من جمهور نادي الريان الى جمهور الزعيم الهلالي.. صحيح تفاريس جاا الريان وترك الهلال .. وهو نفس مابدع في الهلال انشالله بيبدع في الريان واتمنى من كل مشجعي الهلال انه صفقه تفاريس ماتأثر بعلاقه النادييين وجمهورهم مع بعض.. وانشالله كل الريانيين بيشجعون الهلال في المملكه وكل الهلاليين بيكونون ريانين في قطر مع خالص احترامي وحبي لجمهووووور نادي الهلال السعودي اخوكم القطري الرياني بوعزووز ----------- |
طبعا حبيبي كلنا اخوان وان شاء الله يبدع تفاريس معكم وقلوبنا معكم بالتوفيق لنا ولكم تقبل مروري |
انشالله والهلال زعيم ماظن لاعب اذا راح بيأثر على فريقه وانشالله تجيبون الاحسن من تيفااا |
لا حبيبي تيفا رااااااجع .. ودوروا غيرهـ ( لاتلوومني ياخوك .. من ضيقة الخلق الي فيني ) .. بس تفاريس ان شاء الله هلالي .. منوووور المنتدى .. حياك |
انا مااقول الا اشوا ان تفاريس راح الريان ولا نادي قطري ثاني لانه لو راح للغرافة بانقهر اكثر |
نبقى اخوان ونبقى جيران حق مشروع لكل نادي ان يبحث عن مصلحته شاكرا ومقدرا مشاعرك |
مرحبا بك اخي بو عزوز .. صفقة تفاريس وتعاقده مع الريان جاءت بطريق شرعي .. وعتبنا اخي الكريم ليس على الريان او جماهيره او ادارته .. بالعكس .. الصفقه كانت واضحه امام الجميع وتفاريس عرض خدماته بشروطه على الادارة واعضاء الشرف لم يوافقوا على عرضه وانتم كسبتم الصفقه وهذا حق مشروع .. نهنئكم باللاعب المخلص تفاريس .. وعتبنا على اعضاء شرفنا .. ولكن تعودنا من رجال الهلال الاوفياء ان يعوضونا بمثل تفاريس او افضل منه .. فمن قاد الهلال للبطولات في مواسم سابقه سيقوده ايضاً لمواسم قادمه بإذن الله .. وهذه عادة الاوفياء من ابناء الهلال .. اخي الكريم اشكر لك مشاعرك تجاه جماهير الهلال .. وهذا يدل على طيبكم وحسن نواياكم .. ونبقى اخوان وحبايب .. والله يوفقك الجميع .. |
لا يالغالي يا بو عزوز ... احنا كلنا اخوان يالغلا .. والي كاتبه ربك اهو الي راح يصير ... تمنياتي لتيفا بالتوفيق الدائم يارب ... حياك الله ونورت منتدانا يالغالي ... |
ياهلا والله وسهلا و منور المنتدى بوجودك أخوي بو عزوز و اذا تفاريس بيشارك معاكم الله يوفقه و يوفق الريان ان شاء الله و ترى الي عندنا عندكم و الي عندكم عندنا و ماراح يجي شي يأثر على الأخوان :) |
الله يوفقه معااااااااكم بالتوفيق للزعيم و للريان مشكوووووور |
كلمه وتذكروووها يالهلالييين لاتندمون على تفاريس وبيجيكم الللي احسن منه تدرون ليش..؟؟ لانه الهلال مو بس زعيم السعوديه ولا زعيم الخليج انما انتووو زعيـــــــــم اسيا وكل لاعب يتمنى يلعب في هالنادي الكبييييييير والريان والهلال ========= قلب واحد |
نحن جمهور الزعيم لا نكره احد واذا على اللاعب تفاريس عليكم بالعافيه ان شاء الله نجيب من هو افضل منه تمنياتي لفريقك الريان بالتوفيق تحياتي |
مشكور اخوي على مشاعرك الطيبةولكن انا راح اكون صريح معاك واتمنى ماتزعل!الى متى والاندية القطرية تهتم بما يحدث في الدوري السعودي اكثر من اهتمامها بما يحدث في قطر؟انظر كم محترف خطفتوه من الاندية السعودية وكم مدرب وكم لاعب سعودي اخذتوه بنظام الاعارة واخرهم تركي الثقفي لاعب النادي الاهلي وهو لاعب عااااادي جدا جدا جدا عندنا في السعودية ولكن الاخوة في قطر ينظرون اليه على اساس انه نجم عالمي!!!!!!يجب ان ترقى العقول القطرية بتفكيرها فليس اي محترف ينجح في الدوري السعودي يستطيع ان ينجح في قطر واكبر دليل محترف الهلال السابق كماتشو الذي كان نجما هلاليل ثم بعد انتقاله لقطر فشل فشلا ذريعا واعتقد ان تفاريس يسير في طريقه لأن الدوري السعودي هو السبب في نجاح اللاعب الاجنبي وليس العكس!اخوي هل تعلم ان حارس قطر الدولي (محمد صقر) هو في الاساس حارس فريق حواري في جدة؟؟هل تعلم ان نادي السد القطري اراد ان يتعاقد مع ستة لاعبين افارقة من حواري المدينة المنورة والفريق هذا مشهور عندنا في المدينة المنورة واسمه (الدوكالي) واغلبه لاعبين افارقة وهو من اقوى فرق الحواري في المدينة؟؟هل تعلم ان احد افضل لاعبي الحواري عندنا في المدينة _لااعرف اسمه_ ولكنه سوداني الجنسية ذهب ليخوض تجربة في احد اندية قطر ولكنه بعد الكشف عليه وجد ان لديه اصابة!!!!الى متى ياعزيزي والكرة القطرية تعتمد في نجاحاتها على (الســـعــوديـــــــة)؟؟؟؟؟؟؟؟ |
اخوي من قطر والله نحبكم ونعزكم وراح نشجعكم بس رجعوا لنا تيفا :d |
مع احترامي الشديد لك تفاريس لهلال والهلال لتفاريس معليس يامشجعين نادي الرهيب |
الوقت المعتمد في المنتدى بتوقيت جرينتش +3.
الوقت الان » 04:57 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd