|
انتحار خادمة عند مخرج 11 اليوم !! السلام عليكم ورحمة الله وبركاته :) ارحب بجميع من دخل موضوعي ... واتمنى تقبلو زيارتي للمجلس العام :smilie47: مع اني زرتكم مرة قبل كذا وموضوعي سوى قلق واخذت انذار بس نشبة رجعت:d انا بين كل فترة وفترة اتابع المجلس ... بس ما اشارك فيه ما ادري احس انكم مو من مستواي:d لا والله اعضاء المجلس فيهم الخير والبركة وان شاء الله تشرفونا بالعالمية <== اصلح مدير شركة اعلانات :smilie47: نخش بالموضوع ... اليوم العصر .... شارع عبدالرحمن الغافقي زحمة !! الشوارع فل ... الناس كلها بالشارع ... الشرطة ... الاسعاف ... انواع القلق :bigeek: تخيلو حتى المحلات مقفلين وطالعين للشارع !! اللي يعرف المنطقة اللي اتكلم عنها ... فيه مجمع اتصالات تقاطع الحسن بن علي مع الغافقي :yes: تخيلو المجمع كله مقفلين محلاتهم وطالعين للشارع يشوفون وش فيه !! اذا طريقك لمشوارك كانت تاخذ منك ربع ساعة ... مع وضع اليوم يبغالك ساعة ونص بالراحة ... اخواني ما اطول عليكم ... اللي مخلي الناس كلها بالشارع هو خدامه :bigeek: ايه خدامه ... مسويه قلق ... خدامه طالعة لسطح البيت وواقفه على السور ومعها سكينه :yes: طبعا اكيد كلكم عرفتو ليش مسوية كذا !! اكيد تبغى تنتحر :nono: انا بالنسبة لي الموضوع اللي يهمني بكل هالقصة ... ليش هالشغالة فكرت بالانتحار :stoned: طبعا قعدت فترة طويلة وهي على الحال ... وما احد قادر يسوي شي خايفين تسويها وتنتحر :yes: كثير من الناس طفشو من كثر الانتظار وش اللي بيصير وراحو ... هالقصة هذي ماهي بشيكاغو ... والا بالبرازيل ... ولا بموزمبيق ... هذي القصة بشارع عبدالرحمن الغافقي بالرياض :yes: يمكن البعض ما يصدق ... لكن انتظرو الاخبار والجرايد ... وما استبعد يكتمون على الخبر اذا طلع كفيلها مهم :bigeek: انا بستغل هالقصة وودي افتح معكم موضوع نقاش s60s تعتقدون وش هاللي خلى الشغالة تسوي كذا ؟! وش اللي خلاها توصل لمرحلة تسوي قلق لكل اللي موجود بذاك الحي !! انا باعتقادي السبب واحد من ثلاث اسباب ... يا اما اهل البيت كارفين امها شغل وانواع الاهانات :yes: او ماكلين حقوقها اما بتاخير راتب او غيره :yes: او مانعين سفرها لاهلها ... ومانعينها تشوف اهلها لفترة طويلة :yes: اخواني هي نصيحة لوجه الله للجميع ... طبعا الحمد لله ما عندنا شغالة ولا مفكرين 1 % نجيب وحدة ... لكن والله كثير من القصص سمعتها عن شغالات يسوون العجب والعجاب في اهل البيت ... فيه بعضهن خربانات نقول انها تستاهل وش يجيها ... لكن والله وانا اضمنلكم ان النسبة الكبيرة من جرايم الشغالات هي سوء تعامل من اهل البيت :yes: يعني بالنهاية هي انسانة لها حد معين للتحمل بعدين خلاص تنفجر... هذي انفجرت بنفسها وفكرت تنتحر ... المشكلة اللي تنفجر باهل البيت !! يعني تتوقعون لو شغالة احد منكم انتحرت الموضوع بيمشي عادي !! بالمنطق ... وش يخلي خدامة موفر لها سكن ... اكل ... كل شي ... تاخذ راتب وتحوله لاهلها تصرف عليهم ... انها تقطع رزقها وتضيع كل هالمواضيع الا اذا وصلت لمرحلة خلاص انه يا انا اموت يا هم :bigeek: ما اطول عليكم ... ساترك النقاش والتعليق لكم ... واتمنى اللي عنده قصة سمعها عن خدم البيوت يعلمنا s60s انا احب اسمع قصص واقعية ... لانها فعلا مرات تفتح عقل الواحد على مواضيع ما كان يحسب حسابها ... اسف على الازعاج والاطالة ... وتقبلو تحياتي :smilie47: محبكم ... الهلالي 11 :smilie47:(عبدالرحمن):smilie47: ملاحظة : ان شاء الله في حال توفر صور او فيديو رح انزلها بالموضوع . |
ارحبوووووووووووووووووووو بالغالي انتحرت ولا اتوقع انهم ماخلوها تسافر وعلى طاري الخدامات هذي خدامه جيرانا الفاضله سوت بتنتحر تتوقع ليه لان اهل البيت مايخلونه تشوف التلفزيون وربي شي يضحك |
اللهم اسكنهم مساكنهم انتحار الله لا يبتلينا بهالتفكير انا ما اذكر والله قصص بس الخدم مسوين قلق بالمجتمع لو نحكي عنهم قصص ما خلصنا تشكرات على الموضوع تقبل مروري بنت فهد |
مصيبة ..! يآخوك بعض الشغآلآت فيهم عرق إجرآم .. وش يدريك .. تلقـآهـآ جمـعت مبلغ وقدرهـ .. وتبي تروح لأهلهـآ .. خآصة أن العمـآلة بشكل عآم عندهم اعتقـآد أن الكفيل مـآ يرحل العـآمل بسهولة .. فـ يلجأ لأسلوب الإجرآم ..! .. الله يكــآفينا واياكم شر العمـآلة .. ورده .. |
أنتحرت ياالغالي ولالا <!-- sig --> <CENTER>http://vb.alhilal.com/alzaeem_images/between.gif</CENTER> |
إخس و الله الخدامة مهيب صاحية بس شكلك مو ملقوف و ما ناظرت حالة الخدامة بس عندي سؤال زغنن :d هي إنتحرت ولا لأ بس للإستفسار ؟ ! ! ! على العموم إذا تقدر توفر لنا فيديو أو صور إذا إنك صورت الهلالي11 مشكور على الموضوع و نبي تغطية ورده |
مع احترامي لتبريراتك سبب انتحارها لتعلم أخي أن هناك كثير من الشغالات يأتين إلين وهن يعانين من حالات نفسية غير طبيعية والغالب أنها كذلك ولا يعني وجود حالات استثنائية قد تسيء التعامل مع الشغالة أن هذه ظاهرة لمجتمعنا فنحن اكثر مجتمع يدلل العمالة بصورة مبالغ فيها تتعدى إعطاء الحقوق إلى منح الثقة المفرطة فيهم !!! والصبر على سوء أخلاقياتهم وتصرفاتهم بحجة الحاجة إليهم وعدم وجود نظام عمالي يحفظ حق الكفيل كما يحفظ حق المكفول ! |
حرام مسكينه الله العالم وش مسوين فيها اللي تشتغل عندهم عشان توصل لهالمرحله صحيح ان الخدامات تجي من وراهم بلاوي تروع بس اشكالهم تكسر الخاطر وهي في الاول والاخير انسانه لها كرامتها وما راح تسوي شي الا اذا اهل البيت مسوين فيها شي عوافي ع التغطيه المباشره ورده |
اولا اشكر الجميع على المرور:smilie47: في البداية ... اللي يسال هي انتحرت والا لا ... علمي علمكم ... انا رحت وهي توها فوق !! وللي يقول ان فيه شغالات بالاصل فيهن عرق اجرام .... او حالة نفسية ... انا ذكرت بموضوعي هالشي وقلت اللي زي هذولي يستاهلون اللي يصير لهم ... لكن اعتقد مهما كانت القصة ما توصل للانتحار .... يعني لنفترض انها سارقة فلوسه او اي شي ثاني ... ممكن تهددهم ... ممكن تهرب ... تدبر امورها وتسافر ... او من هالكلام ... لكن تهدد بالانتحار اتوقع صعب !! لو اعتبرنا وقوفها فوق بس مجرد تهديد ولعب ومن الاصل موب ناوية تنتحر :yes: اكيد انها بتحسب حساب بعدين الشرطة ... تحقيقات ... وازعاج سلطات ... وغير كذا من التهم ... يعني بالنهاية هي اللي بتروح فيها .... انا اقولكم هالكلام ... لان والله قصص واجد سمعتها عن الخدامات ... يعني يسوون اشياء غريبة ... والسبب سوء تعامل من اهل البيت :nono: مختصر كلامي ... اوافق راي البعض اللي قالو ان في منهم مجرمات وحتى الاخلاق ثقافة عامة ليلي :d بس مهما صار ما اتوقع يوصل الموضوع لدرجة الانتحار :nono: تحياتي للجميع ... وتقبلو مروري :smilie47: |
إقتباس:
إقتباس:
ما يخفى عليك أن فيه عمالة [ تزور ] و [ تقتل ] وأقصى عقوبة حصلوها التسفير وكم جلدة .. قياساً على ما سبق :d .. واذا أخذنا بعين الاعتبار أن محاولة الانتحار ضررها على الشخص وحده دون المجتمع فالعقوبة ستكون تسفير دون تحقيق ولاهم يحزنون .. وياليت والله فيه تحقيق وتُهم .. السلطات عندنا الله يحفظهم موب فاضين لهالمشاكل ..:stoned: . . أحد الاقارب شغالتهم حاولت تهرب .. ونطت من الشباك .. وتكسرت ضلوعهـآ .. نقلوها للشرطة على اساس يسفرونها .. قالوا ما نسفر مكسرين .. لآزم تتعالج بعدين نرحلهآ ! طبيعي العايلة موب مكفلة فيها .. والشغالة قد قالت لهم أنها بتروح عند عمها وبيشغلها عند بيت ويعطونها اكثر ..[ولانهم رفضوا ،، انحاشت عن طريق القفز من الشباك ] :d العايلة شافت اهمال من السلطات .. فقررت تفتك من الشغالة ومن مصايبها .. وعطتها لعمها وافتكوا منها ومن مصايبها .. والنتيجة عمالة سايبة تنهب فلوس البلد ! . . معنى الكلام أن الشغالات ما ينحاشن بسبب سوء التعامل .. قد يكون الطمع هو أحد الاسباب الرئيسية .. |
تفضل يالغالي انا غطية الحدث بالصور لكن للأسف مافيه أي جريده تبي الصور |
بعد التحية ,, كثيراً مايكون لجوء الخادمات الى الإنتحار هروباً من إنتحار آخر ولكن بشكل بطيء ,, البعض وللإسف الشديد يتعبر الخادمات { رجل آلي } ,, دون النظر إليهم على انهم بشر لديهم قدرة معينه للتحمل ,, فتكون العواقب وخيمة إما على الخادمة وبالتالي على العائلة او على العائلة وبالتالي على الخادمة ,, الهلالي 11 ,, شكراً لك على نقل الحدث ,, تقبل مني اطيب التحايا واصدقها ,, |
لا حول ولا قوة الا باللهتوص للانتحاراكيييييد كارفين ام ام امها |
اخوي انا حاظر السالفة فانا من سكان الروضة طلعت فوق الصور ومعاها السكين بس ماقصروا رجال الامن جلس واحد يكلمها وواحد تسلل للسطح واستطاع انة يجذب انتباهها وفي عمضة عين اللي في السطح سحبها الا وهي محضرة في السطح 15او20ثانية وهو طالع مع الصور ياشر لاخوياهs60s انتهت المهمة وكلبشوها الله يعافينا وياكم من كل مكروة |
ماعندها الا الدجه تبي تجذب انظار الناس .. :d :smilie47: زحمه واسـعاف وحكومه وفرق إطفاء , وآخرتها ماطبت .. :d ودها تطب بس متردده , عالعمومـ ماقصرو رجال الأمن .. ! لا والخدامه قافله باب السطح , وراقيه على سور السطح اذا تعبت انسدحت , ولاحظت عليها حركات غير طبيعيه , بـ السكين اللي معها تمشط شعرها .. :d إن ماخاب ظني إن فيه مشكله عقـليه ! غير كذا السالفه صارت بجمب محطه , وهالمحطه فيه زي الكوفي وكل الشباب راقين على سطحها ويومـ انتهت السالفه وبدو العالم يمشون , مع الدف والدفيف طاح واحد وبدال لايشيلون الاسعاف الخدامه شالوه هو .. :d الـحمدلله على نعمة العقـل , اجل تبي تنتحر اختنا فالله ! عموماً فيه المقـاطع بجوال واحد من العيـال يومـ نصور صورنا بجواله .. :d بكرا اجيبها لكمـ .. ! عـوافي (F) |
| الوقت المعتمد في المنتدى بتوقيت جرينتش +3.
الوقت الان » 04:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd