عاجل / الذئب سامي الجابر يعود لقيادة هجوم الهلال .. مع المصدر ..!! - نادي الهلال السعودي - شبكة الزعيم

نبض الزعيم 99 · #1 06/05/2008, 11:41 PM

بسم الله الرحمن الرحيم ..

فعلآ .. مصدر بن خاص .. عضو شرف يقطن في جميع المنتديات التابعه لنادي الهلال ..

والغريب في هذا الشرفي .. أنه يتمتع بنصب كبييير وكثير .. لا يعقله لا العاقل ولا يفهمه السفيه ..!!

ولكن .. مازال هذا العضو يمتلك عضويته الماسيه .. ولم يتمكن أحد من إيقافه ..
أو بالأصح لم يحاول أحد إيقافه ..!!

ولو أن أحد الغيورين ( حطه براسه ) كان قشع أبوووهـ من سنة جدي ..

مصدر بن خاص ..

أنا بشرح لكم من يكون ..!!

هذا سلمكم الله .. كل عضو اذا قامـ من النومـ .. أو رجع للبيت رايق ..
تخم في راسه سالفة الهلال ..

ويبدأ يتلقى التعلميات والتوجيهات من مصدر بن نصاب ..

والباقين ( مع الخيل ياشقراء )

ياناس والله طفشنا من هالتفاهات والخرابيط .. الي ماجاتنا ألا بالفشل والمهزله ..

يعني معقول في شبكة الزعيم أكثر من 300,000 عضو .. كل واحد عنده مصدر خاص ..!!

طيب اعضاء الشرف مع مجلس الاداره والعاملين في النادي مع اللاعبين ماياصلون 1000 !!!

تفاريس .. راح .. لالا بكرى يبي يرجع ..
ألا أنا متأكد بس السياره تعطلت بالطريق وهو راجع من قطر ..
لأن بنزين سيارته 95 ... وهو عباها 91 وتعطلت ..
والمشكله جواله مافيه رصيد .. و كولمي أنتهت .. يعني لازم يستنى حتى بكرى ..
علشان يرسل كولمي لباكيتا علشان يدق على الهلال يقول كزو واحد يروح يجيبه ..!!

لا وأزيدكم بعد .. سامي قرر أنه يلعب قدام الإتحاد .. وطبعآ هذا من مصادري الخاصه بعد موافقة سلطان بن فهد له ..!!!!

صدقوني لو ما واضح من أسلوبي أن يجي بعض الأعضاء بالخاص .. ويترجاني من الي علمني .. ويبي يدعي لي أني علمته أن سامي يبي يرجع ..!!

بالعربي راح يصدق ..!! تدرون ليه ..

لأن الوعي في هالشبكه أنعدم .. للأسف صارت مجمع لأغلب المبزرهـ الي مايعرفون وش الهلال ..

ولو سألت أحدهم من مدرب الهلال بيقول / زاجالو ..

ومن المحترفين بيقول ( ليتانا .. ريفالينو .. منصور مفتاح .. وكابتن رابح )

يعني مايدري وش الطبخه ..

شباب عندي أستفسار ..

أنتم عارفين أنه في نادي الهلال .. مجلس إدارهـ متكامل ..

من رئيس الى نائب الى مستاشرين الى امين عام الى علاقات عامه .. حتى قهوجي فيه ..

أنتم عارفين أن الهلال يضم أعضاء شرف قد يتجاوز عددهم 300 عضو شرف مؤثر ..
وعلى رأسهم .. سمو ولي العهد ..

هل تعلمون أن الهلال صال وجال في آسيا وأبكى الكثير قبل ما يصير مصدر بن نصاب عضو ..

يعني الهلال بخير .. ونجومنا الي باقي ونعم وفيهم الخير والبركه ..
والي راح الله يساعده ..
والي باعنا ( من نساني نسيته لو يصعب على القلب فرقاهـ .. )

أعتزل صالح النعيمه .. وأستمر الهلال بحصد الذهب ..

وتبعه أبو يعقوب .. ولم تتوقف القافله ..

آخرهم .. الذئب سامي .. وحصدنا بطولتين غاليتين ..

وهاهو يغادنا تيفا .. ولن نتوقف عن حصد الذهب .. وتجريع المنافسين العلقم ...

وبإذن الله أنا متفائل أن كأس خادم الحرمين للأبطال سيكون أحتفاليه ببرج الدفاع الهلالي ..

بإختصار شديد ..

إلى نهاية شهر خمــ 5 ــسه هجري تكفووون ..
قولو لمصدر بن نصاب ياكل تبن ويهجد ..

وبعدها له ثلاث شهور خلوووهـ يخرط لين يطلع النصب من أذانه ..

طلبتكم وصلو رسالتي له ..

وأتمنى من المشرفين يوقفون على قدم وساق لمحاربة مصدر بن نصاب خصوصآ هذه الفترات ..

ولكم تحياتي ..

.. خاتمهـ ..

كلمة حق .. كل يومـ يظهر لنا الذئب الهلالي /

سامي بن عبدالله الجابر

أنه الأبن الهلالي البار .. ولم ولن يتخلى عن فريقه في مثل هذه الأوقات .. فوجوده في التمرين البارحه سيزرع الثقه لدى نجوم الأزرق .. الى جانب متابعته لأحد القضايا المهمه في البيت الأزرق ..
فلله درك من عاشق للزعيم .. معشوق من قبل الملايين ..

هلالي للابد ! · #2 06/05/2008, 11:47 PM

مصدر خاص هذي موضه جديده

الشباب كلهم عندهم مصادر خاصه

ولا حجرت للواحد قال شخصيه كبيره ومعرفه شخصيه

يعني شوفوني انا قوي

هذولا محسوبين على الهلال ولو يبون مصلحة الهلال ماقالوا مثل هالكلام

بل ان المندس واضحه ميوله ويتكلم ويسب الهلال

اما هذولا يسبون الهلال وهم مايدرون ان مثل هالاشياء تأثر على المنتدى

الله يهدي الجميع

ونتمنى وقفه صادقه من اداره المنتدى بايقاف اي شخص يكتب مثل هالمواضيع على الاقل ثلاث ايام

الزعيم وفيلسوف15 · #3 06/05/2008, 11:48 PM

موضوع اكثر من رائع وفعلا هذا ما يحدث الان ................

سيد الملوك · #4 06/05/2008, 11:49 PM

كلامك حلو والله وفي محله يالغالي

بس عندي خبر بعد

الدعيع ينتقل بنظام الاعارة الى نيوكاسل الانجليزي

بس المصدر نسيته في ثوبي وعطيته الغسال
وضاع

8 8 8 8 8

فعلا فيه ناس لاتستغرب اذا جتك بكره كذا

ياخي المفروض اي عضو يجيب شي زي كذا
مايرحمونه ابدا

لان في مئات الالف تنتظر التفعيل

واحق من هاللي يكذبون ويلعبون بمشاعرنا وبس

يعطيك العافية نبض الزعيم على الموضوع
وتقبل مروري

الفينومينو20 · #5 07/05/2008, 12:01 AM

والله انك صادق البزارين كثروا
والمشكله مصدقين اعمارهم هم و مصادرهم
والله اني كرهت المنتدى عشان البزارين
بس فيه واحد مسجل من عا2002 وماعنده الا 40 مشاركه هذا يلعب علينا ويقول انه هلالي
يااارب انك تنضف المنتدى من المصادر الخاصه (مصدر بن نصاب)خخخخخخخ

هلالي 421 · #6 07/05/2008, 12:15 AM

موضوع اكثر من رائع وفعلا هذا ما يحدث الان ................

نبض الزعيم 99 · #7 07/05/2008, 12:25 AM

مشكورين على المرور ..

ويكفي تأييدكم .. وباقي الجمهور .. لكي تتحرك الاداره الموقرهـ لإيقاف الأطفال ..

داااني · #8 07/05/2008, 12:28 AM

هههههههههههههههههههههههههههههههه
والله أني أنبسطت من هالموضوع وبصراحة كثرة كلمة مصادر خاصة
كل شويه واحد ناط مصادري الخاصة وموثوق فيها وإذا تكلمت عليه أرسلك على الخاص ترى بوقف اليوزر نيم
حقك وتتوقف عن المشاركات وتهديد كثير وهم ما عندك ما عند جدتي ........

كلامك صحيح ويا ليت يقرأنه أصحاب المصادر الخاصة

مرواااانM · #9 07/05/2008, 12:35 AM

مشكور اخوي كلام رائع من شخص رائع

وفعلا هذا اللي صاير في المنتدى حالياً

عاشق الفريق الاوزوري · #10 07/05/2008, 12:41 AM

اخوي حراااااام عليك كذا راح يوقفونك >>>> مصدري الخاص

يعجبني موضوعك وانا بصراحه ودي يتبرع احد المشرفين بطرد المصادر الخاصه من الموقع

هلااا ليفربولي الي · #11 07/05/2008, 12:42 AM

مشكووووووووووووووووور اخوي
وفعلا المصادر كثرت اكثر من الازم
لازم شبكة الزعيم تحاول تقلل مثل هذه
الاخبار اللي هدفها زعزعت الزعيم و
انشغال جمهوره عن الاياب المرتقب
مشكووور اخوي مرة اخرى
ومضه
(((سامي يا احلى الاسامي
والله لن ننساك ابدا )))

أحب الهلال ... · #12 07/05/2008, 12:47 AM

جاءنا من مصدر خاااااااااااص جدا الخبر التالي ..

إن كاتب الموضوع ذيب وموضوعه جاي على الجرح !!! >>>> عاد أتحداك تكذب هالمصدر الخااااااااااص !!!

الـــزعــيــم · #13 07/05/2008, 12:54 AM

مشكور اخوي كلام رائع من شخص رائع

وفعلا هذا اللي صاير في المنتدى حالياً
00000000000
00000
00
0

المهندس وبس · #14 07/05/2008, 01:02 AM

مشكوررررررررررررررررررررر على هذا الموضوع فعلا جميل جدا لكن وبكل امانه

سامي لازم يكون قريب من اللاعبين بأي شكل من الاشكان وتواجده ضروري جدا لرفع معنوية اللاعبين وكتسابهم من خبرته في الملاعب واجواء المباريات

نبض الزعيم 99 · #15 07/05/2008, 02:24 AM

الف شكر للجميع على التفاعل مع ماكتب ..

وأتمنى من المشرفين ايضا التفاعل بإيقاف المصادر الخاصه ..

حتى نهاية كأس خادم الحرمين ..