هــذآ أسوووء موووسم للهــلآل أيهــآآ الجمهووور العـآطفي ... !!!
 

احترم وجهة نظرك اخي الكاتب : الهلال قدم موسم جبارا حقق بطولتين

كوزمين رجع للهلال شخصيته ماذا تريدون فريق يفوز ولا يسجل ويخسر لا يهمك المستوى دول العالم اهم شيء عندها سجل وقفل أما الاستعراض فذهب مع أيام الثمانيات

اقول كيف الحال وانا اخوك

الموسم اللي راح خرجنا بخفي حنان وبدون اي بطوله

والموسم هذا بطولة الدوري وولي العهد ونهائي فيصل وكسبنا وجيه شباب

الفريدي الكلثم الدوسري الزوري خيرات وقبلهم مدرب ناجح كوزمين

لا تخلي اثار الهزيمه امس تاثر عليك وتنقص من فريقك .. ارفع راسك ترى انت محارب من ايادي خفيه خلك واثق

انا متفائل بمباراة الاياب ان شاء الله نحتفل سوا

بس سبب المدرب

دائما يخرج ظهير ويدخل وسط او محور وهذا تكتيك خطا..

ولقاء مساء الامس اخرج جميع الاظهره وادخل وسط..

واقول اتكتيك في جهه.. وكوزمين في جهه....

بـــطوٍِلــه مفصلينه للأتي شآد وشتبي كوزمين ورفاقه يسوون 000 لعيبه يلعبون وهم محبطين من لجنة التفصيل
ومدرب يدرب وهو تائه مايدري يكون خطه لدفاع لكي يبادر هجوم على ارضه او تكون كلى المبارتين في ارض ابو البلاوي
والله انا من ناحيتي ارفع القبعه لمحمد بن فيصل ولمحامي الهلال بندر بن محمد ولكوزمين ولكل اداري وعضو شرف ولكل لا عــب
والله لايوفق ادارت الخراب ومشكور على مضووعك الي صراحه اكثلر من رائع

صااااااادق ورب الكعبه انا مدري ليش
اذا لعب الهلال مع الشباب او الاتحاد او اي فريق قوي
نتقوقع في الخلف وندافع ولا نستقوى الا على الاتفاق والنصر والوحده

الخخخخخخخخ يالقهر

بالله كيف اسؤ موسم وهو محقق بطولتين كل وحدهـ اغلى من الثانيهـ

بعدين تقارن الهلال الموسم هذا بــ هلال الموسم اللي فات ؟؟؟

بعدين لا تأثر فيكـ الهزيمهـ والكرة يوم لكـ ويوم عليكـ

شكررآ ...

اذا طاح الجمل كثرت سكاكينه

حرام عليك الهلال لعب مباريات كبيرة هذا الموسم وعلى فكرة واي رجل منصف يعترف بها
مباراة الوحدة الاماراتي كان الهلال يستحق التسجيل في اكثر من فرصة ولم يوفق وقدم مباراة كبيرة من افضل مبارياته
وايضا في نهائي كاس فيصل الهلال اضاع العديد من الفرص ولم يوفق ايضا

ولو تسنى للفريق التسجيل لتغير كلام الكثير وخصوصا من المحليين والنقاد وبعض الجماهير
لكن اقول لك ارجع لمبارتي الهلال مع الوحدة الاماراتي ومباراة النصر وشاهد كيف خرج الهلال بمستوى رفيع لكن المباريات نتائج

مع أحترامي لجمهور الزعيم
البعض وليس الكل
أنتوم أذا فاز الهلال وصلتو القمه
و أذا خسر قلتو الادأره خربانه
والمدرب مايفهم شيء والاعبين
مستواهم طاح:bigeek:
مستحيل في نادي مايخسر أو يتعادل
كل الانديه كذا يوم تفوز ويوم تخسر
عادي الحياه كذا فماله داعي تقول أن هذا الموسم
اسوء موسم للهلال
{ وجهة نظر فقط لاغير}:stoned:

الموسم الماضي كان مستوى الهلال كبير وفزنا في 10 مبارايات من 11 في الدور الاول
وتصدرنا بفارق 5 نقاط من الثاني ولا ربحنا بطولة

الموسم هذا الهلال لعبه تكتيكي والمستوى غير ممتع لكن ربحنا بطولتين وخسرنا وحدة على النهائي

اقولك شخبارك انت بس عساك بخير وشلي اسوى موسم وانت ماخظ بطولتين والثالته الثاني لا وبعد هديه والرابعد باذن اللي ماتنام عينه انهاا هلاليه

مع احترامي لك اخي وجهة نظر خاطئه

لان المقياس للفريق الدوري

لانه اطول مسابقه والهلال الحمد لله تصدر الدوري مع الضغط المباريات والظلم

وبطل كاس ولي العهد ووصيف البطوله الاولمبيه المسلوبه

وتجي وتقول اسوء موسم

وبعدين اخوي تختلف وجهة النظر عن المنطق والواقع

والله انك صادق وربي هذا مااقوله الهلال فه اربعة لعيبه بس شايلين الفريق والباقي كلهم معليش تكملة عدد فطبعا ماتلقى مستوى

الله على التحليل الجهنمي
أسوأ مستوى ويظفر ببطولتين هامتين ويخسر الثالثه بصعوبه
وما زال ينافس على الرابعة
أجل لو كان في أفضل مستوى ماذا سيكون الحال عليه
يا اخي الكريم
هل نسيت ضغط المباريات
هل نسيت اصابات اللاعبين الذين يذهبون للمنتخب وهم في افضل حال
ويعودون مصابين
هل نسيت العقوبات للمدرب واللاعبين
هل وهل وهل
يا اخي
الهلال فاز ونافس
مع جميع الظروف ضده

الضاهر أنك نايم في هذا الموسم وما قمت إلا بسبب الأربعة ههههههههه
يا عمي الهلال قاعد يلعب ضد لجنة إنضباط وقاعد يلعب قدام الرئاسة العامة لرعاية الخرفان وقاعد يلعب قدام فرق حاقده على الهلال
وأخذنا منهم بالقوة أقوى بطولتين في الموسم وتأهلنا للآسيوية بسبب هذي البطولتين .
وأنت قاعد تقول أسوأ مستوى بصراحه أنا أقول أن موضوعك فيه شوي إستعجال وفيه شوي هضم لحقوق اللاعبين جميع النهائيات تأهلنا لها رغم الصعاب ورغم النضغط في المبارايات وحشر الهلال في مبارايات يعني الهلال يلعب أربع مبارايات في أسبوع ولا ينهزم أنا أشهد أن اللاعبين أبطال بعكس كلامك اللي يحطم كل زعيم ويحطم كل لاعب ويحطم كل قارء وما يفرح بموضوعك إلا النصراوية والإتحادية ولا يؤيدك إلا فيصل العبد الهادي هههه .
الله يهديك بس موضوعك مهوب في محله بصراحه وأتمنى تنزل موضوع فيه تشجيع وإعطاء اللاعبين حقهم وفكر زين كم أنضلم الهلال وكم كسب التحدي وانت تقول أسوأ موسم ؟؟؟؟؟؟؟ !!!!!!!!!!!!!!! .

شكلك تحتري الهلال ينهزم علشان تكتب هالموضوع بصراحه تذكرني بعدنان جستنيه يحتري الهلال ينهزم علشان يحش فيه ههههه .
تحياتي لك وللجميع