بالنسبه لامريكا اذا كنت راح تتخصص بــ طب اسنان فسنين دراستك راح تطوول مره يعني لازم تدرس 4 سنين علوم
بعدين اذا خلصتها احتمال تقدر تكمل واحتمال تكون نسبتك ماتساعدك فاماتقدر تكمل طب وتصير تعبت عالفاضي,
و حتى لو جبت نسبه عاليه بيكون زدت على سنين الطب الي هي اصلا كثير 4 سنين اضافيه...
تخصص الطب موكويس نظامهم بامريكا لانهم مطوولين ,
عشان كذا اشووف الاغلبيه يدرسون طب ببريطانيا او كندا بس ماعرف كيف نظامهم هناك.
وبالنسبة للمبلغ الي يعطونه للطالب بامركيا 1350 دولار تقريبا ..
والمصاريف تختلف من ولايه لاخري ..
* في ولايات غاليه السكن فيها زي نيو يورك ,, واشنطن ,, فرجينيا
احس يمكن المبلغ مايكفي هناك ويبيلك مساعده ماليه او مصدر ثاني من موارد مالي
وفي مناطق يكون السكن فيها والايجارات ارخص, تتناسب مع الراتب
بس ترا حتى بذولي الولايات في منطاق يكون فيها الايجارات معقوله حسب المكان وين.
* بالنسبه للاكل والشرب :
اذا قصدك عالمطاعم ففي مطاعم فاست فوود تقريبا سعرها قريب من سعر السعوديه يعني بين 4 الى 6 دولار
وفي مطاعم الي تكون بوفيه مصغر وانت تمر بصينيه وتختار الي تبي غالبا يكون هنود او صينين
تقريبا من 6 الى 9 دورلار حسب المطعم
وفي اغلى طبعا حسب نوع المطعم بس انا جبت لك الارخص
بس انت عاد لا تكثر من المطاعم
وتعلم الطبخ
واذا قصدك عن الاسعار بالسوبر ماركت كيف فلا تشيل همه لان تقريبا كل بلد فيها مكان الي يبيع لك بكميه ويكون ارخص سعر يعني بتمشي حالك ان شالله.
يعني اذا عن المصروف يكفي ولا لا حسب الولايه وحسب اذا انت مبذر وراعي شوبينغ ولا ماسك يدك ومدبر
ومالومك لو طيرت فلووسك من اول يوم لان الشوبينغ عندهم يخقق بتطير بوهتك
وعلى فكرة انا سمعت ان الاسعار باستراليا ارخص بكثير كايجار ومصاريف واغلب الطلاب يسكنون عن عائله عشان اللغه ولانه ارخص بس كم الاسعار والراتب هناك ماعرف
لا تشيل هم وان شالله ربي يوفقك ويوفق كل الطلاب والمغتربين والمسلمين والناس الطيبه
وان عرفت شي زود ان شالله برجع اكتبه لك
سبحانك اللهم وبحمدك عدد خلقك ورضا نفسك وزنة عرشك ومداد كلماتك
<<<<
الوضع العادي
