|
منهو التايب يا جمهور الهلال عشان ننسحب بسم الله الرحمن الرحيم كل من عقب ايقاف التايب وسوو صجه بالمنتدى حبايبي الهلال نادي كبير حقق اكثر من 45 بدون التايب الهلال لعب التايب ما لعب الهلال كبير انتم لو تلاحظون ان الجميع يناول للتايب ويعتمدون عليه في صناعة اللعب وهذا با جمهور الهلال يدمر لعيبة الهلال لان بتقل ثقتهم بنفسهم ابي اعرف بس لو يرووح التايب وش بتسوون الهلال كلهم نجوم كلهم فيهم الخير والبركه عندك كلثم مؤشر فريدي تمياط شلهوب ....الخ وقسم بالله لو ينهزم الهلال المبارتين مع الاتي في جده احسن من اننا ننسحب وش ننسحب رخوم حنا خوافين جبانين وشهو الاتحاد خذينا الدوري منه بالغصب ويومها التايب ترى ما سوى ولا شي يذكر له اوك حبايبي انا اطالب ان الهلال ما ينسحب لانها فيها اهانه للفريق بحد ذاته والله الي قال انسحبو نصهم مهب هلاليين من قلب لانهم ما هم الفريق باذن الله باذن الله بيثبت لعيبة الهلال بان حتى بدون تايب هم كبار نسيتو كماتشو يوم راح عن الفريق وش سويتو عوضكم الله باحسن منه الي هو تايب وحتى لو راح التايب ان شاء الله بجي الي احسن منه ورجال الهلال رجاجيل بيوقفون مع الفريق وقفت رجال واذا بتقولون ننسحب عشان لجنه الانظباط لا ياحبيبي انا ابسالك وش الاحسن تنسحب زي الرخمه وتطلع من بطوله جديده وغاليه ولا تتحداهم وتثبت انك زعيم الانديه جوابني بكل صراحه وش الاحسن هذا الهلال يا صغار هذا الهلال ماهب الي ينسحب عشان لاعب ياما تعرضنا من ظلم وحققنا بطولات واكبر دليل الدوري الله مايضيع حق احد ودوة المظلوم مستجابه بعدين لو ما فزنا ما يهمني الي يهمني اننا نلعب بمستوى حلو بمتستوى كبير لكي نثبت لكل حاقد الهلال لا يعتمد على لاعب نسيتو الشباب فزنا بدون تايب وياسر ولعبنا احسن اتمنى من الجمهور الهلالي بعدم ذكر الانسحاب لانها ماهي زينه بحق الهلال حنا قدها وقدود والله يوفقنا الهلال كبير بدون تايب هذا الي بغيت اوصله لكم عفوا لا تفهمو كلامي غلط باني ما احب تايب بالعكس اتمنى يلعب ولكن حتى لو ما لعب ما ننكر ان الهلال زعيم وعنده البديل الجاهز التايب مهارات وما شاء الله عليه ويعتمد عليه الفريق باغلب الاحيان ولكن لازم نعطي فرصه لعيبه الشابه في مبارايات مثل هاذي واتمنى انكم ما تفهموني غلط |
جبانين ههههههههههههههههههههههههه اعجبتني الكلــمه بكل صراااحـــه^_^ من قال لك ان الزعيــم بينسحــب ان شاء الله نفوز وندق خشومهم وطلعهم من البطولــــه اما التايب كبيــر واحنا لم نتكلم نتكلم عن الظلــم ليس الا والهــلال لايعتمد على لعــب واحـــد وياااااارب وفق الزعيـــــــــــــــــــــــــــم |
اسلوبك شوي بايخ وعنوان الموضوع بصراحه فاشل ندري ان الهلال كبير بالتايب والا بدون التايب بس لو سمحت لا تقلل من قيمته ولاتحكم عليه من مباراه وحده لو حسبنا الاهداف اللي صلحها في الدوري طلعت حوالي 18 هدف من اصل 36 اللي قالوا ننسحب قالوها في لحظة غضب وماينلامون بس ان شاء الله البطوله هلاليه ونهديها لأبو نادين قهر وغل فيهم |
يالحبيب الأنسحاب مو عشان طارق الأنسحاب هو تسجيل موقف ضد اتحاد اسير ورفاقه |
من هو التايب ؟ التايب هو الذى انقذ العلال عندما غاب باقى النجوم وهو الذى سجل هدفين فى ربع الساعة الاولى ولو عدينا مذا فعل التايب سنحتاج موقع خاص ليكفيه الهلال كبير وكل لاعبيه نجوم والضجة التى تحدث الان ليست بسبب التايب شخصيا فقط بل بسبب الظلم الذى تعرض له الهلال بايقاف نجم من نجومه ونقل المباريات لان الظلم الذى يمس لاعب من الهلال يعتبر ظلم للنادى كله ولجماهيره |
[B]من اللي قال ننسحب إدارة النادي عضو شرف إدارة المنتدى ياخي هذا واحد قال هالكلام انت تخدم هالفكره بموضوعك وتروج لها مع انتقاص للتايب ارجو رجاء حار ان توجه هذا الاسلوب الجميل والراقي بأفكار بكر من بنات افكارك وتسلم يالغالي ابوضي الهلالي[/B] |
ياخوي الخلاف ليس على لاعب اوغيره ولكن الخلاف على المبادئ والتربص لزعيم على الرايحه والجايه |
اقول للي يقول الهلال لازم ينحسب الهلال عيب عليك تفكر في الاشياء |
أشكرك على هذا الموضوع الجميل الذي لفت نظري وبصراحة ........... من قال اننا بننسحب شايفنا الأهلي ؟؟؟؟ ياحبيبي الزعيم لو بيلعب بدون التايب انا ارى انه أفضل بكثير وسأثبت كلامي لكم ان شاء الله بعد المباراة انظروا مباراة الهلال مع الاتهاد الدور الاول وستتذكرون ماذا فعل الكلثم بهم لوحده وحنا عندنا الدوسري والفريدي والشلهوب عمووووووما سوف ترى بمشيئة الله تعالى |
مستحييييييييييييييييييييييييييييييييييييييييييييييييييييييييييييييل ننسحب خييييييييييييييييير خلينااا الإنسحااااب للرخوووووم وان شااء الله حنااا قدّهااااا |
بصراحه وشو هذا الكلام منو قال بننسحب عمرها ماصارت يمكن صارت وانا مابعد انولد يعني من سنين عجاف<<هههههههه حلوه عجاف المهم مو الزعيم اللي يفكر ينسحب ومن مين من اللي ماخذين منهم الدوري هزلت والله اقول التايب لاعب الكل يحسدنا عليه والقهر اللي فينا من الظلم مو عن شي ثاني والهلال يملك نجوم مرصعين بالذهب<<لا لا اليوم انا اقول درر اتمنى التوفيق لزعيم ويارب تكون البطوله هلاليه واذا ماصارت الحمد الله على كل حال وقضاء الله وقدره |
إقتباس:
كلامك ذهب s60s الله يوفقك يالغلا ويرضى عليك . |
اقول الشرهه على اللي فعل عضويتكم اجل ننسحب توكلو مناك واصلا طارق يستاهل ساكتين له من زمان ترى كل شوي يهاوش وينافخ اوكي انظربت اسكت وخل لجنة الانظباط تشتغل هذا هو نواف التمياط انرمى عليه علبه ولا قل ادبه مثل طارق وانا اقول البطوله هلاليه بطارق والا بدون طارق |
اولاً التايب بدل المال بحبه الكبير لنادي و مزايدة ولا احد يزايد بالحب كرم اللاعب يجعلك تقف معه التايب قالها لن الاعب في نادي عربي وافق على الهلال فقط هذا يضع علامة استفهام كبيرة وما دل الا على ان النادي الهلال اكبر من كل النوادي الفريق كان ناقص ولا احد يتوقع هذا الفوز في هذا النقص الذي لا يحسد عليه حاول وقدم كل ما عنده ثم يرمى بالقوارير وقذاراتهم ( واغلبهم مرتزقة وهذا عيب العرب يحضنون المرتزقة ) لو اترك نفسي السطور كثيرة واخر شي القضي قضية كرامة وليست قضية كاس صدقني عندما يجد طارق التايب هذا التفاعل نحوه لا يزيده الا قوة وحب والحب ليس كلام يقال بل بالفعل افعالك هي التي تثبت حبك وانا عن نفسي لا اتمنى الانسحاب وايضاَ طارق لا يتمنى الانسحاب ان شاءالله البطولة هلالية وطارق يحمل الكاس لكن موقفهم الاخير هذا قلل من قيمة الهلال وحتى الان الهلال لم ياخذ موقف لهذا تجد الكثير يقول الانسحاب افضل لان الكرامة اهم |
انا ما قلت فهمتو غلط انا ما قلت ننسحب انا اطالب بان اي احد قال خلونا ننسحب هذا مهب هلالي |
| الوقت المعتمد في المنتدى بتوقيت جرينتش +3.
الوقت الان » 06:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd