|
يــوم أصــبــحــت " مــنــحــرفــاً " ...!! بسم الله الرحمن الرحيم السلام عليكم ورحمة الله وبركاته وبعد : ودي أدخل على الموضوع بدون مقدمات .. لأن النفسية مش ولا بد ..!! :::::::::::::::::::::: ( مشكلة عاطفية ) كل يوم أصحى من النوم متأخر شوي .. ومعنى متأخر شوي إني أصحى بعد الساعة 9 بالليل .. شي طبيعي لا دراسة ولا وظيفة ولا هدف ..! المهم بعد ما أصحى أروح المطبخ وآكل لي شي يغير من ريحة فمي قبل ما أتوجه إلى " استراحة الدشرة " عند أخوياي الداشرين ..! طبعاً أنا حريص جداً على استغلال وقتي على أكمل وجه .. عشان كذا وأنا في الطريق تلقوني أدق على حبيبة القلب " نوسة " حتى يكون ليومي طعم وقيمة ..! :smilie47: في يوم من الأيام .. صحيت مثل كل يوم وتوجهت للاستراحة وفي الطريق دقيت على حبيبتي " نوسة ":smilie47: لكنها ما ردت .. توقعت أن أهلها عندها ومبتلشة عشان كذا دقيت مرة ثانية وثالثة وعاشرة :naughty: .. لكنها برضه ما ردت ..! غريبة ؟؟!! لا تكون نايمة ؟ لا مو من عادتها تنام هالوقت ..! أول مرة يصير لي معها كذا ..! :surprised: مسكت معي أن أستمر بتكرار الاتصال حتى ترد الحمارة الحقيرة :stoned: .. فجأة وصلتني رسالة .. في البداية توقعتها من رسايل الـ "Call me " اللي دايم يرسلها لي وجيه الفقر بعض أعضاء المجلس العام ..:d قريت الرسالة وكانت من حبيبتي " نوسة " : " أرجوك إذا كنت حبيتني من قلبك فأرجوك تنساني " ..!!انصدمت في البداية http://www.getsmile.com/emoticons/sm...853/4/eek2.gif ثم بعدين ضحكت عرفت أنه ملعوب من ألاعيبها الخبيثة .. فرديت عليها بهالرسالة : " يا حبي لك يالواطية ما تعرفين تلعبين علي .. أنا أبو شغب والأقر على الله .. كان غيرك أشطر " http://www.getsmile.com/emoticons/sm...grinjester.gif ردت علي : " لا والله أتكلم جد .. أنا انخطبت واسأل صديقتي " نسمة " الدبة إذا ما صدقتني " http://www.getsmile.com/emoticons/sm.../q/bawling.gif وصلت الاستراحة وبقيت في السيارة أرسل لها وترسل لي .. لحد ما طلبت منها ترد علي شوي حتى أفهم السالفة زين .. وافقت بعد تردد .. ثم طلبت منها تدق هي لأن الرصيد قرب يخلص .. http://www.getsmile.com/emoticons/sm...h0/rolleye.gif اتصلت هي وقبل ما يدق الجوال رديت بلهفة : " نوسة " مو معقول اللي قاعدة تسوين فيني؟ أنا ابن آدم لحم ودم ..! http://www.getsmile.com/emoticons/sm...853/q/weep.gif قالت : وش أقدر أسوي ؟ قل لي وش اللي أقدر أسويه عشان ما نتفارق؟ قلت لها : ارفضيه وما أحد يقدر يزوجك غصبن عليك .. قالت : وإذا رفضته ؟ كم رفضت غيره كثير ولا صار شي ؟ تبيني أعنس؟http://www.getsmile.com/emoticons/sm...50/parting.gif قلت والدمعة نازلة من خدي : لا لا .. ارفضيه وأنا بأجي أخطبك من أبوك الخبل بس خلي ظروفي تتحسن شوي .. http://www.getsmile.com/emoticons/sm...aiw/not-me.gif قالت بكل وقاحة : ومتى بتتحسن ظروفك؟ دايم أسمع منك هالكلام ولا يصير شي .. دامك مع شلة الدشرة ما لك طموح ولا هدف فما راح تتحسن ظروفك .. اعذرني أنا بانتبه لنفسي وانت انتبه لنفسك ..!http://www.getsmile.com/emoticons/sm...iw/boredom.gif رديت عليها : أقول أنتي ونخرتك اللي كنها مستودع بندة لا تغلطين .. احمدي ربك أنك لقيتي مثلي أنتي حتى أسامة المولد يخاف يمر من جنبك ويجيه الجدري ..http://www.getsmile.com/emoticons/sm...aiw/angry2.gif ما كملت جملتي إلا وأسمع صوت القطار طووط طووط طوووط .. قفلت بوجهي السافلة ..!!http://www.getsmile.com/emoticons/sm...rinjackbox.gif :::::::::::::::::::::: (داخل الإستراحة ) نزلت من السيارة بتثاقل .. وجهي كله حزن وكآبة .. ودخلت الاستراحة ولاقيت كل ترحيب وحفاوة من معشر الداشرين ..http://www.getsmile.com/emoticons/sm.../aiw/stink.gif جلست في مكاني وأنا مهموم بعد فراق أغلى حبيبة ..http://www.getsmile.com/emoticons/sm...853/q/weep.gif بدأ الأخويا بسؤالي عن الحال .. قلت وكأنها هي اللي تسألني : حالي بعد فرقاك يا زين شينه .. من هو بعد فرقاك يسعد سنيني ذبحتني بالهم وأصبحت ضنينه .. إما أموت وارتاح والا تجيني عرفوا الشباب أنها مشكلة عاطفية .. فبدأ كل واحد يعطيني من هالنصايح .. اللي يقول : أحسن لك تنساها ودامها جات منها أبرك .. واللي يحاول يرفع من معنوياتي ويقول : هي الخسرانة وين بتلقى مثلك؟ بتلقاها بعد يومين تعرف قيمتك وترجع .. واللي يقول : إذا تبي علاج مجرب .. فترى ما ينسيك البنت إلا بنت غيرها .. واللي يقول : تعال خذ لك مزة صاروخ تنسيك نوسة وأبوها ..http://www.getsmile.com/emoticons/sm...ssbonesgif.gif رديت عليهم : كفاااااااااااية .. خلااااااص ارحموووووووني ..!!http://www.getsmile.com/emoticons/sm.../q/bawling.gif شرب .. وحبوب .. وحشيش .. وبنات ... وبعديييييين؟؟ وين السعادة؟؟ أنتوا مبسوطين من حياتكم كذا؟؟ كل إنسان له طموح في حياته إلا أنتم .. حياتكم هي هي .. ولا تقدرون تغيرونها .. أنا من هاللحظة قررت أتوب إلى الله توبة نصوحة .. وأترك عالم الدشرة نهائياً وهذا فراق بيني وبينكم .. لازم ألقى نفسي لأني من هاللحظة صار عندي طموح وهدف محدد ..!!http://www.getsmile.com/emoticons/sm...53/j0/read.gif كل الداشرين في الاستراحة حسوا أن الوضع جدي ولا فيه استهبال فسكتوا وهم يناظروني ويحاولون يفهمون وش قاعد أقول أنا ..!http://www.getsmile.com/emoticons/sm..._950/upset.gif قال واحد منهم : معليش يبو شغب .. بس ممكن تفهمنا وش تقصد من كلامك هذا كله؟ قصدك أنك بتترك الشرب والحشيش والبنات؟ بتصوم أنت الحين ورمضان ما بعد جاء؟ http://www.getsmile.com/emoticons/sm.../aiw/flood.gif غسلت يدي منه وقمت من مكاني عشان أترك هالمكان اللي دمرني ... قبل ما أطلع سألني واحد ثاني : لحظة أبوشغب .. تقول بتتركنا عشان التوبة والطموح .. ما قلتنا وش هالطموح ؟ رديت على سؤاله المنطقي وقلت ودمع التوبة على خدي : ايه أنا تبت من الدشرة وقررت أحدد لي طموح غير عن كل الناس .. قررت أترك الدشرة ويصير طموحي " الانحراف " .. وداعاً ..!! http://www.getsmile.com/emoticons/sm...1853/a/bye.gif تركت عالم الدشرة وأصدقاء استراحة السوء إلا ما لا نهاية .. ورجعت للبيت حتى أحدد أبرز ملامح طموحي الجديد ..! :::::::::::::::::::::: ( في البيت ) وصلت البيت واغتسلت ثم انسدحت على السرير استعداداً ليوم جديد مشرق وجميل..!http://www.getsmile.com/emoticons/sm...3/aiw/lazy.gif ما مداني أغمض عيني إلا واتصال يجيني من رقم ما عرفته .. - السلام عليكم ورحمة الله وبركاته - وعليكم السلام يا هلا .. - هلا بك أبو شغب ما عرفتني؟ - والله الصوت موب غريب علي .. أفصح عن نفسك يا أخا الود .. - أنا خالد " الفاهي " ما هقيت أنك ماسح رقمي .. - نعم يالفاهي وش تبي ؟ مسحت كل الماضي من حياتي مو بس رقمك ..http://www.getsmile.com/emoticons/sm...3/aiw/beee.gif - أبو شغب بصراحة أنا و3 من الشباب وحارس الاستراحة البنقالي وليد فكرنا في الكلام اللي أنت قلته وأثر فينا كثير وقررنا أننا نتوب عن الدشرة ونسلك عالم الانحراف معك حتى نكون فاعلين في المجتمع ..http://www.getsmile.com/emoticons/sm.../aiw/stink.gif - يا مرحبا ويا مسهلا بالأخوان .. أفرحتوني والله بكلامكم.. خلاص خل الشباب يجون الحين للبيت عشان يأدون القسم ونحدد أهدافنا واستراتيجيتنا من الليلة ..! - أوكي يا زعيم .. نص ساعة وحنا عندك إن شاء الله ..!! :::::::::::::::::::::: ( في الإجتماع ) وصل الفاهي وكان معاه العبقري وأبوكتف والبنقالي وليد .. رحبت فيهم دخلتهم المجلس وقفلت الباب وخليتهم يقفلون جوالاتهم للحفاظ على السرية ..http://www.getsmile.com/emoticons/sm...osed-topic.gif بدأ الشباب بالقسم على الإخلاص والعمل والمحافظة على أهداف الجماعة اللي اتفقنا على تسميتها بجماعة الأخوان المنحرفون :smilie47:.. ثم بدأنا في عقد الاجتماع : بدأت أنا بقولي : يا أخواني حنا اجتمعنا هنا حتى نتعاون جميعاً في تحديد أيدولوجية العمل الذي سنسير عليه .. لا تناظروني كذا أدري أن كلمة " أيدولوجية " هي السبب بس ما عليكم منها خلونا في المهم ..:d الحين نبي نعرف وش نبي نسوي؟ وشلون نصير منحرفين يشار لنا بالبنان؟ وقبل كذا نبي نعرف وش هي قدراتنا حتى نقدر نخدم الجماعة فيها .. رفع يده الفاهي وتكلم : والله أني مدري وش تخربط به يا أبو شغب .. بس بالنسبة لقدراتنا فأنا معروف بعلاقاتي وواسطاتي .. والعبقري معروف بذكاءه وتخطيطه .. وأبو كتف معروف بقوته وجبروته .. أما البنقالي فما عنده سالفة غير الخمور والبلاوي اللي أنت خابرها .. خلنا نفصله ونقيم عليه حد الردة أزين :d رديت عليه : لا بالعكس البنقالي هو اللي بيفيدنا عن الأماكن اللي نبيها والمتطلبات الضرورية للجماعة .. هاه يبو كتف كنك تبي تقول شي ؟:yes: أبو كتف : يا خوي وش دعوى مسوين جماعة منحرفين ولا ندري وش بنسوي؟ وش المطلوب منا عشان نصير منحرفين؟ - هاه يالعبقري جاوب الأخ .. لأني أنا نفسي مدري وش معنى منحرف بس مسكت علي أحدد طموح وما لقيت غيرها كنت أسمع إمام المسجد يقولها : "انحرف عن جادة الصواب " فعرفت أنها كلمة زينة دامها جات جنب الصواب ..!:stoned: رد العبقري : لا الانحراف غير كذا بكثير .. الانحراف أحلى من الإجرام وأعلى طبقة من الدشرة .. الانحراف عالم واسع وما يثبت فيه إلا كل من عنده قلب ميت .. إذا بغينا نصير منحرفين بحق وحقيق لازم نسرق وننهب ونجرم ..http://www.getsmile.com/emoticons/sm...aiw/diablo.gif تحمس الفاهي : يعني يالعبقري لو أبوشغب يمسك شغالتنا البثرة ويكسر عينها بمقطع بلوتوث يصير منحرف؟http://www.getsmile.com/emoticons/sm...irateinhat.gif رديت وأنا معصب : أعوذ بالله .. تبيهم يعدموني ؟:bigeek: رد علي العبقري : لا يا أبوشغب وش يعدمونك؟ وينا فيه؟ .. ترى هالأمور ما تتعدى كم سنة .. ودام الفاهي معه واسطة فوضعك تمام ..! :yes: قلت : لا لا .. حتى ولو .. مستحيل أسويها مع شغالة .. دوروا أحلى من شغالتهم وأنا موافق ..:d المهم يالله أنا بنام الحين طسوا لبيوتكم وكل واحد يفكر وش بنسوي بكرة واجتماعنا في مثل هالوقت هنا .. ولا تنسون تنظفون هالبنقالي قبل ما تجيبونه ريحة الزيت براسه صدعت راسي ..! مشوا المنحرفين الجدد من عندي وأنا طسيت لغرفتي وسريري ونمت وأنا محتضن دبدوبي ..http://www.getsmile.com/emoticons/sm...0/sleeping.gif :::::::::::::::::::::: ( البدء في عالم الانحراف ) اجتمعت الجماعة في وكرها الجديد في استراحة " سوا " في شرق الرياض .. وبدأنا في تنفيذ أولى عملياتنا في سرقة السيارات آخر .. أبو كتف مسؤول عن السرقة والعبقري عن المراقبة .. والبنقالي هو المسؤول عن بيع السيارة عند أحد معارفه في التشليح ..:clap: استمرينا في سرقة السيارات والحمد لله سوقنا ماشي زي الحلاوة وجمعنا مبلغ محترم من هالسرقة .. والأمن المحترم مشغول بقضايا أهم مثل الإرهاب وغيره .. :smilie47: لكن في يوم من الأيام تهوروا العيال وبغوا يسرقون سيارة عليها القيمة .. لكن حظهم ذيك الليلة كان أقشر كفشوهم أهل السيارة ومسكوهم وبلغوا عليهم الشرطة .. لكن الحمد لله ما مرت 48 ساعة إلا والفاهي الذيب طلعهم بالواسطة ..!! s60s بعد ما سلمت الجرة هالمرة .. قررنا نغير استراتيجيتنا .. فانتقلنا إلى خطة بديلة من تخطيط أبو كتف .. كانت خطة أبوكتف عبارة عن قطع الطريق على السيارات المارة من نفس الحارة ... عارضنا الفكرة لأننا في السعودية بلد الأمن و الأمان ولأن هذا مستحيل يحدث هنا .. وما وافقنا له إلا بعد ما ذكر لنا عدة أحياء في جدة وهنا في الرياض وللتأكيد لنا مرّ بنا على حي الفيصلية اللي يسكن هو فيه وشفنا بأعيننا اللي يصير .. حارات ضيقة ومطبات من صنع أهل الحي حتى يمنع هروب السيارات المارة وشباب على يمين ويسار الشارع .. :bigeek: بدأنا في استيجار شارع من شوارع الفيصلية .. وفعلاً كان الداخل للحارة مفقود والخارج مولود .. أوقفنا سيارة جمس كان فيها ولد شباب ومعاه حرمته .. شفتهم قلت للجماعة : خلوهم يمشون لحد يكلمهم ... عارضني أبو كتف وقال : بالعكس هذا شكله منغنغ ومعاه عايلة وبيعطينا الفلوس اللي نبيها بدون مشاكل .. :clap: وبعدين حتى لو خليناه يمشي .. اللي ورانا ما بيخلونه ويمكن يتحرشون باللي معه بعد .. قلت : لا يا أبو كتف حنا منحرفين وهذي مو أخلاقنا .. خلهم يرجعون وأمّنوا لهم الطريق عشان ماحد يتعرض لهم ..!:yes: جات سيارة ثانية عليها 3 من الشباب الكووول اللي ما أدانيهم .. وقفناهم وأخذنا كل اللي معهم حتى واحد كان منهم لابس بنطلون " طيحني " خليناه يفسخه وأخذناه منه:naughty: .. كذا أحلى إما يلبسه كله أو يفسخه كله .. صح؟ :d فجأة واحد من هالثلاثة شكله يبي يهاوش نزل من السيارة بسرعة وهو معصب وقال : " يا كرهي لكم " :upset: وركب السيارة ومشى ..! يا حبي لهم وهم معصبين :d:d بعد ما مشوا خفت أنهم يبلغون علينا الشرطة .. بس الحمد لله ما صار شي لأن أبوكتف يقول أنهم مستحيل يدخلون هنا إلا إذا كانت الجريمة خطيرة جداً ..!!:stoned: استمرينا على هالشغلة أيام حتى ملينا من قلّة السيارات اللي تمر .. فقررنا نغير في الاستراتيجية مرة أخرى ..! هالمرة البنقالي وليد هو اللي اقترحت الفكرة .. وهي أن نبدأ في تجارة أقراص الديفيدي وبيعها ..:surprised: سفهنا هالفكرة لأنها تجارة ومالها دخل بعالم الإنحراف .. لكن البنقالي قال : " اعطي الهر فرسة " :d.. قلنا أوكي نشوف هالتجارة لين نلقى لنا فكرة أفضل ..!!:yes: صرت أنا والعبقري اللي نشتري الديفيدهات ونعطيها البنقالي وهو يجمعها ويتفق مع الزباين والفاهي وابو كتف هم اللي يوصلونها للزباين .!! حققنا مبالغ خيالية في ظرف أيام وكنا مبسوطين من هالريح .. لكن اللي كان ينغص علينا فرحتنا هو أن هالتجارة شريفة وما للانحراف فيها دخل ..!! :d العبقري كان شاك في الوضع وصارحني .. وافقت له أن ياخذ دور الفاهي في توصيل الديفيديهات اليوم عشان يقدر يشوف وش فيها ..! بعد التوزيع وصل أفراد الجماعة ما عدا البنقالي والعبقري ... ما درينا إلا البنقالي جاينا يركض وهو يصيح يقول انه شاف الشرطة ماسكين العبقري ومركبينه معهم ..!!:bigeek::bigeek: خفنا وارتبكنا لا يكون العبقري يعترف علينا ونروح في داهية..!! الفاهي تكفل باخراجه وقال : بطلعه لو يكون ان شاء الله في قوانتنامو .. ما عليكم ..!:yes: طمنا كلام الفاهي .. وقررنا نغير الاستراتيجية لحد ما يرجع لنا العبقري ..:clap: المرة هذي أنا اللي اقترحت الفكرة .. وهي ندخل مستشفيات الولادة .. وأول ما ينزل المولود من بطن أمه نلقطه على طول ونبيعه على أحد هالعصابات بالداخل أو بالخارج ..:naughty: كنت أقول هالاقتراح وضميري يأنبني .. لكن لازم أسوي كذا ولا ما راح أصير منحرف ..!! http://www.getsmile.com/emoticons/sm...shockwhore.gif بدأنا بأول عملية .. دخل أبوكتف لقسم المواليد وأنا دخلت بعده .. شفت الوضع آمن وماحد سألنا من نكون ثم أشرت لأبوكتف يدخل وياخذ أحد هالأطفال ويلفه بجريده ... دخل الذيب وطلعنا من المستشفى بصعوبة ..:clap: أول ما شفت الولد ما شاء الله طالع مثل القمر:smilie47: .. بغيت أتفل بوجه أبو كتف الغبي .. المفروض يزرف ولد شين عشان العصابات تبي ولد معوق ويقطعون يده ورجله عشان يصير شحاذ محترف .. أما هذا والله حرام ينقطع منه شي .. :smilie47: قال أبو كتف : أجل والشين موب حرام ينقطع منه شي ؟:surprised: سمعت هالكلمة من أبو كتف وكأن أحد صفعني كف وأيقظ ضميري النعسان http://www.getsmile.com/emoticons/sm.../aiw/blink.gif .. فعلاً خذ الحكمة من أفواه الدلوخ ..!! صحى ضميري وطلبت من أبو كتف والفاهي يرجعون الولد لمكانه .. وتوووبة يا رب ..!!http://www.getsmile.com/emoticons/sm...53/aiw/cry.gif راحوا ثم رجعوا وهم يقولون : " ترى لقينا في سرير الولد ولد ثاني وحطيناه جنبه .. الظاهر أنهم حسوا أن الولد ضاع فحطوا مكانه ولد ثاني عشان ما يتورطون عند أهله " http://www.getsmile.com/emoticons/sm.../dont-know.gif قلت : يالدلوخ حتى لو حطوا ولد ثاني فأكيد بيتورطون عند اهل الولد الثاني ..!:nono: قال أبو كتف : طيب وإذا كان فيه توأم ووزعوا الولدين على السريرين؟ http://www.getsmile.com/emoticons/sm.../r/approve.gif انلحس مخي ... ويييييين حنا عايشين فيه؟؟؟؟ معقولة كل هذا يصير في بلدنا؟؟ لا ما أصدق .. لالا .. خلاص صدقت لأني شفت وسمعت بعيني كل اللي يصير ..!http://www.getsmile.com/emoticons/sm.../black-eye.gif رجعنا للاستراحة بعد ما قررت أعلن اعتزالي عالم الانحراف .. لكن قبل ما أعلن قراري المصيري على الجماعة طلبني الفاهي في كلمة راس .. قال لي بعد ما طلعنا برا : أبو شغب بأقول لك سر خطير .. قلت : خير يالفاهي ؟ قال : أنا كلمت واسطتي في جميع مراكز الشرطة وأكدوا لي أن العبقري ما هو في أي قسم عندهم .. قلت متعجب : أجل وين طس فيه؟ مو وليد البنقالي قال أنه شافه بعيونه راكب مع الشرطة؟http://www.getsmile.com/emoticons/sm...uestionwht.gif قال : هذا اللي خلاني أستغرب .. أول ما قال لي الواسطة هالكلام رحت لغرفة وليد ولقيت قطرات دم وريحة شينة مرة عند الغرفة .. مدري وشلون أقول لك ؟http://www.getsmile.com/emoticons/sm.../aiw/flood.gif قلت : يالفاهي اعقل وش هالكلام اللي تقوله ؟ معقولة ؟:bigeek: قال : بصراحة العبقري لما طلب مني الديفيديهات عشان يوصلها راح وشاف اللي فيها ولقاها أشرطة مخله فعصب وقال أنه بيروح للبنقالي وبيأدبه ..! قلت : وتوك تقول لي هالكلام؟:upset: قال : مدري .. خفت وما توقعت يصير شي .. قلت يمكن تهاوشوا وجات الدورية وأخذت العبقري صدق ..!! ضاق صدري .. ومباشرة دقيت على 999 وطلبت منهم يجون ياخذون البنقالي الحقير ..!!:upset: وصلت الشرطة للاستراحة .. ولكن للأسف قدر البنقالي أنه يهرب في غفلة منا قبل دخول الشرطة للاستراحة ..!http://www.getsmile.com/emoticons/sm...p/fasttalk.gif فتشت الشرطة فيما بعد غرفة البنقالي ولقت اقامته وآثار الدم ما انمسحت بشكل كامل .. وبعد التحقيق تم اكتشاف حقيقة مقتل العبقري اللي كان على يد وليد البنقالي بمساعدة من بعض جيرانه البنقال واللي تم القبض عليهم واعترفوا بأن وليد راح جدة ومن هناك تم ترحيله إلى بنقلاديش ..!! :( بعد كل هالأخبار .. اتفقت أنا والفاهي وأبو كتف أن نتوب من الانحراف ونرجع لشلة الدشرة من جديد ..!!http://www.getsmile.com/emoticons/sm...angrypirat.gif وهكذا رجعت كما كنت أنام النهار وأسهر الليل .. حتى مرت 6 شهور منذ اعتزالي الانحراف .. وفي يوم من الأيام وحنا سهرانين في الاستراحة نشرب ونرقص جاني اتصال رديت عليه وأنا شبه فاقد ..http://www.getsmile.com/emoticons/sm.../aiw/dance.gif - ألووو مدير .. سمعت الصوت وراحت السكرة .. الصوت هذا ما هو غريب علي .. معقوووووولة؟؟؟؟؟:bigeek: قلت : أيوه مين؟:bigeek: - ألووو مدير .. معلوم أنا مين؟ أنا وليد يا مدير .. أنا الحين في سعودية في رياض .. أنا ما في وليد .. أنا في راجو الحين في اقامة جديدة .. أنتا ابغى يشوف العبقري؟ ان شاء الله انتا بكرة يشوف هوّا في الجنة هاهاااااهههههههااااااه http://www.getsmile.com/emoticons/sm...osomething.gif :::::::::::::::::::::: انتهت قصتي .. والله يرحمني ..!! |
ما أنسى أشكر كل من سأل عني وطلب مني قطع فترة النقاهة .. وأعتذر على التأخير في كتابة الموضوع كما وعدتهم ..!! لا عدمتهم أخوان وأخوات .. وهذا الموضوع هدية لهم وأتمنى يعجبهم ولو أنه موب قد المقام لكن تكفي رمزية الهدية .. والله كتبت قبل شوي أسماء الأعضاء لكن مسحتهم حتى ما أنسى أحد أو أحرج أحد بذكر اسمه وهو ما يبي خصوصاً البنوتات ورده اللي لاحظته أن كذا شخص قال اكتب موضوع وأشوفه هاليومين ساحب على المجلس ما أشوفه :d المهم ... عشان ما يكون الموضوع سلق بيض أبكتب ما يستفاد :stoned: ما يستفاد : 1- الفراغ عند الشباب هو السبب الرئيسي للدشرة أو الإجرام .. فياليت تتوفر أماكن ترفيهية للشباب . :smilie47: 2- الخروج بعد تجربة عاطفية يجب أن تكون بفوائد والاستفادة من الأخطاء لا أن تكون النتيجة عكسية ومن سيء إلى أسوأ .. 3- البعد عن الدين هو سباب فقدان السعادة .. ومن غير القرب من الله لن يسعد الإنسان حتى لو توفرت لديه جميع ملهايات الدنيا ..! :yes: 4- الأمن في المملكة من سيء إلى أسوأ خصوصاً بعد أحداث 11 سبتمبر .. أتمنى أن يحرص الأمن على أرواح وممتلكات المواطنين كحرصهم على الحفاظ على الحكم وتراب أرض الوطن من الإرهابيين ..! :) 5- على المستشفيات الحرص على أبنائنا وأن يراعوا الله في المسلمين .. فمن أخطاء طبية إلى الاهمال في الحفاظ على المواليد .. والأسوأ من ذلك هو محاولة حل المشكلة بأي حل وإن كان خاطئاً كما ذكرنا في القصة حين تم وضع أحد التوائم بدلاً عن الطفل المفقود ..!! :upset: 6- على الجوازات تطبيق العمل بالبصمة .. فالجاليات الأجنبية تخرج بفيزة خروج نهائي ومن ثم تعود بفيزة وهوية أخرى ..! :upset: 7 - على المشاغب قبل أن يرسل الموضوع أن يرسله أولاً إلى أحد الأخوة أو الأخوات حتى يقوم بالتنسيق الجميل :razz: |
وعليكم السلام ورحمة الله وبركاتهـ ايش أقرأ وايش أخلى .. ما شاء الله عليكـ .. والحمد لله على سلامتكـ .. نرد وبعدين نقراء على راحتنا :d |
و عليكم السلام ورحمة الله و بركاته و صباح الخير بصراحه الموضوع طويل جداً ما أمداني أقرأ ولا نصه لك تحياتي |
ماشاء الله المجلس اليووم غييييير .. أموووت وأعرف من اللي موزع المنشطات على الأعضاء :d أطالب المشرفين بضرورة الكشف على المشاغب وفياض وأي شخص يكتب موضوع طويييل :razz: .. سلطان ياهلا ويامرحبا تو ماتبارك المكان :smilie47: يقطع ابليسك أنت وفترة هالنقاهة أنت الحين يلحقك 30 يوم صووم وإطعام 260 مسكين على كثر ماتحلف ذمتك وسيعه ياراااااقل :d:d يعلم الله إن لك وحشة .. ياخي المجلس افتقد روح الخرفنة حتى إن الخرفان تشتت ولم يبقى إلا القلة بعد إفتقاد القائد بخخخخخخخخخخخخـ <--- مهوب أنت القائد ابد :d:d سلطان موضوعك يبيله تكية لذلك المقعد محجوز على الدرجة الأولى ليييين أرجع بس ماراح أطول صدقني :naughty: ........... وعليكم السلام ورحمة الله وبركاته مووضوعك جداً رااائع ومتكتك واعجبتني كثرة الرمزية فيه s60s إقتباس:
أعتقد إن كثيييير من الشباب أو الفتيات يمر بمرااااحل عاطفية وفي الغالب تنتهي بنكسة ويشيل هموم الدنيا على راااسه كن مافي هالبلد إلا هالولد ,, ربما البعض يعتقد إن حياته انتهت وفيه حالات تصل للأنتحار ذوولي اللي ماعمرهم حبوا ولاصدقوا على الله أحد يحبهم :d لكن قبل كل شي عندما تصبح المشكلة العاطفية بالحلال الله سبحانه ييسر للعبد أمره مهما كان همه ,, ولابد أن تكون هناك قناعات ومفاهيم بأن الحب ربما يفشل أو يتعرض لخلل ما في سائر الأيام ,, إقتباس:
إلا تعااال سلطان ابسألك صديقة نووسة مخطوية :naughty:؟؟ <----- تهيض المخفة وده يجرب المشكلة العاطفية :razz: إقتباس:
وقاعد يتخيل نفسه إنه راااكب سحابة وقاعد يحلبها <---- يااخي جوهم بطل راعين الصواريخ :naughty: نجي للجد عاااد .. سلطان طالما إن الرفقة غير صالحه لاتدور منهم أي نصيحة صالحة لأنهم راح يدهورونك ربما تدخل وتغوص في عالم أشد من المشكلة العاطفية :stoned: إقتباس:
إقتباس:
:surprised: يعجبني فيك إنك متوقع ردة فعلنا حول هالكلمة :d من جد أنا بحثت في قووقل مالقيت للكلمة أثر :stoned: حتى أبو مقبل اللي هو أبو مقبل مايدري عنها شي :razz:بديت تكبر بعيني بعد هالكلمة شكلك بتصير قدوة لي بعد ماكنت ناوي أعين فياض قدوة بس اشوا إني ماعينته :d.. هااه سلطان تقبلني تلميذ عندك :naughty::d إقتباس:
إلى سراويل بابا سامحني :upset: وإلا لجاك وعصب وضربك بمنديل ياااااااااااااااي :d خلاصة الرد :- سلطان موضوعك جداً رااااااااااااااائع ويستحق الدق بالمسمار مع الشبحات اللي فووووق :naughty: تكلمت عن الفرااغ والعطالة والمشاكل العاطفية والبنقالية وتهديدهم لأمن البلد وسرقة المواليد والسيارات والعادات الدخيلة عالبلد وتأثيرها بمجتمعنا ,, طالما أن مسؤولينا نايمين بالعسل فأعتقد إن جميع ماذكرته بموضوعك راح يتواصل طالما لم يجد اهتمام من المسؤولين أو إستشعار بما يحدث ,, أمن البلد أصبح مهدد,, أصبحنا نجامل بعضنا بأنه الأمن مازال مثل السابق العمالة أصبحت تعبث بأمننا ولاتلاقي الجزاء الرادع ,, المواليد أصبح البعض يفضل ولادة زوجته في المنزل كالعصور الماضية أفضل من ولادتها بالمستشفى وتسرق دون حسيب ولارقيب ولاإحساس من مسؤولين الصحة ,, . . سلطان كلمة شكر ماتوفيك حقك فحمت من كثر ماقول لك يامبدع s60s وعودة حميدة للمجلس ,, وإطلالة اعادت للمجلس أبريقه :smilie47: أتمنى أن يتواصل حضورك وأهلاً بعودة الخرفنة للمجلس :razz:عاد مع الأنفتاح اللي صاير ياسلام :naughty::d شكراً لك :smilie47: |
حجـــــــــــــــــــــز الحمدلله ع السلامه من طول الغيبات جاب مواضيع :d ايوه كذا العااااااااااااااام شي شي فيه كم عضو منزلين مواضيع تحيفه له اسبوع هاجد هالعام مايكفي منتدى الجمهور مزاعلته <<عشان تفاريس كل مااقرأ يضيق صدري قلت خل تخف المواضيع اللي تضيق الصدر ************************************************************* باااااااك إقتباس:
وعليكم السلام ورحمة الله وبركاته إقتباس:
افاااااااااااا :surprised: عاد انا مروقه وبمخمخ على موضوعك عندي اوف :naughty: إقتباس:
اجل كل ابو دايم انت شبعان نوووم :d وزع علينا من نومك شوي اوقات الاختبارات إقتباس:
هههههههههههههههههههههههههههههههههههههههههههههههههه فضحتهم استر عليهم :naughty: إقتباس:
ايه اهم شي انها هي اللي تدق هوب انت مصاريف دايم دايم إقتباس:
وهي صادزه اجل تبيها تعنس:( مايكفي عوانس السعوديه :d إقتباس:
لاصدق صدق وقحه:upset: إقتباس:
هههههههههههههههههههههههههههههههههههههههههههههههههههههههههههههههههه قد احد قالك انك مهستر ومنسم إقتباس:
مامعها حق تقفل في وجهك وخاصه بعد التهزيئة اللي فوق من جاء طاري المولد تحطمت مسيكينه إقتباس:
اكشخ والله منتب سهل يالمشاغب اثرك رومنصي بقوووووووووووووووة:d إقتباس:
حسيته مسلسل سعوووووووووووودي في غصب ون :d إقتباس:
عندنا مادة اسمها انحراف بس مابعد نزلتلي لاخذتها بروح اطبقها على استراحة الدشرة واسوي بحث عليهم <<<لاحظ قلت عليهم ماقلت عليكم لانك تبت انت:d إقتباس:
يااااااااااااااااااااربيه :upset: المشاغب توك قايم امداك ترجع تنوووووووووم إقتباس:
والله كشخه اثرك مؤثر وانا ماندري إقتباس:
حتى انت لقبك الزعيم :smilie47: محال محال مافي زعيم غير الهلاااااااااااال :naughty::naughty: إقتباس:
الله الله الله الاسماء شييييييي احسنكم اسم البنقالي:d إقتباس:
ههههههههههههههههههههههههههههههههههههههههههههههههههههههههههههههههههههههه وش دراك انا طالعنا :d والله انها الكلمه إقتباس:
:d إقتباس:
ياذااااااااا النوووووووووووم :upset: إقتباس:
ايوه يامنحرفين موب ذي اخلاقنا مشاغبوه لو تنزلي ماده الانحراف ويجيني تعريف الانحراف واكتبه غلط ترا كله منك خربت ثقافتي :d إقتباس:
صـــــــــــــــــــــــح اهم شي انك ماتدانيهم امداك تعرفهم عشان ماتدانيهم :d إقتباس:
هههههههههههههههههههههههههههههههههههههههههههه والله كشخه عصبيته :d إقتباس:
وش معناتها ؟؟؟؟؟:d إقتباس:
فكرة جوهنميه مفروض انهم مخلينك انت اول واحد يفكر إقتباس:
فيك طيبة زااااااااااايده وشوله ياأنبك ضميرك إقتباس:
جريده والله منتأثير الدشارة الى الحين فيكم تحسبونه وسكي:d إقتباس:
قايله انك طيب ومرهف الاحساس بزياااااااااااااااده إقتباس:
ههههههههههههههههههههههههههههههههههههههه والله ينكت بعد شكله تأثر من الجلسه معك إقتباس:
الله يغفر لك ويرحمك ويدخلك الجنه من اوسع ابوابهاااااااا إقتباس:
:d إقتباس:
ايه والله انه الفراغ ولنا في فراغ حتى ظلالي هلالي اكبر مثاااااااااال:d إقتباس:
لا عند كثيرين مقوله ماينسيك البنت ال بنت وماينسيك الولد الا ولد :nono: موب شرط :upset: إقتباس:
:smilie47:ايه والله :smilie47: إقتباس:
ايه للاسف السعوديه بكبرها من جفر لدحدره موب بس الامن كل شي للافس:d إقتباس:
الله يستر مااصير مبدله وهلي موب اهلي:d إقتباس:
يمممممممممه كنك جالس معنا انا وعماتي امس كانو يحتسون عن البصمات في هالشي إقتباس:
هههههههههههههههههههههههههههههههههههههههههههههههههههههههههههههههههه لا انت من عقب سرقة الفواصل من المنتدى وانسابها لشخصك يمكن التنسيق ينسرق بعد :naughty: مشاغبوه يعطيك العافيه وسعت صدري ع هالصبحيه فاضيه لاشغل ولامشغله ونايمه طول امس لاطالعني كذا :bigeek: اعوض الايام السابقه موب مثلك لو توزع نومك على الشعب السعودي كفاهم وزياده برايفت مشاغبوه من جدك انت ماخذ فترة نقاهه قسم اني احسبك مسافر :d يوم عطونا اجازة اسبوع وعاد انت مددتهااا من جد مسوي فيها الشلهوب وش فترة نقاهته الله يخلف اهااا بس وش هالخرابيط نقاهه ومدري وش؟؟؟ كل واحد يقضب مكانه بالمنتدى |
. خــــــــــــــــروج وعــــــــــــــــــودة ............ معليش سلتون عالتأخير تعرف مشاكل الجوازات هالأيام:d إقتباس:
سلطوني وش هذي الألفاظ الريــفــيـة :upset: إقتباس:
العرق يــحــن لأصله :naughty: إقتباس:
يا خــــــــــــــرابي دنستوا إستراحتنا الحبيبة :smilie47: إقتباس:
إقترحت؟ الحين وليد بنت وإلا رجال؟:stoned: والله يا سلطان إني كتبت رد أكبر من موضوعك وجيت بأحط إرسال الرد إلا والنت علق قمت عصبت وقلت مافيه إلا أطلع الأخطاء اللغوية والعقدية <<<<<< JAMMI :d موضوعك رائع جداً وأعجبني بشدة،،، كــــشدة إعجابي بماجد مقبل :naughty: شوف ماجد رد بعدي مباشرة الإعجاب يجعل القلوب عند بعضها |
هلا وغلا سلطان ورده احبك ياقاسي ... شكرا لعودتك يا حياتي ـهههههههههههـ ( قلب ) ولي عودة ان شاء الله ورده |
سلطان عودًا حميدًا , وحمدًا لله على سلامتك 0000 ما للعمر في بعض الأيام قيمه لا غاب عنك من تحبه وتغليه تصبح حياتك في بعاده سقيمه ليمن تذكرته أو حل طاريه تموت من كثر الأسى والحريمه مثل الذي عطشان محدن بيسقيه ( أول حبِّ يملكني من الهامه إلى الأقدام ) قلتها لي حين كنا على العشاء , فأسأل : هل نوسه هي أول الحب ومن الديرة تلك التي أشرت إليها ؟! لاأظن ذلك ووضح لي أن لك قلب أخضر وهواوي , يتنفس حباً ويعيش غراماً ولكنه تايه في الوجود لم يجد من يستحقه , وينعم بما يملك :yes: , واقتراحي ورأيي أن تتجه للزواج ولكن هل الواحده تكفي لغرامك ؟! وتشبع نهمك العاطفي ؟! لا أعتقد لذا عليك بالتعدد علك تجد التوازي وسد بعض حاجتك :d ,,, 0000 سأقصر كلامي على السبب الأول للدشرة والإجرام الا وهو العطالة والبطالة : صدر تقرير مؤخراً من وزارة الخدمة المدنية حول عدد موظفي الدولة الحكوميين بجميع الاتجاهات والتخصصات 804000 ثمان مائة وأربعة الاف موظف تقريباً !! إقرأ هذا الرقم وتمعن فيه وقارن بينه وبين عدد السكان وأنه تعداد موظفي الدولة الأولى للبترول , والدولة صاحبة القارة في المساحة حيث مساحتها تعادل دول لوحدها ,, وأن هذا التعداد داخلٌ تحته جميع الموضفين من معلمين وعساكر وحرس وغيرهم ؟!! من الامور المهمه التي حملها التقرير انه تم خلال العام توظيف اكثر من عشرين الف موظف ولكن ذلك تم بعد انتهاء خدمات ثلاثة عشر الف وثمان مائة واربعة وستون موظفاّ :yes: بمعنى ان الوظائف الجديدة لتلك الفتره فقط ستة الاف وخمسمائه وثلاثه وعشرين وظيفه ؟؟ وعاشت السعودة وأعطى الله وزير العمل كل عافية على جهوده والتطور الذي نشأ منذ توليه مقاليدها ؟! هنا نعلم حجم تضخم البطالة واتساع عددهم وعتادهم , مما يحدُّ الكثيرين مع توفر الفرصة من مكان وقلة وعي وعدم تنفيذ القرار الرادع لكثرة ( العباقرة ) وسعة نفوذهم ؟! وإتاحة الفرصة لهم ؟! يتيح كل هذا فرصة للإنحراف والإجرام طلباً للمال وإشباعاً للفراغ .. 0000 أكتفي بتعليقي هذا رغم أن الفرصة متاحة للإزادة والإضافة لكون موضوعك يستحق ومعرفك يشجع على ذلك ولكن خشية الإملال ولكي أعطي الفرصة منهو أجدر وأقدر مني في الأمور التي لا أدركها ويقصر فهمي دونها كالأمور العاطفية :d ونحوها ,,,, 000 المشاغب للدار وحشة عقب غيابك , فلا تتركنا ومن عليه الكلام , وأعد علينا من هذه المواضيع فقرب أمثالك لا يُمل والقراءة له تطرد الهم , شكرًا وتقديرًا كبر السماء << متأثر بالصغار :d , 0000 |
سولتان اخيراً رجعت :( تصدق شوي وانا معتزل اقول تفاريس وراح وسلطان غايب :( يا هلا والله نورت الحته .. تدري ان موضوعك طويل مرة بس قصم اني قريته حرف حرف ماخليت منه اي شي موضوعك خيالي بس والله فيه تشابه كبير مع الواقع خصوصاً البنقالي وليد دايم تحصل بنقالي وسط شلة دشير وهذا هو الممول الرسمي ! الله يعطيك العافيه وتسلم يمينك وتعز شمالك على الموضوع الحساس وعلى اجادتك الطرح بألاسلوب الهزلي .. مكانك هنا :smilie47: |
هلا الـمـشـاغـب .. يالله حيه .. عوداً حميداً :d إقتباس:
عاد تصدق يالمشاغب ان هذا جدولي طول الاسابيع اللي راحت اواصل عشان الدوام وعقبها نومه ..! بس انا مضطر اني اسوي هالشي عشان اضمن اني اداوم ههههههههههههههههههههههههه ..! بس ترى ماعندي نوسه الا كانك تبي تدبرنا باحد خوياتها بس فكنا من نسمه الدبه :d << طرار ويبي ثوب كبك :d إقتباس:
توك تقولها ارفضيه ومدري وش وانك تبي تتزوجها وخرابيط(ن) واجد ..!! يوم شفتها صامله قلبت عليها هههههههههههههههههههههههههههههههههههههههه !! تصدق ودي اشوف خشتها يوم قلت لها هالكلام :d << ياشين اللي تحمس ويحسب السالفة صدق :d إقتباس:
إقتباس:
هههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههه إقتباس:
إقتباس:
هههههههههههههههههههههههههههههههههههههههههههههههههههههههه هذا مثل اللي انجلد من العربجي وجاب كل عيال حارته ويطق الباب على العربجي ويوم فتح له الباب ..! قال الكووول شفت هذولا كلهم ما يحبووووووونك ههههههههههههههههههههههههههه !! إقتباس:
لاني ودي اشوف عينة بسيطة قبل لا اشتري ههههههههههههههههههههههههههه !! ناوي اخذ كمية كبيرة ههههههههههههههههههههههههههههههههههههههههههههه !! إقتباس:
الا صدق مايدبر لي دي في دي لو تصبيره (( صورة خشة واحد محمض هههههههههههههههههههه )) إقتباس:
<< اسطرني كانه داري انك منقطع عن المنتدى :( :d إقتباس:
لاهنت ..! |
حتى مواضيعك ما تنزلها إلا بتوقيت الداشرين :d أبقيل وأرجع :d .... باك موضوعك فأل خير تدري ليه ؟ اليوم اكتشفت انه حجم الخط رقم 3 يختلف عن العادي :d وأنا أول كنت محتار أخلي العادي مشكلة إنه صغييييير ورقم 4 كبيييير والحمد لله اتبعت الوسطية:stoned: نجي لموضوعك إقتباس:
هههههههههههههههههههههههههههههه ذكرتني بواحد إذا بغى شي يقعد يتطلبك ويمدحك وتكفى ومدري ايش واذا فقد الأمل قلب عليك :d إقتباس:
صدق أصدقاء سوء :nono: المفروض يعرفون إنك بحاجة للحنان ويطبطبون عليك ويمسحون شعر راسك كودهم يكسبون أجر:d مب يهيضونك ويقلبون الحب إلى كره وانتقام :stoned: إقتباس:
والله زمن يا سوا :( بعد ما كنتي ملتقى للمثقفين والموهوبين ممن تشع وجوههم بالبراءة ها قد حولكي فئة من المجرمين إلى مرتع ومكان للإجتماع لهم :( :d إقتباس:
حرامي شريف :d ستسجل مع الأساطير بجانب روبن هود :d إقتباس:
يعني كنتوا متوقعين إنها برامج ولا أفلام وثائقية ؟:d موضوع رائع ناقش أكثر من قضية وفعلا السرقات كل يوم يكثر ببعض الأحياء الواحد إذا قام لدوامه يحمد ربه إن سيارته سليمة ولا انسرقت وذكرت أبرز الأسباب واللي أشوف من أهمها تدخل الواسطات وعدم العقوبة الرادعة إقتباس:
والله من زمااااان أسمعهم يطالبون بهالشي وكل فترة تتجدد المطالب لكن لا حياة لمن تنادي ....... وش عنده اللي تحتي تنسيق وابتسامات وألوان:razz: شكله خرب يا سلطان :d |
يا طول موضوعك طولآآآآآآآآآآآآآآآآآآآآآآآآآآهـ :razz: بعدين تعال وش قصتك مع الايام أنت نوبة(ن) يوم أن كنتوا صغارا واليوم يوم أن اصبحت محترفا الموهيم ما أطول عليك أبسير على مويضيع وارجع لك كانت هذه المقدمه وإليكم الرد :razz: قصة واقعيه في قالب خيالي :razz: بس كل الموضوع كووم وأيدلوجيه كوم لحاله ينطيك العافية على هيك موضوع صعب انك ترد عليه لكن تبعا لنصيحة واحد من العيآل يقول اكتب : ههههههههههههههههاي الله يرجك |
أولاً: الحمدلله على السلامهـ :smilie47: وعساكـ اخذت نقاههـ كافيه :naughty: ثانياً : ورب البيت مافيني حيل أقرأ شيء :stoned: هو انا اقرا موضوعك وإلا حقات فياض وإلا ابو طلال وإلا وإلا وإلا :bigeek: خخخخخخخخخخخخخخخخ انا جتني فترة خمول الحين لا قرايهـ ولا كتابهـ :surprised: كلهـ من اشراف المجلس واستشاريينه :d وشو له يحطوني الثانيهـ :bigeek: حسيت اني سويت شيء لايعقل الشهر اللي راح :razz: فأخذت في نفسي مقلب :d عشان كذا بعطي غيري من المبتدئين فرصهـ :smilie47: << ابوكـ يالغرور :bigeek: :upset: على العموم قريت اول الموضوع :stoned: وحسيت فيهـ ان مضمونه الفرااااااااااااااااااااااااااااااااااااااااااااااغ :upset: قاتلهـ الله :d << اسأل مجرب ولا تسأل طبيب :d (يمكن) تكون لي عودهـ s60s ويمكن او الاكيد اني بسحب :d |
السؤال اللي يهمني في هذا كله هو : قدرت تنسى أو لا ؟! |
| الوقت المعتمد في المنتدى بتوقيت جرينتش +3.
الوقت الان » 09:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd