|
ماجد عبدالله انضحك عليه يارجاله اخوانى بعد ظاهره اعتزال اللاعبين امثال الثنيان وسامى خرجت الان ظاهره اعتزال المحللين امثال ماجد عبدالله وقريبا ظاهره اعتزال المدربين امثال حمزه ادريس وحفل تكريم المحلل ماجد عبدالله ماهو الا كذبه كبيره تتداولها جميع المنتديات الرياضيه وتعلمون ان نادى النصر غاب عن البطولات لمده 10 سنوات وبعد رجوعهم لعالم البطولات بتحقيق بطوله هذه السنه قررت اداره نادى النصر قيام حفل كبير بهذه المناسبه والرجوع لعالم البطولات وذلك باحضار نادى اوربى لهذه المناسبه وفعلا نجحت الاداره النصراويه ان تصيد عصفورين بحجر واحد العصفور الاول حفل النادى بتحقيق بطوله بعد 10 سنوات والعصفور الثانى ادخال تكريم ماجد عبدالله فى هذه المناسبه لذا اتمنى من كل هلالى ان لا يشارك فى احتفالات النصر بالرجوع لعالم البطولات وعدم الحضور لهذه المباراه التى ادخل اسم ماجد فيها لجذب الجماهير النصراويه ولا تنسون ان نادى النصر لم يشارك باى لاعب فى توديع الاسطوره الاول سامى الجابر وقيمه التذكره التى ربما تدفعها لهذا الحفل تعادل شراء بطاقه عضويه لناديك تستطيع الدخول وحضور كامل التمارين مجانا قدم السبت يانصر ياتيك الاحد تحياتى |
بـآلتفيق لُـ هلآلنـآ ,, و لُـ مـآجد ,, و لُـ آلنصر ,, و لُـ كل آلآنديه آلسعوديه ,, وشكرـآآ ,, |
بالتوفيق لماجد في حفل الاعتزال مشكور أخوي الله يعطيك العافية |
اتمنى من جمهور الهلال يحضر ماجد عبدالله يستاهل كل خير وبعدين هذا تكريم لــه والجميع المفروض يشاركــه بهذي المناسبة بعيد عن التعصب 00 مو كل النصراويين متعصبين مثلهم مثل حال البقيــه من مشجعي الأنديــه فيه مشجعين نصراوين احضر أعتزال سامي 00لو أنا بالرياض لحضر 00 هذا أبوعبدالله يستاهل والوم على إدارة النصر اللي أخرت اعتزالــه لهذا الوقت 00 الله يوفق الجميـــــــــــع 00 |
أنا بالشرقية وبحظر وكفا ياشباب من ذا التعصب اللي والله ما أدري وين بيودينا كلنا إخوان في عين واحدة ماجد يستاهل والنصر يستاهل كل خير أنت هلالي وهذا نصراوي ما هي المنشكلة... المشكلة فينا نقاطعهم لا دينا ولا الله يرضى بالشئ هذا بالتوفيق للكرة السعودية في أنحاء العالم |
يا رجال من شفت كلمة حفل اعتزال وانا اضحك على هالكلمة يعني توهم يتذكرون اسطورتهم بعد عشرلا سنوات!!!!!!!!!!! |
هههههههههههههههههههههههه توهم يتذكروونه وين وين وين هو والاعتزال |
ماجد لاعب خدم الكره السعودي ونادي النصـر ,,!! ويستاهل الحفل .!!! والله يوفقه :) .!! |
مـاجد لاعب كبير .. خدم الرياضه السعوديه وناديه النصر .. أما عن الاحتفال فالكثير من الهلاليين يعشق الريال - وأنا منهم - ، وبإذن الله راح أحضر لأشاهد الملكي على الطبيعه .. أما قضية المنافسه بين الهلال والنصر فلا يعني أن ندخلها في مثل هذا الأمر .. فنحن هلاليين زعماء بأخلاقنا وتعاملنا ، وسنفرح لماجد لأنه خدم الوطن :yes: أيضا ً يحق لنا كهلاليين أن نفخر بأننا النادي الوحيد في المملكه الذي لايمر على اعتزال لاعبه أقل من سنه الا ويقام له حفل اعتزال ][ النعيمه - يوسف - سامي ][ :smilie47: |
ياااشبااااب احضرووو يستااااهل ماااجد ويستااهل النصر وان شاء الله بطولات ثانيه >> بس مو على حساب الهلال ^_^ ----------------- ومثل ماقالو الاخوااان يكفـي تعصــب |
~~~~~ ماجــــــــــــد لاعب قدير ورجل بمعنى الكلمه ~~~~~~ ويستاهل انه يكرمـ من زمان لكن لا اعلمـ لماذا النصر دائم يأجل اعتزاله ؟؟؟؟؟؟؟؟؟؟؟؟ |
لو تكلمنا عن ماجد ما اوفيناه حقه ماجد لاعب خلوق ولاعب هداف من الطراز الاول اعتقد لو اتى ماجد في العصر الحالي واقصد بذلك عصر الاحتراف لرأينا ماجد في اقوى الاندية الاوروبية ولكن مازال في الكرة السعودية بعض المتعصبين الذين يريدون اخفاء نجومية ماجد !!! اخي الناقد الصريح اشكر لك على طرحك لموضوعك ولكن اعتب عليك كثيرا لطلبك بعدم حضور المباراة من الهلاليين وانا اجزم على ان الهلاليين (غير المتعصبين) يتمنون حضور اعتزال ماجد فكما لسامي ويوسف جمهور من كل الاندية فكذلك ماجد له جمهوره سلملم.... |
صحيح الاحتفال تأخر :D بس ولو بحظر يعطيك العافيه على الخبر |
الهلاليين بيحضرون عشان الريال مدريد والا نادي ال11% مو كفو يملون ولا نص الواجهة والمحلل الرياضي في قنوات الايه ار تي يستاهل الاعتزال ولكن خوفي انه يعتزل ويختفي اسبوع (ويرجع يحلل مرة ثانية ) وينصب على النصراويين خخخخخخخخخخخخخخخخخخخخخخخخخخخخخخ |
ياخي انت وش عليك يسوون للنصر ولا لماجد ولا حتى ان شاء الله للفراش انت دافع شي من جيبك ناتبي تروح لا تروح ماحد غاصبك بس لاتسوي فتن وتتكب مواضيع مالها داعي حتى لو كان التكريم لعودة النصر انا اول واحد ارحب فية رجوع النصر يعني رجوع القوة للدوري السعودي رجوع الديربيات والمنافسة الشريفة وبعدين ماجد لاعب كبير وله تاريخ يعني انت ماراح تغير شي بكتاباتك إلا انك تزود الفتنة وهذي لها عقوبة واتمنى ماتستهين فيها في النهاية جماهير الزعيم جماهير راقية وتحترم جميع الفرق واللاعبين اتمنى للجميع التوفيق |
| الوقت المعتمد في المنتدى بتوقيت جرينتش +3.
الوقت الان » 12:41 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd