#1  
قديم 26/04/2008, 06:16 AM
زعيــم متواصــل
تاريخ التسجيل: 07/04/2006
المكان: القصيم ـ بريدة
مشاركات: 56
Angry #..# لمـــا أضـــربكـ .. انتبه .. واحذر .. انك ما تبتسم لي .. خلـكـ ( رخمـه ) #..#

السلام عليكم ورحمة الله وبركــاته


أولاً : أبـــاركـ لشعــــب الزعيــم هــــذا التـــــأهل .. وكذلــــكـ أهنيء اللاعبين اليــوم لا أقول أغلبهم صف ثاني .. فمن شاهد مستوى اليوم تختلف الأسماء والأرقام لكن المستوى يظل واحــد ( هلالي وش الغريب ..؟؟ ) ...



.:.أووف ياسر ماراح يلعب.:.



هـــذه العبــارة سمعتهـــا كثيــراً ممن أعرفهــم عندمــا علموا بعــدم مشاركــة القنـــاص ..


هــذه العبـارة قــرأتهـــا من بعض الأعضـــاء هنـــا بعد قراءة الخبــــر ..




ومنهــم من قال : من الآن مبروووكـ للوحــــدة ..




عجبي ياهـــؤلاء .. من متى كـــان الزعيــم باسم لاعب فقط .. ؟؟

ومن متى كــان الهلال لا يعرف الانتصــار الا ببعض الأسمـــاء ..؟؟




لقـــب (
الزعيــم ) سببه البطــولات .. صحيح .. لكن كم من لاعب كان السبب بعد توفيق الله في جلب البطولة ..؟؟

اتـــرك لكم الجواب .. لتعرفوا أن
الهلال فقط اجعل امامه مستطيل اخضر وشبك في آخـــره يريك الابداع ....!!!!!




لســت أنتقــص من ( ا
لكاسر ياسر ) فهو .. الساحر الشاطر الماهر الكاسر ( ياسر ) ..

نعم حضوره لــه هيبــه .. وغيــابه يفقدنــا أغنيــة التاكسي .. لكن لا يفقدنا طعم الفوز ..




فاليــوم أسمعنــا التايب أغنيــة ( أنا صاحي ) بالهــدف الأول .. وأغنيــة .. ( جيتك مشتاق لبعادك ) بهدفه الثاني ..





.:. أفا جددتـــوا للتايب..وشوفــوا وش سوى..ليتكم مأخرينها شوي.:.



هـــذه العبــارة رددهـــا الوحداويــون بعــد الهــدفين القاتلين في بداية المبــارة ..


حتى لو ما جـــدد بيسويهـــا لأني خــابره (
بو طبيع ما يجوز عن طبعـه ) وطبع ابو نادين .. يا أسجل هدف .. يا أصنع
هدف ..




اعذرووه يا جمـــاعه .. من يوم عرف الكورة وهو كــذا مجنون فن .. تبغــون الحين يغيـتر طبعه ..



يا (
brince ) خلال هالمــوسم دخلت الترشيحات .. وأبشركـ الناخبين رشحوكـ فأصبحــت ( king ) ..



ياليبي .. مالذي فعلتـه .. مالذي عملتـــه .. بالعربي وش سويت .. بجماهير الأندية الأخرى .. أصبح الكل الآن يتمنى ايقافكـ .. خاصــة جمهور ( الموز ) .. اللي غرب واللي بالوسط ..


صناعــة لعب .. وكنت على اعلى مستـــوى ..


تسجيل أهــدف .. بكل الطــرق سجلـــت .. وبكل الكــور أودعت رصيدك بالاندية الاخرى ..


تسحيب بلاعبين .. وكل فريق تقابله يوصي لاعبيه يلبسون تي شيرتين .. الخوف من الفضيحة بأحــد السحبات ..


مهـــارات .. وكل مباراة نتعلم مهارة جديدة .. واذا جيـــت أبغى أطبقها .. أكون من بكـــرا حاط شد على رجلي ..


تكعيــب .. صار اللاعب اللي مكلف بمراقبتكـ .. يجيه التــواء برقبتــه من كثر ما تكعب وهو يلتفت يتابع الكورة ..


تصـــدق
حتى بـاص عيــون لما تســويها .. أنت تحطهــا يمين .. وعيــونكـ يســار .. أول ما سويتهــا مصوري المباريات انغشوا منك ..


ارحــم .. ارحــم .. ارحــم .. يا تايب .. الكل يحسب لك الف حساب .. تعبتهم ..




.:. لمـــا أضـــربكـ .. انتبه ..واحذر ..انك ما تبتسم لي .:.



طارق التايب
.. يذهب لتنفيذ الضربة الركنية الهلالية .. ثم يفـاجأ بقارورة مويه تمشي مليون .. وآآآآي مع الرقبة ..


التايب يلتفت لمصدر من حذف القارورة .. فاذا هم جمهور الخصم .. يطلقون صيحات استهجان ..


ونحن نعلــم أن ردة الفعل لدى الانسان طبيعية .. وهي على حسب الموقف .. وحسب ظروفه ..


فكانت ردة فعل
التايب .. بعد القارورة اللي لينت رقبته .. وبعد سماع صيحات الاستهجان ضده .. أن بصق تجاه من رماها .. وأشار باصبعيه ..




اشارة الاصبعين ( لهــا مدلول كبيــر .. ومعاني كثيرة .. قوية وصريحــة بنفس الوقت ) ..


بما معناها : أنا سجلـــت هدفيــن .. وأنتم ما عندكم ثقة بلاعبينــكم يوم انك أذيتوني ..


انا سجلت هدفيــن .. وأنتم رميتوا القارورة .. وصارختوا ضدي .. أصبحت تعادل .. (
لكن شتان بين هدفك وهدفهم ) ..




طيب لاعب .. كان يؤدي واجبــه .. ويخـــدم فريقــه .. ويبســط جمهــوره .. ومحترم مع لاعبينكم .. وماسوى شيء لكم يالجمهور .. كذا تعاملونه ..




يعني بالله تبغون ينكب هدفين .. وتنبسطون منه .. فعلا ( كلنا نملك عقول ..
لكن بعضنا فقط من يستخدمها ) ..




لا وبعد كذا .. يجون ويسبون التايب في المنتديات .. وأنه بصق على الجمهور السعودي .. وهو ليبي ..




أتعلمون أنكم بهذه العبارة أهنتم أنفسكم .. أنكم تقبلون أن يبصق عليكم سعودي لا ليبي ( وهنا تسمحون لأنفسك بأن تهانوا ) ..


ومن جهــة أخرى .. أنتــم تنشرون التعصب بهذا الكلام .. لأنها عبارة عنصرية .. ( وهذه العبارة أتت أيضا من وحداويون وغير وحداويون ) وأنتم أبخص ..


ثم يخــرج البعض علينا .. ويقول ياطارق أنت لاعب محترف .. كيف تفعل هذا ..؟؟

* وهل اللاعب المحترف .. ليس له احاسيس ومشاعر .. هل اللاعب المحترف الجسم انسان لكن الداخل مكينه .. ( يا سبحان الله ) ..


ويخرج آخرون ويقولون كذلك اللاعب نواف التمياط حدث له مثل التايب .. لكنه لم يبدي ردة فعل ..؟؟

* يا جماعة فرق بين واحد تضربه قارورة مع رقبته .. وبقوة .. ومن مسافة بعيدة .. وبين لاعب آخر تأتي القارورة بجوارة ولا تلمسه أو تصله ..



ثم يخرج لنا آخرون ويقولون .. هذا اللي شفناه من التايب يوم جددوا معه .. أصبح متغطرسا ويرى نفسه فوق الناس ..؟؟


*
ياسبحان الله .. هل أصبح من يدافع عن نفسه متغطرس وشايف نفسه .. أجل تبون تضربونه .. وتطلقون عليه صيحات ويبتسم بوجيهكم حتى يكون متواضع بنظركم .. هذا ليس تواضعا بل يسمى .. خوف .. وبالعامية هذي رخامه.



..
.:.كوزمين أولاريو لابد من معاقبته من لجنة الانضباط .:.




كوزميــن مشكلــتكـ أنك اتيت لنـــادي .. برجاله .. ولاعبيه .. وبطولاته .. وانجازاته .. لم يحققوها .. ولا في أحلامهم ...!!!


فهم جلسوا يفكرون .. يقولون : هالهلال أعوذ بالله ما يشوف لون ذهب .. الا جاء وأخذه ..

هالهلال .. ما يطلع من لاعبينه الا نجوم .. وكبار .. وأساتذة كورة .. وأسماء لا ينساها التاريخ ..

هالهلال اعضاء شرفه .. ما عندهم مشاكل .. واذا عندهم مشاكل ما يهايطون عند العالم وينشرون غسيلهم ..

هالهلال رؤساءه .. ما يقاس نجاحهم باحضار لاعب .. ولا بلا بطولة معينه .. ولا بفلوسه .. يقاس بكم أحضر من بطولة .. فقط ..




هالهلاليين .. كل كلامهم .. نستعد للبطولة .. وعندنا لاعبين قادرين .. وعندنا احتياط جاهز .. ونحب نبارك لجماهير الهلال بالبطولة ..




اخيراً وصلوا لحل : انهم يجعلون طريق الهلال كله حفر .. وتحويلات .. ومطبات .. وحواجز ..

# فبدأو بنقطة ضعف الهلال : وهي خدمة المنتخب .. تعالوا يا منتخب بنعسكر استعدادا للبطولة اللي تبدأ مع سنتين ونص .. وأول استدعاء للاعبي الهلال .. ولاعبي الأندية الاخرى .. لا خلهم بناديهم عندهم مهمة خارجية وطنية .. ( الهلال فريق غير سعودي ) ..

النتيجه : الهلال يلعب بالبديل الجاهز .. ويحصد ألقاب .. اذن الخطة ما نجحت .

#
قالوا والله الهلال فريق تحكيم .. وبطولاته كلها غش بغش .. ثم راحوا يسردون الاخطاء الطبيعية التي تحدث من كل الحكام وعلى رأسهم ( كولينا ) .. وهي اخطاء غير مقصوده .. حتى لو مباراة وديه .. صاروا يحسبون الاغلاط التحكيميه .. وما عنكم ببعيد تصريح التونسي قبل لقاء اليوم ..وتصاريح جيراننا الاعزاء ..


فأصبح الضغط عالحكام بانهم يغشون ضد الهلال .. وخذ بالنتيات بانواعها .. واير لس .. وبلوتوث .. رسايل وسائط .. وبلنتيات معايده ..



النتيجه : الهلال لا ينظر للتحكيم .. ولا يعيش لاعبوه ضغط الظلم التحكيم .. ويالله هات بطولات ..

# قالوا لا لاعبين الهلال عندهم اللياقة ( فل ) .. خذ رص مباريات .. وخذ ضغط مباريات .. حتى وصلت لدرجة انك تلعب نهائي بطولة .. وبعدها بأربع وعشرين ساعه تلعب مبارة من نوع ( أكون أو لا أكون ) .. والسبب ارهاق لاعبين الهلال .. وارهاق الاجهزة الفنية والاداريه .. بل وصل الأمر أنك تواجه فريق خمس مرات في شهر واحد فقط .. طيب ليش .. انت هلالي مالك حق تحتج ..


النتيجه : الهلال ولا همه .. ولا على باله .. قال عطونا كمان بطولات ..



#
قالوا وش ذا الفريق اللي ابتلشنا فيه وياخذ كل شيء .. لازم نوقفه عند حده .. قل شيء يعطي وجه للي أقرب له بعدد البطولات .. لازم نسحب لاعبيه ونوقفهم ..

يا لاعب نجران ( عض )
ليلو وماجاك علينا .. تم ( العض ) وليلو بحركة لا ارادية كوع للاعب .. تعال يا ليلو يا غشيم يا متعجرف يا ارهابي .. وقفوه ست مباريات بجميع البطولات ..

تعال يا عزيز ليش تروح لزوجتك يوم كانت مريضه .. وهي بغرفة الطواريء بالمستشفى .. ولا تستأذن .. تعال اربص ست شهور لا نشوفك لامس كورة ..

وأنت يا مدرب ماتستحي على وجهك يوم ان الحكم يضركم ويغش عيني عينك .. تصارخ وتعترض ليش تطالب بحقك الضايع .. صدق انك ما تستحي تعال لا نشوفك عند دكة البدلاء مباراتين ..


النتيجه : كوزمين : في اخر الموسم جلب بطولتبن بأقل من شهرين .. وتأهل لنصف النهائي وعلى مشارف البطولة باذنه تعالى ..

ضعـواأمام الهلال ما تريدون .. واجعلوه يتعثر بكل عوائقكم .. لكن باذنه تعالى يصل للبطولات .. لأنه ( الحق يرجع لأصحابه ) .


على فكرة : أنتم ياللي ما تبون الهلال ياخذ بطولة فيه طريقه سهلة تخلون الهلال ماياخذ بطولاتكم ..


تدرون كيف ..؟؟


انا أقولكم : لا تقولون ان الدرع أو الكأس لونها ذهب .. لأنكم أنتم الخسرانين .. لونوهن بأبيض أو فضة أو ستيل .. أهم شيء لا تقربون الذهب ..





,, كانت أحرفي .. خربشات قلمي .. فما اعجبكم منها خذوه .. وما كان ماسركم فدعوه ,,


.. اتقبل النقد بكل صدر رحب ..

اضافة رد مع اقتباس
  #2  
قديم 26/04/2008, 06:24 AM
زعيــم مميــز
تاريخ التسجيل: 05/08/2005
مشاركات: 2,542
يعطيك الف عافيه..,,


اسلوب اكثر من رائع في الطرح..,,

ابو نادين مو غريب عليه هالأبداع..,,


ولا تستغرب لجنة الاستعباط توقفه الى نهاية الموسم ( وما حادثت ليلو عنا ببعيد )

على كلاً الف الف الف مبروك عالتأهل..,,
اضافة رد مع اقتباس
  #3  
قديم 26/04/2008, 06:25 AM
زعيــم جديــد
تاريخ التسجيل: 11/10/2007
مشاركات: 38
وربي كفيت ووفيت

واحلى شي سواها التايب التفله المحترمه تمنيت ان يدخل المدرج ويسطر راعي القاروره

الحين اقدر اروح انام لاعدمتك يابطل
اضافة رد مع اقتباس
  #4  
قديم 26/04/2008, 06:28 AM
زعيــم متواصــل
تاريخ التسجيل: 25/03/2008
المكان: الولايات المتحدة الامريكيه - لوس انجلوس
مشاركات: 111
ماشاء الله تبارك الله [ طارق لاعب متمكن ] والعين عليه بارده
واذكرو الله لما تشوفون لعبه وفنه
وشاكر لك اخـــوي على ها الموضوع
تقبل مروري ...
اضافة رد مع اقتباس
  #5  
قديم 26/04/2008, 06:31 AM
زعيــم مميــز
تاريخ التسجيل: 04/07/2007
المكان: وين مايروح الازرق
مشاركات: 1,707
نفس النك بتاعي


حيا الله السمي الي ماقد كتب

غير نكك

امزح لاتصدق
اضافة رد مع اقتباس
  #6  
قديم 26/04/2008, 06:37 AM
الصورة الرمزية الخاصة بـ مخاوي الذيب الهلالي
زعيــم نشيــط
تاريخ التسجيل: 04/02/2008
المكان: جنب بيت جـارنا
مشاركات: 608
ماشاء الله تبارك الله [ طارق لاعب متمكن ] والعين عليه بارده
واذكرو الله لما تشوفون لعبه وفنه
وشاكر لك اخـــوي على ها الموضوع
تقبل مروري ...
اضافة رد مع اقتباس
  #7  
قديم 26/04/2008, 06:41 AM
زعيــم متواصــل
تاريخ التسجيل: 10/02/2006
مشاركات: 118
ماااااقصررت اخوووي ......واسلوووبك جمييل جدا

وماأقوول الا الله يعينا على لجنة الانظباط.

وخرااابيطهاااا....مشكووور
اضافة رد مع اقتباس
  #8  
قديم 26/04/2008, 06:48 AM
زعيــم مميــز
تاريخ التسجيل: 10/10/2001
المكان: نادي الهلال
مشاركات: 1,941
صدقوني محد فهم السالفة غيري .. التائب كان يبي يتمضمض ياعالم ..

والوحداوي ارسله ماء قاله تمضمض والتائب راح للوحداوي قال شف تراني قاعد اتمضمض ..

وشفيكم انتم

نسيت أشكرك على موضوعك الجميل .. لاتحرمنا من كتاباتك الله يهديك بس 3 مشاركات ..

يلا ترا اذا ماكتبت ترا بجيبلك فيصل عبدالهادي
اضافة رد مع اقتباس
  #9  
قديم 26/04/2008, 07:07 AM
زعيــم فعــال
تاريخ التسجيل: 21/10/2006
مشاركات: 356


افتخر في منتدانا لاصار فيه كاتب مثلك وشرواك ..
وعلى قولة المثل : المنتدى مايحلى الا بكتّابه .

إقتباس
على فكرة : أنتم ياللي ما تبون الهلال ياخذ بطولة فيه طريقه سهلة تخلون الهلال ماياخذ بطولاتكم ..


تدرون كيف ..؟؟


انا أقولكم : لا تقولون ان الدرع أو الكأس لونها ذهب .. لأنكم أنتم الخسرانين .. لونوهن بأبيض أو فضة أو ستيل .. أهم شيء لا تقربون الذهب ..



لو يخلون الكاس من بلاستيك .. استعمال مرة وحدة .. مهب ازين ؟
اضافة رد مع اقتباس
  #10  
قديم 26/04/2008, 07:45 AM
زعيــم متألــق
تاريخ التسجيل: 13/02/2006
مشاركات: 1,019
,, كانت أحرفي .. خربشات قلمي .. فما اعجبكم منها خذوه .. وما كان ماسركم فدعوه ,,


.. اتقبل النقد بكل صدر رحب


لاوالله ابا آخذ كلامك كله

ماشاء الله عليك
اضافة رد مع اقتباس
  #11  
قديم 26/04/2008, 08:17 AM
زعيــم متواصــل
تاريخ التسجيل: 27/11/2007
المكان: حائل
مشاركات: 130
كتبت فابدعت .....................

التايب غلطان ........ المفروض يسكت ويصبر لين يطلع الدم من راسه عشان تكون فيه ردة فعل

( هذا اللي يبونه الربع )
اضافة رد مع اقتباس
  #12  
قديم 26/04/2008, 08:23 AM
زعيــم متألــق
تاريخ التسجيل: 04/07/2005
المكان: الريــآض
مشاركات: 1,022
الاخ .. دمي ازرق وابيض.. تصدق اثلجت صدري بالموضوع الراائع بل اكثر من رائع

ووفرت علي الكثر من الوقت لـ الرد على الكلام الموجه لـ البرنس طارق التايب

مادري الناس هذي ماعندهم شي يكتبونه الا طارق ورده فعله ؟

طيب ليش ماقلت وش موقف طارق التايب والقاروره تجيب على رقبته ؟

شكـرا اخـوي ولاتحرمنا من ابداعاتكَ " ياكنق الرياضـه "
اضافة رد مع اقتباس
  #13  
قديم 26/04/2008, 10:08 AM
الصورة الرمزية الخاصة بـ enad
زعيــم متألــق
تاريخ التسجيل: 17/01/2001
مشاركات: 1,145
موضوع ممتاز بارك الله فيك
وهذي لجنة الانحطاط همها الوحيد الهلال ولو انه اي فريق ثاني كان طلع من الموسم خالي الوفاض
بس هذا الزعيم ياسادة اوقفوا التايب انقلوا المباريات اضغطوا على الهلال
في الاخير الله بيكون مع المظلوم على الظالم باذن اللي ماتنام عينه
والف مبروك الفوز
اضافة رد مع اقتباس
  #14  
قديم 26/04/2008, 10:34 AM
زعيــم متواصــل
تاريخ التسجيل: 28/02/2008
المكان: الرياض
مشاركات: 128
موضع جدا متميز

اشكرك من الاعماق على الموضع هذا وعلى اسلوبك الرائع في الطرح

ما بقيت سؤال يدور في ذهني من مباراة الامس الا وجاوبت عليه

وجاوب منطقي ومعقول

والتايب رده دايم يكون في الملعب شفناه بعد الحركه اللا اخلاقيه

اللي قام فيها جمهور الوحده رجع بحماس اكبر و تمريرات رائعه

لو ان عامل التوفيق والحظ كان معنا وقتها كان طلعنا من المباراه باربعة اهداف

واعجبني كلام المعلق يوم قال وكان يقصد التايب ( انتم اضربوني وانا اسجل اضربوني

وانا امرر ) بالفعل يا تايب يا كبير دائما ما عودتنا على ان ردك القاسي والقاسي جدا

يكون على المستطيل الاخضر وبالنسبه لردة الفعل اللي كانت من تايب فاعتقد الاخوان

في المنتدى تكلمو عنها كثير وانا اشوف ان ردة فعله كانت قويه شوي ولكن ما نلومه

اخوي ،،،

دمي ازرق وابيض

دمت ودام عطائك
اضافة رد مع اقتباس
  #15  
قديم 26/04/2008, 04:58 PM
زعيــم متواصــل
تاريخ التسجيل: 07/04/2006
المكان: القصيم ـ بريدة
مشاركات: 56
أشكر كل من شرف موضوعي بأحرفه



وأتشرف بكل من سجل مروره بموضوعي هذا



فعلا هذا هو الواقع الذي نعيشه


( يا هلال انسى انك تاخذ بطولة بدون نكد )



لكن الهلال يرد عليهم دائما


( أنا احب البطولات وتراني غاوي نكد )




مره اخرى الف الف شكر لكل من سطر حروفه بموضوعي المتواضع





تحياتي لكم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:12 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube