|
أول موضوع لي بمنتدى شبكة الزعيم ....... أريد شراء بطاقة عضويه ... كيف ؟ السلام عليكم ورحمة الله وبركاتة أول موضوع لي بمنتدى الزعيم ........ لي الشرف لدي رغبه كبيره بأن أكون عضو رسمي بالنادي ولكن ما اعرف الطريقه لذلك ممكن تدلوني يا حلوين على فكره في مباراة الهلال والأتحاد نهائي الدوري كنت في مدرج رابطة الزعيم من الساعه 4 عصرا :d ومكثت واقف على قدمي من الساعه 4 عصرا حتى نهاية المباراة كل ذلك يهون من اجل الزعيم الحمدلله خطفها ياسر من فم الأتحاديين وماراح تعبي وتعب بقية الجماهير سدى أتمنى التوفيق للجميع تحياتي |
والله مدري كيف يا غالي لكن يفيدونك بعض الاعضاء ان شاء الله |
رح لم النادي الصبح وأكشخ وجب معك شيك مفتوح الى 200,000 وان شالله تصير عضو شرف |
اذا انت من الرياض مر النادي وخذها واذا انت من الطايف عاد ما ادري |
مشكورين يا حلوين 200 ألف ريال فقط لاغير :bigeek: يا خوك مافيه بطاقات عضويه للنادي وتكون خاصه بالجماهير العاديين مثل ومثلك بصراحه الفكره جيده وسيستفيد النادي منها والمشجع العادي يكون لديه بطاقه شرفيه تثبت انتمائه لهذا الكيان الكبير طبعا الكلام هذا ينطبق على بقية الأنديه اقترح يكون هناك بطاقات شرفيه للجمهور ويكون سعرها مابين 100 الى 300 ريال للعام الواحد تحياتي للجميع |
إقتباس:
الــرجــآل يبــي بطــآقـه عضــويـه وليـس عضـو شــرف ... رح لـمـ النـآدي وقلهــم وأشــتــــركـ مــن عــندهم مدّه سنه أو أكثر والا حولي ع حسـآبي وأنا أسجلكـ :d:d:d:d وتقبل أحر التحآيـآ |
انا مشترك بالعضويه.............................اشتراك شهرين ب300 ريالهذا اللي انا مشترك فيه ويحق لك تستخدم جميع مرافق النادي لكن لابد تاخذها من النادي مكن الرياض |
إقتباس:
الله يرحم والديك يا شيخ هذا الكلام الي نبيه ( مو الأخ الي جاي يتكلم وهو مايدري وين كوعه من بوعه :d ) أشكرك يالغالي |
إقتباس:
أنت تبي عضوية شرفية واللا بطاقة سوا :D فكره حلوه ومنها يدعم الجمهور |
إقتباس:
إقتباس:
هههههههههههههههههههههههههههههههههههههههههههههه الله يهديك بطاقة سوا احصلها في اقرب محطة بنزين :d الأخ حسان يقول مشترك ببطاقة عضوية شهرين بــ 300 ريال شكلها موبايلي ههههههههههههههههههههههههه لا من جد اتكلم اعتقد فيه بطاقات عضوية للنادي وليست بطاقات اعضاء شرف تحياتي |
انا نفسي يطبقوا بطاقة بصمة .. زي اللي في الاتحاد .. تبصم في بطاقة .. وتصير منتمي لكيان ناديك .. اتخيل يكون عندك وحدة زيها .. مررررة فلللة .. ابو زياد .. وصل الفكرة للمسؤولين .. وخليك رائد ومخترع الفكرة .. لأنها جدا جميلة .. وقلهم مرة وحدة .. انهم يخلوها بأسعار رمزية .. عشان تكون بمتناول الجميع .. ويكون لها مميزات .. مثل زيارة النادي .. التصوير مع اللعيبة .. وتقبل مني ارق تحية .. :) |
والله غريبه كنت أحسب كل الناس يدرون عن هالبطاقات .............في كل اندية العالم بطاقات تمنح شهريا اوسنويا باشتراكات غالبا ما تكون رمزيه وعضويه الهلال اللي انا مشترك فيها ب300 ريال ادخل بها المسبح وصالة الحديد ولا ادفع قيمة الدخول(5ريال)اذا كنت بزور النادي واذا تبيها ارسل فلوسك وبريدك وانا مستعد اخذها لك.........وانحاش.....لا لا لا والله من جد |
ياليييييييييت والله عشآن اروح للجآمعه وأخذهآ معي <<<<< خخخخخخخخخخ هوالات |
اخوي البطاقة فية الزرقاء والسماوية على ما أعتقد ب700 و300 تباع في النادي وشركة أوسمة للدعاية والاعلان رقمهم في الغربية 026919125 وفي الرياض 014770935 مودتي |
الأسعار تبدأ مثل ماذكر الأخ الكريم 300 ريال لمدة شهرين .. تمنحك دخول مجاني والإستفادة من الصالات الرياضية وتنهي عند عشرة آلاف ريال ( على ما أظن لمدة عام ) طبعاً مع مميزات أكبر . لكن إذا أنت في الغربية ماراح تستفيد منها على العكس هذي خساير مالها داعي . موضوعك هذا طرح في بالي تساؤل .. ليش الموقع لايخصص زاوية عن منشآت النادي وأقسامه مع الصور .. وكيفية الإستفادة منها .. وتكون دليل للرياضي اللي يرغب في مزاولة نشاط معين مثل السباحة والحديد والتنس بدل من الإشتراك في نادي خاص مثل أبطال الجسم وغيرها .. بالله يامشرفين مناقشة هذا الإقتراح في جلستكم العمومية القادمة . |
| الوقت المعتمد في المنتدى بتوقيت جرينتش +3.
الوقت الان » 09:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd