|
وينكم عن هلالكم تكفون وينكم .....؟؟؟؟؟؟؟؟؟ بسم الله الرحمن الرحيم بصراحه واول شي انا بعد الدوري ما عاد ابي شي صح اني كنت متفائل بكاس خادم الحرمين بس الله ما وفق وان شاء الله نردها بالاياب ... ونحقق النتيجه اللي تأهلنا بس ياجماعة الخير ان الزعيم ينهزم وبأربعه ما كنت اتمناها بس صارت والحمدلله على كل حال .. اذا قلنا حكم نقول اخذ فلوسه وطس الله لا يوفقه ولا يرده لكن اننا نشوف الحسن كيتا ومحمد نور بالمباراه هذي وكأنهم ببداية الموسم هذا الشي اللي يحسسك بريبه وخوف الحسن كيتا كان يجوب الملعب رايح جاي وكأنه اول مباراه يلعبها مع ان الاتحاد استنزفه بالمشاركات طول الموسم نور اللي كانت رجوله يالله تشيله مع الفرق الثانيه شفناه نور بتاع بايسون ورد بول اللي بسأله وين نور بالمنتخب عن حرث الملعب وهو يالله يالله يشيل راسه ... بس ليش؟؟؟ اقولكم ليش ... في المنتخب فيه كشف عن البايسون والريد بول وممنوع عليك تشربها قبل تلعب ولا تشطب يا حبيبي لكن عندنا الظاهر ان لجنة الانضباط تستلج قبل لا تاخذ احكامها على الزعيم وما تستلج الا قدام الزعيم .. يا رجال الهلال واعضاء شرفه وجمهور يافطاحلة الكتابه يافهد الروقي يا صالح الحمادي يا خلف ملفي يا كتاب الهلال ياجمهور الهلال يا صحف الهلال الوضع ما يطمن اكتبو طالبو بالكشف حاولو تثيرون الموضوع المدفون اللي ما احد فكر يسويه بيوم اشياء اخوي الصغير عمره 10 سنوات لاحظها وقال كيتا اليوم شكله ما سخن عشان كذا طول المباراه يركض اخوي على نياته وتوه بادي مشوار عشق الزعيم بس ارجوكم ارجوكم انا ما اتهم ولا اتبلا احد استغفر الله عن ظلم ظلمته لأحد بس انا اقول اثيرو القضيه احمد الحربي عشان دواء ربو قومو الدنيا وما جلسوها عشان كشفه الاتحاد الاسيوي اجل لو بيجون ويشوفون ربعنا اللي ما عمره طقهم الكشف الموضوع لازم نهتم فيه يا عالم تكفون ابي ردود ابي ردود ابي احس ان فيه احد مهتم وتقبلو خالص تحياتي سبحانك اللهم وبحمدك اشهد ان لا إله الا انت استغفرك واتوب إليك |
| الوقت المعتمد في المنتدى بتوقيت جرينتش +3.
الوقت الان » 03:41 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd