نادي الهلال السعودي - شبكة الزعيم - الموقع الرسمي - التايب يستاهل ... لكن ليش التحيز ضد الهلال ..؟؟؟

نعم التائب اخطأ ويستاهل الايقاف ( بعض النظر عن مدة العقوبه )
لكن الي راح يتسبب في انهيار الرياضه السعوديه هو
التمييز بين الانديه في العقوبات

وانا هنا بحصرها بين امثله للاعبين الهلال والاتحاد لان هنا تكون الفوارق اوضح
مناف ابو شقير يتهم الحكم بالرشوه وامام جميع الكاميرات ومع ذلك يوقف اربع مباريات فقط يعني مثل البصق حق التايب
سؤال ويمكن اني ما اعرق اقدر الاشياء: اقوى اتهام بالرشوه والا بصق...؟؟؟

محمد نور يتهجم على جمهور ناديه ويصعد للمدرجات ومعاه المولد وثالث مدري من هو الحين وتمر مرور الكرام بلا عقاب
يعني ما اثار فوضى وتعدى على ناس والا عشاانه نور يعني..؟؟

نور يبصق على عزيز ويوقف 8 مباريات ثم بعدها يتم العفو عنه قبل يبدأ تنفيذ قرار العقوبه....!!!!

انا اول مره اشووف يجي عفو قبل يتنفذ العقااااااب....!!!!
:bigeek::bigeek::bigeek::bigeek:

المنتشري يطرد مع الاتفاق في كاس ولي العهد ولا يوقف في الدوري بحجة ان المسابقات غير متداخله بالعقوبات
لكن مع مدرب الهلال وليلو لا يوجد لهذا النظام اي اعتبار....!!!!

الحسن كيتا اكثر لاعب يسوي مشاكل بالملاعب السعوديه
ولا توقف الا مباراه وحده بس
والسبب يمكن عشاانه كااان مصعب شوي ولا ينلام...
:d:d:d:d

طيب النعيمه يووم عصب ودخل الملعب شطب ومنع من دخول الملاعب والانديه كلها
طيب ساامي يووم عصب قدام الشباب عام 1419 في نهائي الكاس توقف في المربع كامل

والله شي مضحك ومبكي في نفس الوقت

الى متى والرياضه السعوديه والنظام مختفي عندنا ولا احد يقدر يعرف النظام بالضبط ولا احد يعرف لائحة العقوبات
والا كيف تقرر العقوبه...؟؟؟؟

وسلامتكم
اتمنى يكوون النقاش هادف لاني والله ماقصدي الا يكوون هنااك عدل بين الانديه في كل شي وخصوصا العقووبات