|
بصق واضح بمباراة الأهلي والشباب من جفين البيشي هاي شباب كيفكم بما أن لجنة الإستعباط هذي بقيادة الخائن العام وحبيب الدبّه وخادم نادي الإتحاد أصدرت القرار بحق التايب والهلال عشان تعرفون انها ضد الهلال وبس اليوم في مباراة الشباب والأهلي اللي انتهت لصالح الشباب 3 -1 عند الدقيقة 88 في الشوط الثاني تم البصق الوااااااااااااضح على لاعب نادي الشباب مارسيلو كماتشو من قبل لاعب الأهلي ((( جفين البيشي ))) حتى المعلق قال وين لجنة الإنضباط انها توقفه 8 مباريات بسبب البصق المباشر للاعب اللآخر وجها لوجه حسب النظام المتبع. وتم إعادة اللقطة أكثر من مرة شوفوا بكرة لجنة الجريش والظلم ذي وش راح بتسوي في اللاعب جفين البيشي مع احترامي الكبير للنادي الأهلي لكن على قولة عبدالله السدحان ((((نزام نزام))))) |
ولزيادة المعلومة قال المعلق القانون كاملا حتى يسمع المشاهد وشكرا |
تبون الصراحه؛؛ حنا زودناها خلاص شباب كفايه نقعد نسيب هلالنا وندور على اخطاء غيرنا ياليت ننسى الموضوع ونفكر فى اللى اهم |
الغريب هو تجاهل حركة البصق من قبل مقدم برنامج الراية الثالثة مع محللهم التحكيمي. |
تصدقون الي استغربته ان كماتشو انه ما سوا شي بس رفع ايده يعني ما مسح وجهه او حط ايدينه على وجهه عموما ما علينا منهم وخلونا ندعي ان ربي يوفقنا وناخذ الكأس |
نشوف لجنة الخراط وش بتسوي ؟؟ ,,,,,,,,,,,,,,,,,,,,,,,,,,,,,,,,,,,,,, |
من المفترض انه تطبق اللوائح ـ إن كانت هناك فعلا ما يسمى بلائحه ـ على الجميع ليس معناه مباراه هامشيه يعني غض النظر عنها وأعتقد انه جفين رغم خطأه ... ولكن لا يقارن بغلطة التائب .....غلطة الشاطر بعشره .!! واعتقد انه النادي الأهلي هالموسم [ حيص بيص ] اتمنى يعيدون النظر بالموسم المقبل بإدارتهم الجديده .. والمشكله يا صاحبي مو في لاعبين الاهلي بالعكس اتمنى ..لو وقفوا عثره في درب الهلال يغظون النظر عن الاهلي ولكن المشكله والادهى والأمر المنافسين وخصوصا الاتحاد اللي وكأنه القرارات تجيه على طبق من ذهب رغم كثرة اخطاء الاداره مع الاعبين والجماهير !! تحيه عطره ‘‘ |
| الوقت المعتمد في المنتدى بتوقيت جرينتش +3.
الوقت الان » 10:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd