قصيده بإسم كل الهلاليين موجهه بعنف لفيصل عبدالهادي ولجنة الانضباط - نادي الهلال السعودي - شبكة الزعيم

شاعرالأزرق · #1 06/05/2008, 10:27 AM

لجميع اعضاء الشرف الغيورين على الهلال اهديها لكم واتمنتى قبولها

كل جمهور الهلال يدور اسباب الهزيمـه
وابن عبدالهادي واللجنه احـد أسبابهـا
العقول العنجهيـه والقـرارات الغشيمـه
للأسف اعضاء لجنـه مايلـه لأحبابهـا
ريس اللجنه حقودولجنته ماهي سليمـه
والرئاسه للأسـف فيهـم يزيداعجابهـا
لجنة انضباط فيها الانضباط بدون قيمـه
لجنة الدكتور فيصل خدمتـن لاصحابهـا
لجنة اصحاب المصالح والعلاقات الحميمه
اتضـح ماكانـت تخبيـه فـي جلبابهـا
لايهمك يالزعيم الضيم ورجالك عظيمـه
البطوله مااقفـل الدكتـور كـل ابوابهـا
ماجهلنا افعاله ويلقى عواقبهـا وخيمـه
الاوادم مايغـيـر طبعـهـا هندابـهـا
يالزعيم الك الزعامه بالجهود وبالعزيمه
الك هيبه والنوادي يحسبـون حسابهـا
الزعامه يازعيم الانديـه لـك مستديمـه
ابجداره جبتها ماغيـرك احـدن جابهـا
كل الاسماءالجديده كل الاسماء القديمـه
البطولات احصدو باسمك جميع القابهـا
يامحمدياولد فيصل الك قــدر وحشيمه
لايهمـك والمواقـف تنحسـم بأشنابهـا
لايهمك كلنا نعرف وش اسباب الهزيمـه
حقدهم على نجاحك واحد مـن اسبابهـا

[email protected]

شــــــاعرالزعيم القادم بقوة

منيف الزناتي · #2 06/05/2008, 10:38 AM

صح ولسانك والله أنك شاعر كفو مخضرررررررررررررررم<<<< تكرار حرف الراء بسبة الخمسين حرف

مصيول666 · #3 06/05/2008, 10:39 AM

صحححححححححححح لسانك يشاعرناا
وبيض الله وجهك
ويستاهل الاخ برينجلز

شاعرالأزرق · #4 06/05/2008, 10:45 AM

ياليت اخواني المشرفين والمراقبين يثبتون القصيده والا وش رايكم يلأعضاء ياجمهور الهلال كافه ياليت تطالبون بتثبيت القصيده والله يوفقكم

enad · #5 06/05/2008, 10:47 AM

انت كاتبها
صح لسانك والله انك شاعر
بس هناك بعض الكسور اتمنى تداركها بالمستقبل بارك الله فيك
ههههههههههههههه امزح ترى

شاعرالأزرق · #6 06/05/2008, 10:58 AM

اخوي منيف صح بدنك هذا شي قليل يقدم للزعيم ورجاله الاوفياء والقادم احلى اخوكم

عظيم الشوقـ1 · #7 06/05/2008, 11:03 AM

مشاعر جميله
ولكن هذا ليس بشعر
مجرد كلام متراكب فقط على هيئة شعر
اتمنى منك مراجعت بحور الشعر واوزانه وكيفية كتابة القصيده بشكل سليم
ودي

شاعرالأزرق · #8 06/05/2008, 11:03 AM

enad الكسور في راسك على العموم صح بدنك لو اني متأكد انك ماتفهم في الشعر الله يعكر مزاااااااااااااجك قول آمين
اتوقع انك مو هلالي ياليت وفرت رايك

BAVAREA · #9 06/05/2008, 11:08 AM

والله القصايد صارت هرجة والدليل اش معنى هندابها هل كنت تقصد هندامها بس اتورطت مع القافية
ويديك العافية

شاعرالأزرق · #10 06/05/2008, 11:08 AM

عزيزي مصيول 666 صح بدنك يالغالي ولاهنت تقبل تحياتي

شاعرالأزرق · #11 06/05/2008, 11:13 AM

الاخوان اهل الملاحظات اللي على عماها اتمنى عدم الاستعجال في الرد لأن القصيده تبطون عظم
ماطلعتو فيها غلط ريحو انفسكم يالجنة المليون انا مانزلتها هنا عشان تبديلي ملاحظاتك ياتأيد موضوعها وهذا يدل على هلاليتك ياتعارض وهذا يدل على ميولك لغير الهلال وسلامتكم

شاعرالأزرق · #12 06/05/2008, 11:18 AM

إقتباس

الرسالة الأصلية كتبت بواسطة عظيم الشوقـ1


	مشاعر جميله ولكن هذا ليس بشعر مجرد كلام متراكب فقط على هيئة شعر اتمنى منك مراجعت بحور الشعر واوزانه وكيفية كتابة القصيده بشكل سليم ودي

عظيم الشوق رايك واحتفظ به لنفسك لني ماطلبت منك تقييم للقصيده وتأكد ان كلامك دليل على عدم وعيك وفهمك للشعر يمكن
القصيده طلعت ميولك واضغطتك لكن ماتنلام

زعيم55 · #13 06/05/2008, 11:36 AM

صح لسانك والله انك كفيت ووفيت ويستاهلون لجنة الانحطاط وبان ماكانو يدسونه للزعيم من حقد طوال السنين الذي مضت ولكن سيبقى الهلال فوق هام السحب برجاله

المخلصبن الـذي لن يتوانو في الوقوف في وجه كل من يتعدى على هذا الكيان وكما قال لهم سمو الامير بندر بن محمد ( جمرنا يحرق )

( والـد ابن الزعيم ) زعيم55

+_الرايق_+ · #14 06/05/2008, 11:43 AM

صح لسانك وماقصرت يالغالي ...
ننتظر جديدكـ ...
دمت بخير

شاعرالأزرق · #15 06/05/2008, 11:54 AM

اخوي العزيز زعيم 55
تسلم ياحبيب قلبي وصح بدنك ولاهنت لكن ودي انك رديت على اهل الملاحظات لجنة المليون عظيم الشوق وبافاريا
اشكرك زعيم وتقبل تحياتي