وش مضيّق صدوركم؟؟؟؟ - نادي الهلال السعودي - شبكة الزعيم

khalid_an · #1 26/04/2008, 05:22 PM

السلام عليكم ورحمة الله وبركاته

مبروك (إن شاء الله) الفوز بكأس خادم الحرمين الشريفين

متفائل.........؟
نعم متفائل مع أن البطوله (والله) ماكانت تعني لي ولا تشكل للهلال (إضافه) فالبطولات هي من يتزين بالهلال وليس العكس...

بطولات المملكه والعرب وآسيا (حتى التأهل لبطولة أندية العالم) تأهلنا وأن جحدها من ينكرون التاريخ ولا يعنونا بشيء
جمعناها بمختلف مسمياتها وهذا مهوب تخاذل (ولا التخاذل من طبعنا) ولكن هذي هي الحقيقه

أعود لموضوعي

أقول أني لم أشاهد حتى مباراة الأمس ولكن قلتها قبل كذا الهلال إذا حط الشيء براسه جابه ولو بفرك الخشوم ودقها مثل بطولة الدوري دبروا وعدلوا وقدموا ووقفوا المدرب واللاعبين وجبناها لأن الهلال حطها براسه

كتبت موضوع قبل كذا عن لجنة الإنضباط بعد وقفها لكوزمين
تحت عنوان
((يمكرون ويمكر الله والله خير الماكرين))

http://vb.alhilal.com/showthread.php?t=556598

وكنت مصر وواثق بعد مشيئة الله وتوفيقه بفوز الهلال بالدوري
وحدث ماتمنيته وتمناه كل هلالي وكل (عاقل) ومنصف

الآن نحن على موعد جديد من نوع (بطولات دق الخشوم) وحنا لها وعلى قولة عشاق الهلال ((مالها إلا هلالها))

((يمكرون ويمكر الله والله خير الماكرين))

البدائع بلاد الروائع · #2 26/04/2008, 05:28 PM

انا معك 0000والارقام تؤكد00ان الهلال خارج ارضه 000يدق الخشوم صح 000وهذ دعوة لجماهير الهلال بالشرقية او الغربية

الملكي الهلالي · #3 26/04/2008, 05:36 PM

والله انا بالنسبه لي يوم قالي اخوي وهو متظايق ومتنرفز جاني شعور غريب الصراحه وهو اني فرحت ولكن ليس لايقاف التايب ولكن لعودة بطولة دق خشوم مره ثانيه والهلال كما يقول الامير بندر الهلال يعشق طريق الصعاب

وبالتوفيق للهلال ولك اخي خالد على الموضوع الاكثر من رائع

khalid_an · #4 26/04/2008, 05:45 PM

إقتباس

الرسالة الأصلية كتبت بواسطة الملكي الهلالي


	والله انا بالنسبه لي يوم قالي اخوي وهو متظايق ومتنرفز جاني شعور غريب الصراحه وهو اني فرحت ولكن ليس لايقاف التايب ولكن لعودة بطولة دق خشوم مره ثانيه والهلال كما يقول الامير بندر الهلال يعشق طريق الصعاب وبالتوفيق للهلال ولك اخي خالد على الموضوع الاكثر من رائع

إلى اليوم الصباح وأنا أقول البطوله مهيب مهمه بالرغم من تأهلنا لدور الأربعه والنصراويين يقولون بتآخذونها هي لكم البطوله مقرين بقدرة الهلال على (إنتزاع) البطوله بكل الأحوال

وأنا أرد عليهم البطولات اللي أخذناها تؤهلنا للي نبغى نوصل له وش الإضافه من هالبطوله غير زيادة عدد؟؟؟

لكن هالحين ما أخذنا بطولات هالموسم لهالحين ونبغى هالبطوله...

وعلى قولة المثل

((اللي ما يآكل بيمناه ما يشبع))

واضح المقصود أعتقد؟؟؟

CoooooooooooL · #5 26/04/2008, 09:20 PM

بعد التحيه ’’’’’

مافيه شك في هلالنا ياخالد واحنا بالتايب وبغيره نفوز هذا كله توفيق من الله علشان صفاوه النيه
المشكله ياخالد انهم قهرونا وهم يحاربونا وهذا اي شي يجيبونه له وويوقع علي عماها الي متي وهو كذا مايدري وين الله حاطه فيه ,,,,,,,,,,,,,

لكن مااقول الا حسبي الله ونعم الوكيل,,,,

khalid_an · #6 26/04/2008, 09:52 PM

إقتباس

الرسالة الأصلية كتبت بواسطة CoooooooooooL


	بعد التحيه ’’’’’ مافيه شك في هلالنا ياخالد واحنا بالتايب وبغيره نفوز هذا كله توفيق من الله علشان صفاوه النيه المشكله ياخالد انهم قهرونا وهم يحاربونا ,,,,

لا والله مايقدرون يقهرون إلا أنفسهم ويخسون

بس كنا نبغى التايب يمسخرهم شوي هم ولجنتهم

(يضبّطها) لأنها تحتاج تضبيط

ابو عباس الهلالي · #7 26/04/2008, 10:07 PM

وطعم البطولة مايزيد حلاه الا بدق الخشوم يالجنة الاختباص والاعتباط

al-zaeem 11 · #8 26/04/2008, 10:15 PM

مهمـا فعلـوا ما رح يقـدرون ان شـاء اللـه توقيـف الزعييم

khalid_an · #9 27/04/2008, 09:28 AM

إقتباس

الرسالة الأصلية كتبت بواسطة ابو عباس الهلالي


	وطعم البطولة مايزيد حلاه الا بدق الخشوم يالجنة الاختباص والاعتباط

هذا الكلام ومانبغاها إلا بهالطريقه اللي تعودوا عليها منا كل مره ندق فيها خشومهم من راسهم لساسهم