|
ممنوع او مسموح (gta IV ) شاريه شاريه الله لايعوق بشر بإذن الله ، لكن.! السلام عليكم :: :: انتظرت هاليوم بفارغ الصبر. . حطيت ملحظة بالتقويم بجوالي على هذا اليوم أنه اليوم يوم نزول GRAND THIFT AUTO IV بكل أسف دق علي أحد الاقرباء ( فارس:clap:) وقالي انه راح لألعاب طوكيو ويقول الرجال أن الشريط ممنوووووووع ، وهو بالمحل يقولي فارس ان تلفونهم مايستكت سال الرجال قاله انهم يسالون عن نفس الي تبيه .. لكن يقول الرجال قاله يمكن بعد كم اسبوع او كم شهر تنزل عادي زي لعبه الحرب ( كودلف يوتي [ لاتددقون عاد انا اخذتها من فم فارس بدون سبلنق يعني ] .. ) يقول كانت ممنوعه والحين بكل محل.! عموما أنا شاريها شاريها بإذن الله من هنا ، او من امازون او بوصي عليها أو او بكلم واحد ( هندي مدري بنقالي جنبنا ) قالي : مافيه شي أسمه ممنوع اجيلك الي تبي .. أجل تاركين هالقنواتا وتاركين الدخان ، وجيتو على اللعبه.! بالعكس كذا بيهربونها وبيرفعون سعرها للسما والناس بتشتري .! بكل أسف ألرقعه أصغر من الفتحه.! يعني صكيتو هنا به اكثر من طريقه ... يارب أشتريه وأشتري الحرب ، وبشتري ( بولي ) اذا نزل ، ... |
انا سمعت انه نزل وماتقدر تشتريه الا ببطاقة احوال وانا نفس الشي شاااريه شاااريه بس وين القااهـ ووين موجود فرع العااب طوكيو الله لايهينك..؟ |
أنا اتكلم عن العاب طوكيو بجده .. ولو على البطاقه سهله .. بالعكس أزين تكون ببطاقه.! لكن ممنووووع ببطاقه أو بدون ،، لكن أنا الان بروح للبنقالي بسأله عنها ويقوله يجيبها بأي طريقه .. |
طااااااال عمركم أمازوون خلصت فيه كل النسخ اما العاب طوكيو ف اليوم جو وشاالو اللعبة بكراااتينها ما فكت :( !! وبيت الكميبوتر مسوي نظااامي وما نزلها ولا بينزلها فـــ الله يعييينكم ويعيييينّي على تدويرنا لها ... ويهني من لحق عليها قبل لا توخذ |
طيب لو بدخلها من المطار ظنكم تدخل.؟ يعني بقول لواحد يحطهاا جوات صراويله وفنايله ويحطن جوات كرتون عقال ويحطها بشنطه داخل الشنطه.! قسم بالله حوسه.! |
بالدمام موجود بمجمع الواحه الدور الارضي اسم المحل كوشك اسمه المحترف او بمجمع الراشد الجديد المكان الدور الثاني عند كمبيومي اسم المحل الفارس وانا اليوم شاريه بمجمع الواحه اي اسفسار يضيفني عنده بالايميل [email protected] |
عندا بجده محل إسمه المحترف.. بروح وأشوف... لكن من فتره سألته قالي مافيه أشرطه بلايستيشن 3..! والله لو تظمن توصيلها لجده وخذ حقك من الفلوس ... أكون لك ممنون .. |
. . و عليكم السلآم و الرحمة , و الله الجميع متفلت ع اللعبة و ما زآل البحث مستمرآ :surprised: ! بالرغم من أن الشريط فيه من المصائب مآ فيه لكن حلاوة الهجولة فيه { جناااان ! لآ أنسى .. بأن أختم ردي البسيط بهذا الرمز و اللبيبو بالإشآرة يفهمـووو :d } +17 . . Marco Rossi alone .. in the horizon s65s |
بالفعل على الاقل يكون فيه عمر معيين .. يعني + 16 أو + 18 وهي المنطقيه أكثر ... أو ببطاقه احوال...الخ |
اقول الله يخليلنا ابليستيشن 2 وشريط الكوره والحين وشذا الشريط الي قلقتونا فيه !!؟ يارب مايدخل السعوديه ,,, |
انا امس شاريه من محل بالخبر اكس بوكس ب20 ريال........وسألته نزل على السوني 3 يقول ايه نزل ب400 ريال.... محد يعرف الحركة اللي تطلع كل الاسلحة:d,,<<<يبي ينسف العالم من البداية |
متخلف اذا شريتها بأكثر من 300 ريال .. ولا تصير بس احد عيال هالامراء ولا رجال الاعمال الي ما عنده مشكلة يطق ( 700 ريال ) على لعبة ولا عنده اي مشكلة ! انت تخرب علينا كذا , وتساعد المحلات انهم يبيعون بهذا السعر >< |
والله كنت اتمنى انها تنزل وقالي واحد من الشباب انها ممنوعه :( لكن اللعبه والله خطر على الاطفال يعني يبيلك تمنع اخوانك لأنها بجد دآآآشره ويرجال وش بنقالي مابنقالي رح البحرين :D |
يا شباااااااااااااااااااااب اللعبة جدا روووووووووووووووووووووووووووووعة وما فيها شي قنوات الاغاني اللي في الدش العن من اللعبة وانا شاريها امس من محل اسمة الميلاف بجدة في اسواق الجنوبية في البلد كوبي على الاكس بوكس 360 ب20 ريال ولا احلي وسهرت عليها احلى سهر ة واذا تبغون رقم الرجال اللي باعني ايها قولو حط الرقم وراح اكتبة وحجزت نسخة على PS3 عشان راح يجيبها بطريقتة |
سوق الجنوبيه في جده يمدحوه بس برحلهم على يوم السبت او الاحد على الاقل الاسعار نزلت شوي اللي حصل اللعبه بسعر حلو يعطينا (يرسل اسم المحل ورقمه على الخاص ) |
| الوقت المعتمد في المنتدى بتوقيت جرينتش +3.
الوقت الان » 04:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd