ياحبي لك يالزعيم .. شمس زحمه حراره كلها تهون لعيونك يازعيم

الساعه 4 وانا بجنب الملعب .. كان ودي اطمر واتسمر على واحد من

الكراسي واقول والله مااقوم لين بعد المباراه بس قالوا ياوااد اركد لسى

البوابات مافتحت .. بس فيني حماس زايد .. تصدقون جيت لابس ازرق ومعاي

علم كبير وشال الهلال ... ولقيت واحد يبيع شعارات هلاليه قلت وعلي الحرام

لأشتري المهم اشتريت وشوي وانا اشوف ذاك المنظر اللي خلاني اشد صلعتي

ياويلي اشوف جماهير نصراويه ومعاها اعلام نثراويه ..؟ وش السالفه؟؟ الليله في مباراه

للنثر .. وذولي جايين يشجعون ضد الهلال؟ كل هذا حقد على الزعيم؟ كل هذا كره في الزعيم؟

حتى لو اني اكره الهلال والله مااترك مباراه للنادي اللي اشجعه واروح اشجع ضد الهلال؟

قلت ينعن ابو التخلف بس... بس جاتني فكره .. قلت يمكن كل نثراوي جاء يشجع الوحده حط

اخوه الصغير قدام التلفزيون حقهم وقال لاتروح وخلك هنا وشوف مين بيفوز النثر والا الحزم وانا

راح ادق على جوال امي وآخذ النتيجه منك .. مشيت وقلت ببالي الحمد لله والشكرر


وقلت للي معاي مشينا .. واروح امسك خفاره عند البوابه لين فتحوو البوااابه واجيـــك

واطمر طمر ..واروح امسك محل بوسط مدرج الدرجه الثانيه وكل ماشفت هلالي

ناديته وقلت تعال هنا اجلس خلنا نمسك نص الملعب لايسوون فينا مثل مباراه الاتهاد

زحفو علينا زحف وطيرونا وخلونا نأخذ ربع الملعب بس الحمد لله جمهور الهلال بمكه

جونااان .. كل ماشفت 3 يسولفون قلت اجلسوو هنا وسولفوو لين الفجر واذا قالوا حقون الملعب

اطلعو بنقفل قولوا ماحنا طالعين ..بس اهم شي نمسك نص الملعب زين .. المهم بعد المغرب

واشوف جمهور الزعيم مغطين على جمهور الوحده والاتهاد والنثر [[ كفووو جمهور الزعيم ]]


وحنا جالسين نشجع وننتظر نشوف ابو دعيع بس ينزل عشان نحمسه .. [[ ادري ابو دعيع متحمس

من ايام كأس العالم للناشئين ]] بعد قلبي ابو دعيع ويارب يطول بعمرك.. المهم وشوي والا

الحكم الكثيري نازل يتمشى بالملعب ... [[ يعني لازم يكدرو خاطرنا بشوفة نثراوي بالملعب ]

بس ماعلينا حنا جايين عشان الزعيم ومحد بيهبط معنوياتنا .. وشوي واشوف الكثيري يمسك جواله

ويكلم .. تدرون وش كان يقول بالاتصال وهو يمشي بالملعب قريب مننا ؟؟ [[ سمعته يقول هااه طمني

كيف تشكيلة النثر ]] عرفت ان الراجل بوادي والمباراه بوادي .. قلبه هناك مع نثرهم ...

وبعد دقيقتين اشوف الحسيني نازل .. وانا قلت هذا التائب واقوم اصفق مسكني واحد

قال تراه الحسيني . قلت عارف بس يااخي والله يستاهل الراجل نشجعه [[ ابوك يالتصريف]]

وكان معاه كوزمين .. وناديت كوزمين قلت له بتنزل تشكيله زي الناس لاأفقع وجهك .. قال .ياعمي انت

تعرف كل الفريق مصاب . بس ان شاء الله بنزل تشيكله تعجبكم ..قلت كفووو .. بس قلت كفو بالروماني

عاد لحد يحرجني ويقول وش تطلع بالروماني ..المهم ياحبايبي ماصدقنا بدأت المباره مثل

ماشفتوو .. والله ماقصروو الشباب .. الله يعطيهم العافيه .. بس بفهم ليه الحكم اعطى التائب البطاقه

الصفراء وهو راح يحتفل جهة جمهور الهلال ومانزل الفنيله ولاشي؟؟ [[ بس لايكون الحكم الكثيري له

نسبه باللوحات الاعلانيه وزعل يوم طلع التائب عليها ]] والله يمكن ليش لااا كل شي جائز

مادام الهلال قاهرهم .. المهم ان جمهور الاتهاد والفقر لعبتوو لعبتهم واستفزو طارق وخلوه يسوي

حركته ويتوقف ... بس لو قلنا طارق يستاهل مادام بصق عليهم .. ليه ينقلون مباراه للهلال وهو امس

كان يلعب خارج ارضه؟؟ وبعدين والله ياجماعه انا شفت الحدث من قريب والله جمهور الوحده والاتهاد و

النثر هم اللي بدأو وحذفونا بقوارير المويه حسبي الله عليه .. كنت واقف ابغى اطمن على اصابة

أبو دعيع ومادريت الا علبه ماشيه 240 وصاكه برأسي .. حسبي الله عليهم اول مره اشوف الهلال لابس

اخضر من قوة الضربه ... وكمان صرت اشجع الوحده لمن يهاجموو احسبه الهلال بس الحمد لله

كان بجنبي ولد عمي قال . يامج مج ترى الحكم صفر وانتهت المباراه وتأهل الهلال بس خلنا نمشي لاتجيك

طوبه وتخليك تشوف مباريات المربع وانت بالمستشفى. قلت له مشينا مشينا والحمد لله انتصرنا وفزنا والله

ينصر الشعب الهلالي الكبيررر ..

بس مانقول الا ولايهمك يالعبدالبادي ... راح نلعب دور الاربعه مع الاتهاد في جده ونفووز .. وترى ماهو اكبر

همنا . بالعكس حنا دائم نوصل من الطريق الصعب .. والله معانا ...

وآسفين ع الاطاله يازعماء .. تصدقون اني اكلمكم وانا لاف على رأسي لفه تقول اني سوداني .. من قوة

الضربه اللي جاتني .. والله شكلها يد تكروني حذفت القاروره والا ماكان جاتني الرجه هذي كلها


بس كل شي يهون لأجل الزعيم ... وتقبلوو تحياتي .. يازعمااء .. وعلى فكره توقيعي مو راضي يطلع ليه؟

والله اني كاتب بيتين شعر بالهلال .. خساره كان ودي تشوفوها .. .. وبالنهايه الله يوفق الزعيم دووم

وانتظر موضوعي القادم راح اتكلم عن ليلة نهائي الدوري . والفضايح اللي شفتها هناك بالملعب وخارجه

للجميع حبي وتقديررري .. وآآسف ع الطاااله ...