#1  
قديم 26/04/2008, 01:18 AM
زعيــم نشيــط
تاريخ التسجيل: 22/01/2004
المكان: الشــــــــماسية
مشاركات: 568
Post ولم العصا قبل الفلقه .. مبروك الفوز يازعما احمدو ربكم ... تنظيم فاشل !

سم الله الرحمن الرحيم ...


انا اقول كما يقول خلف مشعان انا لا اجيد المقدمات << متأثر بشاعر الميون


على العموم بخش بالموضوع على طووول ابو عباس خلص المبارات وهو خشته مندلقه بالغه(مستانس)<< ايقاله لغه


يوم ابوعباس خلص قال يارجال خل نشوف زعماء شبكتنا الحلوين وش كاتبين ..



ادخل الغرفه واطق المكيف واولع النبه (المصباح)< الحين لغه


عموما واجلس عند الكمبيوتر وادخل منتدى الجمهور الهلالي ...


والقى المواضيع على النحو التالي :

1- جاك يامهنا ماتمنا .

2- لجة الانظباط مبروك .

3- لجنة الانظباط ياعدوت الهلال .

4_ مبروك يافصولي انت وصديقك البلوي .

اعتقد الشي ذا من باب ولم العصى قبل الفلقه .

حطيتون مسخره ياجماعه ..

الحين انتم سمعتو شي من لجنة الانظباط ؟ الاجابه لآ

طيب ليش كل هالكلام الفاضي ..

حنا تونا فايزين خلونا بفرحتنا ..

على العموم خلصنا ...

النقطه الثانيه ابارك لكم هذا الفوز المستحق وعلى التأهل لنصف النهائي احمدو ربكم غيركم انهزم من الحزم وصار حبيب قلبهم البلطان عدو ( اللهم اجعل حيلهم بينهم )

وثالث نقطه هي تنظيم الاستاذ معقوله هالسفاهه يعني قوارير مويه وقارورة حمضيات عائلي بعد خخخ

الحين على حد علمي وعن تجربه شخصيه لي اني لارحت للمعلب مايدخلون علب المويه حتى كيسة الفصفص يعيون يدخلوناه ..

ليش يصير كذا طيب وين الاتحاد السعودي وين مسؤوليه والا مشغولين بتوصيل الطلبات للمنازل وترتيب الجداول عند المنفوخ عاد هذا الادمي يبيله مواضيع لحالها خلونا منه ذا التفخ << تراني دب

ختما اسف على الاطاله والبربسه الزايده ..

تحياتي

محمد

سلآمـ
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:13 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube