#1  
قديم 02/05/2008, 01:46 PM
زعيــم فعــال
تاريخ التسجيل: 16/12/2006
مشاركات: 374
نقاط من المبارة ..

بسم الله الرحمن الرحيم

السلام عليكم ورحمته الله وبركاته


مساء (صباح ) الخير لجميع عشاق الهلال ..


أبي أبدأ بموضوعي على طول يعني ماأبي اطول عليكم ..


نبدأ أول شي باللاعب رقم 1 .

1/ محمد الدعيع : لا أنا ولاعشره من امثالي يقدر ينكر فضلك على الهلال , وأمس وربي ماقصرت صديت اكثر من هدف محقق .

2/ تـــفاريس والمرشدي : أمس كانوا نايمين , وكيتا مخلينه ياخذ راحته ويسرح ويمرح بالملعب ..

3/ العنقري : امس مو بالفورمه .. لكن ماأقول ألا يالله حسن الخاتمه ..

4/ الزوري : والله انك مستقبل الهلال بخانه الظهير اليسار , لكن أمس تسحبت لين دخت .

5/ البرقان : أمس كان وجودك مثل عدمك ..

6/ الغامدي : والله اتوقع انك أكثر واحد تضيع الوقت , أول مره أشوف واحد فريقه مهزوم ويقعد يضيع الوقت ..

7/ عزيز : أنا أشهد أنك أفضل محور ومقاتل ..

8/الخثران / لاتعليق ..

9/ الذياب : أنت لاعب فنان وماتقصر بس امس ماكانت بجو المباراة ..

10/ الفريدي : لاعب فنان ولك مستقبل , بس توك على النجوميه والثقه الزايده ..

11/ الكلثم : انت لاعب موهوب , بس ماكانت مباراتك امس ..(كانت مباراة نواف, ليته داخل مكانك )

12/ ياسر : رغم أنك ضيعت هدف ببداية المباراة , لكن والله أنك ماقصرت لعبت مدافع , ولعبت وسط , ولعبت صابع لعب , ولعبت مهاجم , يعني بالله عليكم من يلومه ..

13/ الشلهوب وماأدراك مالشلهــــــــــــــــــــــــــوب : أنا ماألومك على المستويات أللي انت قاعد تقدمها للهلال, بس ألوم الاداره لأنك أنت قلت أبي اعتذر وهم أللي خلوك ترجع تلعب .. لكن والله مستواك طايح وبدال ماتنفع الفريق صرت تضر الفريق بمناولاتك الخاطئه وتسديداتك الضعيفه .. لكن الله يصبرنا انشاء الله ..


أنا عارف أن فيه ناس يبون يقولون ليه المدرب مادخل الخراشي ,, لكن انا اقول والله لو أنه مدخل الخراشي أعتبر المدرب طلع لاعب ومادخل أحد يعني وجوده بالملعب مثل وجوده على دكه الاحتياط ..

وترقبوا قرارات لجنة الانحطاط .. بتوقيف المرشدي لأعتراضه على قرارات الحكم ..

وتوقيف ياسر بعد تصريحه ..

وغيرها الكثير ..

واتمنى من كل هلالي أنه ماييأس من الهلال انه خلاص طلع ,, ماتدرون عن كرة القدم يمكن مع دعواتكم وأصرار اللاعبين نفوز بأربعه على الأتهاد في مباراة الأياب , وتبون تقولون انها معجزه لكن مافيه شي صعب على الله سبحانه ..


وأتنمى اني ماطولت عليكم ..

وبالتوفيق للـــــــــــــــــــــــــــــــــــــــــــزعيم ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:04 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube