|
لا حقوي ولا غيره ( هام لإدارة وجماهير الزعيم ) تفضلواااا السلام عليكم ورحمة الله وبركاته . . ( اقرا كامل الموضوع وهات رأيك لا تقرا سطرين وترد :d ) كلنا نعرف ان جماهير اي نادي تشكل نصف قوة الفريق مع تفاعلها وتشجيعها لنجومها وبث الروح والحماس فيهم وهذا الشي ينعكس على ادائهم في الملعب لانه الحماس والروح في اللاعبين هي قوة الفريق حتى لو كان ناقص نصف الفريق. . ونحن جماهير الزعيم نشكل القاعده الجماهيريه الاكبر قد تصل على مستوى العالم العربي ولكن للاسف حتى الان لم نستغل هذا الشي في الملعب.. يعني بالعربي نجي للمباريات 70 ألف ما تحصل التفاعل الا من 15 ألف والباقين نايمين وما ألومهم لأنه طريقة التشجيع عندنا غلط.. تعودنا على نظام رئيس رابطه يردد والجمهور يرد وراه واحيانا يكون الجمهور مو حافظ الاهازيج الجديده.. الحل الوحيد هو بطريقة التشجيع الاوربي.. لا رئيس رابطه ولا غيره يكون الجمهور كله يردد بصوت واحد وراح اعطيكم مثال لجمهور نادي ليفربول الانجليزي عندهم اهزوجه مشهوره على ما اظن اسمها ( لن تمشي وحيداً ) قبل كل مباراة تخيلوا من اصغر مشجع الى الكبير بالسن حافظينها ويرددونها بصوت واحد مع دخول اللاعبين الى ارض الملعب وشوفوا المثال في هالمقطع.. http://www.youtube.com/watch?v=TN_DBCn492k تخيل مع صوت هالجمهور لو انك لاعب عندهم لا اسجل في كل مباراة 4 اهداف من الحماس ههههههههههههه :d مع العلم انه هالجمهور اللي تشوفون بالملعب ما يجي عددهم ولا نص جمهورنا هم تقريبا 40 ألف وحنا نصل الى 75 ألف في درة الملاعب ومع هذا نايمين.. ولله الحمد عندنا شعراء وعندنا مجلس جمهور الاقتراح انهم يصدرون شريط فيه اهازيج مع الوقت يحفظها الجمهور وما راح تكون صعبه ويرددها بصوت واحد بالملعب بدل النظام اللي اكل عليه الدهر وشرب رئيس رابطه ومن هالكلام القديم ( حبيبكم مين ومدري وشو ) :d وان شاء الله في هالطريقه نستفيد من اعداد جماهيرنا في الملعب ونعكس شعبية جماهير الزعيم هو مجرد اقتراح وراح يغني الاداره عن مصاريف رابطه والقلق اللي صاير . . عبودي 9 |
يااخوي موضوعك جيد وهادف اللي نفتقدة عندنا الوعي الجماهيري وثقافة التشجيع تحصل الجمهور قبل المباراة متحمس وصفقة وماادري ايش اول مايسمعون صفارة البداية معاد تسمع الاالرابطة ولا اذا جات سحبة ولاكبري ولاهدف تسمعهم يصيحون شوي ويسكتون وش الفايدة من التشجيع اجل بس حلوة يوم انك تقارن تشجيع الانجليز بالجمهور السعودي:d ياعمي ذولا ناس سابقينا بمية سنة لاثقافة ولاوعي ولاحتى احترام للخصم مشكور على الموضوع وتقبل مروري |
ياخي وين مهبول مستحيل تشوف 70 الف مشجع او 50 الف مشجع يشجعون طول المباراه :d البلايستيشن ما سمعتهم يشجعون طول المباراه :d المعروف عند انديه العالميه الرابطه تكون خلف الباب واول 10 دقايق يشجعون فيه حماس من اللاعبين كملوها تشجيع ما فيه هجمات ينتظرون الين تجي ركنيه ويبدا التشجيع مره ثانيه .. ترانا بشر نتعب وتروح اصواتنا الا اذا صرنا ناخذ منشطات مثل كــ .....ا :naughty: |
لازم يكون هناك رئيس رابطه ينضم ويرتب مايصير كذا نظام عشوائي وخبصه ... شوف الاتحاد كيف جمهورهم بالملعب .. |
انا اشهد انك صادق وموضوعك تحفة بس يالغالي الكل متحمس مع اللعب مو فاضي يردد وبعدين اللاعبين كل ذهنها للكورة مو لكم تحياتي |
إقتباس:
|
والله انك صادق بكل كلمه قلته مشكور على الموضوع وتقبل مروري |
والله من جد لو هذا صوتنا كن كل امبراة 4_5_6 مانعرف 231 مشكوره |
إقتباس:
ولا اذا جا هدف وباقي المباراة وش فايدة الجمهور ؟؟؟؟ :d على الاقل كل 10 دقايق تشجع شوي تحمس اللاعبين واللي يحضر مباريات الهلال يشوف التايب وشلون تقفل معه من الجمهور ويروح لهم يحمسهم وياسر نفس الشي.. اللاعبين يبغون الجمهور ما يسكت على طول يحمسهم وهالشي ينعكس على مستواهم بالملعب :) |
ياخوي الي فالملعب بيزعجك ازعاج واول واحد انا ___ انا واقف واشجع وآآآزر الهلال وفيه واحد وراي مزعجني اجلس اجلس بغيت اصمخه على وجهه فالنهاية ( زبدتله ) قلتله تبي تناظر المباراة وبتزعج العالم اجلس اجلس ناظرها فبيتكم |
إقتباس:
رئيس الرابطه ماله شغل . . الترتيب يكون فيه اشخاص تابعين لمجلس الجمهور مهمتهم بالتنظيم بعدين الرابطه الحين مالها اهميه بعد ما نقلوا مكانها جنب المنصه ما صرنا نسمع صوتهم زي اول وجودهم كعدمهم ..المفروض مصاريف الرابطه تصرف على اشياء تخص الجمهور من تيشرت وشالات واعلام وغيره |
إقتباس:
وانت الصادق حنا نفتقد لشي وهو التنظيييييييييييييييم حتى في ملاعبنا المفروض مثل استاد الملك فهد يكون رقم الكرسي مكتوب على التذكره لو ما تجي الا قبل المباراة بـ ساعه الواحد يجي متحمس ورايق مو مثل الحين اعوذ بالله الواحد يالله يجي من قبل العصر عشان يحصل مكان.. |
إقتباس:
مهب شرط اي واحد يحضر للمباراه يشجع :yes: انا بجي بستمتع بدون ما اشجع وانا حر صح اني هلالي بس احب اشوف ناس تتحرك ومعها كوره بس مهب معقول تشجع طول المباره 90 دقيقه وغير اربع ساعات قبل المباراه صراخ وتحدي بين الجمهورين والله ليروح صوتك .. يا ازين تشجيع ابو علي الله يذكره بالخير يا هلال عزك عزنا وياهلال ,,, |
اي والله انك صدقت والله احسن تشجيع الغرب وانا اضيف عليه تشجيع بوكا جونيورز الارجنتيني والرابط http://www.youtube.com/watch?v=1CAZJbix09w ومشكور وأتمنى انهم يطبقوونه جمهور الهلال الكريم |
الرابطه ضروريه خاصه عن هناك مبارات يتعثر فيها حضور جماهيري لاسباب متعدده لان حقوي مره ما يصلح بشي |
| الوقت المعتمد في المنتدى بتوقيت جرينتش +3.
الوقت الان » 04:37 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd