#1  
قديم 07/05/2008, 02:39 AM
زعيــم متواصــل
تاريخ التسجيل: 11/04/2008
المكان: مع كفيل
مشاركات: 100
Icon20 ترقيييييييم عيني عينك!!

بسم الله الرحمن الرحيم


قصة حصلت لي اليوم و الحقيقه انها "تقهر"
انا لم اذكر هذه القصة لكي ابرز نفسي او شيء من ذلك
انما اردت ذكرها لانها حقيقة محزنة لمجتمعنا و اقول حقيقة لاني شاهدتها بعيني

______
فبدوون مقدمات نخش طوالي في الموضوع
______

اليوم الساعة 5:30 عصراً في عز زحمة طريق الملك فهد
كنت واقف عند اشارة العروبة متجها شمالاً
مر بنجنبي راعي< بي ام دبليو BMW> ووقف بجانب التكسي الي قدامي... التكسي المرصوص بالحريم..
وضرب بوري و فتح الدريشة ومد ورقه للبنات الي في التكسي!!
طبعا طال عمري <اتشت> << يعني وصلت معي
نزلت من سيارتي ومسكت ثوب الاخ الي في السيارة وقمت اهاوش فيه
ارتبك الرجال و حرك السيارة وان توي ما قضيت هواش
سمعت منه كلمتين للدفاع عن نفسه وهي "كل تبن" كل تبن"
يوم انحاش والتفت على البنت بغيت اصكها بكف<<
ذبيت عليها كلمتين لعلها انشالله تحرق الورقه الي عطاها ولا شي
ركبت سيارتي وانا منقهر
ما كنت منقهر من راعي البي ام و بس اللي قهرني اكثر ان البنت اخذت الرقم
وين الحياء وين العفه
والي يقهر اكثر و اكثر ان كل الموجودين عند الاشارة ما عندهم غيره
ولا واحد منهم تحرك او قال شي
لو ابنت قريبته لقتل راعي البي ام
يحسبون ان مفهوم الغيرة يقتصر على قريباتهم فقط!


على فكره طرت لي اكلم الهيئة بس بعد ما انحاش الاخ واللوحه لعلي ما ركزت فيها


سؤالي لكم هو:

هل يمكن ان تأمن على اهلك ان يذهبوا مع السواق لمشاويرهم؟
(والسؤال هنا ليس الخوف من الاهل بل الخوف ان يتحرش بهم احد لانهم مع سواق)


هل فقدنا الاحساس بالغيره؟ ام انها لا تعنينا الا عندما ترتبط باقاربنا؟


هل اصبح الترقيم ظاهره عادية في المجتمع؟


لو كنت مكاني وش تسوي؟




و سؤال اخير لراعي ال بي ام

لو شفت اختك ترقم شاب وش ردت فعلك؟


قد تغضب و "تصفها" ان ما "جلدتها" او حتى كسرت عضامها


عندها اسألك:

هل الترقيم حلال لك و حرام عليها؟


اعذروني على الاخطاء الأملائية و الطباعية بس شوي مستعجل

اخر تعديل كان بواسطة » ARRNAB في يوم » 07/05/2008 عند الساعة » 10:01 PM
اضافة رد مع اقتباس
  #2  
قديم 07/05/2008, 03:00 AM
زعيــم نشيــط
تاريخ التسجيل: 07/03/2008
المكان: دنيـآ تضـيق وفـزعـة اللـﮧ قـريـبـﮧ ,, وعـنـد الـفـرج مـآيـآخـذ الضـيـق سآعـﮧ .
مشاركات: 561
إقتباس
1/هل يمكن ان تأمن على اهلك ان يذهبوا مع السواق لمشاويرهم؟


2/هل فقدنا الاحساس بالغيره؟ ام انها لا تعنينا الا عندما ترتبط باقاربنا؟


3/هل اصبح الترقيم ظاهره عادية في المجتمع؟


4/لو كنت مكاني وش تسوي؟


هلا والله خيو بما أني بنت بس بجاااااااوبك

1/ وليه لا دائما اركب وما جاءني إلا كل خير وصدقني إلي متربي عدل وربي ما راااح يلتفت
لهالأمور

2/الغيره موجوده بس مو مثل أول لأن الشر انتشر وبكثره وش تنصح وش تخلي
الله المستعااااااان ,,
وأكيد وشيء طبيعي غيره الأقااااااااااارب رااااااااااااح تكون أكثر

3/ أمممم من وجهه نظري مو عااااااااااااديه

4/ صرااااااااااحه ما راح أسوي شيء غير الدعااااااء بالهدايه ,,
و أهنئيك خيو على غيرتك ,, وعلى نصيحتك لهم
الدين النصيحه الله يجزاك خير ويكثر من أمثااااااااالك
اضافة رد مع اقتباس
  #3  
قديم 07/05/2008, 03:47 AM
زعيــم جديــد
تاريخ التسجيل: 11/06/2007
مشاركات: 39
إقتباس

هل يمكن ان تأمن على اهلك ان يذهبوا مع السواق لمشاويرهم؟


هل فقدنا الاحساس بالغيره؟ ام انها لا تعنينا الا عندما ترتبط باقاربنا؟


هل اصبح الترقيم ظاهره عادية في المجتمع؟


لو كنت مكاني وش تسوي؟




1/ والله الي مربي بناته واهله صح ما راح يخاف عليهم ..



2/ لا ما أتوقع ،، فيه واحد يشوف مثل هالموقف ووده يسوي شي بس يقول ما أعرفهم .. وفيه العكس


3/ والله حاليا نوعا ما ايه ... لانك دايم ما تشوف مثل هالمواقف في الشوارع ..

بس المشكلة ان الترقيم يحطون كل اللوم على الشباب وليه يرقمون ..

وانا أقول بالعكس ان الترقيم والمعاكسات كلها بسبب البنات ..

وأكبر دليل ان الي يبي يعاكس اذا شاف وحده متستره ولابسه عبايه ساتره ما راح يسوي لها شي

اما أنه يشوف بنات متبرجات ويجيبون الشبهه لنفسهم اكيد راح يعاكسهم ويتحرش فيهم ..


4/ ما راح اسوي شي .. لانك مهما كلمتهم ومهما حاولت تسوي شي ما راح تغير كل الناس ..
اضافة رد مع اقتباس
  #4  
قديم 07/05/2008, 04:15 AM
زعيــم متواصــل
تاريخ التسجيل: 11/04/2008
المكان: مع كفيل
مشاركات: 100
الاخت فنون هلاليه بجنون
تم تعديل السؤال الاول ليكون واضح شوي
لان الشباب" الله يهدينا"ما يصدقون يشوفون حرمة مع سواق << هذا اي اشوفه بس يمكني غلطان
اضافة رد مع اقتباس
  #5  
قديم 07/05/2008, 01:55 PM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
يارجال أشتغلت في شركة وقالوا أوصل المندوبات والمندوبات من جنسيات مختلفة يعني فرررررررررري

المهم من طريق الملك فهد إلى خريص إلا وراي مووووكب أنواع السيارات
أروح يمين يروحوا يمين يسار يسار وراي وراي

لين ما وقفت وأدق على الشرطة والله ما قصروا جات الحكومة ورافقني إلى أول بيتين وأخذ رقمي العسكري وقال الله يستر عليكم

الحين صار الواحد يخاف على نفسه مو البنات بس


تحياتي
اضافة رد مع اقتباس
  #6  
قديم 07/05/2008, 02:07 PM
زعيــم مميــز
تاريخ التسجيل: 25/10/2003
المكان: الشرقية
مشاركات: 3,290
حسب الله ونعم الوكيل عليه <<<<<<<<<<<< هذا دين إن سواه لبنات الناس بكرة الناس بتسويه في أهله رضى أم لم يرضي


جزاك الله خير على غيرتك مع العلم إن بعض البنات هم السبب في هذه المشاكل يعني هل تتوقع ان بنت لابسه محتشمه و لاتخرج السوق إلا للحاجة ومعها أهلها
اضافة رد مع اقتباس
  #7  
قديم 07/05/2008, 03:22 PM
زعيــم متألــق
تاريخ التسجيل: 26/07/2007
المكان: حيثما يوجد الصفاء
مشاركات: 1,093
ليش اخلي اهلي يروحون بتاكسي ليش سموني رجال بس اسم اللي مافي خير لاهله مافيه خير للناس

وبالنسبة لراعي البي ام الله يهديه للخير ولو يخاف من الله ما كان هذا تصرفه والكلام للبنت لو تخاف من الله ما قبلت بهالشي ولكل قاعدة شواذ ولكل ساقط لاقط الله لا يبلانا ويستر علينا وعلى محارمنا ومحارم المسلمين .

ولا حول ولاقوة إلا بالله العلي العظيم
اضافة رد مع اقتباس
  #8  
قديم 07/05/2008, 04:19 PM
زعيــم مميــز
تاريخ التسجيل: 17/05/2005
المكان: قلب الزعيم
مشاركات: 2,235
السلام عليكم

اخوي مانقدر نقول الا لاحول ولاقوة الا بالله انا لله وانا اليه راجعون

الله يدفع البلا
اضافة رد مع اقتباس
  #9  
قديم 07/05/2008, 04:33 PM
الصورة الرمزية الخاصة بـ مجنون الزعيم(9)
زعيــم مميــز
تاريخ التسجيل: 03/08/2005
المكان: في المنصة
مشاركات: 15,836
إقتباس
هل فقدنا الاحساس بالغيره؟ ام انها لا تعنينا الا عندما ترتبط باقاربنا؟



والله الخوف اذا جيت تنصح قالو وش دخلك

إقتباس
هل اصبح الترقيم ظاهره عادية في المجتمع؟



بصراحه ايه

إقتباس
لو كنت مكاني وش تسوي؟



بعطيها اللي عطاها البي ام وبقول اتصلي بنصحك





عندها اسألك:

إقتباس
هل الترقيم حلال لك و حرام عليها؟

يارجال البنت اذا كانت لابسه لبس محتشم قسم بالله ماتتجرا وتطالعها الا والله تستحي منهآ

اما اذا لبسها حدث ولاحرج ورى العبايه صوره قلب ولا علم السعوديه واعلام دول الخليج تقول مجلس التعاون الخليجي

فهذي تتحمل مايجيهآ


يعطيك العافيه اخوي على الموضوع !!
اضافة رد مع اقتباس
  #10  
قديم 07/05/2008, 05:47 PM
زعيــم مميــز
تاريخ التسجيل: 20/08/2005
المكان: تحت أقدام أمي
مشاركات: 3,319
إقتباس
الرسالة الأصلية كتبت بواسطة مجنون الزعيم(9)

والله الخوف اذا جيت تنصح قالو وش دخلك



بصراحه ايه



بعطيها اللي عطاها البي ام وبقول اتصلي بنصحك





عندها اسألك:



يارجال البنت اذا كانت لابسه لبس محتشم قسم بالله ماتتجرا وتطالعها الا والله تستحي منهآ

اما اذا لبسها حدث ولاحرج ورى العبايه صوره قلب ولا علم السعوديه واعلام دول الخليج تقول مجلس التعاون الخليجي

فهذي تتحمل مايجيهآ


يعطيك العافيه اخوي على الموضوع !!



الله يهدي شباب وفتيات المسلمين ويفتح على قلوبهم ويوفقهم لكل مايحبه ويرضاه ويبعد عنهم كل شيء يغضب وجهه الكريم

جزاك الله خير على غيرتك الله يوفقك ويسعدك دنيا واخره
اضافة رد مع اقتباس
  #11  
قديم 07/05/2008, 05:49 PM
زعيــم متواصــل
تاريخ التسجيل: 11/04/2008
المكان: مع كفيل
مشاركات: 100
الاخ BOUNTy_oobs
إقتباس
4/ ما راح اسوي شي .. لانك مهما كلمتهم ومهما حاولت تسوي شي ما راح تغير كل الناس ..


الامر بالمعروف والنهي عن المنكر واجب على كل مسلم لقول المصطفى عليه الصلاة والسلام في الحديث الصحيح: { من رأى منكم منكراً فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان } [خرجه الإمام مسلم في صحيحه].

وان عدم النهي عن المنكر يغضب الرحمن ويكون سبباً في عدم استجابة الدعاء لقوله عليه الصلاة والسلام: { يقول الله عز وجل: مروا بالمعروف وأنهوا عن المنكر قبل أن تدعوني فلا أستجيب لكم وقبل أن تسألوني فلا أعطيكم وقبل أن تستنصروني فلا أنصركم }.

وفي لفظ آخر من حديث حذيفة يقول عليه الصلاة والسلام: { والذي نفسي بيده لتأمرن بالمعروف ولتنهون عن المنكر أو ليوشكن الله أن يبعث عليكم عقاباً من عنده ثم لتدعنه فلا يستجيب لكم } [رواه الإمام أحمد].
اضافة رد مع اقتباس
  #12  
قديم 07/05/2008, 09:33 PM
زعيــم مميــز
تاريخ التسجيل: 13/01/2008
المكان: ساوباولو
مشاركات: 1,792
والله أنا أهلي مايوديهم إلا السواق وأنا واثق منهم كل الثقه
اضافة رد مع اقتباس
  #13  
قديم 07/05/2008, 10:24 PM
زعيــم مميــز
تاريخ التسجيل: 08/09/2006
المكان: الرياض
مشاركات: 2,059
ودك من يوكل بعض العيال لحم بعاارين عشان يغارون
الحين البعير وهو البعير يغاار وهو حيوان
هذولي شكلهم مكثرين من لحم الخنزير فاقدين الغيره الله لا يبتلي اخوي




شوف يا خوي

جـ1/ العاقل عاقل واللي محترمين انفسهم ومتعلقين بالله ما راح ينخاف عليهم.


ج2/انا اقولك اللي يكثر من لحم البعارين راح يزداد غيرته


جـ3/مثل ما قلت العاقل عاقل


جـ4/هذا الجواب للشباب

تقبل مروري بنت فهد
اضافة رد مع اقتباس
  #14  
قديم 07/05/2008, 10:49 PM
زعيــم نشيــط
تاريخ التسجيل: 31/03/2007
المكان: الرياض
مشاركات: 649
صدق قليل غيره

اولا خلاص الحين اغلب الرجاجيل ماعندهم غيره موكلهم اناشفت بعيني ابو عيال حرمته معاه وفاتشه وصاير وراها وعياله الي
رايح من هنا والي رايح من هناك قهر هذا وهو رجال عاد فما بالك بالشباب بعضهم الله يهديهم بس

انارايحه مره مع ابوي في السياره وقفنا عند الاشاره وجمبناسياره فيه شباب ويلتفت علي واحد ويتبسم يلمح ذا الماصل هذا ابوي معي اجل وشلون اذا ماكان معي وش بيسوي

..............الحين نادر ماتلقى واحد يغار على بنات الناس

موضوع تشكر عليه

تقبل مروري بنت عبد الله&
اضافة رد مع اقتباس
  #15  
قديم 07/05/2008, 11:04 PM
زعيــم جديــد
تاريخ التسجيل: 06/11/2007
مشاركات: 48
والله إنك ذيب
والكل الحين ماعليه إلا من نفسه وش هالحاله والله قهر لو يشوفون رجال بيموت
يقولون وش دخلني
وكل شي جايز في هذا الزمان لغبر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:43 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube