نداء /ابومتعب_ ياشعب شوفو لنا حل البلد مليانة منهم - نادي الهلال السعودي - شبكة الزعيم

الزعيم الصدقي · #1 10/05/2008, 02:45 AM

صباح الخير يازعماء صراحة انا مقهووووووووووور

ومالقيت
احد اشكي علية غيركم لان صارلي موقف يرفع الظغط ونكدني عموما مااطيل عليكم اخليكم مع السالفه :
كنت يوم سهران عند اخوياي وجالسين في سلام فله وضحك
بلوت وبلايستيشن طبعا ماالعب الابالهلال

ومصقع اللي عندي كلهم
لدرجة ان يدي تعبت واصابعي ورمت واخوياي الفقراوية بيموتون قهر

.
فجأة جاني اتصال من البيت وأرد
انا:الو
عمتي:سلام عليكم
انا:وعليكم السلام ؟
عمتي: اخوك حرارتة مرتفعه ولازم تجيب له دوا
انا: اخواني وابوي مافيهم احد بالبيت؟
عمتي:كلهم عند خالك سهرانين
انا:مسافة الطريق وانا عندكم
اعتذرت من اخوياي دقيت سلف موتري اللي توي شارية وطلعت ماشي على مهلي مع فجأة الا اللي خبطني على جنب الموتر وصرت في اخر الشارع

اطالع في نفسي مافيه دم الحمد لله
نزلت من السيارة واطالع واشوف السيارة اللي صدمتني سيارة صغيرة وانعدمت مع الصدمة
نزلت على السواق وشفيك من وين طلعتلي مارد رحت بالبس
غترتي اللي طاحت من الصفقة ورجعت اشوف الرجال
ادور الرجال ادووووووووور ماله اثر

وطبعا كعادة الشعب السعودي السيارات وقفت والعالم تجمعت

اتصلت اول شي بشقيقي اللي اعتبرة الاب الروحي لي

اول ماكلمتة قلت له لايدري ابوي اني صادم خفت عليه(مريض قلب)
دعواتكم له بالشفاء
ثم دقيت على المرور قلت انا صادم واللي صدمني انحاش طبعا اللي
صدمني تبع مطعم توصيل طلبات
بعد ساعه والله ساعة بالتمام جاء المرور طبعا انا بغيت اسحب سيارتي واروح
والسواق علم صاحب المطعم وجاء الاخ
قال العسكري: وين اللي كان يسوق ؟؟
قال صاحب المطعم: الصراحة مدري مايرد على جواله وماندري
وينه
المهم منا ومنا طلع السواق مو على كفالتهم ولايحمل رخصة قيادة
ولا معاة اقامة اصلا يعني سوا مصيبتة وانحاش
وقال العسكري كلمة دقت في قلبي: "مشكلتنا في البلد هذا مانتكلم عن مشكلة الابعد مانتظرر منها (العماله السائبه)بعد ماكثرت مصايبهم
في البلد قاموا يتكلمون عنها"
وقال لي راجع مرور الشمال
مشيت وتركته مع صاحب المطعم وهو وياة في شيل وحط وطلبات
طبعا سيارتي اجار منتهي بالتمليك( لايحق لي التنازل)
مريت مرور الشمال قالو قدرسيارتك من شيخ المعارض وقدرت سيارتي طلع تصليحهابثلاثين الف ورجعت لمرور الشمال
لقيت واحد من اللي جوا مع صاحب المطعم عند الحادث يدخلونه التوقيف
ماعبرتة ودخلت للعسكري ابي تقرير الحادث وقال لي العسكري :ابشرك اللي صدمك جاء وسلم نفسة وتونا ارسلناة
التوقيف .
قلت :اللي تحت ذا معلم المشاوي حقهم اعرفه مو السواق السواق اصلا مامعه اقامة كيف يجيكم
قال العسكري:طيب خذ تقرير الحادث صورة ورح ود موترك الوكاله
وصلحه ولاتدخلنا في متاهات
اسئلة كثيرة تدورفي راسي :
ٍس/كيف تسجل الحادث باسم معلم المشاوي وطلع منها السواق الهارب؟و وش صار مع العسكري بعد مارحت؟
س/ كيف اجنبي بدون اقامة ولارخصة يعمل في محل تجاري ويوصل طلبات في الحواري ؟وين الرقابة
س/السواق هذا لو دعس آدمي وهرب من اللي بيمسكة ولا وين بيحصلونة؟
طبعا اكثر شئ قهرني تغطية السعودي على الهارب المتخلف وبرود العسكر في التعامل مع الموضوع!!!!!!!

اسأل الله الكريم رب العرش العظيم ان يحفظ هذا البلد امنا ومستقرا
من الحاقدين والعابثين

فصيح جدا · #2 10/05/2008, 09:54 AM

الحمد لله على سلامتك يا الزعيم الصدقي
وأهم شيء انك سلمت وأما الحديد فالله يعوضك بحديد خير منه

بصراحة العمالة الأجانب مشاكلهم مشاكل وعندي إحساس ان السواق بنغالي
لأن البنغالية هم رأس المشاكل في البلد
وتساؤلاتك الأخيرة في محلها

ٍس/كيف تسجل الحادث باسم معلم المشاوي وطلع منها السواق الهارب؟و وش صار مع العسكري بعد مارحت؟
أممممممم والله الجواب صعب ، لكن يمكن عشاء أو حفله مجانية تحل المشكلة

س/ كيف اجنبي بدون اقامة ولارخصة يعمل في محل تجاري ويوصل طلبات في الحواري ؟وين الرقابة
نحول المايك لغازي القصيبي ونشوف وش يقول ، والسؤال موصول لهوامير الفيز

س/السواق هذا لو دعس آدمي وهرب من اللي بيمسكة ولا وين بيحصلونة؟
بيحصلونه يوصل طلبات تبع مطعم ثاني وإفلقني إن تكلم واحد من أخوياه أو بلغ عليه

راكان _20_ · #3 10/05/2008, 10:43 AM

صباح الخير

و أول شي الحمد لله على سلامتك

و ثاني شي الله يشفي أخوي إن شاء الله و جميع مرضى المسلمين يا رب

من ناحية هذي المشكله حدث ولا حرج

والبلد ملياننه من الأشكال هذي و المتضرر الوحيد المواظن

فإذا كان صاحب المطعم أو المشروع

تجيه فلوس و راعبين المطعم مو على كفالته ما يهمه أي شي أهم شي آخر الشهر الدراهم بالجيب

لا حول ولا قوة إلا بالله

بلادنا تسرق من الأشكال هذي و إحنا جالسين نتفرج ....

الله يحمينا من كل شر يا رب ..