28/04/2008, 05:23 PM
|
| زعيــم متواصــل | | تاريخ التسجيل: 20/05/2005
مشاركات: 126
| |
هلاليين ام فاشلين
بسم الله الرحمن الرحيم
كلامي لجمهور الهلال بكل العالم وبالتحديد بالرياض
مابي اكذب عليكم واقول اني مو زعلان لان مبارايات الهلال بتكون بأرض الخصم
ومابي اكذب واقول قد ما اني زعلان الا اني مبسوط بنفس الوقت
وزعلي لاني ما اقدر احظر واشوف فريقي بالملعب بالرياض ومبسوط ومتامل خير
لان اذا رحت وحظرت مباراة للهلال بالرياض مافيه انا واخوياي وكم واحد
ليش يا جماهير الهلال بالرياض تجافون فريقكم ؟؟
هل انتم جماهير مجان ؟؟
ام جماهير سحب سيارات مثل ماقال الاعداء عننا ؟؟؟
ام استهانة بالخصم اذا كان فريق ضعيف زي نجران اللي عطانا 2 ؟؟؟
اللي ما يحضر للملعب ويساند فريقه معناته ان فريقه مستواه بالحضيض وهذا الشي مو بالهلال
ومعناته بعد اننا متفشلين من فريقنا وان ماعنده ماعند جدتي
الهلال اخذ بطولة الدوري ودخل بطولة اللي كاس الملك مع الوحده واللعيبه يفاجئون بحضور جماهير قليل
شوفوا غيرنا يحضر ولو ان فريقه بيلعب مع فريق حواري
صدقوني حضوركم للملعب يعطي اللعيبه روح معنوييييه كبيرره
شوفوا جماهير جده _ والشرقيه _ والرس_ و و و و و و الخ.........
الا بالرياض رغم انها مدينة مقر النادي
وعلى اي اساس نقول الهلال اكثر جماهيرية ؟؟؟
صرااحه شي غريب |