هايات ورده

اسف على تأخري .. بس تصدقون يا جماعة؟ وربي أني مدري وش صاير فيني؟ شكلي صدق صرت منحرف
قبل أيام حلمت أني قاعد قدام واحدة ممثلة مشهورة وأتغزل فيها وجلسة رومانسية

ويوم صحيت من النوم اكتشفت أنها الممثلة اللي ما أدانيها : دنيا سمير غانم

مدري وشلون كنت مستانس معها بالحلم وأسولف معها بشكل عاطفي؟ مع أني ما أطيق أشوفها بالتلفزيون

الظاهر أني انحرفت وصرت ما أوفر حتى بالحلم

المشكلة الثانية أني بعدها بيوم .. حلمت أني مدرس .. بس مدرس ايش؟ .. مدرس بنات

والله مدرس بنات كبار الظاهر انهن بالثانوية بعضهن مشاغبات بس اللي عجبني بالحلم أني ثقل وحركات وأدب من جد كسبت احترامهن بعد كم محاولة شغب .. بس والله قمت من النوم مقهووور

وش دعوى ما مسكت معي سالفة الأدب إلا مع هالحلم؟ والله قهر


خلونا الحين بالردود أبرك ..

-----------------

إقتباس الرسالة الأصلية كتبت بواسطة iq1399 سولتان اخيراً رجعت تصدق شوي وانا معتزل اقول تفاريس وراح وسلطان غايب يا هلا والله نورت الحته .. تدري ان موضوعك طويل مرة بس قصم اني قريته حرف حرف ماخليت منه اي شي موضوعك خيالي بس والله فيه تشابه كبير مع الواقع خصوصاً البنقالي وليد دايم تحصل بنقالي وسط شلة دشير وهذا هو الممول الرسمي ! الله يعطيك العافيه وتسلم يمينك وتعز شمالك على الموضوع الحساس وعلى اجادتك الطرح بألاسلوب الهزلي .. مكانك هنا

هلا وغلا بعد قلبي وحشاشة فؤادي ورقاقة كبدي وشماعة أخطائي << يسمع بالفلسفة
ارحبت يا ابوحميد
شفت كيف ربي ياخذ من هنا ويعطي من هنا؟ أخذ منكم تيفا وعطاكم موشا
والله يا أبوحميد أنا مدري أن فيه بنقالي يجي وسط شلة الدشير .. عاد أنت أخبر بهالأمور وحايل تشهد

عافاك ربي وسلم يمينك وبعّد عني شمالك الحايلية
أنت مكانك يا محمد مو بقلبي بس .. أنت مكانك بعد داخل الأمعاء الدقيقة والغليظة << يرحم أمك لا عاد تغازل
حبيبي حمودي .. لا تنساني ولا تتركني لحالي .. ونّسني باللي أنت خابر

----------------

صدى الامس

إقتباس هلا الـمـشـاغـب .. يالله حيه .. عوداً حميداً

هلا وغلا عميد الدجة صدى الرجة
شكر الله سعيكم يا عميد ورده

إقتباس اجل عشان يكون يومك له طعم وقيمه تدق عليها اصلاً وش بقى من اليوم وانت ما تقوم الا عقب 9 ..! عاد تصدق يالمشاغب ان هذا جدولي طول الاسابيع اللي راحت اواصل عشان الدوام وعقبها نومه ..! بس انا مضطر اني اسوي هالشي عشان اضمن اني اداوم ههههههههههههههههههههههههه ..! بس ترى ماعندي نوسه الا كانك تبي تدبرنا باحد خوياتها بس فكنا من نسمه الدبه << طرار ويبي ثوب كبك

يا شينك بس يا عميد .. من خبرتك الطويلة صرت تدقق على أبسط الأمور سلك ياخي
أما بالنسبة لطلبك .. فبما أننا بالصفحة الرابعة أكيد بعيدين عن المشرفين خلاص بأضبطك إن كانك صامل بس أهم شي لا تكب العشاء قدامها خلك ثقيل من البداية عشان تموت هي في دباديبك

إقتباس ابوووووووووووووووك يالقلبه !! قسم بالله يالقلبه عندك ولا بريااااااااااااااااااال !! توك تقولها ارفضيه ومدري وش وانك تبي تتزوجها وخرابيط(ن) واجد ..!! يوم شفتها صامله قلبت عليها هههههههههههههههههههههههههههههههههههههههه !! تصدق ودي اشوف خشتها يوم قلت لها هالكلام << ياشين اللي تحمس ويحسب السالفة صدق

تصدق هذا عيبي الوحيد؟ مدري ليه أنا كذا أهزؤهم وهم يزيدون حب وتعلق فيني؟
<< بدأ التميلح ههههههههههههههههه

إقتباس اطلق شي اذا قام الواحد يريش بعمره في موضوعه محد يقدر يقوله لا

ههههههههههههههههههههههههههههههههههههههه
والله أنك صادق يا كافشني لا وبعد بغيت أزود التميلح بس قلت خلني أوفر للمواضيع الجاية
ان جينا للجد وتركنا الاستهبال .. فأنا ألفين سعودية تتمناني <<< هذا جده الحين .. الصدق أمزح والله منب ناقص بنات يخقون زيادة << كل ما حاولت أفك التميلح ينشب فيني من جديد

إقتباس عندك عينه من الـدي في دي ؟؟ لاني ودي اشوف عينة بسيطة قبل لا اشتري ههههههههههههههههههههههههههه !! ناوي اخذ كمية كبيرة ههههههههههههههههههههههههههههههههههههههههههههه !!

خلنا من العينة الحين ورح شف الكلاسيكي وش سوى؟ يسمع بالمحافظين الجدد الظاهر
راخ حرر الموضوع لأني ذكرت أنها أشرطة سكس .. وين العيب فيها؟ sex= جنس بالعربي .. يعني لو أني قايل أشرطة جنس ما كان صار شي .. ويوم قلتها بالانقلش حررها المتحرر بس فداه عدولي الموضوع وراعيه

إقتباس خشة تناظر الهاوي وتغمز ههههههههههههههههههههههههههههههههههههههههههه

الهاوي يا حبي له هو ومواضيعه السطحية المشرئبة المتمحورة حول الذات لازم نستفيد من أطروحاته وخصوصاً سلق البيض ورده

العميد صدى عون عفلق سلمت على المرور يا بعدي ورده

لا عدمنا تدقيقك وكفشاتك ورده

-----------------

G o L d E s T

إقتباس حتى مواضيعك ما تنزلها إلا بتوقيت الداشرين أبقيل وأرجع

إقتباس

هلا وغلا بك يا برهووومي
ما عليك زود يا بعدي كلنا متخرجين من مدرسة واحدة وهي مدرسة سوا

إقتباس موضوعك فأل خير تدري ليه ؟ اليوم اكتشفت انه حجم الخط رقم 3 يختلف عن العادي وأنا أول كنت محتار أخلي العادي مشكلة إنه صغييييير ورقم 4 كبيييير والحمد لله اتبعت الوسطية نجي لموضوعك

والله أني ما أشوف فيه فرق .. كان فيه فرق علمني

إقتباس هههههههههههههههههههههههههههههه ذكرتني بواحد إذا بغى شي يقعد يتطلبك ويمدحك وتكفى ومدري ايش واذا فقد الأمل قلب عليك

أصوولها .. أجل تقعد تمدح فيه ولا ينفع؟ أجل ما يستاهل إلا السب .. والدنيا كذا مصالح مشتركة

إقتباس صدق أصدقاء سوء المفروض يعرفون إنك بحاجة للحنان ويطبطبون عليك ويمسحون شعر راسك كودهم يكسبون أجر مب يهيضونك ويقلبون الحب إلى كره وانتقام

والله يا ابراهيم ما أكذب عليك .. أحس أني محتاج لحنان كبييييييير مو واحدة بس تكفي .. أقل شي 3 بنات حنونات وعطوفات وأمورات
لكن الشكوى لله ما عندنا غير خشة المشاكس وسيارة مانشستر نتمشى عليها << عبيط لا تضحك خخخخخ

إقتباس والله زمن يا سوا بعد ما كنتي ملتقى للمثقفين والموهوبين ممن تشع وجوههم بالبراءة ها قد حولكي فئة من المجرمين إلى مرتع ومكان للإجتماع لهم

من ناحية مثقفين فأنا أشهد وأبصم بالعشرة أن فيها ثقافة كبيييرة أوي أوي ماجد مقبل تثقف واستفاد منها كثير والله لحتى أنه صار ينام ويفتح عيونه على ثقافات الأمم السابقة واللاحقة <<< اضحك عادي يا ماجد

إقتباس يعني كنتوا متوقعين إنها برامج ولا أفلام وثائقية ؟ موضوع رائع ناقش أكثر من قضية وفعلا السرقات كل يوم يكثر ببعض الأحياء الواحد إذا قام لدوامه يحمد ربه إن سيارته سليمة ولا انسرقت وذكرت أبرز الأسباب واللي أشوف من أهمها تدخل الواسطات وعدم العقوبة الرادعة

أظن كانوا متوقعينها الأبرياء أفلام كونان ورسوم متحركة أنت وخشتك .. تراها قصة خيالية وأنت مصدق
<< بكيفي أبي أقلب عليك

إقتباس وش عنده اللي تحتي تنسيق وابتسامات وألوان شكله خرب يا سلطان

[/QUOTE]
هههههههههههههههههههههههههـ
من جد مهوب لايق خلني أكب عشاه هنا عشان الأعضاء يعرفون سر التطور الخطير

السالفة يا أخوان .. أن القيصر رهيب قلت له باخر لقاء بيننا أني معجب بردوده وتضحكني .. بس عيبها أنه ما يحط ابتسامه ولا وينسق ..!!
قال لي بلغة الواثق : ياخي وش دراك .. ترى البنات يموتون في الثقل
<< يخرب بيت اللي علمك الثقل على بيت بيته هههههههههـ
بس الحمد لله يا ابراهيم شكله استمع النصيحة وسحب على الثقل يا حبي له

--------------

القيصر رهيب

إقتباس يا طول موضوعك طولآآآآآآآآآآآآآآآآآآآآآآآآآآهـ بعدين تعال وش قصتك مع الايام أنت نوبة(ن) يوم أن كنتوا صغارا واليوم يوم أن اصبحت محترفا

يا هلا ومرحبا بالثقل وأهله أهلاُ وسهلاً علووووش ورده
أدري موضوعي طويل بس عشان يصير مرجع لكم يالنشء
أما الإيام فعلمي علمك لأن الجن هو اللي يكتب مواضيعي بدون شعور مني .. تنفع هالتصريفة على سؤالك اللي مدري وش يبي؟

إقتباس الموهيم ما أطول عليك أبسير على مويضيع وارجع لك كانت هذه المقدمه وإليكم الرد

لااااا لااااااااا .. عز الله أنك بعت الثقل بقوطي صلصة

إقتباس قصة واقعيه في قالب خيالي بس كل الموضوع كووم وأيدلوجيه كوم لحاله ينطيك العافية على هيك موضوع صعب انك ترد عليه لكن تبعا لنصيحة واحد من العيآل يقول اكتب : ههههههههههههههههاي الله يرجك [/B][/COLOR][/SIZE][/FONT]

حياك ربي يا علوش وبياك ورده .. حللت أهلاً ووطأت سهلاً ورده
أسعدني مرورك الله يخسك
لا تنسى تسلم لي على خويك كينق ميلان ورده
يالله طس بس ورده

---------------

حتى ظلالي هلالي

إقتباس أولاً: الحمدلله على السلامهـ وعساكـ اخذت نقاههـ كافيه

هلا وغلا ومرحباً بالبرتقالة ورده << محافظ ومستصعب الوردة وده يحط قلب بس يمكن يكون عيب
ايه أبشرك فترة نقاهة ما خلصت غير نص المدة وجاني عفو وجيتكم طاير

إقتباس ثانياً : ورب البيت مافيني حيل أقرأ شيء هو انا اقرا موضوعك وإلا حقات فياض وإلا ابو طلال وإلا وإلا وإلا

لا يا شيخة لا تقرين شي .. أصلاً ماحد درى عنك << يجرب وشلون شكله وهو معصب
الجد .. مجرب هذا الشعور لأنه طبيعي يحصل عند حالات المغص والصداع والدورة الانجليزية << لاحد يقعد يفسر على كيفه لأني قايل أني مجرب هالشعور يعني قصدي شريف
المهم .. هي فترة وتعدي وأنا أخوتس <<< وراااااااو تسذا؟ تسيف تسطي تحتسي تسذا؟ ( ليز وريري )

إقتباس خخخخخخخخخخخخخخخخ انا جتني فترة خمول الحين لا قرايهـ ولا كتابهـ كلهـ من اشراف المجلس واستشاريينه وشو له يحطوني الثانيهـ

حطوك الثانية مع أنك ما تستاهلين <<< ليه أنا حاقد عليها؟ مدري ليه
أمزح معك يا برتقالتنا وهذي 3 قلوب عشان ترضين كلها لك وليحيا التحرر

إقتباس على العموم قريت اول الموضوع وحسيت فيهـ ان مضمونه الفرااااااااااااااااااااااااااااااااااااااااااااااغ قاتلهـ الله << اسأل مجرب ولا تسأل طبيب

والله أنا من أول ما شفت خشة يوزرك وأنا قايل ما يصلح لك غير المطبخ وش عرفك أنتي بالمواضيع الهادفة؟

إقتباس (يمكن) تكون لي عودهـ ويمكن او الاكيد اني بسحب

واضح أنك سحبتي .. وجزاك الله خير على تقصير ردك
صح أحب أقرأ ردك .. لكن لما أجي أرد عليه أبلش به وأقعد أدعي عليك أن ربي يزوجك واحد شنب يفصل عنك النت ويفكني من ردودك

على العموم .. أتمنى تتقبلين مزحي بكل برودة أعصاب .. وتتقبلين هالقلبين مني .. بس بليز لا تخقين لأني منب ناقص والله <<< وربي أدوووخ لما أشوف نفسي مع هالثقة

فمان الله حت حت ورده

----------------------

إقتباس الرسالة الأصلية كتبت بواسطة abu_riman السؤال اللي يهمني في هذا كله هو : قدرت تنسى أو لا ؟!

جاوبت على سؤالك سابقاً .. بس رديت مرة ثانية عشان أقول متى أول موضوع بتنزله أنت عشاني ناوي أنزل ولأول مرة في حيات النتية أقصر رد لي بالمنتدى بشرط يكون معبر وشاطح عن الموضوع

ترى مهيب دقة .. لأنك تمون ويكفي تشريفك الموضوع بردك ورده .. لكن تقدر تقول عنها نذالة مني ودي أسويها بأقرب فرصة ان شاء الله

----------------

انتهت ردود الصفحة الأولى .. وسأحاول جاهداً قدر الإمكان أن أرد بشكل أسرع وقتما تتوفر الفرصة [/COLOR]

هلا وغلا والله بسلطان ..
الله الله موضوع كل شيء فيه .. مشاء الله
ماخليت شيء كل القضيا اللتي على الساحة
سيرت عليها في انحرافكـ عن جادة الصواب
موضوعكـ هذا كنه برنامج 99 من هنا مخرج 7
والله مدري وش أقولكـ بس بصراحة حطيت يدكـ على
الجرح ..

شكراً شكراً لكـ وحدكـ ( سلطان )
على كل حرف في موضوعكـ ..

كفايه علينا رجعتكـ للمجلس

استمتعت وانا أقرا الموضوع ..
صح انه طويل بس غصب عليكـ
تقراه للنهاية :
لأن الحرف يجر الحرف تتكون كلمة ..
والكلمة تسبقها كلة تكون جملة ..
وجملة تسبقها جملة تكون موضوع ..
وموضوع عن موضوع يفرق ..
فموضوعكـ لوكان حرفاً لكفى ..

تقبل مروري ..

تبي الصراحهـ ..!!
وش تبي بالصراحهـ ..!!
أكذب عليكـ ان قلت لكـ عايش بخير..!!
<< مسكت طريق الرياض



لا جد تبي الصراحهـ بعد ماشفت هالرد :

إقتباس الرسالة الأصلية كتبت بواسطة الـمـشـاغـب واضح أنك سحبتي .. وجزاك الله خير على تقصير ردك

حسيت بتأنيب ضمير مو طبيعي مدري ليهـ

فتحنا حلبة مصارعهـ انا و ضميري
هو يقول : اعقلي وردي على الرجال ولا تسحبين عليهـ
وأنا اقول لهـ : يا ابن الحلال مشاغبوهـ مايزعل وعارف العجز اللي نعيشهـ
قال : ولو الأدب واجب .. ويقولون اذا صار صاحب عسل لاتآكلهـ كله << هذا ضميري اللي يقول مب أنا
قلت : شوركـ وهداية الله


وبناءا على طلب ضميري الحبيب
ردينا عليك مرهـ ثانيهـ بعد ماكملنا قرايهـ

إقتباس الرسالة الأصلية كتبت بواسطة الـمـشـاغـب 1- الفراغ عند الشباب هو السبب الرئيسي للدشرة أو الإجرام .. فياليت تتوفر أماكن ترفيهية للشباب .

هو بس الشباب

أجل حنا وش نقول
آآآآآآآآآآآآآآآآآآآآآآهـ خلها بالقلب بس

اسأل كل اللي بالمجلس وش سويت فيهم الفترهـ اللي راحت ,,!!
وخاصهـ اسبوع الاجازهـ
والمواضيع اللي ازعجتهم بهن
لو بيدهم وقفوني

إقتباس الرسالة الأصلية كتبت بواسطة الـمـشـاغـب 2- الخروج بعد تجربة عاطفية يجب أن تكون بفوائد والاستفادة من الأخطاء لا أن تكون النتيجة عكسية ومن سيء إلى أسوأ ..

يارب لك الحمد ماقد جربت ..
وان شاء الله ما أجرب

الشر برا وبعيد

إقتباس الرسالة الأصلية كتبت بواسطة الـمـشـاغـب 7 - على المشاغب قبل أن يرسل الموضوع أن يرسله أولاً إلى أحد الأخوة أو الأخوات حتى يقوم بالتنسيق الجميل

ابشر .. كم مشاغب عندنا

ارسل الموضوع وأنا انسق
<< ماعندهـ نيهـ تقلب الموضوع برتقالي أبد

إقتباس الرسالة الأصلية كتبت بواسطة الـمـشـاغـب اسف على تأخري .. بس تصدقون يا جماعة؟ وربي أني مدري وش صاير فيني؟ شكلي صدق صرت منحرف قبل أيام حلمت أني قاعد قدام واحدة ممثلة مشهورة وأتغزل فيها وجلسة رومانسية ويوم صحيت من النوم اكتشفت أنها الممثلة اللي ما أدانيها : دنيا سمير غانم مدري وشلون كنت مستانس معها بالحلم وأسولف معها بشكل عاطفي؟ مع أني ما أطيق أشوفها بالتلفزيون

دنيا سمير غانم مرهـ وحدهـ
يالله لا تبلانا

الناس تحلم أحلام حلوهـ وبناس حلوين
وأنت يارب لكـ الحمد أحلام مثل وجهكـ


المرهـ الثانيهـ اذا بغيت تنام فكر وفكر وفكر بأحد زين ونم
بتحلم حلم مو طبيعي

إقتباس الرسالة الأصلية كتبت بواسطة الـمـشـاغـب المشكلة الثانية أني بعدها بيوم .. حلمت أني مدرس .. بس مدرس ايش؟ .. مدرس بنات والله مدرس بنات كبار الظاهر انهن بالثانوية بعضهن مشاغبات بس اللي عجبني بالحلم أني ثقل وحركات وأدب من جد كسبت احترامهن بعد كم محاولة شغب .. بس والله قمت من النوم مقهووور وش دعوى ما مسكت معي سالفة الأدب إلا مع هالحلم؟ والله قهر

يووووووووووووووووووووهـ لاتصير أنت المدرس اللي جيت عندنا

حنا جالنا مدرس ثقل وهيبهـ ومؤدب لأبعد الحدود
حتى تصدق من شدة أدبهـ يشرح وهو مغمض

يمكن هو أنت ..!!

<< هو يطبل وأنا اروس


هههههههههههههههههههههههههـ

إقتباس الرسالة الأصلية كتبت بواسطة الـمـشـاغـب هلا وغلا ومرحباً بالبرتقالة ورده << محافظ ومستصعب الوردة وده يحط قلب بس يمكن يكون عيب ايه أبشرك فترة نقاهة ما خلصت غير نص المدة وجاني عفو وجيتكم طاير

هلا بكـ

من اللي يتكلم هو عيب القلوب سلطانوهـ ماغيرهـ

تصدق من يوم رجعت وأنا شاكهـ فيكـ حاسهـ انهـ مو انت اللي نعرف
صاير مؤدب مدري وش عندكـ
لاتكون بتعرس <<



محمد نور على هالعفو

إقتباس الرسالة الأصلية كتبت بواسطة الـمـشـاغـب لا يا شيخة لا تقرين شي .. أصلاً ماحد درى عنك << يجرب وشلون شكله وهو معصب الجد .. مجرب هذا الشعور لأنه طبيعي يحصل عند حالات المغص والصداع والدورة الانجليزية << لاحد يقعد يفسر على كيفه لأني قايل أني مجرب هالشعور يعني قصدي شريف المهم .. هي فترة وتعدي وأنا أخوتس <<< وراااااااو تسذا؟ تسيف تسطي تحتسي تسذا؟ ( ليز وريري )

هذا وأنا متزاعلهـ مع ضميري عشانكـ تقول ماحد درى عني
أصلا اللي يرجع لكـ غلطان
أنا بروح وآطى على راس ضميري لانه هو السبب



ايهـ وأشين شعور لما يجيكـ صداع بالبطن
وإلا مغص بالراس
تعيش حالة قلق كبر راس بلد القلق


لاتتطنز على ريري وليوز
لا آجي الحين ووريكـ شغلكـ

إقتباس الرسالة الأصلية كتبت بواسطة الـمـشـاغـب حطوك الثانية مع أنك ما تستاهلين <<< ليه أنا حاقد عليها؟ مدري ليه أمزح معك يا برتقالتنا وهذي 3 قلوب عشان ترضين كلها لك وليحيا التحرر

أنا ما استاهل يا مفتري
اسأل نفسكـ ليهـ
أنتم كلكم ماتحبونن
كلكم تكرهونن

خلاص أنا بعد ما أحبكم

<< وش عندهـ مسكت خط



ايهـ كذا على قولتك وليحيا التحرر عرفت انكـ سلطانوهـ ماغيرهـ
اللي من جد مشاغب لعانهـ

إقتباس الرسالة الأصلية كتبت بواسطة الـمـشـاغـب والله أنا من أول ما شفت خشة يوزرك وأنا قايل ما يصلح لك غير المطبخ وش عرفك أنتي بالمواضيع الهادفة؟

الله مير يرفع من قدركـ وشآنكـ كان انا وجهي وجه مطبخ

إقتباس الرسالة الأصلية كتبت بواسطة الـمـشـاغـب صح أحب أقرأ ردك .. لكن لما أجي أرد عليه أبلش به وأقعد أدعي عليك أن ربي يزوجك واحد شنب يفصل عنك النت ويفكني من ردودك

وشلون تدعي ( علي ) ان الله يرزقن بزوج
خابرتهـ تقال تدعي ( لي )
ادري ان قصدكـ علي لانه بيفصل النت عن


بس يالبى قلبهـ كلي تحت أمرهـ لو يفصل أبو جد النت عني
هو لحالهـ يكفيني

<<

إقتباس الرسالة الأصلية كتبت بواسطة الـمـشـاغـب على العموم .. أتمنى تتقبلين مزحي بكل برودة أعصاب .. وتتقبلين هالقلبين مني .. بس بليز لا تخقين لأني منب ناقص والله <<< وربي أدوووخ لما أشوف نفسي مع هالثقة فمان الله حت حت ورده

باللهي من اللي ناصب عليكـ ومخليكـ واثق لهالدرجهـ

لا تطمن ياحبنيلي أنا
ما أزعل بسرعهـ
<< هماهـ سآل عنكـ اصلا


تصدق بغيت اقول لكـ خل قلوبك لك
بس رجع ضميري وتهاوش مرهـ ثانيهـ
يقول لي : مايرد الكريم إلا اللئيم
أنا : طيب طيب بقبل بس وعدكـ بعدين ياضميري الحي


فمان الله شغ شغ ورده ورده ورده << على وزن حت حت

بعد ماقريت موضوعك حسيت إن عندك موهبة يجب المحافظة عليها وإستثمارها في خدمة

مصالح المجتمع << تعبير مدري وش يبي

والله مدري وش اقول قصه لخصت فيها أغلب مشاكلنا في الفترة الأخيره وبإسلوب

فكاهي قصصي

أسلوب رائع لا يملكة الا المشاغب

أهنيك عليه

يعطيك العافية ,,

برايفت حتى :

كأني أشم ريحة تلميح

أتمنى إنك ماتقصديني بقولتك المبتدئين

لإنك بتنقصين من نفسك مابتنقصين مني شي

أتمنى أكون فهمتك خطا

,السلام عليكم <<<<<بدري

ادري ان ردي متاخر بس وش اسوي ما كنت موجوده يوم نزلت الموضوع

وعقابا لي وردعا لامثالي لاترد على ردي

ويوم قريته قلت لابد من الرد علشان اعطيك ثقه في نفسك<<<تستهبل

لا بس الموضوع رائع وهادف وبنٌاء واسلوبه سلس وجزل ويعتمد على التشويق والصراحه والموضوعيه

وطبعا هذا كله بسبب ايدولوجيه الكاتب اللي تحتم عليه انتهاج هذا المبدا والاسلوب في الكتابهوانا اتوقع ان الموضوع تثبت في فتره من فترات حياته لاحد هذي الاسباب<<<مدري وش كتبت بس يمديك؟؟

نجي لتجربتك في الانحراف<<<<<صدقت انك انحرفت

إقتباس في يوم من الأيام .. صحيت مثل كل يوم وتوجهت للاستراحة وفي الطريق دقيت على حبيبتي " نوسة " لكنها ما ردت .. توقعت أن أهلها عندها ومبتلشة عشان كذا دقيت مرة ثانية وثالثة وعاشرة .. لكنها برضه ما ردت ..!

إقتباس غريبة ؟؟!! لا تكون نايمة ؟ لا مو من عادتها تنام هالوقت ..! أول مرة يصير لي معها كذا ..! مسكت معي أن أستمر بتكرار الاتصال حتى ترد الحمارة الحقيرة .. فجأة وصلتني رسالة .. في البداية توقعتها من رسايل الـ "Call me " اللي دايم يرسلها لي وجيه الفقر بعض أعضاء المجلس العام .. قريت الرسالة وكانت من حبيبتي " نوسة " : " أرجوك إذا كنت حبيتني من قلبك فأرجوك تنساني " ..!!انصدمت في البداية ثم بعدين ضحكت عرفت أنه ملعوب من ألاعيبها الخبيثة .. فرديت عليها بهالرسالة : " يا حبي لك يالواطية ما تعرفين تلعبين علي .. أنا أبو شغب والأقر على الله .. كان غيرك أشطر " ردت علي : " لا والله أتكلم جد .. أنا انخطبت واسأل صديقتي " نسمة " الدبة إذا ما صدقتني " وصلت الاستراحة وبقيت في السيارة أرسل لها وترسل لي .. لحد ما طلبت منها ترد علي شوي حتى أفهم السالفة زين .. وافقت بعد تردد .. ثم طلبت منها تدق هي لأن الرصيد قرب يخلص .. اتصلت هي وقبل ما يدق الجوال رديت بلهفة : " نوسة " مو معقول اللي قاعدة تسوين فيني؟ أنا ابن آدم لحم ودم ..! قالت : وش أقدر أسوي ؟ قل لي وش اللي أقدر أسويه عشان ما نتفارق؟ قلت لها : ارفضيه وما أحد يقدر يزوجك غصبن عليك .. قالت : وإذا رفضته ؟ كم رفضت غيره كثير ولا صار شي ؟ تبيني أعنس؟ قلت والدمعة نازلة من خدي : لا لا .. ارفضيه وأنا بأجي أخطبك من أبوك الخبل بس خلي ظروفي تتحسن شوي ..

مشكلتكم يالشباب انكم تصدقون البنات اللي يستهبلون عليكم
مع اني اوقات لما افكر في هالنوع من العلاقات احتار في مين اللي يلعب على مين
حتى لو البنت تعلقت في الشاب واخلصت له هو بيرضى انه ير تبط في بنت تعرف عليها بهالطريقه؟؟ برائيي لا لانه مهما تجاهل ومر الوقت وهو يكذب على نفسه بيضل في داخله شك ان هالبنت ما دام انها تعرفت عليه بهالطريقه اكيد بتكون تعرفت على احد قبله ..

وللاسف مثل ما فيه شباب يضيعون نتيجه صدماتهم العاطفيه في العلاقات اللي من هالنوع بعد فيه بنات يضيعون

إقتباس رديت على سؤاله المنطقي وقلت ودمع التوبة على خدي : ايه أنا تبت من الدشرة وقررت أحدد لي طموح غير عن كل الناس .. قررت أترك الدشرة ويصير طموحي " الانحراف " .. وداعاً ..!!

يا متهور <<<باقي مصدقه انك انحرفت

إقتباس اجتمعت الجماعة في وكرها الجديد في استراحة " سوا " في شرق الرياض .. وبدأنا في تنفيذ أولى عملياتنا

إقتباس في سرقة السيارات آخر .. أبو كتف مسؤول عن السرقة والعبقري عن المراقبة .. والبنقالي هو المسؤول عن بيع السيارة عند أحد معارفه في التشليح .. استمرينا في سرقة السيارات والحمد لله سوقنا ماشي زي الحلاوة وجمعنا مبلغ محترم من هالسرقة .. والأمن المحترم مشغول بقضايا أهم مثل الإرهاب وغيره .. لكن في يوم من الأيام تهوروا العيال وبغوا يسرقون سيارة عليها القيمة .. لكن حظهم ذيك الليلة كان أقشر كفشوهم أهل السيارة ومسكوهم وبلغوا عليهم الشرطة .. لكن الحمد لله ما مرت 48 ساعة إلا والفاهي الذيب طلعهم بالواسطة ..!!

مو مصدقه ان هالسوالف تصير بالسعوديه

إقتباس وللتأكيد لنا مرّ بنا على حي الفيصلية اللي يسكن هو فيه وشفنا بأعيننا اللي يصير .. حارات ضيقة ومطبات من صنع

إقتباس أهل الحي حتى يمنع هروب السيارات المارة وشباب على يمين ويسار الشارع .. بدأنا في استيجار شارع من شوارع الفيصلية .. وفعلاً كان الداخل للحارة مفقود والخارج مولود .. أوقفنا سيارة جمس كان فيها ولد شباب ومعاه حرمته .. شفتهم قلت للجماعة : خلوهم يمشون لحد يكلمهم ... عارضني أبو كتف وقال : بالعكس هذا شكله منغنغ ومعاه عايلة وبيعطينا الفلوس اللي نبيها بدون مشاكل .. وبعدين حتى لو خليناه يمشي .. اللي ورانا ما بيخلونه ويمكن يتحرشون باللي معه بعد .. قلت : لا يا أبو كتف حنا منحرفين وهذي مو أخلاقنا .. خلهم يرجعون وأمّنوا لهم الطريق عشان ماحد يتعرض لهم ..! بعد ما مشوا خفت أنهم يبلغون علينا الشرطة .. بس الحمد لله ما صار شي لأن أبوكتف يقول أنهم مستحيل يدخلون هنا إلا إذا كانت الجريمة خطيرة جداً ..!!

لا عاد هنا ودي اسأل بجد هالاشياء تصير عندنا؟؟والا من خيالك الخصب؟؟

إقتباس جات سيارة ثانية عليها 3 من الشباب الكووول اللي ما أدانيهم .. وقفناهم وأخذنا كل اللي معهم حتى واحد كان منهم

إقتباس لابس بنطلون " طيحني " خليناه يفسخه وأخذناه منه .. كذا أحلى إما يلبسه كله أو يفسخه كله .. صح؟

هذا النوع من الشباب بالذات ينرفزني يا ربي ودي اذبحهم لو يقلبون بنات ازين لهم

والمصيبه ان المشكله منتشره بين الجنسين

يعني البنت مسترجله والرجال مستبنت فعلا شر البليه ما يضحك<<<أسوي اقول امثال

إقتباس قال : هذا اللي خلاني أستغرب .. أول ما قال لي الواسطة هالكلام رحت لغرفة وليد ولقيت قطرات دم وريحة شينة مرة عند الغرفة .. مدري وشلون أقول لك ؟

إقتباس قلت : يالفاهي اعقل وش هالكلام اللي تقوله ؟ معقولة ؟ قال : بصراحة العبقري لما طلب مني الديفيديهات عشان يوصلها راح وشاف اللي فيها ولقاها أشرطة مخله فعصب وقال أنه بيروح للبنقالي وبيأدبه ..! قلت : وتوك تقول لي هالكلام؟ قال : مدري .. خفت وما توقعت يصير شي .. قلت يمكن تهاوشوا وجات الدورية وأخذت العبقري صدق ..!! ضاق صدري .. ومباشرة دقيت على 999 وطلبت منهم يجون ياخذون البنقالي الحقير ..!!

مع اني اكرههم كره العمى هالبنقاليه اللي مالين الدنيا اوقات ارحمهم شكلهم وهم ما شين في الشارع يكسر الخاطر

بس يوم ادري بالبلاوي اللي يسوونها ارجع اكرههم مره ثانيه

المشكله ان السبب في وجودهم بهالكم الهائل والمخيف والمفزع والمروع هو السعوديين انفسهم عن طريق الشركات والمؤسسات الوهميه متجاهلين ان وجودهم اكبرخطر على بلدنا واللي ذكرته في قصه انحرافك اكبر دليل وجزء بسيط من اللي يسوونه ما اقول الاالله ياخذهم والله يحفظ السعوديه من شرهم


__________________________________

انحرفت فابدعت يا سلطه دمت لمجلسنا ذخرا ونبعا لا ينضب
(حديقه مليانه ورود)ورده

وعليكم السلام ورحمة الله وبركاته
ما أقول إلا الله يهديك

<---- يكتب هذا الرد وما زال الزعيم الهلالي ينهان من قبل نادي الإتحاد

_______________________

مسوي فرحان إنت ووجهك إنك خلصت الردود

يا حبي لك بس بترجع ترد علي

اللي رافع ضغطي كل ما فكرت بموضوع لقيت أحد كاتب عنه

لكني بكتب عن الكثير من النقاط إن شاء الله بس بصوره أقوى ويمكن ينحذف موضوعي وأتوقف ست سنوات قدام

بس جد جد سلطان أحسك كتبت الموضوع هذا بسرعه
ما ظهر بإسلوبك اللي نعرفه

إقتباس الرسالة الأصلية كتبت بواسطة مواصل من عام 1413هـ ما ظهر بإسلوبك اللي نعرفه

تشكيك قوووي بصراحه




هاه سلطان أنت ولا موب انت





أنت سلطان ولا ميييييييييين







لا تكون المشاغب بس




<<<<< فاهمه الموضوع غلط





لا حوووول ماراح أقرا لك مره ثانيه









<<<<< طسي

.
.
.






.
.
.
.
,

سلتان تخيل نفسك كاتب قصصي ومتعاقد مع العبيكان

كيف بيكون شعورك !