#1  
قديم 05/05/2008, 03:44 PM
زعيــم فعــال
تاريخ التسجيل: 08/06/2007
مشاركات: 343
دم ونزف .. دمع وذرف .. وش تبون اكثر يا اعضاء الشرف ..؟ ( فـضـفـضـه ) فيديو لتيفا



خرجنا هذا الموسم من الخليجيه واتبعناها بالاسيويه .. قبل خسارة نهائي كأس الامير فيصل ورباعية الاتي .. كلها بالنسبه لنا كانت مؤلمه .... لكن الم فراق تفاريس اكبر ..


مسيرة تفاريس مع الهلال \

جاء من البرازيل بصفقه لمنا عليها الاداره كثير بالبدايه .. لكن بعد مرور نصف الدور الاول من الدوري اثبت نفسه .. صرنا نمتلك دفاع قوي ومعدله التهديفي ايامها كان مرتفع ..! حقق معنا اربع بطولات .. ورجع للدفاع الهلالي هيبته بعد موسم الخمسات ,!





الموسم الثاني له مع الهلال .. لا جديد ابداع تفاريس يتواصل وكان من اللاعبين القلائل الي مستواهم ثابت طول الموسم .. حقق مع الفريق ثلاث بطولات ,! ومن بعد هذاك الموسم ابتدت معانات التجديد معه لكن الحمدلله وقتها ما كانت العين عليه كثير وقدرنا نجدد معه .. تذكرون بذيك السنه بعد نهائي كأس ولي العهد وش سوا ..؟





الموسم الماضي مع الهلال ما حقق ولا بطوله .. لكن نادرا ما يكون تفاريس خارج الفورمه ! وبعد خسارتنا النهائي امام الاتحاد ابتدت معاناة التجديد معه وكان قريب من الخروج .. لكن الحمدلله بعد مطالبات جماهيريه كبيره جددوا له اعضاء الشرف وبصراحه تجديده خفف عنا الكثير من الام هذاك النهائي






الموسم هذا .. بشهادة الجميع تفاريس كالعاده من اهم اوراق الفريق الهلالي طوال الموسم .. حقق مع الفريق بطولتين ولا زالت الفرصه امامه يختمها معنا ببطوله ثالثه ..




علاقة تفاريس بالهلال \


من موسم للثاني وتفاريس وعلاقة تفاريس بالجمهور والنادي تتطور اكثر واكثر .. الي يشوف اخلاصه وحماسه بالمباريات يقول ذا من صغره بالهلال مهب توه جاي من كم موسم !!

تفاعله واخلاصه بالمباريات .. كلها تقول انه صعب صعب جدا تلقى لاعب اجنبي او محلي بيقدر يعوض غياب تفاريس الموسم المقبل !.. تجديدنا مع تفاريس نهاية كل موسم تعتبر بالنسبه لي بطوله .. وخروجه من النادي طعنه ,!

الله يعينا نعاني كم موسم قادم على بال ما نرجع نكون خط دفاع قوي .. وجود تفاريس كان يعطي ثقه للمرشدي وما ننكر انه سبب في تطور مستوى المرشدي او حتى خيرات !.. لأنهم حتى لو اخطأوا فيه واحد وراهم يقاله تفاريس بيغطي عليهم ..

لما تعاقدنا مع هوساوي قلت يمكن الاداره عندها النيه تخلي دفاعنا " تفاريس , هوساوي , المرشدي , خيرات , المفرج " .. وبنفس الوقت صراحه ما كنت قادر اتصور ان تفاريس بيجي يوم ويطلع من النادي ,, لكن اعضاء الشرف كان لهم رأي ثاني ..

لحد يلوم الاداره .. لأن الكل عارف ان التجديد لتفاريس مهمه على عاتق اعضاء الشرف .. لكن للأسف خذلونا على غير عادتهم ,, مدري وش الفكره الي بروسهم ..؟؟

من جدهم يعني بيلقون اجنبي مثل تفاريس .. خصوصا ان الهلال بالتعاقدات مع اللاعبين الاجانب مهب ذاك الزود .. وصعب تتعاقد مع مدافع مغمور وينجح مثل تفاريس .. وربي تفاريس غير !

الموضوع موضوعكم .. كلن يجي ويفضفض .. رغم ان الجمهور توه ما نسى صدمة الرباعيه عشان يتهيأ لمواجهة صعقة خروج تفاريس .!


لحظات حلوه عشناها مع تفاريس ( اضغط هنا )



.. شكرا تفاريس ..


تحياتي : العتيبي111

اخر تعديل كان بواسطة » العتيبي111 في يوم » 05/05/2008 عند الساعة » 08:06 PM
اضافة رد مع اقتباس
  #2  
قديم 05/05/2008, 03:52 PM
زعيــم فعــال
تاريخ التسجيل: 02/04/2008
المكان: الرِيًآضْ // يًكفيً نبضَك فِي سمآهآ ~
مشاركات: 363
آآآآآآآآآهـ يـآ تفـآريـس ,

لـو تـعـرف وش في قلـوبـنـآ لك , كـآن مآرحـت

لو عـطـوك دبـــل , ><

.

الصـور تخنـق العـبـره

جد , لـكـن , اللـه يوفقـــه ,

ويوفــق الزعيــم


^^


شكـراً لك إخـــوي
اضافة رد مع اقتباس
  #3  
قديم 05/05/2008, 03:53 PM
الصورة الرمزية الخاصة بـ برهوم11111
زعيــم متواصــل
تاريخ التسجيل: 13/04/2008
المكان: سَــــرٌ الــبٌــطٌـــولاَت
مشاركات: 112
اخخخخخخخخخخخخخخخخخخخخخخخخخ يالقهر وداعا تيفا

واتمنى ان يعوضونا ادارة الهلال ولكن تيفا عب التعويض


اللهم وفق الهلال
اضافة رد مع اقتباس
  #4  
قديم 05/05/2008, 04:18 PM
زعيــم مميــز
تاريخ التسجيل: 23/07/2007
المكان: LONDON
مشاركات: 1,571
شلون ننساك ياتفاريس !!

لاصرت الصوره وعيوننا البرواز !!
اضافة رد مع اقتباس
  #5  
قديم 05/05/2008, 04:19 PM
زعيــم نشيــط
تاريخ التسجيل: 06/03/2006
المكان: M A K K A H -
مشاركات: 636
اثبتو انكم تحبـونه يوم الأحد


.
.
.

.
.
.

أتـــ,ــمنى الحضور وتشجيع تيـفآآآآ ..
اضافة رد مع اقتباس
  #6  
قديم 05/05/2008, 08:08 PM
زعيــم فعــال
تاريخ التسجيل: 08/06/2007
مشاركات: 343
احنا قدها وقدو يا جماهير

وانا انشاء الله اول الحاضرين
اضافة رد مع اقتباس
  #7  
قديم 05/05/2008, 09:27 PM
زعيــم متواصــل
تاريخ التسجيل: 29/11/2005
المكان: الرياض
مشاركات: 122
آآآآه ياتفاريس حسبي الله على ادارتنا الفاشلة

ماتعرف الاعب الفاشل من المصلحجي من المخلص
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:38 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube