" كــــلامـــ كـــثــيــر .. " - صفحة رقم 6 - نادي الهلال السعودي - شبكة الزعيم

Mr.DL5 · #1 28/04/2008, 11:40 PM

هلا والله ابو مقبل

ياخوي بالله تعرف احد يسلف افكار

!؟

ياخي لي شهرين ودي انزل موضوع وكل يوم اقول بكرة القى لي شي اكتب عنه

.. وعلى هـ الحال لي كم شهر خخخخ

إقتباس


	لماذا نكذب ... ولماذا ندعي امتلاك ماليس لنا ... ولماذا نحاول ان نظهر بغير صورتنا الحقيقة !!!

ياكثرهم هـ اللي مسوين فيها انا القوي ومحد مثلي خخخ

ذكرتني في ايام المدرسة .. عندنا واحد في الفصل كل ما شاف احد مشهور ولا معروف جاء من بكره وصج الفصل كله .. تراني شفت فلان وسلمت عليه خخخخخ

إقتباس


	وفي الساعة 2 ليلاً اتصل علي صاحبي وقال توني خلصت من خوينا !!!!!!

عندي واحد بالمسن مدري من وين جايب ايميلي .. والله يافيه بثاره خخخ

يسولف لك عن كل شئ خخخ

وانا مغير اسلك له خخخخخ .. اخرتها حامت تسبدي منه وصكيته ببلوك خخخخخ

ابو مقبل .. يعطيك العافية

.. ولا تحرمنا من هـ المواضيع

الهلالي الثقفي · #2 29/04/2008, 12:34 AM

هلا و الغلا

ماجد

كلام قليل

لكنه من ذهب

و خير الكلام ما قل و دل

بس عندي تعليق بسيط

افرض إني أعرف واحد مشهور

كيف أقول للناس

مهما جربت من طريقة تظل في أعينهم خنفشاري

قفلة

تخيل قبل يومين مع مين كنت

و الله إني صادق

مع

ماجد مقبل

ماجد مقبل بشحمه و لحمه

تسلم يالغلا على هالإطلالة الذهبية و الرائعة يا بعدهم

بنت عبد العزيز @ · #3 30/04/2008, 12:11 AM

goldest

على الاقل هذي تنبلع شوي ..

اجل قد شفتا احد يطيح خزان بيتهم من السطح ويزحلق في الدرج لين يصير في الصاله الي تحت !!!!!!!!!!!!!!!

بجد انقهررررررررررررر

و اذا ما لقت سالفه
قالت امس قالي ابوي جيبي كاس مويه ورحت جبت كاس مويه بارد بعدين رحت غرفة ابوي وطلع في الحمام قمت حطيت الكاس على الطاوله بعدين جلست اشوف الكاس بعدين قمت شربت المويه

حش دعايت سفن اب صارت !!!!

( خيو ماجد شكل موضوعك حالف يتسكر

سوووووري )

د. زاحف · #4 30/04/2008, 05:05 AM

خخخخخخخخخخخـ

يعطيك العافية أخوي ماجد على الكلام الكثير و الحلووو

BLUE-STAR · #5 02/05/2008, 07:02 AM

سمعت اشاعتن طارفه تقول ان الموضوع بيتقفل قلت يابنت روحي ردي عالاديب وحطي قلب

وتفتحي قبل لا يقفلوونه

إقتباس


	انا ماقلت شي أنت اللي عزمتنا >>خيرك سابق ياأديبنا

درر درر ياريري لله درررك ما اروووعك ورده

... وش راايك ياابوونا الكبير ترا بووه نااس بالانتظار
بس يبوون أشاره ويجوون مداابك

إقتباس


	" جوال الشيخ عائض القرني "

الصراحه مووب لم احد لا واللي زاد الطين بله ان المشايخ خاتم بصبعه
يااسااتر يالفقش مير باحترااف بعد <<الله يهديه بس

إقتباس


	ويعبرون بأفعالهم (( ضرب , قتل , اغتصاب , سرق )) عما بداخلهم من مشاعر !! وذلك بسب عدم تعوديهم على الحديث او حرمانهم منه في مراحل مبكرة من العمر !!

مييييييييين يااسمعك يااأديبنا يعني معقوووله أذاا ماحطوو الدكه قريبا سريعا عاجلا عشاان نعبر باللي بخواطرنا ومشاعرنا نصير مجرموون وسفااحووون

<<حالته صعبه

شكرا كثير وكبير على الكلام الكثير الكبير ورده ياأديب المجلس العام <<بعد الجمله حقت تعبير مابالنفس..
اديب الادباء.. ان شاء الله بعد ماقمت بالايضاح يصير تطور كبير بالمجلس

تغريد · #6 02/05/2008, 09:45 PM

فهد الاحمدي
صديقي اصدق شيD:

كل يوم يرسلي 3- 4 رسايل

زي الخاتم باصبعي D:

بو فهد عم جواهر · #7 16/05/2008, 02:17 AM

ماجدمقبل

شوووهد الموضوع

الله يعطيك العافية

الكذب شي لا يمكن ان احتمله
واني لا اطيق الكذابين
لاني احسه يستخف بمن هم حوله

صدق انا اعرف ماجد مقبل وعندي
رقم تلفونه ههه

تقبل تحياتي@

الوا يلي · #8 21/05/2008, 07:03 PM

اهـلا وسـهلا بالاديب ماجد

اسعد الله مـساؤكـ
نفسي اعرف كل هالردود على الموضوع ولاشفته انا

لأن مواضيعك بحرا علينا ان نغوص في اعماقه
لنلتقط اللولو والمرجان لنستحوذ الالماس والمحار
فمن لايجد الغوص فقد حرم الخير كثيرا هاكذا هو الصواب
ماجد

انت مبدع اي ماخطيت القلم سينجرف الابداع
مقتلعا كل مايواجه
بإنتظار الجديد والمفيد كما تعودنا

.

لاتنـسى ترد على مسج الاحمدي

تراه صديقي بعد

.
اعتذر لتأخرري

.
.
.
تقبل مروري بإعجاب دائما ورده
.
.
.
اخوكـ
.
.

الـ وايـلي

الهنوووف · #9 26/04/2008, 08:41 PM

..
وعليكم السلام ورحمه الله وبركاته

ماجدونا منزل مووضوع

هلا بك اخوووي

اعجبتني المقدمه
حسيت انك مدري وشو

كانها روايه مترجمه
المهم انها تشبه لشي نسيته

جاوبت بنفسك المساله هياط كما تسمونها يالشباب
عندما يكون النقص تتولد قنبله داخليه لايتم تفجيرها الا بالكذب والمبالغه

واتوقع مساله الهياط والفشخره على غير سنع وخصوصا الي لاتمت للواقع بصله هي مرض نفسي نسال الله ان لانصاب به
يعني ممكن ناس ماتعي ماتقول

يعني دايركت تلاقيه يكذب ويبالغ بسبب عقده او نقص او مرض داخلي

الاهم من ذا ولاذا ان نتوجه بالدعاء لمن اصاب بهذا الداء وعدم الاستهانه به

ومن علاجه ايضا
اننا نوضح للشخص انه كذاب ومانعطيه مجال يكذب ثاني وثالث يعني نحرجه خليه يستحي على وجهه

ومايكذب على ماجد مره ثانيه

تصدق جاتني فتره كل يوم اشوف ابوعبدالله (سامي الجابر )

تلفزيونا طبعا

انا اشوف ان الواحد لازم يلاقي له مستمع بين اسرته حتى لايلجأ لناس مو كفو انه يشتكي لهم
حتى الطفل ايضا محتاج لمستمع وموجه له
كثير اسر مو تاركه للطفل حريه التعبير او انه يعطي رايه
ماشاء الله مره كانوا عندنا بنات من اقاربي

معاهم اختهم تقريبا مايتجاوز عمرها 7 سنوات

فكانت تتشارك معانا بالكلام وكنت مستغربه انهم تاركين لها المجال لاني متعوده على ان الاهل غالبا يسكتون عيالهم الصغار

لاوماشاء الله كانت اختها الكبيرة لمن تكون الصغيره تتكلم وحنا مو منتبهين لها او كذا وحده تتكلم
كانت تسكت الي يتكلم وتعطي فرصه لاختها الصغيره
عجبوني مرره وماشاء الله البنت لسانها طلق بالكلام وكلامها يجنن وبنفس الوقت مؤدب

انا احب اسمع اكثر من اتكلم استفيد من كلام الناس وفضفضتهم واتعلم من مشاكلهم

حتى كبار السن يحتاجون لاحد يسمعهم بس للاسف الكثير مهملينهم والبنت والشاب بعد محتاجين لمن يسمعهم
والا ليه يلجاؤن لناس غريبين يتكلمون لهم وياليتهم يفيدونهم بالعكس يسمعون بعدين يضرون

ماورد برساله الاحمد

اجل في حمام زاجل

كل يوم عند شباكناا

تهقون تجسس

انا احس ان معاه رساله بس مالقيتها

لحظــه برووح اطبع ورقه

الساعه 8,7

عدنــا 8,17

موضوع طويل لي يعادل فقره قصيره لك ماشاء الله

لاتقارن نفسك فيني مره ثانيه ترى تقلل من قلمك

ان لقلمك عليك حق

يعيش التواضع

من حضره جنابي >>>تواضع وحضره جنابي ماتجي