نادي الهلال السعودي - شبكة الزعيم - الموقع الرسمي - هلال السلومي وهلال تفاريز والتايب

السلام عليكم ورحمة الله وبركاته

جمهور الزعيم ماذا حل بنا هل سنكون نحن الجيل الحالي سبب انتكاست الزعيم وهزائمه من خلال اختزال الهلال في لاعب او اثنين او حتى عشره , ياجمهور الزعيم والله كان الهلال يلعب ومعه لاعبين مستواهم الفني الله بالخير مثل السلومي , تركي القحطاني , النزهان (مع الشكر لهم كاشخاص تواجدوا لخدمة النادي ونكن لهم كل الاحترام , اتكلم عن المستوى الفني ) وغيرهم وغيرهم وكنا ولازلنا بفضل الله نفوز وناخذ البطولات بدون مايكون عندنا حارس مثل الدعيع او مدافع مثل تفاريس او لاعب وسط مثل التائب , او مهاجم مثل الكاسر وحققنا بطولات منها بطولات اسيا وبطولات عربيه ودوري كان ضمن التشكيله النزهان , تركي القحطاني, السلومي وغيرهم من اللاعبين العاديين فنيا , بل انه في احد البطولات لعبنا ضد الاهلي المصري في عز قوته ايام حسام حسن وفزنا عليهم بشباب الزعيم منهم تركي الشايع, بينما الان مع وجود تفارس والتايب وياسر واللعيبه الي مستواهم عالي اخفقنا كذا مره في كأس اسيا لاحد يطلع يقولي المفرج ولا ماكان فيه مهجم ولا سامي اعتزل اردواقول ( حققنا بطوله اسيويه غصب عن الاتحاد الاسيوي كان المفرج في الفريق وسامي موقف عشان يطلع الهلال من البطوله لكن الحمدلله جبناها وسجل هدف الفوز حسين العلي بعد اضاعته لضربة الجزاء ) ولو تقارنها بماحصل مع الكاسر ياسر والفرق ليه ضيع ضربة جزاء وماقدر يعوضها اقولك لان ياسر نازل الملعب ومن الجماهير يحس ان النكبه فلان ورا والتايب بالاحتياط مافي الا الله ثم انا تعتمد عليه الجماهير ولازم ما اخيب املها ولما اضاع ضربة الجزاء احبط وقال انا فشلت اسجل تبي النكبات اللي معي يسجلون واحس ان اللعيبه اللي تلعب معه اقل من العاديين مستحيل يخدمونه زي ماخدموا حسين العلي وخلوه يعوض ضربة الجزاء , اذا احنا جمهور الهلال السبب وعشان لايطلع احد ويقول كلامك غير صحيح ارد عليه واذكره لما اوقف التايب وياسر عن مباراة الشباب واستطاع لعيبة الهلال الي كنا نعدهم عاديين تاهل الهلال وصل للكاس وقتها استطاع ياسر التسجيل لانه استعاد ثقته بزملاءه ثم بنفسه عرف ان اللعيبه اللي معه بعد فضل الله هم من وصلهم للنهائي . الكابتن طارق يمسك الكوره في الملعب مايسلمها الاللعيبه معينين لانه يرى من جمهور الهلال عدم الثقه في بعض لعيبة الهلال حتى لوكان فاتح خانه كيف تبغى طارق يثق فيهم . لذلك ايها الجمهور العظيم سأسرد عليكم نقاط قوة الهلال عليكم دعمها ان كنتم تحبون الهلال :

اولا / انتم ايها الجمهور العظيم وثقتكم بهلاكم ولعيبته بعد الله .

ثانيا / اعضاء شرفه من اول داعم الى اخره .

ثالثا / الارث والمجد الكروي الهلالي الذي يجعل كل لاعب غير عادي يصبح سوبر مان .

جمهور الزعيم رحل خميس , الدوخي , الغشيان ,كاماتشو ولازلنا نكتسح البطولات فلنشجع الهلال الكيان لا الهلال اللاعب او الرئيس وعلى منصات التتويج باذن الله بالكأوس والدروع نلتقي.