|
طال الانتظار،، طال الانتظار،، -------------------------------------------------------------------------------- السلام عليكم ورحمة الله وبركاته،، يسعد صباحكم و مساكم حبيت أنقل لكم هذي القصة الحزينة،، لكن نهايتها ولله الحمد مفرحة،، القصة تدور حول عائلة سعيدة مستقرة،، وكان عندهم ولد بار،، محبوب من كل العائلة،، ودايم ناجح في دراسته،، ومتفوق من بين أخوانه،، المهم في يوم الأيام،، طلع الولد من المدرسة ومتجه للبيت،، وأهله كالعادة ينتظرونه،، طال الانتظار،، طال الانتظار،، أذن العصر،، صلوا المغرب،، الولد تأخر،، اتصلوا أهله على أقرب أصدقائه،، ولا أحد منهم يدري وين راح الولد،، المهم راح يوم،، وجاء اليوم اللي بعده،، ولا حس ولا خبر،، بلغوا الأهل الشرطة،، وصارت تبحث عنه الشرطه في كل مكان،، وحطوا نقاط تفتيش في كل شارع وفي كل حي،، لعل وعسى يلقون هالولد،، لكن طال البحث عن الولد المفقود،، ولا حياة لمن تنادي،، أهل الولد في حال يرثى له،، الأم كل يوم تبكي،، أخوانه كل يوم ينتظرونه،، وأي أحد يرن الجرس،، على طول يركضون للباب،، وآخرتها ما يصير هو،، مرت شهور وشهور،، وبعد ما مر على فقدان الولد سنة،، كانوا الأهل طالعين يتنزهون في أحد المتنزهات،، وفجأة يسمعون صوت ولد ينادي بصوت عااااااالي،، أهلي،، أهلي،، أخواني،، ويبكي بصوت مرتفع،، بعد ما التفتوا الأهل،، لقوا المفاجأة،، ولدهم كان يمشي مع ناس،، الناس هذولي،، من يكونون؟؟؟؟؟؟؟؟؟ الجيرااااااان!!!!!! معقوووووووووووووله،، ولدنا مع جيراننا،، تركهم الولد وراح يركض لأهله،، وهو يبكي،، ويصيح،، أخذته أمه،، وضمته ضمة قوية،، وهي تبكي على كل الأيام اللي فقدت ولدها فيها،، أخذوا الولد على البيت،، بعد ما ارتاح الولد،، وتطمن بين أهله،، صاروا يناقشونه أهله،، عن المدة اللي قضاها بعيد عنهم،، والأدهى أنه عند جيرانهم،، وليش راح لجيرانهم،، ووش يسوي عند جيرانهم،، تنهد الولد تنهيده طويييييييييله،، وبعدها قال لهم أنا راح أحكي لكم عن كل شي،، في يومم من الأيام،، كنت طالع من المدرسة،، في نفس اليوم كنا تونا مستلمين الشهادات،، وكنت أمشي مع ولد جيراننا،، طبعاً أنا حصلت على علامات امتياز (كالعادة) ولله الحمد،، لكن صديقي كان راسب في مواد كثير،، المهم،، طلب ولد جيراننا (صديقي) أنا أروح معه للبيت،، أنا في البداية رفضت،، وقلت ما أقدر أروح معك،، إلا لما أقول لأهلي،، المهم تركت صديقي ورجعت للبيت،، وبعد ما وريتكم شهادتي الأخيرة،، طلبت من أبوي أنه يشتري لي دباب،، وأبوي رفض،، وقال بأشتري لك سيكل،، قلت له يا أبوي،، ألحين أنا أتعب وأحصل درجات عالية،، وآخرتها ما تكافئنيى باللي أستاهله،، قال تبي سيكل ولا ضف وجهك،، المهم أنا قلت لصديقي الراسب (بالمناسبة صديقي هذا عنده دباب، وأبوه غني) قلت له على الي صار بيني وبين أبوي،، صديقي لقاها فرصة وصار يغريني بأنه يكلم أبوه ويشتري لي دباب،، المهم جاء اليوم اللي فقدتوني فيه،، وبشرني صديقي بأن أبوه بيشتري لي دباب،، بس بشرط أني أروح أسكن عندهم في بيتهم،، طبعاً ما سوا كذا لله،، هو سوا كذا عشان ما أصير أحسن من ولده،، كل هذا يبي يلهيني عن دراستي وتفوقي،، لكن لما عشت كل السنة عندهم،، عرفت بنواياهم،، وما استفدت شي من الفترة اللي قعدت معهم،، حتى درجاتي صارت من أسوأ الدرجات،، والحمد لله رجعت لكم بعد ما أخطيت،، وأنا أوعدكم أني ما أتعودها،، القصة هذي هي قصة تفاريس (الولد الضايع) مع نادي الهلال (أهل الولد) ونادي الريان (جيران الولد).. راح يقضي معهم سنة،، وصدقوني ماراح يطول أكثر من سنة،، وبيرجع لنا مره ثانية،، والمعطيات اللي تقول أنه راح يرجع،، اثنين: 1- اللاعب كماتشو، اللي لعب هناك في قطر وما قدر يكمل معهم،، لأسباب تدني مستوى الدوري هناك،، لدرجة تدني مستوى اللاعب نفسه،، 2- كلام اللاعب تفاريس نفسه، لما قال أنه راح يأمن مستقبله من خلال قيمة العقد العالية، وهو من حقه ويستاهله،، وحين قال أيضاً: (( أما مشاعري و احاسيسي فستبقى هنا مع الهلال الذي سيدفعني قلبي للعودة اليه في المستقبل )). دعوه يذهب،، فهذا هو الاحتراف يا زعماء،، فحتماً سنصفق له في قادم الأيام بشعار زعيم نصف الأرض،، |
ويــــــــــــــــــــــن الــــــــــــــــــــــــــــــــــــــــــــــــردود........ |
حياك يالغااالي . . قصة تحكي واقع . . حدث مع كما تشو لكن ليس بالضروره أن يتكرر مع البطل المجتهد تفااريس * أعود للقصه . . فعلاً القصه أعجبتني . . يعطيك ألف عاافية . . تحيااتي لك . . |
وراك معصب هههههههههههههههه لاهنت عالقصه تقبل مرورري |
اشـــــــكركم على الـــــــــــــــــــمرور ...................... |
| الوقت المعتمد في المنتدى بتوقيت جرينتش +3.
الوقت الان » 06:21 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd