا
وانا على الفرقا تزاود ولا طاب
قربه معيش وان بدامنه فرقا
عفت المنام وطيب عيشي والاشراب
والله يالولا الخوف من حضر ورقا
يدرون في سري مع ريف الأحباب
لاقحص على طولي على الرجم وارقا
وانوح من حبه وارمي بلأسلاب
يارب تجمع بعد بعدي وتلقا
وتلمني وياه يارب الأرباب
من صاحب شرواه ماعاد نلقا
بالقوم من كل الطوارف والأصحاب
هو نقوتي من جملة البيض طبقا
ان قيل خذهم واتركه قلت ماناب
ماني ب من يجزي الحساني بدرقا
ايضا ولا ينسى عشيره الى غاب
حبه صبغ للقلب طرق بطرقا
فلو محيته بازرق الدمع ماذاب
محبة بالقلب تهفا وترقا
لو غاب له زول عن القلب ماغاب
خل نطيب بطيب طيبه ونشقى
من حادث الدنيا الى ناب له ناب
فامنن على قلب ملكته بعتقا
لاناسي عهدك ولا لغيركم جاب
اعذر وسامحني ترى القلب مشقى
وصل وصلك الله مع كل الاسباب
وصلاة من يفني الخلايق ويبقى
على رسول الله واله والاصحاب
...........................,شكرا..وقبل الختام هناك بيت أقوله بس على شرط تقولون آمين:ربي وانااساله يدمر اسراءيل....ينشي غضب ربي عشا ويهجدها

شكرا اخوي على هذه
الكلمات الرائعه
والله يعطيك العافية