|
يا فيصل متى ألعب ؟ .. الشوط الثاني ادخل !! ...... ( قرارات غريبة) بسم الله الرحمن الرحيم السلام عليكم ورحمة الله وبركاته ......... قرارات كل يوم تطلع , أنا تعبت وأنا أنتقد لجنة الانضباط لكن عاد وش أسوي ؟ بس القرارات اللي تطلع من هرم الرياضة سلطان بن فهد هي القرارات الغريبة هذه الأيام الحسن كيتا وحسين عبد الغني يُوقفان لمباراتين وبعد مباراة يلعبون بحجة أن نصف المدة انقضت , طيب ليه تتعب نفسك وتقول إيقاف مباراتين ؟ والحين لو طارق التايب توقف أربع مباريات وبعد مباراتين طلبنا إيقاف العقوبة وانقبلت ليه تحط لجنة انضباط وتحط لائحة تقول البصق من بعيد أربع مباريات , حدد أنت من مكتبك وجب فيصل عبد الهادي عندك قرار غريب حقيقة , كنا نسمع زمان نصف المدة انقضت سامحنا اللاعب كنا نقول الله يجزاك خير يا سلطان بن فهد لكن كانت مدة الإيقاف طويلة أما الآن إيقاف مباراتين ويعفو بعد انقضاء نصف المدة :d !! طيب لو فرضنا إن لاعب توقف لمباراة واحدة متى يحق له اللعب ؟ الشوط الثاني من المباراة الجاية بحجة أن نصف مدة العقوبة انقضت :surprised: !! بس متى يمديهم يكتبوا خطاب إلى سلطان بن فهد بين الشوطين !! يا جماعة تكفون ارحمونا , ارحمونا , ارحمونا جمهور الهلال لا تطالبون اللاعبين بأكثر من اللي هم فيه , لعب مباريات وبذل مجهود من أول الموسم يعيطهم العافية وما قصروا ولا نطالب أكثر من كذا لاعب مثل ماجد المرشدي لعب مباراة الاتفاق وبعدها بخمس أيام مباراة الشباب وبعدها بخمس أيام مباراة الشباب الثانية وبعدها بأربع أيام نهائي الدوري وبعدها بخمس أيام مباراة الوحدة الذهاب وبعدها بست أيام مباراة الوحدة الإياب تخيلوا لاعب يلعب ست مباريات في أقل من شهر !! لا نضغط عليهم يا جماعة , صحيح الفوز بالبطولة حلو وهم كفو وقدها , لكن الحمد لله جابوا لنا كل اللي نبيه إن كان كأس الملك بيودينا دوري أبطال آسيا فالحمد لله حنا ضمناها بفوزنا بالدوري :) أنا لست متشائم وكان بودي إن مباراتنا في دور الأربعة تكون ضد الاتحاد عشان لو فزنا نكسر خشومهم صح لكن لو خسرنا أنا ماراح أزعل لأن فريقنا مقدم كل شي :) وعندنا مدرب احمدوا ربكم عليه , أقسم بالله إنه أحسن مدرب في الدوري السعودي حاليًا ومن أحسن المدربين اللي مروا على الهلال وبصراحة لو بيدي كان حطيت له تصميم في واجهة الموقع لأنه يستاهل :) هذا كلام كان ودي أقوله من فترة وتقبلوا تحيتي ....... |
من افضل المواضيع اللي قريتها بعد قرار لجنة شخبط شخابيط |
مشكور اخوي وكلنا مع الزعيم وصدقني نحمد الله اولا واخيرا انتصرنا او خرجنا لاننا خرجنا بشرف والضغط على الاتحاد اكثر لانه ماحقق شيء الموسم هذا ولاعبينا بيلعبون مرتاحين .. القادم اجمل بإذن الله تحياتي ... |
يعطيك العافيه والله على هالموضوع فعلا ً لانحمل اللاعبين فوق طاقتهم والله أنهم ماقصروا ً وبيض الله وجيههم على كل مجهود وعلى البطولتين اللي جابوها وعلى كل مستوى حتى لو كان بسيط وكل اللوم والصوت على هالأتحاد السعودي ممثلا ً بـ الأمير / سلطان بن فهد .. والنائب / أسير الشوق يعني اللي يحصل ماينسكت عليه واللي يحصل عامه في الكوره السعوديه مايقبل أبدا ً أبدا ً أبدا ً .. أمس في مباراه الأتحاد - الأتفاق حكم دولي يلعب فاول الأتحاد ولاعب مطرود من الأتفاق لازال في الملعب والبلا أن حكم الخط رافع الرايه وأنكسرت يده الضعيف والحكم مصر على رأيه وش هالمسخره يالأتحاد السعودي .. كل يوم سالفه يعني مانقدر نوقف اللعب هذا عند حده ونصير مثل الدوري الأنجليزي والأسباني وأدري اننا ناراح نوصلهم أبداً لكن نـ حاول والله المستعان :) |
بصراحة كلام رائع وهذا ماتعودناه منك أخوي والله ذيب يا سامي بطولتين خرجنا بها في هذا الموسم ممتازه صحيح أن الهلال لايشبع من البطولات لكن في ظل هذه الظروف ممتازه جداً 11 لاعب مصابون حالياً دمت بود |
فعلا راااااااااااااااااااااااااااااااااائع جدا الله يوفقك على هذا الموضوع ( لجنة شخبط شخبيط ) أسم على مسمى ههههههههههههههههههههه |
لجنة شخبط شخابيط مش حتقدر تشوف لنا حل مع تحياتي فصولي الافندي ذكريات أسير الشوك صورة مع التحية للجماهير الهلالية |
مشكووورين على ردكم وتفاعلكم مع الموضوع :) بصراحة زاد تفاؤلي بأن الهلال سيحرج الاتحاد بإذن الله :) |
| الوقت المعتمد في المنتدى بتوقيت جرينتش +3.
الوقت الان » 09:12 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd