|
مين طب التنكه السلام عليكم ورحمة الله وبركاته كيف حالكم حبايبي بالمجلس العام : ( مين طب التنكه ) طلعت مع جدي طلعه للإبل حقته قلت بجرب واشرب حليب النوق مع إني مدمن بيبسي يعني بالعربي اذا مر علي يوم وانا ماشربت بيبسي تجيني حكه واقعد احك احك لين تجيني علبة بيبسي . المهم طلعت معاه واثاري الشايب مو بسهل يوزع حليب بالمجان على بعض الإصدقاء ( هو باقي أحد حي ) لا .. لا اللي حي منهم .:d المهم جدي جاب التنكة ومليانه حليب طالعت فيها وقلت ياجد ترا مافيه إلا انا وانت وش هالحليب اللي حطيته بالتنكه ذي .. مويه هو سلملك الله وبتتروشبه .. :naughty: طالع فيني وقال أفا يالرخمه هذي ماتكفي إلا اثنين ويادوب إثنين .. أطالع بجدي وانا أقول والله لو واحد مرصص ومسكت به بقعه على التنكه ماشربها .. المهم جدي راح يبي يتوضأ يجهز نفسه لصلاة العشاء والإضاءة بالمكان ماهي بذيك الإضاءة وانا رجال بنظارتي يالله اشوف الدنيا .. قلت بروح اغسل يدي واشرب ( ههه ناوي ياكل هذا مو بيشرب ) .. لا ... برضك النظافة من الإيمان . رحت غسلت يدي وجيت مسرع ولانتبهت للتنكه وتقدر تقول ماشفتها وطبيتها برجلي وانطش الحليب اللي فيها ..:d جا جدي وانا متفشل منه تعرفون النياق اليا خالفت يبيلها ثلاث ساعات عشان تحلبها مره ثانيه وجدي ينام بعد العشاء مباشرة ولايقدر يجلس تعرفون الشيبان حدهم الساعه ثمانيه واللي مخربها وفالها فل يجلس لين تسعه .. قال جدي ( مين طب التنكه ) وانا مطنش لا واللي يشوفني يقول هذا بريء ماسوى شيء :) طالعت بجدي .. وقلت بقوة وجه .. جدي شايف فيه احد غيري انا وانت ... قال ... لا .. قلت طيب افهمها :naughty: قال : الله يسامحك والله انك في ظلال وماتدري عن روحك الله يهديك بس ... ( اللي يسمعه يقول هذا مرتكب فاحشه مو طاب تنكه ) :d طالعت بجدي وقلت له ترا هاليومين يمدحون حليب الصافي لا ويقوي العظام ترا مثله مثل التنكه اللي انت تشرب منها وعلى الأقل نظيفه مو زي تنكتك اللي حليب بنكهة الغبار مطنش جدي ومسوي فيها ثقيل مايرد ( جا في بالي لو ان معاه جوال ويدق عليه الوليد بن طلال ويعطيه مشغول ) :d المهم حبيت راس جدي وقلتله انا آسف وحقك علي وهذي آخر مره اجي معاك اصلا انا حقي كوكا كولا ولا بيبسي اقعد اتمغط فيها ويش جابني لهالسوالف ... للنقاش : قديما كان اصحاب الإبل يقومون بصب حليب النياق لمن يقدم على صاحبها بدون ثمن وحاليا يباع حليب النياق ليصل الى ارقام مبالغ فيها .. أولا : هل ترى أن بيع حليب الإبل حق مشروع من حقوق صاحبها ولايعد ذلك انتقاص للكرم العربي الأصيل ثانيا : هل ترى ان المجتمع حاليا ميال ابنائه الى عدم الاهتمام بالإبل واذا كان هناك اهتمام فهو للتظاهر المزيف ثالثا : هل ترى وجود الحليب بالبقالات يغني عن الحليب الطبيعي وبالتالي لاحاجه لوجود المواشي لدى اي شخص رابعا : الشيبان يشربون طاسه كامله من الحليب وأولاد هاليومين يالله يشرب فنجان ماهي الأسباب التي أدت الى ذلك بنظرك سبب كتابة الموضوع : وانا ماشي بالبر مع احد اصدقائي مرينا على صاحب نياق وطلبنا منه طاسه قال بثلاثين ريال واحنا منتفين مامعانا الثلاثين فحطنا ومشينا ماعاد إلا هي .. ( أجل تبغونه ببلاش ياقوة وجيهكم ) توضيح : أعرف ان فكرة الموضوع غريبه شوي ولكن هي فكرة موضوع مهم وكلي أمل أن يجد استحسانكم وأن يجد المكانه التي تليق به حتى من غير المهتمين بالموضوع .. تصبحون على خير جاهز للنقاش بس بدون سحبات خصوصا اللي سحبي الموضوع اللي طاف ترا هالمره ان سحبت باخذ فيك كرت اصفر واسويبك زي ماسوى تكر بناجي مجرشي :d |
حجز الحين اكتب الرد بس عشان اصير اولي وترد علي مهوب مثل موضوعك الو ناديه ساحبن علي :d<<<في قلبي **************************************************************************************************** ***************8 بااااااااااااااااااااااااااااااااتس إقتباس:
إقتباس:
وعليكم السلام والرحمة الحمدلله منيحين بخير يعني :naughty: بس قلوبنا ترقع خوفا من الخميس والاحد الجايات إقتباس:
ساعة ابي افهم مافهت وش تقصد إقتباس:
الببسي انا بعد بحث جهيد اكتشفت صراحه انهم يحطون فيه مخدرات لدرجة ان اللي يشربه يدمن عليه وهذا انت تقول احك تأكدت دراستي بان معه قليل من المخدرات على كل من مدمنين الببسي مراجعه اقرب مستشفى وانا منكم وهناك دراسه قائمة لاقامة مستشفى بجانب مستشفى الامل اسمه مستشفى مدمنين الببسي :naughty: إقتباس:
الله يعطيه طولة العمر إقتباس:
بصراحه وبدون لف ودوران وبدون احراج انا انسانه من الانسانات اللي الحليب العادي حق البقرة مدري الغنمة مااشربه الا بالسنة ولا اذا مليته نسكافيه عشان يروح طعمته وريحته فمابالك اشرب حليب ابل :surprised: الله يكرم النعمه ودي اصير مثل العالم والناس والخلق واشرب الحليب إقتباس:
هههههههههههههههههههههههههههههههههههههههههههههههههههه ياسلااااااااااااااام بعدي والله ياويلك ياويلك إقتباس:
معلومه جديده بروح اتفيلح ع صديقاتي باتسر إقتباس:
ههههههههههههههههههههههههههههههههههههههههههههههههههههههههه ياقوي انت :clapping: تراي الى الان مافهمت طاب تنكه قصدك طبيت في الصحن مدري القدر :d إقتباس:
إقتباس:
ينقال تغريه الحين بالصافي ع الاقل قله المراعي اقرب لطعم الصافي مويه موب حليب إقتباس:
تلقى جدك يقول ابركها ساعة لو انه موب معي كان الحين شارب حليب اللي يحبه قلبي إقتباس:
اول مابه شي غالي الحين ارتفعت الاسعار وكل يدور الريال :naughty: إقتباس:
احلف بس الحلال حلاله وتبون تشاركونه معه اي كرم عربي اصيل والله انك شي :d إقتباس:
فيه احد يهتم بالابل الحين :bigeek: إقتباس:
طبعااااااااااااااا يغني واحلا طعما يعني مايجيب نزلة معويه <<هو اسمهها كذا ترة مدري بس اذكر ناصر القصبي جاه شي يوم شربها في طااااش :d إقتباس:
زين يشربون فنجان والله مااتوقع اللي اشوفه ماانعرف شكله اصلا :d إقتباس:
ههههههههههههههههههههههههههههههههههههههههههههههههههههههههههه ابو عبدالله موضوعك اقرب للفكاهه إقتباس:
زين سووو فيك <<<حاقده :d ليتني هذيك الفترة داخله النت كان اكتب حجز واروح واخليك مثلهم وارد كرامتي اللي تمرمطت بالارض <<ماحس اني اقدر اسويها ولا كان سويتها بهالموضوع :naughty: عووووووووووووووافي ابو عبدالله موضوعك شي ورده |
حليب االنياق هو الي يجمد على الشارب اما الشك مليك والكاتشينو مايجيب الا هشاشة العظام وظمور المخ <<<< وشي ذي ماادري وانا اخوك الحين لو توزع حليب النياق على الناس محد شربه واخذه خاصه الاطفال وشلون بقروش بعد متعودين على الملك شيك والكابتشينو الي فوق باول الرد ثانكس مان |
هههههههههههههههههههههههههههههههههههههههههههههههههههههههههههههههههههههههههههه كويس مشااها لك جدك ولا كااااااااااان عطاااااااااااااااااك حق الله بس تررى حليب النيااااااااااق لي معه سالفه اللي هي أني أكلت بعد المغرب بيك حراق المهم وبعد العشاء شربت حليب نواق المهم ياطويل العمر ويسري علي يوم الله لا يورك كلهم مغص بس بالنهايه نمت من التعب بصرررراحه الحليب حق النواق لذيذ جدااااا بس يبي لك ما تأكل قبلهاااااااااا على الأقل بنص ساعه أو ساعه ممكن يوم توصل وفي بعض عيال المدن يبيلهم شهرر صيااااااااام هههههههههههههههه يالله مع السلامه |
إقتباس:
بس لا يكون صوطرك ورفع فيك وصار هو تكر وانت مجرشي ........... |
مرحبـــــــــآ .. يالبييييييييه يالنياق .. أمووووت فيهـــآ .. قسم أعشقهـــآ .. أنا أحبهــآ يانآس .. بس لو تذبحوني ماشربت حليبها .. <<< جاها غثيان عادي عادي :d خيوو معليش تنحت من كثر ما الموضوع عاجبني :clap: .. وعليكم السلام ورحمة الله وبركاته .. يالله انك تحييه وتبقيه .. وربي موضوعك جنآآآآآآآن s60s نآقتي ياناقتي لارباع ولا سديس .. وصليني لابتي من ورا هاك الطعوس انا إذا شفتها أتنح بكل ماتحويه الكلمة من قوة تتنيحه :bigeek: إذا لمحتها في البر حول المكان اللي نكون جالسين فيه أقرب منها بس ما أجي جنبها ترى ورانا عرس :razz: وأبشرك كل بزارين الجيل الجديد من اعمار 2 إلى 4 يحبونها يخقووون عندهـــآ :d .. عآآآد أنا إذا شفت حالتهم انبسط وأتفآئل علَ وعسى يكونون أحسن من هالجيل الحالي قصدي المر :naughty: والعياذ بالله :d الإبل ومآ أدراك ما الأبل هي من حرمتنا أن نشتري بيتا في الرياض زي العالم والناس :d تهوور ابوي الله يحسن خاتمته وشرا بدال فلوس البيت إبل وقعدنا بها :upset: والحين أغلبها بايعها واللي عنده تعبانات :d الله يشفيهم ويعافيهم ويخليهم لعين أبوي اللي ترجيهم :razz: إقتباس:
هو من ناحية المشروعية أكييييييييييد مافيه كلام .. بس هالبطارى ماجات معهم الإبل ألا أنهم بخير وراهم مصعبينها على الناس :surprised: وشاحين بحليب :d وش عاد ذبيحة :naughty: إقتباس:
وبشكل كبييييييييير فالحين لنا بالهيآآآآآآآآط وهم من جنبهـــآ :d تلووع كبدك من هيآآآطهم وثقالة دمهم :upset: إقتباس:
المفروض لكل عائلة مزرعة المفروووووووض :stoned: يحطون فيها الغنم والإبل والدجاج وكل أبو شي مفيد .. ويستفيدون من البيض والحليب واللحم والأحلى يجيك طااااااااااااازج بدون حركات مالها داعي :d .. <<<<<< إن شـــآء الله أطبقهــآ في مزرعتي مستقبلآ<<<< يازين الأحلام<<<< تفائلوا بالخير تجدوه<<<< :d إقتباس:
أسباب صحية من الدرجه الأولى .. يعني تعودت المعده والكبد على مواد ثانيه .. من الصعب تتأقلم مع مادة جديدة لا وثقييييلة يعد <<<<< تراها ماحست بالغثيان :d وعدم تعويدهم منذ الصغر أدى لظهور هالمشاكل .. ............................ algohmani ورده .. مــآشــآء الله تبآرك الله .. موضوع عسسل يجنننن .. أعجبني كثيييييير s60s .. تسلم والله ولآ هنــتْ .. لكـ ورده .. |
يالله حي الأخت ( && هلااااااليه && ) :d متفشل من موضوع ألو ناديه :) إقتباس:
ياكثر اللي سحبت عليهم وحاقدين علي بموضوع ألو ناديه بس اش اسوي نادية قفلت جوالها وماعاد ترد ..ز اعتذر لك أختي ولكن والله كنت مشغول بالمجله لين راسي ووجع راس مو بطبيعي عشان كذا عشقت في واحد وسحبت بريك وخرجت من مجلسكم بس بنعوضكم بهالموضوع واشوا انك طيبه ماسويتي زي واحد في بالي ... إقتباس:
وانا بعد ساعه مافهمت وش اللي مافهمتيه .... التنكه هي الطاسه الطاسه هي : أقول اذا ماتعرفي الطاسه اتصلي على 905 هذا رقم الإستعلامات دقي عليه ويردلولك خبر :d إقتباس:
مره من المرات جابلي خويي سن توب وقال هاك يابو عبدالله طالعت بوجهه قلت وش هالدلاخه وش شايفني انت عشان اشرب سن توب رح جيب بيبسي بس يطالع فيني يامخلوق تعوذ من ابليس بس واشرب هالسن توب واذا ماتبي بجبلك ربيع .... يوه الله يعين واشرب وانا مرتاح مع انه افيد للجسم من هالبيسي اللي يسبب جرثومه سوداء في المعده لو شفتيها على الطبيعه ماتوقع تشربي بيبسي ثاني ... إقتباس:
ههههههههههههه نسكافه في حليب النياق ههههههههههه جديده مره من وين جبتيها هذي ... قسم فاطس من الضحك وماني قادر اكمل رد الله يصلحكي بس وش رايك نسوي محل لبيع النسكافي بحليب النياق <<<< الاخ معجب بالفكره إقتباس:
شاكر لك اختي الكريمه على التواجد ونورتي الموضوع وشكرا لك على الإهتمام .... بالنسبة للنقاش نعم هناك اشخاص يهتمون بالإبل ولكن ايضا هناك من يهتم للتظاهر والمظاهر الخداعه اما مشاركة صاحب الإبل فالإبل ماشاء الله بتدر على الواحد حليب يفتحله مصنع يستخسر تنكه <<<<< اقول شكلك حاسد بالرجال لا والله مو بحسد بس وش غير اطباع الرجال اللي كانو يصبون الحليب مجانا والان بفلوس .... اما حليب الصافي واي حليب فلا اعتقد انه يغني فتلك تحتوي على حوافظ وامور اخرى من الصعب مقارنتها بحليب طبيعي وان كان عيبه انه يجيب حالات خاصه صعب الواحد يكتبها هنا لكن هي المشكلة اللي تجبلك غثا اخيرا سررت بتواجدك معي بالموضوع وياحليلك مبسوطه من اللي سحب علي ها ... بس راحت عليك تسددين ديونك وتسحبي زيه تحياتي الخاصه لك وياهلا وياغلا منوره الموضوع وتواجد يتشرف به اي عضو من المنتدى من عضوه متميزه |
إقتباس:
بس هذا اللي قال ؟!!!!!!!!!!! :d 0000 حليب النياق من أحلى المشروبات وأغناها فائدة ومكسباً للجسم , خصوصاً إن كانت في البر وحولها الربيع ترعى وترتع به ,, أسال الله الكريم أن يغيثنا وأن تربع الأرض والأوطان ,, 0000000 أولا : هل ترى أن بيع حليب الإبل حق مشروع من حقوق صاحبها ولايعد ذلك انتقاص للكرم العربي الأصيل _ أنا أكثر مايجلب لي التفكير ,, ويحز في نفسي عندما أشاهد هؤلاء البياعين للحليب على الطرقات وكيف أنهم وفي كل وقت تجد الناقة دارّة وفيها حليب سمعت أنهم يستخدمون أبراً لتكون على طول الوقت مليانة بالحليب , ولا أدري عن ضرر هذا ؟! ,, وإن كان صحيح فبإنتضار إختراع إبرةً لتكون أحد النوق للشاهي :d ثانيا : هل ترى ان المجتمع حاليا ميال ابنائه الى عدم الاهتمام بالإبل واذا كان هناك اهتمام فهو للتظاهر المزيف _ إهتماماً يسيراً يكاد لايذكر ,, أما ماكان للتظاهر فنعم وبكثره غذاه ونماه المزايين ,, ثالثا : هل ترى وجود الحليب بالبقالات يغني عن الحليب الطبيعي وبالتالي لاحاجه لوجود المواشي لدى اي شخص _ أعتقد أنه يغني عن الحليب الطبيعي ,, لكن لا يغني عن المواشي لكونها ليست حليب فحسب ,, رابعا : الشيبان يشربون طاسه كامله من الحليب وأولاد هاليومين يالله يشرب فنجان ماهي الأسباب التي أدت الى ذلك بنظرك _ هي على الدربه والتعود ,, 00000000 algohmani شكراً وتقديراً لك أخي ابوعبدالله وبارك الله فيك 000000000 |
ياحليلكم انت وجدك عوافي خيو لاعدمناااااااااااااااااااااااااااكـ |
الله يسامح الفراعنة - قصيدة ناقتي يا ناقتي كان لها أثر غير ايجابي على عقلية المجتمع مما قد تنعكس سلبا على المفاهيم التقدمية نحو تجاوز مفهوم الدول النامية ... ولقد صرح مصدر مسؤول " انواع الحماس " :d حياك الله اخوي ابو عبدالله وتحية طيبة الله يحفظ لك جدك ويمد له بطول العمر بالصحة والعافية أولا : هل ترى أن بيع حليب الإبل حق مشروع من حقوق صاحبها ولايعد ذلك انتقاص للكرم العربي الأصيل تعتمد على الوضع الاقتصادي للفرد !!! فاذا كانت الظروف المادية سيئة فيجب علينا ان نتباكى على الزمن الحاتمي الجميل ... وان كانت الأمور المادية طيبة فلا مانع ايضا ان نتباكى على الزمن الحاتمي الجميل :d ثانيا : هل ترى ان المجتمع حاليا ميال ابنائه الى عدم الاهتمام بالإبل واذا كان هناك اهتمام فهو للتظاهر المزيف اتذكر ان هنالك ايميل وصلني بعنوان " مزايين العرب و مزايين بوش " تم فيها استعراض الأبل واسعارها النارية والمفاخرة عليها بينما في الجانب الآخر تم استعراض البارجات وسلاح الطيران الامريكي ... واعتقد شتان بين المفاخرتين !!! ثالثا : هل ترى وجود الحليب بالبقالات يغني عن الحليب الطبيعي وبالتالي لاحاجه لوجود المواشي لدى اي شخص ؟ انا من الاشخاص الذي لا يحبذ تخصيص احد غرف منزله لكي يكون سكن لناقته من اجل توفير الحليب :d كما ان العلاقة الدبلوماسية بيني وبين الحليب يشوبها نوع من التوتر المعوي ... وبالتالي شهادتي بالحليب ستكون مجروحة ،،، رابعا : الشيبان يشربون طاسه كامله من الحليب وأولاد هاليومين يالله يشرب فنجان ماهي الأسباب التي أدت الى ذلك بنظرك ؟ هذه من " الفجعه " اخي العزيز ابو عبدالله ... الفرق بيننا وبين شيباننا هو اننا نؤمن بالانتقاء وهم يؤمنون بالألتهام ... والسبب من وجهة نظري لأن الخيارات امامنا متعددة بينما على ايامهم لا توجد لديهم خيارات " كلام مقنع " :) الله يعطيك العافيه ابو عبدالله وشكرا جزيلا لك |
أهلاً وسهلاً فيك اخوي القحماني .. ابو عبدالله ورده نورت المجلس بهالطله الحلوه .. اما سالفة النياق .. اجل صاير صدقي ورايح مع جدك :d الله يطول لكم بعمره .. بعدين يمدحون الليزك .. وش حادك ع النظارات << تراه مثلك :bigeek: ونصيحه اخ لاخوه .. بطل ببسي .. لاتقول مستحيل هذاني ماصرت اشره الا مره بالاسبوعين :yes: أولا : هل ترى أن بيع حليب الإبل حق مشروع من حقوق صاحبها ولايعد ذلك انتقاص للكرم العربي الأصيل من وجهة نظري انه لا مانه في ذلك .. وحسب التخصص يسمى المستغلات :stoned: ثانيا : هل ترى ان المجتمع حاليا ميال ابنائه الى عدم الاهتمام بالإبل واذا كان هناك اهتمام فهو للتظاهر المزيف بالطبع .. الآن اهتمام الشباب او الغالبيه منهم بالامور الاخرى الحديثه كالنت والعاب البلايستيشن وغيرها .. ثالثا : هل ترى وجود الحليب بالبقالات يغني عن الحليب الطبيعي وبالتالي لاحاجه لوجود المواشي لدى اي شخص لا ابداً .. الفائده الصحيه في الطازج اكثر.. بس بدون طعم غبار :d رابعا : الشيبان يشربون طاسه كامله من الحليب وأولاد هاليومين يالله يشرب فنجان ماهي الأسباب التي أدت الى ذلك بنظرك اعتقد انها اسباب فيسلوجيه ادت لانهيار اسس الفكر << لا يكثر بس :d والله لا يبو عبدالله مدري وش اقول .. بس الظاهر كل زمن وله مشربه :d ابو عبدالله .. تقبل فائق احترامي وتقدير .. وشاكر لك حضورك المميز في المجلس .. تقبل فائق احترامي وتقديري .. دمت بخير |
المتعه 9 الجابريه عوافي اخوي سطرين بس احس انها ايجاز لسطور نورت الموضوع وياهلابك عاد انت تدري ان الشيبان لو يمسك بيد واحد من الشباب عفربه العفره هي : انه يدبجبه في الأرض لا تدري عشان تفهمها رح عند شايب وقله يالله نتعافر وبتفهمها زين درس مجاني لهذا تجد يعاني عدد كبير من ابناء الجيل الحالي من هشاشة العظام .. وليسو اصحاء واقوياء |
المقوقس لا يالغالي يمكن انت منت متعود او بطنك حاله خاصه ترا حليب النياق يفتح الشهية اما الحاجات اللي قبله فهو بيعصرها لك عصر واللي ماله داعي في بطنك راح يسويلك بزر الفارة اليمين وبعدين حذف الملف والى سلة المحذوفات ..... ما اخبي عليك احيان يقلب بطني قلب واجلس منقع بجنب الحمام الله يكرمك بس هذا في مصلحتك في النهاية اشكرك يالغالي على المداخله الجميلة وتحياتي الخالصه لك على التواجد |
htlr 20 شكرا لك على المرور وماعليك مو تحسبها زي لجنة الإنضباط تعدي لو جدي ضربني يتوقف علطول ... تحياتي لك يالغالي وشكرا شكرا على التواجد |
يسلمو القحماني بالطله الحلوة على المجلس العام ..:stoned: .. اما بخصوص النياّق ..!:d والبيع ..:bigeek::upset: انا اقول اللي يبعون الحليب عن بعض الاماكن انهم مو زينين --< خرووف :d مشكوور ع الموضوع دايما متالق ][.. السمسار الهلالي ..][ |
| الوقت المعتمد في المنتدى بتوقيت جرينتش +3.
الوقت الان » 01:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd