نادي الهلال السعودي - شبكة الزعيم - الموقع الرسمي - رحـــــلـــــتــــــي إلـــــى مـــــالـــــيـــــزيـــــا(( الجزء الثاني ))

* تم إكمال القصة لعيون ( كلي هلالي ) و ( المتعة 9 الجابرية )

وهذا رابط الجزء الأول
http://vb.alhilal.com/t568425.html

ورحـــــنــــا لـــجــــيــنـــتـــيـــنـــج ,,

طبعاً كالعادة رحنا مع التفخ :d باتريك , والله ياهو منسم هالدب :d , مسوي يتكلم عربي يسمي القرد ( قرر ) :d , بس والله أنه حبيب ووصخ :d , حبيب لأنه شرا لأخواني الصغار حلويات , ويوم وصلنا رفع السعر .

المهم حنا كنا مقررين إننا مانقعد في جينتينج إلا يومين وكثيرة بعد :d لأنها مافيها إلا سوق وملاهي وحدة بس سوقها عن أسواق الرياض كلها <<< قهرت بنات الرياض :d

طبعا ً المدينه هذي فوق جبل , المهم وحنا في الطريق مازالت رحلة الربيع مستمرة معنا :d والله طبيعه خيال , راح علينا الوقت بسرعه .

ولما وصلنا وأشوف هاك العج الغريب , فكرت فكره من أفكاري الجهنميه كالعادة :d , وقلت بحكم ذكائي الخارق :d خلني أسأل أبوي سؤال أخليه ينلخم من قوة السؤال , والله وأنا اللي أذب خشتي على الوالد ومتحمس :d , الحين يبه وشلون جاهم عج ولاعندهم تراب ؟؟ << لا بروفيسور :d

طبعاً ألتفت علي الوالد وعطاني نظرة أنا قلت أكيد أني أحرجته قدام أهلي موب عارف يجاوب :d ,

مادريت إلا وهو يقول لي الشرهه موب عليك الشرهه على أبوك :d اللي ..... , هذا سحاب يالدرج :d ,

طبعاً لحظتها أنا سويت نفسي نايم :d بيني وبينكم طاح وجهي . مسوي فيلسوف عند أهلي :d.

المهم وصلنا لجينتينج ,

أول مادخلنا الفندق طبعاً كان زحمة وخلونا ننتظر لأن النزلاء بيطلعون , والله ونتكي أنا والأهل على الأرض :d , طبعاً فيه ناس غيرنا قاعدين على الأرض من الزحمة .

وفي غمرة تفكيري بخططي المستقبليه :d <<< يرحم أمك لاعاد تفكر :d

وفجأة :bigeek: .

طاحت عيني سهواً :d على هاك المره , لابسه عبايه ومطلعه كشتها وتلعب ورقه :d مع بنتها , لحظتها حسيت بشي ينغزني من تحتي , صار أبليس :d ,

والله الرجال ماقصر حاول فيني أكلم البنت :d بس أني كرشته قلت له خلها بعدين الحين أهلي معي :d , << تراني صادق :d

المهم وبعد 10 دقايق ويرجع الخسيس :d وينغزني ثانيه , طبعاً أنا هنا عصبت عليه وقمت للبنت :d <<< ياشديد

طبعاً ماأقدر أكلمها ومعها أمها ,

بس وين تروح من أفكاري وخططي الجهنمية :d << خريج كلية المافيا وأنا مدري :d

طبعاً أنا خططت أني أشبكها بطريقة ذكية جداً جداً جداً ,

أخاف أقول لكم بس تنظلوني على ذكائي :d , طبعاً الطريقه هي أني ألعب معهم ورقه :d << ياسلام على الذكاء

ومن خلال شطفتي لهم عرفت أنهم إماراتيين :) ,

وعدت اليومين سريعه , مع كثرة العج :d قصدي السحاب .

ورحـــــنــــا لــــبــــيــــنــنــج ,,

طبعاً هالجزيره من أروع الجزر على مستوى العالم , هي جزيره محاطة بالماء والطبيعة والأجواء الجميله .

وقبل ماتتدخلها يسألك الدب اللي معك :d كيف تبي تدخلها نشحن السيارة عن طريق الباخرة ولا تروح بالسيارة عن طريق الجسر , طبعاً حنا رحنا بالسيارة ,

وصلنا للفندق , بصراحه فندق فخم جداً , والله ناسي وش أسمه :) بس لايفوتكم روحوا له :d ,

الفندق فيه مسبح , ويطل على البحر , ياخي بحرهم رهيب :d ,

طبعاً وأنت في الشقة تطل على الشاطئ وتحتك على طول المسبح ,

ومن حسن حظي إن الوالد ماخذ غرفتين كل غرفه معزولة عن الثانيه :naughty: , وطبعاً في هالحاله لازم أشغل مخي :d , بس لحظتها كنت جوعان وأنا اذا جعت ضاعت علومي :d , المهم حاولت أفكر ماقدرت :d

الجوع مسبب لي أزمه , وخلال محاولتي بالتفكير رحت للبلكونه , وأنا في تفكيررر عميييق :surprised: ناظرت تحتي ( بالغلط ) :d ولقيت مجموعه من الستتات :d متسدحات متبطحات متبرجات :d عند المسبح ,
لحظتها طار مخي من جد :d ,

ونسيت وش كنت ناوي أفكر فيه :d , المهم في هاللحظة جاني خويي شيطون :d هذا اسم الدلع :d أيه لأنه صاحب مواقف معي :d لازم أدلعه :d , طبعاً نصحني نصيحه طيبه :d قال لي رح أسبح , أول ماقال لي حسيت بالحر والطفش :d قلت يالله نسمع كلام الرجال ماقصر مايبيني أحتر :d الرجال .

طبعاً نزلت وسبحت وقزقزت :naughty: وفهيت :bigeek: و...

وبعد صلاة العصر صارت حادثة مؤسفه :bigeek: , ضيقت صدري والله :d

المهم , اللي صار أن اهلي نزلوا للبوفيه , وطبعاً البوفيه جنب الشاطئ , ولما نزلوا مرت عليهم حرمه ومعها بناتها كلهم لابسين لبس السباحه الكشخه :d اللي وش أسمه :d ذاك اللي فيذاك :d المهم أهلي توقعوها أجنبيه , ولما جتهم قالت لهم ( إنتوا من السعودية :bigeek: هيا تعالوا نتسبح الجو بالمرة حلو ) صارت لللأسف سعودية والله ضيقت صدري :nono: لأني ماشفتها :d ,

على العموم , وعدت الأيام فيها مغامرات خاااصه:) غير قابلة للنشر :d

وبعدها ,,

رجـــــعــــــنـــــا لــــكــــوالا ,,

طبعاً الدب :d حولنا على خوية أسمه أبو بكر بس مارضي الله عنه :d , ورجعنا مع أبو بكر لكوالالامبور , وسكنا في فندق سوكاسا ,

طبعاً يوم رجعنا ماصرنا نطلع واجد بحكم اننا مارينها من قبل :) , يعني أغلب وقتي في المسبح , وشبكت لي ناس أبشركم :d

بس شباب من جده :d , يعني لايروح تفكيركم بعيد :d , المهم في يوم من الأيام ,

قالت لي الوالدة فيه شارع عليه محلات مؤقته على ماأعتقد يسمونه الشارع الصيني , المهم رحنا للشارع الصيني وطبعاً أنا في هذاك اليوم رايح غصب ورا خشمي :d يعني معصب :d , وأخلاقي زفت وبعد ماوصلنا وننزل لأول محل سألته الوالدة عن شنطة قال لها ب160 طبعاً الوالده عارفه نظام هالشارع <<< خالتي مافيه شي في ماليزيا الا وعلمتها عنه :d

المهم وتطلع امي من المحل وتسفهه وفجأة نادانا ثانية قال خلاص خذيها ب80:bigeek: ونسحب ثانيه :d وفي الأخير خذناها ب 50 :d ,

ومر تقريباً ساعة وأنا لين الحين زعلان :d ,

ودخلت أمي في أحد المحلات وأنا أنثبرت برا <<< يقال لك محتج :d

وخلال انثبارتي:d مرت علي بنيه ملامحها بريطانيه :bigeek: وجميلة جداً جداً جداً ,:stoned:

وقعدت تناظر فيني وتبتسم :bigeek: أنا بصراحه شكيت في نفسي :d , لها الدرجه خاقة معي :d , المهم راحت مع أمها لمحل بعدين طلعت ثانية ونصتني :bigeek: وقبل ماتوصل لي هجيت ( لماما ) :d الصراحة ضاعت علومي , رحت لأمي وكلمتها قلت علشان تدري هالمزيونة أن أهلي معي <<< كمخه :d

لاحول ماراحت واقفه برا , أنا تعلقت في عباية الوالدة :d , بيني وبينكم أكتشفت أني مهايطي على الفاضي :d . << لأني لحظتها فقدت أعز أصحابي أكيد عرفتوه :d ( شيطون ) :d

المهم رحنا من السوق وأنا الى هاليوم وأنا متحسف عليها :surprised: ,

وطبعاً عدت الأيام وفي يوم من الأيام وأنا طالع من المسبح رايح للمصعد , وتركب معي بنت روسية :bigeek: تشبة لماريا شاربوفا :bigeek: الصراحة والله تشبه لها , لا ومافيه الا انا وياها في المصعد , وطبعاً هي لابسه لبس المسبح توها طالعه :bigeek: بس متسترة بفوطه :d حاطتها على كتفها ,

في لحظتها أنا قعدت أناظر في لمبات المصعد وأناظر في الصور :d ثمن أناظرها نظره خطافيه :d يعني على بالي ثقل :d ,

وفجأة فتح باب المصعد ونزلت :razz: ولاحتى سلمت علي :d , << لايكثر بس :d

وفي أخر يوم لنا وحنا في الطريق للمطار راجعين للرياض :smilie47: , ونناظر على يمننا , دباب دورية يأشر للسواق , طبعاً أول ماأشر السواق بغى يصيح :d خاف , المهم ويمر بعده دبابين وراهم سيارة , وراحوا يوم سألنا السواق قال هذا موكب أمير :d يلعن أم التواضع ياشيخ .

وبعدها رجعنا الرياض , وبس خلاص يالله قفلوا الموضوع :d

أتمنى تكون رحلتي أعجبتكم :)

والسلام خير ختام ,,

</B>