النظام اللي علينا دايما مكتوب النظام اللي علينا دايما مكـــــتوب = لايحة ظلمه علينا جاهزة فـي الجيب كبتاً نايم ونايب بالهواء معطـــوب = في هواء نصر الهزايم مغـرماً حبيب ولامين العنصري يحكم على المطلوب = تحت شور التاجر الفاسد عـدو الطيب المصيبه في الحقيقه والعيوب عيــوب = والنتايج واضحه من دون شـك وريب من يقول ان الحرامي عن هواه يتـوب = دام لا يعرف حرام ولا يعرف العـيب شين طبعك ياخبيث الطبع يالمسلــوب = بعد ترتيب الجريمه صرت ذرب وذيب يومها باللعب وانته دايما مغـــلـوب = من هزايمنا شبعت وشب راسك شـيب ودامها لعبة نظام ولعبة الملعــــوب = ما يضيع الحق والله للعباد مجـــيب فات وقتاً مات فيه العادل المحبـــوب = حازم الكلمه قراره بالنظام يصــيب وجاء زماناً حقنا من غيرنا منــهـوب = والحرامي قدموه وحصل الترحــيب عقب ما هو يلعب الطبله على المقـلوب = ونابتاً لحمه من التزوير والتهــريب صار من ضمن العصابه بالبشت والثوب = دايرة ظلماً علينا ركبت تركـــيب حقهم حرباً ونبدأها بشين أســــلوب = خطة تشبع من التفكير والتعـــذيب لازماً خصمك يذوق ويشرب المشروب = وذكى والفهم يكفي عنك يالتــدريب تركنا لحقوقنا ضعف وترى عــذروب = والذنب ما ينعدل لو حط وسط البيب جهزوها والله اللي يقسم المكــــتوب = ما يضيع الحق عنده عالماً بالغـيب |
وين الــــــــــــــردود افا وش السالفه هههههههههههههههه |
صح لسانك ياولد عمي اي والله زمنننننننننننننننننننننننننننننننننننننننن غررييب |
هلا ومراحب فيـــــــــــــــــــــــــــــك مصيول666 شكرا على المرور |
الوقت المعتمد في المنتدى بتوقيت جرينتش +3.
الوقت الان » 01:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd