نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   الانسحاب من مباراة الاياب (http://vb.alhilal.com/t571454.html)

الخافق معاك 02/05/2008 11:51 AM

الانسحاب من مباراة الاياب
 
ربما البعض يعارض ان ينسحب الزعيم من مباراة الاياب ولكن اعتبرة رد فعل لقرار رئاسة رعاية الشباب وعلى راسها صاحب مقولة معالجة الاخطاء بطريقة علمية ( حقيقة مدري متى ينتهي مفعول ذي الجملة ) الا والى الحين لم تكون من نتائجها الا تخبطات للمنتخب السعودي وهزائم وعدم استقرار بكل ما تمثلة كرة القدم لدينا ضغط بالمباريات قرارات مزاجية ....... الخ
كيتا تم ايقافة مباراتين بعد ضربة المتعمد لإحد افراد جهاز التدريب الهلالي ولكن جاءه عفو تقول حنا بسجن مع ايقاف التنفيذ
ليس معني ان ينسحب الهلال بأنه يخاف من المواجهة الزعيم اثبت للجميع بأنة زعيم وحصد بطولتيين اعتبرها كافية
هذا الانسحاب يعطي تنبية لكل من في رعاية الشباب بأن الهلال بيده مفتاح انجاح اي بطولة بحضوره وبيده افشال اي بطولة بإنسحابة منها حين تم ظلمة وحرمانة من ان يلعب على ارضة وبين جمهوره

اخيرا هذة وجهة نظري وهي شخصية واقول رحم الله الامير فيصل بن فهد امير الشباب والذي ارسى دعائم الرياضة السعودية ولم يذكر بانة قام بالاصلاح بطرق علمية والتي سببت بان تكون رياضة كره القدم لدينا الان على شفير هاوية ان لم نتلاحقها

sony ericsson 02/05/2008 11:54 AM

الخطأ . . ........ لايعالج بالخطأ

يعني فوق ظلمهم للهلال
تبينا ننسحب لا

Silent Tears 02/05/2008 12:02 PM

صـاادق انت .. !؟

الزعيم ينسحب .. !!

وصل تفكيرنا لهالدرجة يعني .. !؟

نلعب بـ شرف ولا ننسحب زي الرخووم يا اخوي .. :) !!

الهلال كلن يستنى له سقطة بتاريخه .. فما بالك لو كانت بانسحاب !!!!

ما فيه حل .. الا اننا نقتنع ان الزعيم قدها ان شالله ..

وراح يسويها .. !!!

اما الانسحاب .. فكرة شاااااطحة .. حسستني اني اشجع ضمك .. موب الزعيم ..

ماجد-الشرقية 02/05/2008 12:14 PM

الظاهر انك اهلاوي

اجل تبي الزعيم ينسحب، انت ما تعرف الزعيم ولا تعرف تاريخه عشان تقول كلام انهزاميين .

على العموم ارسل لي على الخاص اعطيك منتدى الاهلي يمكن ينفعون لك

الطـ الحزين ـير 02/05/2008 12:18 PM

الهلال بيفوووز المباراة الجاية صدقووووووني

والله والله والله اني متفائل ان الزعماء بيسوننا

ولاتنسووون ان الله معا المظلومين

آيم وحبي للهلال دايم 02/05/2008 12:27 PM

اسمحلي على هذا اخوي
انا اشك بهلاليتك صراحة !!!
لأنك لو كنت هلالي صحيح ما قلت هذا الكلام
تدري ليش
لو كنت هلالي كنت عرفت تاريخ الهلال
ولو كنت عارف لتاريخ الهلال ماقلت هالكلام
لأن تاريخ الهلال ما يسمحله بالإنسحاااااب
نهزم بشرف ولا ننسحب ونجر اذيال الفشل تجاهنا
الكل ينتظر زله على الهلال
وانت تقدمها على طبق من ذهب
تقول نثبت للإتحاد السعودي لكرة القدم
احب اقولك
البطولة قايمة مع الهلال او دونه
الهلال فريق من مجموعة فرق سعودية
لا نقلل من الأندية الأخرى رجاءا
صحيح ان الحضور الهلالي له طعم غير
وللمعلومية هذا الطعم ما يحس فيه الا الهلاليين نفسهم
والسبب
مجموعة التحالف ضدك على الكبيرة والصغيرة

Sami is legend 02/05/2008 12:29 PM

لا ما له اي سنع الانسحاب افضل حل انا نقاتل للاخير ولا يجب ان تكون لدينا روح انهزاميه وانشا الله نكسب في جده اللي مفروض تكون الرياض لاكن ..............................................................

هلاليه بنكهه فرنسيه 02/05/2008 12:30 PM

...؟؟؟...

ننسحــب..

الظاهر انك ماتعرف مين هو الزعيم..؟؟

أخوي تبي تنسحب حياك الله ..الهلال مايبي جمهور حيا الله:)

مثل ماقدر يجيب الاتي فينا اربعه ..نقدر نجيب خمسه لاننا سوينها مرات من قبل

ومو بعيده نعيدها الحين ..:yes:..عندي احســاس غريب يقول أننا راح نتأهل للنهائي:smilie47:

وبأذن الله راح يصدق احساسي هالمره


الزعامة ملك الهلالي 02/05/2008 12:41 PM

لا والف لا مو الزعيم الي ينسحب
هذا الهلال منبع النجوم
ولا مايعرف الهلال يقولي
ياشباااااااااااب حتى لو ماخذنا الكأس عاااااااااادي
اهم شي يبقى الهلال اكثر بطولات

الكنترول20 02/05/2008 12:52 PM

الخافق هل انت خبل
ماننسحب لو بلاتر ضدنا مفهوم
انشاء الله معوضه

راكان الهلالي 02/05/2008 12:55 PM

معد ينفع الانسحاب الحين تبيهم يضحكون علينا

لو إننا انسحبنا من أول كان صح وقد قلناه لكن قلتو لالالا والحين فازوا علينا فوز تاريخي هم واتحادهم الاتحادي لا السعودي

الكنترول20 02/05/2008 12:58 PM

راكان لاتقهرني تراك هلالي
لو العب في حاره ماانسحب شفيكم انتو

محمد السناح 02/05/2008 01:08 PM

لالالالالالالالالا والـــــــــــــــــــــــــــــــــــــــــــــــــــــــــــــف لا
الرد بأذن الله يسكون قاسي
ادري انها صعبه
بس تذكروو نهائي دورري ابطال اوربا بين ميلان وليفربول عام 2005

azeznho1011 02/05/2008 01:10 PM

اقول استح على وجهك
ماهو الهلال اللي ينسحب مهما كان السبب
حتى لو الحكم لبس اتحاد بنلعب

ابن الموقع 02/05/2008 01:16 PM

لا ولله لاننسحب ولا شي
ان شاء الله نأخذ البطوله
ونخرب مخطط الاتحاد
السعودي وحكامهم الاجانب
ولو ما اخذ البطوله
يبقــــــــــــــــــــــــــــى
الزعيم زعيـــــــــــــم


الوقت المعتمد في المنتدى بتوقيت جرينتش +3.
الوقت الان » 01:45 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd