أنتم تحسبون الموضوع على كيفكم يا هلالين
مو كل سنه بطوله وحده بس
الا كل سنه بطولتين........ ثلاث بطولات
خير ان شالله ما فيه غيركم
ما في قلوبكم رحمه ؟
الفرق نايمه وانتم قاعدين تشتغلون ليل ونهار وتدفعون الغالي والرخيص عشان تطورون فريقكم
طيب ليش ما تعلمون النصر والاتحاد والوحده يسون مثلكم ويطورون انديتهم
صدق انكم انانيين يا هلالين ولا تحبون الا انفسكم
المفروض اذا جبتو لاعب كويس مثل التايب تجيبون واحد ثاني للوحده ونسخه ثالثه منه للنصر
تستاهلون كل اللي يصدر فيكم من اللجنه الموقره لجنة الانضباط
ليش انتم ما تحبون الا انفسكم وأعضاء شرفكم ما يحبون إلا الهلال ولا عمرهم تهاوشو
لا تستاهلون اكثر
نعبنو بليسكم ما شفنا لاعبين يتهاوشون في الفريق مثل الفرق الثانيه
وما شفنا ادارينكم يتهاوشون مع بعض مثل الفرق الثانيه
لا وبعد ما تستحون
الانديه الثانيه قاعدين يخططون تخطيط مدروس من بداية الموسم وتضبيط جدول وتخريب صفقات لاعبينكم وتاخذون الدوري كذا بدون خطط جدوليه وبدون تخريب صفقات
صدق ما تستحون
يوقفون لاعبينكم ويلعبونكم بدون جمهور وينقلون المباريات برى ارضكم وبرضو تفوزون
والله انكم ما ترحمون
حتى مدربكم وقوفوه وفزتو
اجانبكم ماعمرنا شفناهم سوا لازم واحد موقف وبرضو ما ترحمون
نقلو مبارياتكم ما فاد فيكم
عطوهم بلنتيات من الخيال ودعم خيالي من التحكيم وبرضو مصرين تفوزون
أنتم ما ترحمون
كفايه حرام
والله انا اقترح تريحونا منكم يا بنو هلال
ريحو كم سنه
روحو العبو مع الدوري الايطالي ولا الاسباني ولا الانجليزي
هذا مستواكم وهذا حدكم
اما الدوري السعودي خلوه للانديه الكباااااااااااااار ؟؟؟؟؟؟؟؟؟؟؟؟