السلام عليكم ورحمة الله وبركاته


صباح الخير


يازعماء والله ماكتبت الموضوع ذا الا من عقب تردد انا لي ثلاثه ايام وانا اهوجس بمباراة الهلال والاتحاد مباراة الاياب وكل مافكرت بالمباراه اخذت شوي وابتسمت واشوف عمر الغامدي يبتسم بوجهي ..

قبل شوي قفلت الجهاز على اني ابنام فجاءه احس واحد جاني وطلب مني انزل الموضوع وابارك لكم الفوز قبل المباراه والله ياشباب كم مره اتفائل واشوف الفوز قدام عيني ..

امس كلنا شفنا الاتحاد كيف هو ضايع ضد الفريق الاوزبكي هذا وهو بأكمل نجومه فما بالك بالمباراه القادمه بيلعب بدون المنتشري وأسامه المولد .. الاتحاد فريق ضايع خاصه اذا ضغطت على حامل الكره وايضاً الضغط بوسط ميدان الاتحاد ان شاء الله اذا المدرب اتبع هالتكيتك بيطلع بالشوط الاول أقل شي بهدفين ..

الاتحاد والله ماعنده شي بس حنا معطينه اكبر من حجمه .. اضغط على حامل الكوره ونرفز أي لاعب وقتها الهلال قادر على الفوز ..

سمعنا هاليومين قرار بالعفو عن جميع الموقفين انا اتمنى مايتم هالشي .. لآن التائب اذا لعب ماراح نستفيد منه شي بيكون عليه رقابه لصيقه مثل مباراة الختام بالدوري وبكذا راح نفقد لاعب ..

بس لو تفقد اثنين من ركائز الاتحاد ويلعبون في قلوب الدفاع وقتها بتفرق معك خاصه ان تكر مصاب وعنده ظروف عائليه .. شباب والله ماادري وش اقول توني على وشك انام وراجع عشان اقول هالكلمتين لكن عندي احساس بيكون فيه شي بمباراة الاياب ..

والنهائي شبابي هلالي


هذا مو موضوع مجرد احساس مشجع هلالي

معليش شباب الموضوع موب منسق لكن والله شي بخاطري له ثلاثه ايام قلت اقوله واريح نفسي

مشكور اخوي على الموضوع

وهذا احساس كل مشجع للهلال ان شالله

واعجبتني روحك التفائليه بالفوز

وان شالله احساسك ما يخيب

ويفرحونا نجومنا

وقرار الاعفاء عن الموقفين ما نبيه لان المستفيد من القرار هو الاتحاد فقط

ويارب احساسك ما يخيب وانا مثلك متفائل بالفوز والتأهل ان شالله

يارب وفق الزعيم

عوووووووافي

الله يوفق الهلآل ..

وينتهي الشوط الأول (2_0 )


وأهم شيء الفوز مو لآزم التأهل ..


لآن الهلال بطل لبطولتين ووصيف لواحدهـ ..

الله يعطيكم العافيه ياشباب

والله ياشباب وهذا انتم ماحلفتوين قبل مباراة الاياب قلت لواحد معي من الشباب الهلال بينهزم بس الله يستر لاتكون كبيره

وصار اللي على بالي

انا اذا توقت غالباً تصيب معي النتيجه

ابقول لكم نتيجه صابت معي واكيد بتذكرون المباراه وهي مباراة الهلال والاتحاد قبل كأس العالم 2006 وانتهت 4- 2 للهلال وتذكرون يوم ابدع سامي وبعدها انضم للمنتخب

المباراه ذيك توقتها بنفس النتيجه وصابت معي .. دايم تصيب معي واحياناً تخيب ..

بس هالمباراه مدري وشلون صاير احساسي .. فيه فوز هلالي بس مدري احس المباراه لحسة مخي .. يعني مباراه درامتكيه

إقتباس الرسالة الأصلية كتبت بواسطة ***فديت الزعيم*** الله يوفق الهلآل .. وينتهي الشوط الأول (2_0 ) وأهم شيء الفوز مو لآزم التأهل .. لآن الهلال بطل لبطولتين ووصيف لواحدهـ ..

الهلال عودنا على البطولات والافراح

اي بطوله يشارك فيها الهلال لازم نطمح لها حتى لو اكتفينا بالبطولات

انا عندي احساس له اكثر من ثلاثه ايام هالاحساس يقول ان الهلال والشباب بيسووونها واحد منهم بيسلجها تاريخيه وواحد منهم بيخلصها بضربات الترجيح !!