السلام عليكم ورحمة الله وبركاته
إلى الزعماء

وش سالفة نادي كروزيرو معاند على بيع تفاريس
بعدين معقولة طول المدة اللي جلس فيها ما قدروا الهلاليين يقنعون كروزيرو يبيعون بطاقته
طيب حتى لو مستواه عاجبهم يصير العكس احنا اللي نعيره لهم
بعدين هم المستفيدين مادياً من بيع تفاريس وليس الهلاليين
السؤال اللي يطرح نفسه ياإدارة الهلال وش النقطة اللي خلت النادي البرازيلي يتمسك بعدم بيع بطاقة تفاريس؟
وبعدين وينك يا صالح السلومي حارسنا القدير هذي لعباتك البرازيليين والمفاوضات معهم
ويا ليت نعرف كم حاطين سعر لتفاريس لبيع البطاقة حتى نعرف مين اللي واقف في النص بالصفقة هذي
اعتقد برأيي الشخصي لو أنهم عارضين 10 ملايين ريال تقريبا أعتقد مناسبة في لاعب مثل تفاريس مدافع خدمنا سابقاً وقادر على الخدمة مستقبلاً بإذن الله
وبرأيي الشخصي يحاولوا النادي يحطوا سقف لمستوى مفاوضاتهم مع النادي البرازيلي والعمل على إغرائهم

خلاصة هذا الموضوع

تفاريس يجب أن يبقى هلالي لثلاث سنوات على أقل تقدير
والكاس هلالي بإذن الله غصب عن الإتحادي والشبابي

وش هدف الموضوع وما المناسبة بالوقت هذا طرح مثل هذه المواضيع


رجال الهلال في اخر اجتماع تم تكفل احد اعضاء الشرف بالتجديد لتفاريس .


وتفاريس هلالي ان شاء الله .

الهدف منه تذكير الإدارة الهلالية بلاعب ذو مواصفات عالية يجب المحافظة عليه هذا شي
والشي الآخر أنه نادي تفاريس مو أول سنة يدقر فيها على بطاقته
حبيت أعرف وش الخافي في هالموضوع
من وين العقدة
مننا ما نبي ندفع ولا منهم رافضين وشايفين أنهم أحق مننا فيه
تقبل تحياتي أخي عاشق الفيلسوف

تفاريس ماراح نشتري بطاقته الا السنه الجايه بإذن الله لانه هو قال ان عقده ينتهي مع ناديه هالسنه

وهالسنه ان شاءالله اننا بنجدد له سنه

ويعطيك العافيه

يا رجال هونها وتهون
وان شاء الله اول ما ينتهي عقد تفاريس نشتري بطاقته غصباً عنهم

الله يستر لو راح هذا الاعب وش راح يكون دفاعنا

الله يستر

وان شاء الله نشتري بطاقة ونرتاح اربع سنوات

ولو الود ودي كان عطيته الجنسية
إذا جميع الدول تجنس الاعبين ماعدا البرازيل

وش 10 ملايين ..؟؟؟؟؟؟

10 ملايين مدة تجديد عقد تفاريس لسنه واحده .. كيف تبيهم يشترون بطاقته بهالمبلغ ؟؟

باذن الله تفااريس بااقي مع الهلااال ..

تفاريس ماراح نشتري بطاقته الا السنه الجايه بإذن الله لانه هو قال ان عقده ينتهي مع ناديه هالسنه

وهالسنه ان شاءالله اننا بنجدد له سنه

ويعطيك العافيه

انا اعلمك السالفة من واحد قريب من النادي ..

سلمك الله الادارة خلاص ناوية تشتري عقد تفاريس .. ومجهزة المبلغ .. مبلغ كبير

لكن تفاريس (ياحبي له) قال للادارة .. خذوني اعارة الموسم الجاي لان عقدي بينتهي بعد سنة مع نادي كروزيرو

وبعدها اشتروا بطاقتي بأرخص لان عقدي انتهاء معهم خلاص .. يعني بيطيح السعر 80% في المية منه ..

هذا اللي اعرفه

ياخوي لاتخوفنا ان شالله تفاريس يجددون عقده ياخي هالتفاريس وش الحل معه كل يوم نحبه زود عن اليوم الثاني
وكل يوم يطلع لنا بشيء جديد ونحبه زود حركته مع الأداره بخصوص عقده انه بينتهي هاذي اخر سنه له مع النادي لبرازيلي هذي مايسويه لاعب كرة قدم أجل فيه لاعب مايبي فلوس{لاكنه عشق الهلال الذي أتعب قلبه}

البراويليين رغم انهم (بلاد كرة القدم) الا انهم فاشلين في الاستثمار الرياضي

تستغرب من بلد تعداد سكانه 200 مليون نسمة ويعبدون كرة القدم

ومع ذلك انديتهم من افقر الاندية , واكثر من نادي جماهيري

كبير خسرت استثماراتهم بسبب انهم مالهم بالتجارة والاستثمار

ولذلك نادي كروزيرو يقوم بشراء عقود عدد من اللاعبين واعارتهم لاندية اخرى

وبهذا يستمر تدفق الاموال على النادي (ونعم الاستثمار) خخخخخخخخخخخخ

ليس تفاريس لوحده الذي يستثمره هذا النادي , هناك عدد من اللاعبين معارين الى دول اخرى

وبنفس الطريقة , لو باعوه لنا بالكثير يسوى 15 مليون , بينما حاليا الاعارة السنوية ب 10 ملايين ريال

ولذلك هم لا يريدون بيعه ,,,,

الأهم حاليا ً هو بقاء تفاريس للموسم القادم ..

لأنـه في الموسم مابعد المقبل سيكون لاعبا ً حرا ً ، وهو وعد أنه سيبقى في الزعيم !

مادام انه منتظر عشان يكون حر السنة الجاية فالحمدلله تطمنا أنه هلالي بحت


شكراً للأخوان على توضيح المعلومة

إقتباس الرسالة الأصلية كتبت بواسطة الرحال الهلالي الأهم حاليا ً هو بقاء تفاريس للموسم القادم .. لأنـه في الموسم مابعد المقبل سيكون لاعبا ً حرا ً ، وهو وعد أنه سيبقى في الزعيم !

قالك الذيب

ان شاء تفاريس هلالي لخمس سنوات على الاقل

وين المصدر .

تفاااااااااااااااريس باقي في الهلال باقي .

شكرا |.