#1  
قديم 27/04/2008, 07:29 AM
زعيــم نشيــط
تاريخ التسجيل: 17/02/2008
مشاركات: 673
هكذا ضايقنا الاتحاديون في جدة يافيصل عبدالهادي@@و..الله على ماأقول شهيد@@

في البداية -يشهد علي الله- اني ماأكذب في اللي باكتبه لكم اليوم واني راح انقل اللي واجهته واللي شفته بدون تزييف.. والله على ماأقول شهيد..


** قمنا بالدخول للملعب قبل صلاة العصر وتحديدا في الساعة 3.17 تقريبا ، ووجدنا ان جمهور الفريقين ملتزمين بالمكان المخصص لهما، فالجمهور الهلالي يمين الدرجة الثانية والجمهور الاتحادي يسارها وذلك وسط غياب غريب من الأمن وبدون وجود فاصل عسكري بين جمهور الفريقين.


** اتخذنا مكانا مناسبا في وسط المدرج وجلسنا فيه وبجانبنا الجمهور الاتحادي وكان كل شيء على خير مايرام وطبيعي جدا.


** المفاجأة الكبرى التي حدثت والتي اعتبرها اهم سبب رئيسي في حدوث الفوضى والمشاكل بين جمهور الفريقين ان احد الاتحاديين من رابطة النادي تحدث من خلال الميكرفون الخاص بالرابطة موجها كلامه لجمهور الاتحاد في الدرجة الثانية قائلا لهم (ياشباب لايوجد تقسيم في المدرجات)،، وطالبهم باقتحام المدرج الخاص بجمهور الهلال، ثم كرر كلامه مرة ثانية، واستجاب له الاتحاديين، فقاموا بالدخول في مدرج الهلال ومضايقة الهلاليين ونرفزتهم باساليب مختلفة مما اجبر بعض الهلاليين بالتخلي عن اماكنهم والقيام منها تجنبا للمشاكل والمضايقات.


**بعد الكلام الصادر من رابطة الاتحاد قمت من مكاني واتجهت للجمهور الهلالي في الاعلى وطالبتهم بالزحف باتجاه جمهور الاتحاد حتى لايتمكنوا من احتلال مدرج الهلال ولكن لاحياة لمن تنادي.


**عندما نزلت وانا في طريقي لمكان جلوسي سمعت احد الاتحاديين بكل هماجة وقلة حياء وبصوت عالي يقول لجمهور فريقه: (ياشباب تعالوا هنا.. اليوم مافيه عوائل) ويقصد ان جمهور الهلال بنات..!!!!!


**وقفت مواجها له وقلت له: "ماله داعي الكلام ذا" رد علي من بجانبه بكل جاهلية يقول: (من حقه) نظرت للأول اللي كان يتكلم وقلت له بصوت عالي: "تراك بين رجال" مؤشرا بيدي على جمهور الهلال،، وحط يده على راسه بمعنى انكم على راسي ثم اخذ يتكلم بنفس الطريقة الاولى!!!!!


**اتجهت لمكاني بجانب اصحابي وجلست وسط المضايقات الاتحادية وطالبني احد الاصحاب بالانتقال من مكاننا وشال السجادة اللي نجلس عليها فسحبتها منه بقوة وفرشتها في نفس المكان وقلت ""والله ماأروح من هنا"" اذا جات بالعناد حتى انا اعرف كيف اعاند أي اتحادي واسوي اللي براسي ولااحد يقدر يمنعني!!!!!!


**كنا جالسين وجانا مشجع اتحادي وكان يتكلم بحمق ثم أشر بيده زي اللي يقول (يالله قوموا من هنا) طالعت فيه وقلت له :""احترم نفسك"" وكررتها اكثر من مرة،، وقلت له بتحدي ""انا هلالي وماني قايم من هنا""!! اقترب بالقرب من اذني وقال: (ايش فيك معصب مدري زعلان يعني عشانكم بتنهزمون اليوم) قلت له: ""ايوه"" - لاني ماكنت فايق اتكلم ومتنرفز من اللي قاعد يصير-، وبعد ماشاف صرامتي وشدتي في التعامل معه - وهذا ماكان يفقده الجمهور الهلالي- قال: (انت داخل ملعب رياضي خليك رياضي) ودق يده بيدي وراح وجلست في مكاني ولاقمت!!!!!!!


**اتجه بعض الاتحاديين وعلى مااعتقد النصراويين باتجاه الشعار الهلالي الموضوع على الشبك الحديدي اسفل جمهور الهلال في الدرجة الثانية وقاموا بتقطيعه وتمزيقه بكل همجية وتعصب وسط تشجيع وفرحه من بقية الجمهور الاتحادي والنصراوي!!!!!!!!!


**دخل احد الاتحاديين من جهة رابطة الهلال وراح يمشي امامهم على المضمار مرتديا فانيلة الاتحاد ويقولون انه يحمل معه شعار اتحادي يلوح به لرابطة الهلال في حركة استفزازيه وحقيرة، فما كان من جمهور الهلال الا ان قاموا برميه بعلب الماء الى ان طردوه من امامهم //ووالله بصراحة اعجبوووووني كثير وبردوا على قلبي شوي//!!!!!!!!


**المشكلة ان جمهور الاتحاد في الدرجة الثانية كانت ردة فعلهم سريعه، فقاموا برمي جماهير الهلال بعلب الماء، وراح جمهور الهلال يرد عليهم بالمثل ، وشاهدت العلب والاحذية تتطاير من فوقي في مشهد مؤسف جدا -ومضحك ومبكي- في نفس الوقت.


**بعد ان هدأت الامور سمعت احد رجال الطواريء -اللي كان وجودهم زي عدمه- ولم يتحركوا وظلوا يتفرجون على ماحدث يقول:<< قالوا لنا لاتسوون تقسيم في المدرجات لانكم لو قسمتوا المدرج تخلون فيه حساسية وشوف الحين وش اللي صار>>!!!!!!!


** كان من ضمن ماشاهدته ان احدهم ادخل معه علبة نيفيا للمدرجات واخرجها امام الجميع ورفعها بيده عاليا لاستفزاز الهلاليين!!!!!!!


**احد الاتحاديين من الذين كانوا يحرضون الجمهور على اقتحام مدرج الهلال وبعد ان عمت الفوضى والمشاكل صار يقول (مايصير هالشيء) قلت له : ""انا من اول شايفك وانت السبب في اللي صار ومعاك الشخص اللي تحدث بميكروفون الرابطة والشخص اللي يقول اليوم مافيه عوائل""،،، انتم الــثــــلاثـــــــة السبب فيما حدث، قال -وهو شكله نااااادم- : (انا مادريت انه بيصير كذا)!!!!!!


**تعرض احد الاتحاديين للضرب على وجهه والسقوط على الارض وضربه بالرجل واهانته،، وذلك من قبل احد رجال الطواريء الذي أتى للمدرج خصيصا له ،،لأنه كان يتكلم بشكل وقح على جمهور الهلال مرددا في كل كلامه (ياصبايا ياصبايا)!! وبعد هذه الحادثة توقفت الاستفزازت والمضايقات الاتحادية وهجد مثيري الشغب وسكتوا!! يعني لو ان الامن كان موجودا لما حدث ماحدث ولكن قدر الله وماشاء فعل.



سؤال اخير:
عندما قام جمهور الاتحاد بتمزيق الشعار الهلالي الموضوع على كامل السياج الحديدي هل يعقل ان لجنة الانضباط لم ترى ماحدث او تسمع عنه؟!!
اتحدى على ذلك!!!!!!!

ملاحظه:
انا حضرت للمباراة من المدينة المنورة وتواجدت في الملعب من الساعة 3.17 تقريبا وتحملت العطش والتعب والجوع وحرارة الجو والكتمة والمضايقات والاستفزازات من اجل شيء واحد فقط وهو (الــهـــــــــــلال)..!! ولأني كنت واثق تماما من الفوز الهلالي وتحقيق الدرع!!!!!!


تحياتي للجميع
أسامة الرحيلي
  #2  
قديم 27/04/2008, 07:41 AM
زعيــم مميــز
تاريخ التسجيل: 23/04/2006
المكان: الرياض
مشاركات: 2,294
ااه .. ياأسامه .. اقسم بالله حرفك بكاني !!

عموما الف مبروك البطولة والحمد انك انضلمت بس هلالك فاز ..!!

صدقني .. دعوة المضلوم مستجابة .. ليت جمهورنا .. يعرف هالشيء ..!!

اساليبهم معروفة .. يارحيلي .. ونعم فيك .. واشهد انك مشجع مخلص ..

ليت كل جماهيرنا مثلك .. ومثل شجاعتك .. في الملعب .. وبنفس تشجيعك ..

صدقني عبدالهادي .. مرفوع عنه القلم .. كل شيء في نصك حلو الا اسمه .. هالخاين ..

يارب .. ان شاء .. تحضر مباريات الهلال في جده .. ويفوز فيها .. الهلال .. بس علشان يكرمك ..

ويكرم جمهور المدينة ..

في نهائي النصر والهلال .. كنت قد حجزت ثلاثة مقاعد لاصحابي ..

قبل المباراة بربع ساعة جوني ثلاثة من المدينة شباب .. يبون يجلسون قلت لهم محجوز ..

صرخ المشجع وقال .. انا جاي من المدينة .. متحمل هالخـط .. علشان تقولون لنا محجوز ؟؟

ورفع صوته يكلم الجمهووووور .. ماحد تحرك .. قلت له والله العضيم ان تجلس ...

قالو لي الاثنين الي معه .. واخوياك .. طلعت جوالي وسكرته .. وقلت .. مستحيل اقارن واحد جاي وضارب كيلوات ..

بواحد نايم طول اليوم في بيته ..

في ذاك اليوم انا كنت مواصل .. ماجاني نوم .. حسيت ان عيال المدينه هذولي نفس المعاناة .. ربي ماكتب الفوز ..

كلهم كانو يبكون في نهاية المباراة .. سلمت عليهم .. وقلت هارد لكم ..
وكانو يسبون العبدالهادي .. لان الهلال كان مضغوط ..

وانت الحين تضرب لي مثال ثاني من امثلة مشجعين الهلال في المدينه .. انا اشهد انكم رجال ..


وطبيعي .. هاللي يصير .. لان هلالك .. ( حارق دمهم ) .. لكن تذكر .. دعواتك اهم شي ..

دعوة المضلووووووم مستجابة .. ياأخوان
  #3  
قديم 27/04/2008, 07:43 AM
زعيــم جديــد
تاريخ التسجيل: 01/09/2006
المكان: المنطقه الشرقيه
مشاركات: 49
والله مااقول الا(لله في خلقه شؤون)

والله ماالومك اذا انحرق قلبك او ضاق خلقك ولكن زي ماقلت

وقد اسمعت اذ ناديت حيا ولكن لاحياة لمن تنادي
  #4  
قديم 27/04/2008, 07:56 AM
زعيــم فعــال
تاريخ التسجيل: 29/09/2007
مشاركات: 338
والله قهر وأكبر قهر



حسبي الله ونعم الوكيل


كله من فصولي وأسير الشوك


وان شاء الله نحتفل بالكاس ويصير طعمه أحسن من درع الدوري


مشكوور اخوي
  #5  
قديم 27/04/2008, 08:03 AM
زعيــم نشيــط
تاريخ التسجيل: 17/07/2005
مشاركات: 516
الله يعطيك العافيه يا أسامه ما قصرت, بس هاللجنة ما تنظر الا من منظار واحد, يعني لا حياة لمن تنادي.
  #6  
قديم 27/04/2008, 08:09 AM
الصورة الرمزية الخاصة بـ ابو مقرن
زعيــم نشيــط
تاريخ التسجيل: 12/05/2007
مشاركات: 745
الحقيقة قرأت موضوعك كلمة كلمة
وعهي تنطق بالصدق وأنا كنت في المنصة ولم نسلم من الرعاع فما بالكم أنتم !!
حسبنا الله !!
  #7  
قديم 27/04/2008, 08:15 AM
زعيــم فعــال
تاريخ التسجيل: 25/04/2008
مشاركات: 241
بيض الله وجهك و ما قصرت

و انت مثال للمشجع الهلالي المخلص
  #8  
قديم 27/04/2008, 08:31 AM
زعيــم فعــال
تاريخ التسجيل: 24/06/2004
المكان: المدينة المنورة
مشاركات: 255
مبروووووووك البطولة

واتحاد الكرة فاشل في ادارة للكرة

عندي سؤال لك يا اسامة الرحيلي هل انت من كان يكتب في الرياضة ؟ ان كنت أنت فمرحبا بعودتك وان كنت واحد ثاني فمبروك علينا قلم جديد
  #9  
قديم 27/04/2008, 08:40 AM
زعيــم نشيــط
تاريخ التسجيل: 17/02/2008
مشاركات: 673
إقتباس
الرسالة الأصلية كتبت بواسطة الزعمااااااء
ااه .. ياأسامه .. اقسم بالله حرفك بكاني !!

عموما الف مبروك البطولة والحمد انك انضلمت بس هلالك فاز ..!!

صدقني .. دعوة المضلوم مستجابة .. ليت جمهورنا .. يعرف هالشيء ..!!

اساليبهم معروفة .. يارحيلي .. ونعم فيك .. واشهد انك مشجع مخلص ..

ليت كل جماهيرنا مثلك .. ومثل شجاعتك .. في الملعب .. وبنفس تشجيعك ..

صدقني عبدالهادي .. مرفوع عنه القلم .. كل شيء في نصك حلو الا اسمه .. هالخاين ..

يارب .. ان شاء .. تحضر مباريات الهلال في جده .. ويفوز فيها .. الهلال .. بس علشان يكرمك ..

ويكرم جمهور المدينة ..

في نهائي النصر والهلال .. كنت قد حجزت ثلاثة مقاعد لاصحابي ..

قبل المباراة بربع ساعة جوني ثلاثة من المدينة شباب .. يبون يجلسون قلت لهم محجوز ..

صرخ المشجع وقال .. انا جاي من المدينة .. متحمل هالخـط .. علشان تقولون لنا محجوز ؟؟

ورفع صوته يكلم الجمهووووور .. ماحد تحرك .. قلت له والله العضيم ان تجلس ...

قالو لي الاثنين الي معه .. واخوياك .. طلعت جوالي وسكرته .. وقلت .. مستحيل اقارن واحد جاي وضارب كيلوات ..

بواحد نايم طول اليوم في بيته ..

في ذاك اليوم انا كنت مواصل .. ماجاني نوم .. حسيت ان عيال المدينه هذولي نفس المعاناة .. ربي ماكتب الفوز ..

كلهم كانو يبكون في نهاية المباراة .. سلمت عليهم .. وقلت هارد لكم ..
وكانو يسبون العبدالهادي .. لان الهلال كان مضغوط ..

وانت الحين تضرب لي مثال ثاني من امثلة مشجعين الهلال في المدينه .. انا اشهد انكم رجال ..


وطبيعي .. هاللي يصير .. لان هلالك .. ( حارق دمهم ) .. لكن تذكر .. دعواتك اهم شي ..

دعوة المضلووووووم مستجابة .. ياأخوان



اخوي الزعماااااء

اولا : ماعليك زود
ثانيا : لاتستغرب مني هالشيء.. والله العظيم اني اموت في الهلال واللي سويته شيء عادي وطبيعي
ثالثا : للهلال قاعدة جماهيرية كبيرة في المدينة المنورة.. واستطيع ان اقول لك ان نصف المدينة هلالي واسأل اي شخص من المدينة وراح يؤكد لك كلامي
رابعا : عندنا في المدينة فريق حواري مشهوووووور اسمه (الهلال) وهو من اقوى الفرق عندنا .. ولكن .. ملعبه يقع في حي اسمه (حي النصر)!!!!

مشكووووووووور اخوي الزعمااااء على كلماتك وثناءك
والله يكثر من امثالك
  #10  
قديم 27/04/2008, 08:44 AM
زعيــم مميــز
تاريخ التسجيل: 27/06/2007
المكان: k.s.a
مشاركات: 12,741
عادي ليه معصبين هذا هو جمهور الاتحــاد مافيه شي غريــب متعودين منهم

لكن اندقــت خشوومهم كالعاده وفاز الزعيم اللي قالوا عنه وبيكيــناهم في ملعبهم وهذا هم من هزيمه لهزيمه وان تحسنوا تعادلو اللهم لاشماته

اللهم لك الحمــــد
  #11  
قديم 27/04/2008, 08:46 AM
زعيــم نشيــط
تاريخ التسجيل: 18/08/2002
المكان: السعودية
مشاركات: 951
الأخ أسامه ...جميع ماقلته عن جماهير الإتحاد ((اللي في المدرج)) أعرف أنه صحيح ..,انا عايش بينهم فتره طويله وكنت أحضر المباريات بمدرجهم أيام تسلط الأهلي عليهم وكانوا يبكون بعد الهزائم زي الولايا على قولتهم ..!! وكانوا يفرحون بالهلال عندما يلعب ضد الأهلي لأن الهلال يبرد كبودهم من الأهلي ...وبعد أن طلع لهم ريش صاروا يتحاملون على الهلال ,,ولم يمنعني ذلك من حضور مباريات الهلال ضدهم وضد الأهلي بنفس المدرج وبنفس المكان تقريباً ...وطبعاً كان الهلال داءم يكسر روسهم ..وابن أمه منهم ..ماكان يرد بحرف على تشجيعي للهلال ...أتعلم السبب ..لأنهم أجبن خلق الله ...وهم إذا واجهتهم رجل لرجل ..سووا فيها رجاله ..وعقل ..ولكنهم في منتهى الفوضى والإنحطاط إذا اجتمعوا ..وخصوصاً اللي يجوا من جبل التشاديه ...وكبيرهم هذا المدعو صالح القرني في منتهى البذاءة ..وجايب معه مبزره يخليهم يرددوا الكلام الوسخ بعيد عن مكان الرابطه ..وفيهم ناس تجيب معاها طوب وقوارير مويه تحذف فيه الحكم ..وعقلياتهم سبحان الله زي الأطفال ..حتى فيهم ناس متعلمين تعليم عالي ..ولكن لما يناقشك بالكورة ..تتمنى أنه يسكت ..ضحاله ..سطحيه ...يعانون من عقدة النقص التي تولدت لديهم من احباط السنين العجاف التي مروا بها ..يعني بالعربي احمد ربك أنك هلالي ..وعموما بكم ياشباب وبجهودكم سيستمر الهلال سيدهم وعمهم وحارق دمهم ..!
  #12  
قديم 27/04/2008, 08:56 AM
زعيــم نشيــط
تاريخ التسجيل: 17/02/2008
مشاركات: 673
إقتباس
الرسالة الأصلية كتبت بواسطة العيون الإيطالية
مبروووووووك البطولة

واتحاد الكرة فاشل في ادارة للكرة

عندي سؤال لك يا اسامة الرحيلي هل انت من كان يكتب في الرياضة ؟ ان كنت أنت فمرحبا بعودتك وان كنت واحد ثاني فمبروك علينا قلم جديد


اهلا فيك اخوي العيون الايطالية
نعم انا اسامة الرحيلي الذي تقصده صاحب المقالات الساخنة والمشهورة في جريدة الرياضية ايام صالح الحمادي وهو من اعطاني الفرصة الكاملة للرد على الرئيس النصراوي عبدالرحمن بن سعود وايضا كتبت في الرياضي قبل ان تصبح اتحادية وفي جريدة الملاعب.
ومن اشهر مقالاتي مقالا بعنوان: (ماجد عبدالله اشهر لاعب صنعته الصحافة!!) وتم نشره في جريدة الرياضية واحدث حينها جدلا كبيرا وردودا كثيرة وايضا تأييدات كثيرة بمحتواه وقلت فيه ان سامي افضل بمراحل من ماجد.. وتصور ان ضابط في الرياض قال لأحد اصدقائي بعد نشر المقال : والله لو اقابل اسامة الرحيلي لأقتله!!!
وعندما كنت اكتب في الرياضية حققت وقتها شعبية لقلمي وكنت انا كاتب الهلال الاول والمحامي له واكبر دليل انك تذكرتني رغم ابتعادي الطويل!!!

شكرا لك لأنك مازلت تتذكرني واذا كنت تتذكر شيء من مقالاتي اتمنى تخبرني واتمنى اتعرف عليك اكثر اخوي
  #13  
قديم 27/04/2008, 09:02 AM
الصورة الرمزية الخاصة بـ @P-ALZAEEM-d@
زعيــم مميــز
تاريخ التسجيل: 04/04/2008
المكان: منسدح بالملحق
مشاركات: 1,627
ما تنلام
هذا هو الجمهور الاتحادي بطبيعتة وبعض الملتزقه بهم ((الفقراويين))

وبصراحة ان الوضع وضع من اجل خدمة الاتحاد وذلك لانها بأرضهم وتوقعوا حضور كثيف من الساعات الاولى وهذا اللي حصل
ويبون يسوون مشاكل مع جماهير الزعيم علشان ما يحضرون مرة ثانية للملعب
  #14  
قديم 27/04/2008, 09:07 AM
الصورة الرمزية الخاصة بـ مستشار الزعيم
زعيــم نشيــط
تاريخ التسجيل: 12/05/2003
المكان: الرياض
مشاركات: 860
السلام عليكم ..

أرفع راسك انت هلالي ..

معادلة :-
رحيلي + الزعمااااء + كل منتمي للهلال = (الأنقياء)
  #15  
قديم 27/04/2008, 09:11 AM
الصورة الرمزية الخاصة بـ Mr. Canon
زعيــم نشيــط
تاريخ التسجيل: 05/05/2005
المكان: Al-Grbiah K.S.A
مشاركات: 515
ياشيخ جايين جايين

حاضرين حاضرين والله لو يعبون الملعب كراتين نيفيا

أنا مدري اخواني لييييه نعصب من كلمة نيفيا

اعتقد كلنا يعرف يرد باستحقار على هالكلمة وما يحتاج اوضح اكثر

وان شاء الله الاتحاد يفوز عشان نذبحهم بالمبارتين في حفرتهم

ونرد على كل اللي ما يبون فريقنا يوصل للنهائي الرابع ع التوالي

اللهم لا حسد

وحاب اقول " يامدور الهين ترى الكايد أحلى "

وتحياتي لأهل المدينة وأهل الغربية كلهم
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:59 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube